[wamo2008]

أبشرتوني قبل ماأروح
علشان الراجل اللي من شركتهم لسة متصل بيا النهاردة
وقال لي تعالي شوفي نتيجة الأمتحان الساعة بس انا طلبت منه اجي على الساعة 5
لأن عندي شغل ومش بخلص قبل 4
بس غريبة موضوع اننا نروح ويقولوا لنا انتم مرفوضين
طيب ماكنا نكلمهم احسن ونعرف النتيجة من التليفون واهو نغرم حق المكالمة بدل حق المشوار رايح جاي
واذا كان على ورق ولا صور نروح ناخدها في اي وقت مش قضية يعني
ده مصر للطيران خلونا نتصل نعرف النتيجة من التليفون
هي باين عليها أكاديمية سكة ولا ليها في طيران ولا دياولوا هي شكلها كانت عاملة الموضوع ده مجرد دعاية فقط

[مايا شريف]

يا بختكو عرفتو نتيجتكو الف مبروك للناجحين والى منجحوش ربنا كاتبلهم رزق فى مكان تانى ان شاء اللة
انا ليسة
ادعولى ......

[nony nony]

ياجماعة أنا عرفت ان أخر ميعاد لآستلام النتايج يوم الخميس ............هانت خلاص والكل هايعرف نتيجته

[ميسون تونز]

لما كنا بنمتحن قال مش ضرورى الاختصارات لو مشعرفنها مش هتاثر وقال هما مش عاوزين خبرة بس بلاش تكتب حاجة مش صح او مش عارفنها

[احمد من الزقازيق]

ازيك يا ميسون ... مفيش أخبار عندك .... محدش كلمك ...
والله الواحد مش عارف يقول ايه في الموضوع ده

[rokia]

يعنى مفيش حد خالص من اللى معانا على السايت هنا بلغوه إنه مقبول

[rokia]

بجد والله حاجه محبطه

[hana1]

ياريت الي اتقبل يقول اسم الشركة انا اتصلوا بيا وقالتلة مش هاجي الا ما اعرف انا رفيوزد ولا اكسبتد قالي اترفضي وان من 100 شخص دلوقتي عشرة قبلوا بس يمكن يكون في ناس تاني وفي ناس ويتنج

[sad smiles]

يعني ازاي ولا واحد من الموجودن في المنتدى اتقبل


اومال مين اللي نجح ونجح على اساس اه
وفي ناس كمان كانو موجودين هناك ومش من المنتدى ونفس الحكاية رسبو برضو
يبقا مين اللي نجح

والله شكلها كانت نصباية بس هما كدا مش كسبوا حاجة برضو
يبقا نصبو على ايه اصلا

والله مش في ولا اي حاجة مفهومة

[ميسون تونز]

انا مش فاهمة ازاى ولا جد فينا اتقبل يعنى كلنا اترفضنا اواى وبعدين كنا ع الاقل لازم نعمل انترفيو وبعدين نتقبل اونترفض من خلال المقابلة مش نترفض بدون اى سبب

[Doda gh]

مش عارفه يا ميسون ايه الموضوع ده بجد
هما لا طلبوا خبره ولا لغه يبقي ايه التقييم ده
ع قد ما نقدر حلينا وعملنا الي علينا وخلاص
وازاي بيقيموا ع المظهر من غير ما نعمل مقابله
طب انتي شفتي صورتي واحنا بنقدم من فتره وكنت متغيره جدا فيها طبعا
وكمان الصور الصغيره مش لقيت غير صور من 2007
يعني ده مش يعتبر تقييم بجد لحد ومش كان في وقت نعملهم صور جديده
انا محتاره من الكلام الي عمال يتكتب ده

[angelezze]

:d 3oh:

[mona]

ههههههههههههههههههههه !!!!!!!!!!!!!!!!!!!!!!!!!!!!!!!!!!!

