[أسامة المسلّم]

اقتباس:     المشاركة الأصلية كتبت بواسطة غسان دبلول  

السلام عليكم و رحمة الله و بركاته
اخباركم شباب
مبروك للمقبولين و إن شاء الله خيره للي ما جتهم و الله يوفق الجميع
شباب في احد موعده السبت الجاي؟؟ و الفحص يوم واحد ولا وش النظام؟؟
لاني صراحه بارامكو حاليا و هم مررررررة شديدين في موضوع الغياب
انا حجزت بس للحين متوتر
انا اصلا مسجل من الرياض بس حاليا بالدمام

هلا أخوي غسان اي نعم أنا موعدي السبت القادم بإذن الله

وطبعاً من الدمام نقابلك في الكشف ان شاء الله :)

[أسامة المسلّم]

اقتباس:     المشاركة الأصلية كتبت بواسطة باسسل  

السلام عليكم ورحمة الله وبركاته

اليوم فحصنا ولله الحمد وهذي الأمور الي أختبرنا فيها

أول شيء وأهم شي بالنسبه للي من برى جده ترى الفحص يطلب منك يومين فا أحسب حسابك

بالنسبه للفحوصات

اول شيء بتروح لمبنى الاداره وهو موجود بمنطقه اسمها عماير الخطوط عموما انت قول للتكسي وهو راح يعرفها على طول
المبنى شكله قديم طبعا في الدور الاول الموظفين يداومون 8 راح ياخذ يشيك على بطاقتك اول وبعدين راح يعطيك ملف الفحص الطبي ويدبس عليه صوره لك
ويقول لك روح لمبنى العيادات الطبيه هو تقريبا بيكون مقابل مبنى التوظيف مو بعيد يمديك ع رجلينك 5 دقايق
اذا وصلت للمستشفى روح للدور الاول تلقى مكتب فحص المتقدمين عطهم اوراقك وهما راح يعطوك اوراق الفحص
اول شيء راح يقيسون طولك ووزنك بعدها يسون لك اشعه وبعدها تروح للمختبر تسوي تحليل دم و وبول -اكرمكم الله- "وللمعلوميه راح يخاويك واحد للحمام وانت تعبي العينه عشان يتأكد انه بتاعك وانت لازم تعبي ثلاث علب << انا شربت علبه لتر ونص عشان يمدي
بعدها تروح تسوي اختبار للنظر من طول النظر الى عمى الالوان وبعدين يشوفون ظغطك وياخذون تخطيط للقلب
بعدها تروح لعيادة الاذن والحنجره والانف وهناك بيفحصونك ع السريع بس فيه فحص لشبكية العين هناك وراح يختبرونك بعد
وبعد فيه اختبار للسمع يدخلونك غرفه معزوله وتلبس سماعه بعدها يشغلون اصوات وانت تحدد هالصوت من اي جهه اليمنى او اليسرى
هذا الي اذكره من الاختبارات

اهم شيء لازم تعرف ان النتائج تطلع ثاني يوم على طول يعني بتقعد بجده

وأي سؤال انا حاضر
"والله يوفق الجميع"

الله يجزاك الجنة على هالتفاصيل الجميلة أخ باسل ويوفقك ويفتح عليك حقيقة أفدت الجميع بالمعلومات القيمة هذي.

لك شكري وتقديري على هذه المشاركة الفعالة .


عندي بعض الأسئلة بعد إذنك لوسمحت ^_^

1- هل تحتاج تلبس لبس معين يعني هل أجيهم بلباسي الرسمي أو ألبس بدلة أو....؟ نصيحتك

2- فحص الدم هل يجبرونك تتبرع بالدم ولا بس كشف عادي يعني ياخذون نقطة بس؟

3- هل تحتاج تخلع بعض الملابس يعني في الأشعة مثلاً بيقولك شيل الفانيلة وتخطيط القلب؟

4- بالنسبة لتحليل البول أعزكم الله والسامعين كيف يعني بيدخل معي واحد الحمام ولا بينتظرني برا الحمام؟ ونصيحتك وشلون أعبي ثلاث علب لازم أشرب موية كثير مثلاً؟

