[paradies]

ابقوا طمنونا يا جماعه عملتوا ايه في الانترفيو انهارده

ياريت حد يرد علينا من الناس لي قدمت

[محمد زيدان 86]

اللى حابب يعرف اية اللى حصل النهاردة يتفضل من هنا
https://www.flyingway.com/vb/showthre...304#post821304
وطبعا مافيش محجبات اتقبلت قطعا

[heba magdy]

هااااااى
أنا رحت النهاردة الإنترفيو ، و عايزة أقول لكل أصحابنا اللى هنا ، عالفكرة فى بنات كتير كانوا محجبات و كانوا رايحين ، أنا سمعت أنهم عايزين ناس كتير ، ربنا بس يوفقك الجميع ، بس عايزين ياريت نتابع مع بعض موضوع الخطوط السعودية لأن أنا دايما بتصل عليهم و فى إحتمال كبير يكون فى إنترفيو فى شهر واحد أو إتنين ، أنا هتصل عليهم ، و أتأكد إذا كان فى أى حاجة و هبلغكم إنشاء الله بآخر الأخبار ، و يارب الكل يحقق أحلامه

باااااااااااااااااااااى

[سيسس]

مش مشكلة يا هبة إن فيه ناس محجبات راحوا

لكن هل اتقبلوا

أعتقد لأ لأنو محمد زيدان قال إنهم مقبلوش محجبات نهائي

عموما ربنا يوفق الجميع وكل ال قدموا يتقبلوا يارب

[loulaa]

اية مفيش اخبار عن اللى راحوا وقدموا السى في فالعربية .............. هما قالوا انهم حيتصلوا بلى قبلوا خلال يوم ......... ربنا مع كل اللى قدموا

[محمد زيدان 86]

اقتباس:     المشاركة الأصلية كتبت بواسطة loulaa  

اية مفيش اخبار عن اللى راحوا وقدموا السى في فالعربية .............. هما قالوا انهم حيتصلوا بلى قبلوا خلال يوم ......... ربنا مع كل اللى قدموا

مش فاهم
هاستصلوا النهاردة المفروض
ولا يتصلوا فى يوم تانى

[heba magdy]

يارب يا سيسس يوفقنا كلنا ، محمد لسه حتى بيقولوا أنهم متصلوش عليه لحد دلوقتى بس أعتقد أنهم لو عايزين يتصلوا على حد كان من بدرى ، المهم لو عرفتى أى شركة عايزة بلغينى ، وربنا يوفقك يا جميل

باى

[loulaa]

انا عملت الانترفيوا مع البنت المصرية (she told me in case we accepted you we will call you tommorrow ) انا كنت رقم 219 فمش عارفة هو بالارقام ولا عادى ..........بس صحبيتى دخلت قبلية بكتير قالتلها انهم حيتصلوا انهاردة لو قبلوها عموما مافرقتش انهاردة من بكرة (good luck all of you )

[paradies]

اقتباس:     المشاركة الأصلية كتبت بواسطة محمد زيدان 86  

كلام جميل
بس سوال هل انت متاكد من هذا الكلام لان لو مش متاكد هاتبقى ازمة لو الكلام اتغير
فاتمنى الرد هل متاكد ولا توقعك مثلا
ونشكرك على الافادة بالطبع
مرحبا فيك

حبيبي محمد الموضوع طبعا زي ما انت شوفته والموضوع مش مستاهل اتأكد ولا لا وانا الحمد لله كنت مقدم في الاتشيك ان بتاع طيران العربيه من الشارقه بس للأسف طالبين خبره ولو سنه واحده حتى لو في اي مكتب سياحه وسفر وانا مكنش عندي اي خبره .

اي مقابله شخصيه وبذات لو هيا اول مره لازم يكون فيها كدا لانه الاول بيشوف شكلك وطريقتك واسلوبك في الكلام كويس ولا تعبان وبعد كدا اذا اتقابلت بيكمل معاك الاسئله وبخصصها شويه وطبعا بتتفرم في المقابلات بعد القبول انما اول مقابله من السي في بتاعك وشغلك والحاجات لي انت اكيد شفتها .

تحياتي ليك وبالتوفيق ان شاء الله واشوفك قريب على طيران العربيه

[sara2010]

ميرسي يا هبة على اهتمامك بتوصيل المعلومة للجميع وياريت فعلا نوصل المعلومة دي لبعضنا احنا المحجبات اول لما نعرف ان في شركة بتقبل لاننا فعلا مظلومين في الموضوع ده يعني انا امنيتي ابقى مضيفة بس المشكلة اني محجبة والحجاب مرفوض طب وبعدييييييين عموما ربنا يوفق الجميع

[shakaleta]

السلام عليكم
انا عارفة ان ردي متأخر شوية بس كان النت عندي فيه مشكلة ، المهم انا رحت الانترفيو كان في الاسكندرية ، الناس كانت كتيرة اوي انا رقمي كان 404 وتقريبا كان فيه لحد 700 او 600 وحاجة ، بس قدمت السي في وسألو اسئلة سهلة واغلبها اسئلة شخصية وقالولى انهم هيتصلو بس ولحد دلوقتي محدش اتصل الحمد لله على كل شئ .
اهم حاجة عايزة اقولها اننا منفقدش الامل سواء اتقبلنا ولا اترفضنا كل واحد مننا ليه نصيبه ..... تحياتي