[lolystarr]

ايه اللى بيحصل دة يعنى مين ونجح ومين اترفض وربنا مش فاهمة حاجة خالص اى حد عنده اى اخبار يقول ودة اعلان حقيقى ولا مجرد دعاية بجد كتر خيركم فى الحيرة دى وربنا يوفقكم جميعا ويقدملكم اللى فيه الخير

[Doda gh]

اقتباس:     المشاركة الأصلية كتبت بواسطة lolystarr  

ايه اللى بيحصل دة يعنى مين ونجح ومين اترفض وربنا مش فاهمة حاجة خالص اى حد عنده اى اخبار يقول ودة اعلان حقيقى ولا مجرد دعاية بجد كتر خيركم فى الحيرة دى وربنا يوفقكم جميعا ويقدملكم اللى فيه الخير

لا مش تحيري نفسك كل الي كلمومهم من هنا اترفضوا:iconloli:
ولسه مش عارفين بقي ايه الحكايه دي والله اعلم اذا كان حقيقه ام سراب
بس من كلامهم معانا كويس وكلام الي راحوا بيثبت عكس ده فالكل في حيره لسه
ربنا يكتب لنا الخير جميعا مع ان الامل مفقود ههههه:iconloli::iconloli::iconloli:

[احمد من الزقازيق]

وآخرتها يا جماعة
الواحد معتش فاهم يصدق مين ولا مين في الزمن ده

[naglaa mohsen]

اقتباس:     المشاركة الأصلية كتبت بواسطة sad smiles  

يعني ازاي ولا واحد من الموجودن في المنتدى اتقبل


اومال مين اللي نجح ونجح على اساس اه
وفي ناس كمان كانو موجودين هناك ومش من المنتدى ونفس الحكاية رسبو برضو
يبقا مين اللي نجح

والله شكلها كانت نصباية بس هما كدا مش كسبوا حاجة برضو
يبقا نصبو على ايه اصلا

والله مش في ولا اي حاجة مفهومة

لاء هما كسبوا قعدت الناس فالكافيتريا والفلوس اللى لموها شغلوا الكافيتريا بتاعتهم ولموا فلوس احسب كام واحد قدموا وكام واحد قعدوا فالكافيتريا البنت اللى هناك وانا بحاسبها بتقولى ان الاكاديمية متفقه معاهم على مبلغ من المبيعات يعنى كباية الشاى ب 3 جنيه طالع للاكاديمية النصف
تانى شئ بقى استفادوا دعاية فالمكان اللى هما فيه مكنوش لسه معروفين واتعرفوا حتى لو بالكدب والنصب
واعتقد ان كل اللى مقبولين هما اللى عمولوا علامة صح انهم يتدربوا فالاكاديمية وللمعرفه التدريب فالاكاديمية بيكلف 10 الاف جنيه حسب كلام الاستاذ اللى هناك

[wamo2008]

بصوا ياجماعة من الأخر كده وعلشان مش تتوهوا نفسكم كتير
طبعا انا زيكم اترفضت بسبب الضيافة بس فهمت منه شوية حاجات
فهمتني ايه حكاية الرفض الجماعي ده

من الأخر كده الناس اللي اجتهدت وحلت الأختصارات اللي في الأخر
هي اللي هاتتقبل والناس اللي مش حلتها يبقى بلاش تتعب نفسها وتطخ المشوار ع الفاضي علشان تاخد ورقها ولو عايزين الورق انتوا براحتكم

طبعا انا كاتبني مرفوض "تحت الطلب"
وEnglish skills مقبول
و commnication skills مقبول
و cabin crew مرفوض (بسبب عدم حلي للأختصارات)
و appearence مقبول

وانا سألته طيب ماأنتم طالبين ناس بدون خبرة ازاي نسقط في سؤال الضيافة
طبعا رده انه مش شرط يكون فيه خبرة لكن على الأقل فيه معلومات عن الضيافة
وبنت ورايا سألته هل الأسئلة دي مقياس لمعرفة معرفتنا بالضيافة او نعرف معلومات عنها او حتى بأمتحان تقديم
قال الأختصارات دي معروفة قوي وموجودة على النت وسهل قوي انها تتعرف
وفيه ناس حلت الأختصارات دي واتقبلت (نفسي اعرف مين دول)
والأسئلة كانت عامة علشان معرفة الأنجليزي ومهارات الأتصال
وقولت له طيب ليه مشورتونا ع الفاضي كان ممكن تقولوا لنا انكم مااتقبلتوش
واللي عايز ييجي ياخد ورقه يبقى ييجي
قال لي دي تعليمات الأدارة وانا ماليش دعوة