5- اختبار النظر وعمى الألوان والسمع هل فيهم صعوبة ولا بسيطة اختبارات عادية وروتينية أي شخص سليم يتجاوزها بسهولة؟

6-أي نصائح وارشادات وزيادات توجهها لإخوانك؟

7-كيف تعامل الموظفين والدكاترة هل حبوبين ولا زلعين؟تقييمك بشكل عام للكشف الطبي؟

8- وش الخطوات أو الإجراءات القادمة بعد الفحص متى موعد الDLR ومتى تبدأ الدراسة والتفاصيل حقت البرنامج؟هل أعطوكم خبر عنها؟

9- كم عدد المتقدمين إلي يجرون الفحص معك في نفس اليوم؟

10- ممكن تعطينا تفاصيل أكثر عن مقابلة الدكتور النفسي والعقلي؟

11-كم تستغرق مدة الفحوصات هذي كلها؟



متأسف جداً على كثرة الأسئلة وفي ميزان حسناتك يا أخ باسل هالمجهود الطيب إلي تقوم فيه
شكراً مقدماً يا عزيزي على سرعة تجاوبك :)

[أسامة المسلّم]

اقتباس:     المشاركة الأصلية كتبت بواسطة غسان دبلول  

يعني ما يكفي يوم واحد كل الفحوصات
او تقصد النتايج بتطلع اليوم الثاني ولا ايش
بالقوه دبرت تصريفة غياب يوم واحد من ارامكو و صار عندي 4 اختبارات بكره لاني بغيب السبت
يعني لازم اجلس بجدة للاحد؟؟؟ انا فحصي يوم السبت الجاي
ياخي المشكله ما يردوا الواحد يتصل ولا كانه في تيليفون يرن

حيا الله الأخ غسان ما شاء الله تبارك الله
هل أنت موظف بأرامكو؟
اذا كنت كذلك ترى أرامكو عندها خطوطها الخاصة ممكن بعد تقدم على برنامج اعداد الطيارين حقهم مرة حلو لكن يتطلب أنك تكون من حملة الشهادات الجامعية.
واذا أنت موظف بالشركة ترى عندهم نقص حاد في الطيارين وعندهم خطة مستقبلية لزيادة أسطولهم هذا الكلام من أحد زملائي وهو يعمل مساعد طيار في أرامكو وأنا شخصياً زرت الهنجر والمطار الخاص حقهم حقيقة ترتيب وفخامة موصاحية :)
واخترافية في العمل وبيئة مشجعة ومحترمة تمنيت أني أكون معهم وإلى الآن أنا مقدم على طيران أرامكو لكن ما جاني رد.
ختاماً الله يكتب لك إلي فيه الخير والصالح أخ غسان ونتشرف برؤيتك ومقابلتك في جدة ^_^

[غسان دبلول]

اقتباس:     المشاركة الأصلية كتبت بواسطة أسامة المسلّم  

هلا أخوي غسان اي نعم أنا موعدي السبت القادم بإذن الله

وطبعاً من الدمام نقابلك في الكشف ان شاء الله :)

إن شاء الله على خير

[باسسل]

اقتباس: 1- هل تحتاج تلبس لبس معين يعني هل أجيهم بلباسي الرسمي أو ألبس بدلة أو....؟ نصيحتك

والله ياخوي ماتفرق بس تعال باللبس الي ترتاح فيه

2- فحص الدم هل يجبرونك تتبرع بالدم ولا بس كشف عادي يعني ياخذون نقطة بس؟

لا لازم تحلل دم وياخذون منك حوالي 4 انبايب الصغيره هذي

3- هل تحتاج تخلع بعض الملابس يعني في الأشعة مثلاً بيقولك شيل الفانيلة وتخطيط القلب؟

ايوه بالنسبه للاشعه لازم بفتنيله داخليه وبالنسبه لتخطيط القلب لازم تخلع فانيلتك

4- بالنسبة لتحليل البول أعزكم الله والسامعين كيف يعني بيدخل معي واحد الحمام ولا بينتظرني برا الحمام؟ ونصيحتك وشلون أعبي ثلاث علب لازم أشرب موية كثير مثلاً؟

