[kabten.nfc]

بسم الله الرحمن الرحيم

السلام عليكم ورحمة الله وبركاته ..

اتمنى لكم يوم جميل وسعيد ايها القارئ العزيز ولاتروح الا وانت مساعدني لاهنت

قدر الله علي وشريت لعبة Flight Simulator X/Steam Edition

والصراحة شريتها لاني عموما احب ألعاب المحاكاة بشكل عام

عندي KSP و euro truck simulator 2

لاهنتم حاولت بكل الطرق اطير والحمدلله اقلاعي مقبول الى ضعيف بس واتوقع تجي بعد الخبرة في الطيران

لكن المشكلة في التحكم بالطائرة وهي بالجو انا استخدم الكيبورد اذا لفيت يمين اشوف الطائرة تحذف يمين بقوة ( مادري هل لها زر ثاني او وزنية او لازم استخدم جوستك ؟ )



المشكلة الثانية .. لكل اصحاب الخبرة

شروحاتهم قليلة باليوتيوب ينزل حلقة او حلقتين وثم يسحب انا بحلت يا شباب شاري اللعبة من سنة ونص وتعقدت منها وابي بس مساعدة بسيطة منكم


ياليت تتحملوني واللي مستعد يساعدني بشكل مباشر عن طريق تيم سبيك 3

او يساعدنا باليوتيوب ويتحملنا ويصبر علينا خاصة اني حمست 2 من اخوياي سعودي وكويتي واشتروا اللعبة وكأنهم متحسفين لاننا دخلنا اونلاين وجبنا العيد :iconloli:

تكفون لاتفشلونا قدام الشباب ياهل القلوب الرحيمة نتمى واحد منكم شقردي ويشمر عن ساعديه ويدق صدره ويقول أنا لها ..

وشكرا لكم ..

[ayman777]

السلام عليكم .. هذا شرح كامل لرحلة من الاخ الرائع محمد احمد عسيرى
تابع بهدؤء وافهم الاشياء المهمة وإنشاء الله راح تستفيد وتجد معلومات كافية
عن تساؤلاتك .. الله معك
https://www.flyingway.com/vb/showthread.php?t=122435

[kabten.nfc]

اقتباس:     المشاركة الأصلية كتبت بواسطة ayman777  

السلام عليكم .. هذا شرح كامل لرحلة من الاخ الرائع محمد احمد عسيرى
تابع بهدؤء وافهم الاشياء المهمة وإنشاء الله راح تستفيد وتجد معلومات كافية
عن تساؤلاتك .. الله معك
https://www.flyingway.com/vb/showthread.php?t=122435

يعطيك العافية اخوي ايمن وبارك الله فيك انت وصاحب الموضوع قريته كامل الشرح مثري وممتع ...

لكن باقي فيه بعض اشياء مافهمتها مادري هو سهو من الكاتب او المشكلة فيني

بعض الصور تداخلت وتلخبطت براسي وعموما هي كم نقطة مافهمتها وبكتبها باكر احد يفهمني ..

لو توفرون دروس خصوصية لعشاق المحاكاة انا اول واحد يسجل..