بجد ردود سخيفة (بالرغم انه موظف ومالهوش ذنب اني اتخانق معاه)
وشركة بجد أسخف وانا ندمانة اني ضيعت وقتي وفلوسي في حاجة مافدتنيش بأي شئ

[داعية الخير]

اقتباس:     المشاركة الأصلية كتبت بواسطة ahmedhamoza  

ياجماعه انا كنت مقدم انا و اختي ،وانا اترفضت بس اختي اتقبلت وعتدها انترفيو يوم الثلاث الجاي ،وكان في ناس من اللي معايا قاللهم انتو وايتينج يعني لما الشركة هاتعوز ناس تاني هاتكلمكو علاطول من غير محنا نكلمكو وكان في ولد تاني شوفتوا اتقبل بس انا قالولي انت مرفوض بس انا مازعلتش علشان هما كانو كويسين وكانو بيقولو للبنات ازاي نسيب الصور بتاعتكو وورقكم عندنا وخصوصا ان في ناس كتير جايبين اصل ورقهم وعموما اديني عرفت مستوايا ومدفعتش حاجة في الموضوع ،وعشان اخلص ضميري انا بعد الأمتحان علاطو قلتلهم عايز اقدم في الأكاديمي قالولي لا مفيش تقديم الا بعد نتيجة الأمتحان علشان ممكن ماحتجهمش.وربنا يوفق الجميع

احمد ربنا يكتب لك الخير فى مكان تانى والف مبروك لاختك ياريت تعرفنا ايه هى مواصفات اختك يعنى طولها ووزنها و دراستها و لغاتها و دارسة ضيافة ولا لا وحلت الاختصارات وكانت بتمتحن فى اليوم الاول ولا التانى ولا الثالث؟ وقالولها فى التليفون انها نجحت ولا خلوها تروح علشان تعرف؟

[Doda gh]

ههههههههههه بجد ايه الكلام ده طيب انا وصلت بدري و شربت نسكافيه بس في كافتيريا بره الاكاديمي الحمد لله مش استفادوا مني في حاجه ههههههههه

[احمد من الزقازيق]

يعني ايه؟؟؟ احنا كنا ضحية ولا ايه؟؟؟؟؟؟
انا لله وانا اليه راجعون

[داعية الخير]

اقتباس:     المشاركة الأصلية كتبت بواسطة wamo2008  

بصوا ياجماعة من الأخر كده وعلشان مش تتوهوا نفسكم كتير

طبعا انا زيكم اترفضت بسبب الضيافة بس فهمت منه شوية حاجات
فهمتني ايه حكاية الرفض الجماعي ده

من الأخر كده الناس اللي اجتهدت وحلت الأختصاصرات اللي في الأخر
هي اللي هاتتقبل والناس اللي مش حلتها يبقى بلاش تتعب نفسها وتطخ المشوار ع الفاضي علشان تاخد ورقها ولو عايزين الورق انتوا براحتكم

طبعا انا كاتبني مرفوض "تحت الطلب"
وEnglish skills مقبول
و commnication skills مقبول
و cabin crew مرفوض (بسبب عدم حلي للأختصارات)
و appearence مقبول

وانا سألته طيب ماأنتم طالبين ناس بدون خبرة ازاي نسقط في سؤال الضيافة
طبعا رده انه مش شرط يكون فيه خبرة لكن على الأقل فيه معلومات عن الضيافة
وبنت ورايا سألته هل الأسئلة دي مقياس لمعرفة معرفتنا بالضيافة او نعرف معلومات عنها او حتى بأمتحان تقديم
قال الأختصارات دي معروفة قوي وموجودة على النت وسهل قوي انها تتعرف
وفيه ناس حلت الأختصارات دي واتقبلت (نفسي اعرف مين دول)
والأسئلة كانت عامة علشان معرفة الأنجليزي ومهارات الأتصال
وقولت له طيب ليه مشورتونا ع الفاضي كان ممكن تقولوا لنا انكم مااتقبلتوش
واللي عايز ييجي ياخد ورقه يبقى ييجي
قال لي دي تعليمات الأدارة وانا ماليش دعوة