للأسف نعم !! ولا لازم يتأكد انه أنت الي تبول - اكرمكم الله- شكل قبل صايره سوالف عشان كذا يدققون على هالشيء مره وبالنسبه للعلب انا شربت علبه ماء ام لتر ونص ورحت اخلص بعض الاختبارات على ماجيتهم وعبيت العلب

5- اختبار النظر وعمى الألوان والسمع هل فيهم صعوبة ولا بسيطة اختبارات عادية وروتينية أي شخص سليم يتجاوزها بسهولة؟

والله يا خوي ما ادري كيف اقيمها لك بس بشكل عام الي راح يختبرك أكثر شيء ممرضات وما يدققون حيل

6-أي نصائح وارشادات وزيادات توجهها لإخوانك؟
حاول قبل لاتجي تكون نايم صح ومصحصح عشان الاختبارات يبي لها تركيز بصراحه زي اختبار السمع والنظر
واذا تبغى النتيجه النهائيه بسرعه احسب حساب انك راح تظل بجده يومين لان نتائج التحليل تطلع ثاني يوم ومعها النتجيه النهائيه يعني هل عديت الفحص الطبي او لا

7-كيف تعامل الموظفين والدكاترة هل حبوبين ولا زلعين؟تقييمك بشكل عام للكشف الطبي؟
والله تعاملهم ممتاز وحبوبين والفحص بشكل عام سلس ومافيه قروشه

8- وش الخطوات أو الإجراءات القادمة بعد الفحص متى موعد الDLR ومتى تبدأ الدراسة والتفاصيل حقت البرنامج؟هل أعطوكم خبر عنها؟
والله انا سمعت انه بعد ماينتهون من الفحص الطبي بنختبر الـ dlr من شركه ايرلنديه وبعدها مقابله شخصيه وبعدها فحص طبي نهائي
واظن ان الدراسه بتكون ببداية السنه الميلاديه الجديده

9- كم عدد المتقدمين إلي يجرون الفحص معك في نفس اليوم؟
والله انا الي اجرو الفحص معي من نفس برنامج الابتعاث اثنين بس اذا رحت للمستشفى بتلقى ناس تفحص واكثرهم عشان مقدمين على وظيفة مضيف

10- ممكن تعطينا تفاصيل أكثر عن مقابلة الدكتور النفسي والعقلي؟
والله ياخي انا مشيت قبل مقابلة الدكتور النفسي هو المفروض ثاني يوم بس انا ما امداني اقعد بجده وكلمتهم على اني اجي الاسبوع الجاي وما قالوا شي
فما عندي خبر عنها

11-كم تستغرق مدة الفحوصات هذي كلها؟
بديت على الساعه 9 وانتهيت بعد صلاة الظهر

[أسامة المسلّم]

اقتباس:     المشاركة الأصلية كتبت بواسطة باسسل  

ـــــــــــــــــــــــــــــــــــ

بالتوفيق اخوي اسامه وانت ماقصرت معنا

الله يوفقنا ويكتب الي فيه الخير
آمين

بيض الله وجهك يا أخ باسل كفيت ووفيت وأعطيتنا صورة واضحة ومتكاملة حول الموضوع
جزاك الله ألف خير وتسلم على هالمجهود الطيب.

متشوقين لسماع أخبار البقية الأخ الكاسر والأخ وحيد بشروا وش صار معكم؟؟؟؟

[الكابتن تورنيدو]

بالتوفيق شباب ...اسامه شيك على الخااااااص،،

[AL KASR]

شباب احد عنده علم متى الاختبار ؟ ووش اسم الاختبار ه هو DLR او اختبار موازي له ؟ !

ارجو الافاده مشكورين

[AL KASR]

والاخ فابرقاس والاخ واحد

بشروا وش صار عليكم الفحص سليم ولا لا ؟ !

[Wa7eD]

ايه ابشرك عدينا الحمدلله

بشرنا عنك انت ؟
.

لاحظت ان العدد قليل جدا جدا يعني الي شفتهم وتأكدت انهم في نفس البرنامج 5 انا والكاسر وفابريجاس و2 غيرنا وكان في ناس من برامج اخرى , شي يطمئن ان شاء الله :walr:

الشيء الاخر ياشباب يالي موعدكم الاسبوع الجاي بقولكم كم حاجة

المختبر راح يطلب منكم علبتين بول (الله يكرمكم ) تعبونها تحت اشراف منهم وعلبة بول ثالثة وعلبة براز ( الله يكرمكم ) تعبونها من دون اشراف

لذلك حاول تجيهم مفلل التانكي عشان ماتبتلش مثل ما ابتلشت انا وبعض الناس

اختبار النظر

اخوي فابريجاس سوا الاختبار واخطأ في حاجة باختبار الانحراف اتوقع ويوم جا عند الدكتور قال له عندك مشكلة في النظر والمشكلة ممكن تكون بسبب الاجهاد وقلة النوم وهو فعلا انا واياه مانمنا الليلة الي قبلها واليوم السبت عادوا الاختبار له والحمدلله عدى على خير , عشان كذا ياشباب حاولوا تضبطون نومكم عشان ماتواجهون مشاكل ان شاء الله

اختبار السمع حط جوالك صامت خصوصا اذا بلاكبيري عشان ماتجيب العيد

موفقين ان شاء الله

[AL KASR]

^^^

اي حمد الله عديت عطاني حسان ورقه مختومه وقالي ودها مبنى 5 ورحت وديتها وقالو خلاص عديت الفحص وانتظار رساله الاختبار

[Wa7eD]

الحمدلله حلو

على فكرة يوم رحت مبنى خمسة اسمع واحد من الموظفين يكلم بالجوال ويسولف ويقول ان الخطوط بتعلن عن الابتعاث الخارجي الاسبوع الجاي

[غسان دبلول]

شباب...ما رحت اليوم
استخرت و ان شاء الله ان تركي للموضوع خيرة
و الله يوفق الجميع
معليش اخوي اسامه كنت بتشرف بشوفتك بس هونت ان شاء الله تكون تميت الموضوع

[غسان دبلول]

اقتباس:     المشاركة الأصلية كتبت بواسطة Wa7eD  

الحمدلله حلو

على فكرة يوم رحت مبنى خمسة اسمع واحد من الموظفين يكلم بالجوال ويسولف ويقول ان الخطوط بتعلن عن الابتعاث الخارجي الاسبوع الجاي

حتى انا بعد سمعت عن السالفه و ان شاء الله لو كان في بقدم
ابتعاث خارجي شهادة و رخصة (منقول)

[الكابتن تورنيدو]

اقتباس:     المشاركة الأصلية كتبت بواسطة Wa7eD  

الحمدلله حلو

على فكرة يوم رحت مبنى خمسة اسمع واحد من الموظفين يكلم بالجوال ويسولف ويقول ان الخطوط بتعلن عن الابتعاث الخارجي الاسبوع الجاي

اخوووي Wa7eD متأكد أنهم يتكلمون عن الابتعاث الخارجي....؟!!!!
اخاف على وقت تخرجي يكتفووووون عاد والله انواع التحطيم
ارفع مشاركاتك فوق الـ10 علشان اتراسل معك ع الخاص،،

[Wa7eD]

اقتباس:     المشاركة الأصلية كتبت بواسطة الكابتن تورنيدو  

اخوووي Wa7eD متأكد أنهم يتكلمون عن الابتعاث الخارجي....؟!!!!
اخاف على وقت تخرجي يكتفووووون عاد والله انواع التحطيم
ارفع مشاركاتك فوق الـ10 علشان اتراسل معك ع الخاص،،

على حسب ماسمعته نعم كان يقول الابتعاث الخارجي , وابشر برفع مشاركاتي

اقتباس:     المشاركة الأصلية كتبت بواسطة غسان دبلول  

شباب...ما رحت اليوم
استخرت و ان شاء الله ان تركي للموضوع خيرة
و الله يوفق الجميع
معليش اخوي اسامه كنت بتشرف بشوفتك بس هونت ان شاء الله تكون تميت الموضوع