بجد ردود سخيفة (بالرغم انه موظف ومالهوش ذنب اني اتخانق معاه)
وشركة بجد أسخف وانا ندمانة اني ضيعت وقتي وفلوسي في حاجة مافدتنيش بأي شئ

حبيبتى رباب نزلت بعض الرموز يوم السبت لانى بعد ما رجعت من الامتحان لقيتهم هنا فى الموضوع يعنى اللى راحوا السبت متأخر شوية او الاحد هم اللى حلوها من غير ما يكون عندهم اى خبرة هم لاقوها حفظوها راحوا وكتبوها يعنى دى مسألة حظ مش اكتر يعنى التقييم كان اى كلام

[BrightAngel]

ازيكم يا جماعة
أنا لسه راجعة حالا من عندهم واحب انقل لكم الصورة اللى كانت هناك
أولا أنا اتقبلت في كل حاجة ماعدا الضيافة طبعا يعنى مرفوض "تحت الطلب " هههههههه
احنا كنا بنتين و ست ولاد
خمسة اترفضوا و أنا وواحد كمان مرفوض تحت الطلب
وواحد بس اللى اتقبل
المهم قلت له انتم مش طالبين يكون في خبرة قالي احنا فعلا مش كنا طالبين خبرة بس في اكتر من ثلاثمائة واحد حلو أسئلة الضيافة و زودوا عليها حاجات من عندهم فكان طبعا الأولوية ليهم و بالنسبة للي تحت الطلب دول ورقهم راح الشركة يعني لما يحتاجوا ليهم هيكلموهم و كمان طلب مني و الولد نسيب السي في بتاعنا علشان لو الشركة معرفتش توصلنا يكلمونا هما
اه نسيت أقول انهم مع ورقة التقييم اللى بيدوها لينا في ورقتين دعاية عن الاكاديمية طبعا
و مرضيش يقولي اسم الشركة أيه

[Doda gh]

اقتباس:     المشاركة الأصلية كتبت بواسطة داعية الخير  

حبيبتى رباب نزلت بعض الرموز يوم السبت لانى بعد ما رجعت من الامتحان لقيتهم هنا فى الموضوع يعنى اللى راحوا السبت متأخر شوية او الاحد هم اللى حلوها من غير ما يكون عندهم اى خبرة هم لاقوها حفظوها راحوا وكتبوها يعنى دى مسألة حظ مش اكتر يعنى التقييم كان اى كلام

يعني انتي حليتيهم ولا ايه؟؟ طب ليه مش كلموكي لحد دلوقتي؟؟
انا بصراحه مش حليتهم وكنت معاكم يوم الحد برده بس مش عرفت اجيبهم للاسف:iconloli:

[wamo2008]

اقتباس:     المشاركة الأصلية كتبت بواسطة داعية الخير  

حبيبتى رباب نزلت بعض الرموز يوم السبت لانى بعد ما رجعت من الامتحان لقيتهم هنا فى الموضوع يعنى اللى راحوا السبت متأخر شوية او الاحد هم اللى حلوها من غير ما يكون عندهم اى خبرة هم لاقوها حفظوها راحوا وكتبوها يعنى دى مسألة حظ مش اكتر يعنى التقييم كان اى كلام

ماهو للأسف انا كنت من الناس اللي راحت السبت ومكنتش شوفت ايه معنى الأختصارات
دي إلا بعد ماروحت
بصي الموضوع مش موضوع اختصارات
اللي مدايق الناس كلها وانا منهم المبدأ نفسه وموقف واسلوب الشركة
منين انت عايز ناس بدون خبرة وعايزهم يبقوا عارفين عن الضيافة
وحتى لو كنا عارفين بعض المعلومات عن الضيافة المعلومات دي بنعرفها لنفسنا
مش علشان امتحان لأنه مع التدريب والشغل والخبرة كل حاجة بتتعرف والواقع دايما بيختلف عن النظرة الخارجية بدون تجربتها
والمفروض اهم حاجة هو اتقان اللغة وهل المتقدم بيعرف يتكلمها او بيفهمها كويس ولا لأ