اقتباس:     المشاركة الأصلية كتبت بواسطة غسان دبلول  

حتى انا بعد سمعت عن السالفه و ان شاء الله لو كان في بقدم
ابتعاث خارجي شهادة و رخصة (منقول)

افا افا افا ليه ياخي ؟

بعدين كيف تترك الشي الي انت مقبول فيه مبدئيا وتروح لشي ممكن تقبل وممكن لا ؟
لاتقول عشان الشهادة الجامعية اذا تبي تصير طيار ف الشهادة ماتفرق لو معك ابتدائي ليلي اهم شي رخص طيران ياخي

[Sultan RT]

الشهادة تحصل وظيفه غير الطيار

اذا صار شي لاسمح الله بتتوهق اذا كان معك بس رخص

وصاحب الشهادة افضل من صاحب الرخص فقد من ناحية معرفه

الزبده ( امبري ريدل اريزونا ) شدوو حيلكم :P

حاليا في امريكا ... دعواتكم

[Wa7eD]

اقتباس:     المشاركة الأصلية كتبت بواسطة Sultan RT  

الشهادة تحصل وظيفه غير الطيار

اذا صار شي لاسمح الله بتتوهق اذا كان معك بس رخص

وصاحب الشهادة افضل من صاحب الرخص فقد من ناحية معرفه

الزبده ( امبري ريدل اريزونا ) شدوو حيلكم :P

حاليا في امريكا ... دعواتكم

افا علامكم ياعيال قمتم تسحبون واحد ورى الثاني ؟

شخصيا ما اشوف فرصة حدوث شيء لك لاسمح الله ينزلك عن الطيران تكفي لمكابدة تعب دراسة 4 سنوات , وعموما اذا صار شي لا سمح الله ونزلوك عن الطيران اكيد راح يحطونك في وظيفة ثانية اداري والا اي شي , عموما المسألة اولويات وتقدير

شد حيلك والله يوفقك ويسهل دربك

[أسامة المسلّم]

اللهم لك الحمد والشكر يا رب
نجحت في الكشف الطبي
وتشرفت كثيراً بمقابلة الأخ " طيار بلا جناحين" ^_*
وكان ودي حقيقة أتشرف بوجود الأخ غسان والله يكتب ما فيه الخير والصالح
عموماً في وقت لاحق سنعطيكم تفاصيل الكشف الطبي صراحة كان شي خيالي :)

[mesho7]

وانا ابي ادرس طيران مدني بلخارج وعلي حساب الدوله .. كيف ؟

[Cpt.Majed]

اقتباس:     المشاركة الأصلية كتبت بواسطة mesho7  

وانا ابي ادرس طيران مدني بلخارج وعلي حساب الدوله .. كيف ؟

راجع الموضوع التالي

مرجع الطلبة السعوديين&ّ(الخطوط السعوديه والإبتعاث)&ّ

تحياتي,,

[Cpt.Majed]

اقتباس:     المشاركة الأصلية كتبت بواسطة LoRo  

هذه المشاركة ذات صلة بملتقى المهندسين العرب : ملتقى المهندسين العرب - أول ملتقى هندسي عربي

السلام عليكم ..

كيف حالكم عساكم بخيير ..

اتمنى تقبلوني عضو خفيف عليكم ..

اعجبني المنتدى الصراحه وحبيت استفيد من خبرتكم ..

بسم الله اناا طالب ثالث ثانوي اخر سنه هذي لي ان شاء الله يوفقني وييوفقكم اميين ..

انااا حلمي اصير طيار مدني لكن اناا ماعرف شيء فيها فلذالك ابيكم تفيدونني بكم نقطه وهي :

1-وش الجامعه الي تخرجني طيار مدني .(اهم سوال هذا) ؟
2-اناا لغتي بالانجليزي خفيفه مرة يلزمني اتعلم لكن السوال هل كل المناهج انجليزي ؟


وبالاخير ماقول الى اسف اذا كثرت عليكم هرج ..