هما يعملوا كل ده علشان يصفصفوا العدد الكبير اللي مقدم
على 50 واحد بالكتير

[Doda gh]

اقتباس:     المشاركة الأصلية كتبت بواسطة BrightAngel  

ازيكم يا جماعة
أنا لسه راجعة حالا من عندهم واحب انقل لكم الصورة اللى كانت هناك
أولا أنا اتقبلت في كل حاجة ماعدا الضيافة طبعا يعنى مرفوض "تحت الطلب " هههههههه
احنا كنا بنتين و ست ولاد
خمسة اترفضوا و أنا وواحد كمان مرفوض تحت الطلب
وواحد بس اللى اتقبل
المهم قلت له انتم مش طالبين يكون في خبرة قالي احنا فعلا مش كنا طالبين خبرة بس في اكتر من ثلاثمائة واحد حلو أسئلة الضيافة و زودوا عليها حاجات من عندهم فكان طبعا الأولوية ليهم و بالنسبة للي تحت الطلب دول ورقهم راح الشركة يعني لما يحتاجوا ليهم هيكلموهم و كمان طلب مني و الولد نسيب السي في بتاعنا علشان لو الشركة معرفتش توصلنا يكلمونا هما
اه نسيت أقول انهم مع ورقة التقييم اللى بيدوها لينا في ورقتين دعاية عن الاكاديمية طبعا
و مرضيش يقولي اسم الشركة أيه

ههههههههههههه معني كده ان كلنا مرفوضين:iconloli::iconloli::iconloli:
يبقي بلاش نشغل بالنا اكتر من كده بقي وخلاص ومبروك ع الي حلوها
والي تحت الطلب :iconloli::iconloli:

[داعية الخير]

انا مكتبتش غير كابتن لانى كنت يوم الاحد الساعة 11.30 يعنى قبل ما تنزل الاختصارات ومفيش حد كلمنى للوقت قدر الله وما شاء فعل

[ميسون تونز]

يا جماعة نصيحة متاخرة شوية انسوا الموضوع دة خالص بجد عشان شغلنا اكتر من اللازم وكل واحد يكمل حياتة ومنفكرش فية تانى بجد عشان احنا بجد انتظرنا كتير وفى الاخر كل حاجة طلعت ع الفاضى فبجد ربنا يعوض علينا بحاجة بس تكون حقيقية

[داعية الخير]

اقتباس:     المشاركة الأصلية كتبت بواسطة BrightAngel  

ازيكم يا جماعة
أنا لسه راجعة حالا من عندهم واحب انقل لكم الصورة اللى كانت هناك
أولا أنا اتقبلت في كل حاجة ماعدا الضيافة طبعا يعنى مرفوض "تحت الطلب " هههههههه
احنا كنا بنتين و ست ولاد
خمسة اترفضوا و أنا وواحد كمان مرفوض تحت الطلب
وواحد بس اللى اتقبل
المهم قلت له انتم مش طالبين يكون في خبرة قالي احنا فعلا مش كنا طالبين خبرة بس في اكتر من ثلاثمائة واحد حلو أسئلة الضيافة و زودوا عليها حاجات من عندهم فكان طبعا الأولوية ليهم و بالنسبة للي تحت الطلب دول ورقهم راح الشركة يعني لما يحتاجوا ليهم هيكلموهم و كمان طلب مني و الولد نسيب السي في بتاعنا علشان لو الشركة معرفتش توصلنا يكلمونا هما
اه نسيت أقول انهم مع ورقة التقييم اللى بيدوها لينا في ورقتين دعاية عن الاكاديمية طبعا
و مرضيش يقولي اسم الشركة أيه

حبيبتى ممكن تعرفينا اللى اتقبل ده كان على اساس ايه؟ دارس ضيافة؟ ولا ايه؟؟؟

[Doda gh]

اقتباس:     المشاركة الأصلية كتبت بواسطة داعية الخير  

انا مكتبتش غير كابتن لانى كنت يوم الاحد الساعة 11.30 يعنى قبل ما تنزل الاختصارات ومفيش حد كلمنى للوقت قدر الله وما شاء فعل

انا كمان كتبت الكلمه دي بس عشان كانت واضحه نوعا ما