اخوكم LoRo

تفضل من هنا

كيف تختار مدرسه الطيران؟

كيف تختار مدرسه الطيران؟ ( الجزء 2)

تحياتي,,

[mesho7]

الله الايحرمني منك شكرا جزيلا

[mesho7]

سوالي هل يمكن دراسة الطيران المدني ...علي حساب غيري ..مثل شركات خطوط دوله ...

[Waleed ALmohmed]

الاخوة اللي كانو يسألون عن الابتعاث الخارجي فهو بدء من اليوم لامريكا وفقط لطلاب الثانوي او ان صح التعبير لمن لم يتجاوز عمرهم 20 عام

كان فيه اسئلة كمان عن الرخص فالابتعاث الداخلي الرخص هيا ppl-cpl-ir

اتمنى للجميع التوفيق

[أسامة المسلّم]

اقتباس:     المشاركة الأصلية كتبت بواسطة Waleed ALmohmed  

الاخوة اللي كانو يسألون عن الابتعاث الخارجي فهو بدء من اليوم لامريكا وفقط لطلاب الثانوي او ان صح التعبير لمن لم يتجاوز عمرهم 20 عام

كان فيه اسئلة كمان عن الرخص فالابتعاث الداخلي الرخص هيا ppl-cpl-ir

اتمنى للجميع التوفيق

شكراً أخ وليد على هذا الخبر الذي يثلج الصدر ولكن عندي تساؤل هل البرنامج هذا نفس الإبتعاث الخارجي إلي صار قبل كم شهر ولا مختلف؟؟؟

إليكم الخبر نقلاً من موقع الخطوط السعودية:

برنامج الابتعاث الخارجي لدراسة علوم الطيران2011 تعلن الخطوط الجوية العربية السعودية بالتعاون مع وزارة التعليم العالي (برنامج خادم الحرمين الشريفين للإبتعاث الخارجي) عن فتح باب الإبتعاث لدراسة الطيران في الولايات المتحدة الأمريكية.

شروط القبول:

- أن يكون المتقدم سعودي الجنسية .
- ألا تقل نسبة الثانوية العامة عن (90%)
- أن يكون التخصص علوم طبيعية.
- ألا تقل درجة اختبار القدرات عن (75%).
- أن لايزيد عمر المتقدم عن (20) عاما من تاريخ ميلاده الهجري عند بدء قبول الطلبات.
- أن يكون مقياس النظر (6/6) بدون نظارة.
- أن يكون طول المتقدم بين (165سم - 193سم) مع تناسب الوزن.
- اجتياز المتقدم اختبارات القبول والتي من ضمنها اختبار اللغة الانجليزية, واجتياز اختبار القدرات لدراسة الطيران (DLR) وكذلك اجتياز الفحص الطبي.
- ألا يكون المتقدم يشغل وظيفة حكومية .
- ألا يكون المتقدم قد تم قبوله في أي من برامج الإبتعاث.

يبدأ التسجيل في البرنامج إعتبارا من يوم الثلاثاء 13/11/1432هـ إلى يوم الاربعاء 28/11/1432هـ.


وعليكم ألف مبروك يا طلاب الثانوي وهذه فرصة ذهبية جائتكم على طبق من ألماس يا حظكم والله يوفقكم وييسر أموركم يا رب.


رابط التسجيل في البرنامج تفضلوا
https://sv.net/apps/rec/applic_form_b...M_ID=77&LNG=AR

[أسامة المسلّم]

برضوا في سؤال ثاني موجه للجميع أيش صار على الدفعة الأولى للابتعاث الخارجي ؟

كيف أوضاعكم ووين أراضيكم ألحين وهل انتهت اجراءاتكم؟؟

ننتظر الاجابات؟!!

[SL500]

اقتباس:     المشاركة الأصلية كتبت بواسطة Cpt.Majed  

أي تعب اخوي لاياغالي تحت امرك

البرنامج القائم حالياً لايشمل طلاب الثانويه كما اسلفت وبالنسبه للدراسه بالمجان لا اعتقد ولكن يمكنك التقدم لبرنامج خادم الحرمين الشريفين او في البدايه الدراسه على حسابك الشخصي في معهد لغه بالخارج واحضار قبول من جامعه تستطيع دراسه علوم الطيران بها ثم طلب الانضمام للبعثه وان شاء الله ربي ييسرها

معليش اخوي دخلت في الموضوع , كلامك صحيح وتقدر تدرس اللغة على حسابك الشخصي وبعدها تدرس علوم الطيران على حساب الدولة ,, لكن في المرحلة السادسة من الإبتعاث تشمل فقط التخصصات الطبية لمرحلة البكالوريوس والحين الخطوط السعودية أتاحت برنامج الإبتعاث بالتعاون مع برنامج خادم الحرمين الشريفين , فصار لبس بالموضوع فياريت لو تكرمت توضح النقطة هذي أو أي أحد من الإخوان يفهمنا هذا الشي .

[د/خالد]

سلام عليكم

عندي كم سوال عن الابتعاث الخارجي اللي فتح قبل امس

اولا انا خارج السعودية هل لازم اجي الرياض اسوي المقابلة والاختبارات (يمكن فيه حل )

ثانيا انا الشروط منطبقه علي وزود بعد ولله الحمد بس لازم احمل المرفقات اللي هم طالبينها
بس كشف الدرجات وشهادة الثانوية عند الجامعة

وطبيعة الاختبارات كيف تكون الانجلش وماهو الدي ال ار

هل ياشباب تتوقعو اني انقبل لاني راح اجي للسعودية مخصوص عشانهم (ادري ان الله العالم يمكن ايه ولا لا ) بس توقعاتكم

بالنسبة الى الانجلش انا شوي فيه وش تنصحوني اسوي في ذي الفتره وهم وش شرطهم في الانجليزي

ادري طولت يعطيكم الف عافيه والله يوفقنا

[Waleed ALmohmed]

اقتباس:     المشاركة الأصلية كتبت بواسطة أسامة المسلّم  

شكراً أخ وليد على هذا الخبر الذي يثلج الصدر ولكن عندي تساؤل هل البرنامج هذا نفس الإبتعاث الخارجي إلي صار قبل كم شهر ولا مختلف؟؟؟

إليكم الخبر نقلاً من موقع الخطوط السعودية:

برنامج الابتعاث الخارجي لدراسة علوم الطيران2011 تعلن الخطوط الجوية العربية السعودية بالتعاون مع وزارة التعليم العالي (برنامج خادم الحرمين الشريفين للإبتعاث الخارجي) عن فتح باب الإبتعاث لدراسة الطيران في الولايات المتحدة الأمريكية.

شروط القبول:

- أن يكون المتقدم سعودي الجنسية .
- ألا تقل نسبة الثانوية العامة عن (90%)
- أن يكون التخصص علوم طبيعية.
- ألا تقل درجة اختبار القدرات عن (75%).
- أن لايزيد عمر المتقدم عن (20) عاما من تاريخ ميلاده الهجري عند بدء قبول الطلبات.
- أن يكون مقياس النظر (6/6) بدون نظارة.
- أن يكون طول المتقدم بين (165سم - 193سم) مع تناسب الوزن.
- اجتياز المتقدم اختبارات القبول والتي من ضمنها اختبار اللغة الانجليزية, واجتياز اختبار القدرات لدراسة الطيران (DLR) وكذلك اجتياز الفحص الطبي.
- ألا يكون المتقدم يشغل وظيفة حكومية .
- ألا يكون المتقدم قد تم قبوله في أي من برامج الإبتعاث.

يبدأ التسجيل في البرنامج إعتبارا من يوم الثلاثاء 13/11/1432هـ إلى يوم الاربعاء 28/11/1432هـ.


وعليكم ألف مبروك يا طلاب الثانوي وهذه فرصة ذهبية جائتكم على طبق من ألماس يا حظكم والله يوفقكم وييسر أموركم يا رب.


رابط التسجيل في البرنامج تفضلوا
https://sv.net/apps/rec/applic_form_b...M_ID=77&LNG=AR

ايوة اخوي اسامه هوا نفسه ، سنة لغة واربع سنوات علوم طيران ، مشكور على وضعك للخبر