[So3S]

السلام عليكم ورحمة الله وبركاته

اخواني في منتدى خط الطيران.

انا حبيت اجبلكم احسن مدرسة طيران فالفلبين و هي من الاصل الامريكي. و انا ادرس فيها الان و مخلص الـ ground school و هم ما يهمهم غير انهم يخرجوك و انت جاهز لأي اختبار في اي خطوط جوية بالعالم.و الدراسة يبالها شدة حيل قوية. يعني تستاهل القعدة و البلد نظيفة جداً و اهلها طيبين. و تعتبر مدينة سياحية.و انا السعودي الوحيد فيها.ما تحتاج لغة.لأنه بتتعلمها عاجلا ام اجلا انشاءالله. بس الي يحب اللعب فالطيران و يبغى (يفل) انصح بسيكلون. الكتب المستخده هي JEPPESSEN بس الاختبارات تجي من هذا الكتاب و كتاب GLIME.

الموقع الرسمي للمدرسة:
https://www.aviatourpilot.com/home

والله يوفق الجميع.
و كل عام وانتم بخير

[الصخرة]

مراحب أخـــي So3S اولا تشكر على طرحك للموضوع عن مدرسة AVIATOUR , ثانيـــا يا أخي العزيز انت لا تعمم على المدارس كلها وتقول انه مدرستك أحسن مدرسة طيران...انت لو تريد اجيبلك عيوبها خلال دقائق ابشر بس, عندي اصدقاء في مدرستك واعرف انه الطيران عندكم ما يبدأ الى ما تخلص الجراوند سكول ووووو الخ, انا ما ذكرت عيوب لمدرستك للان ...بخصوص استخدام كتب الــJEPPESSEN في التعليم فمدارس كثيرة في الفلبين تستخدم هاالكتب, وعلشان اكون معاك واضح وما تقول اني كذاب..كتب الجيبسن تجي في شنطتين سوداوات اللون...الشنطة الاولى تكون فيها كتب الــPPL وفيها FLIGHT COMPUTER التقليدي , والشنطة الثانية فيها كتب الـــ commercial and instrument books وفيها بعد الـــ foggels اللي تستخدم في الــ HOODED FLIGHT, بالنسبة لمدرسة سايكلون فالمدرسة ما سمعنا عنها اي حاجة تعيب الى الأن وتقدر تشوف موضوع الشباب اللي يدرسون هناك ولله الحمد مبسوطين ... انت قلت بمدرسة سايكلون لعب واللي يريد يفل يروح هناك...ياخي المنطقة اللي فيها مدرسة سايكلون في الاصل ما تنفع للعب , يعني انت ما امامك غير انك تدرس وتدرس واذا بتلعب كرة قدم انت كيفك...مدرسة هادية جدا بعيدة عن صخب المدن,فانت لما تتكلم عن مدرستك انت تكلمت كشخص فردي مثلي انا اللي اتكلم عن مدرستي بشكل فردي بس ما اقدر اقول انه مدرستي الافضل لاني ما اعرف المدارس كلها في الفلبين والفلبين بلد ما شاء الله غني بالمدراس فاكيد فيه الاحسن والاحسن وتقبل مروري.

[كبتن طيار]

حبيبي كاتب الموضوع ,, انا ابغا اعرف بس حاجه وحده ما يهمني افياتور افضل مدرسه ولا اسوأ مدرسه الله يوفقكم وييسر امركم بس نقطه انه الي يبغا يلعب يروح سيكلون هذي النقطه على اي اساس ذكرتها ياليت ترد علي وتعطيني اجابه واضحه وسبب مقنع واكون لك من الشاكرين حبيبي :)

بالتوفيق

[كبتن طيار]

وبعدين ودك تقنعني ان فيه مدرسه افضل من اومني في الفلبين ؟؟

[wldss]

اخوي كبتن طيار لماذا اومني تعتبر بنظرك افضل مدرسه

وبحكم خبرتك كم مدة الدراسة باومني والتكلفة وجزاك الله خير( 270 ساعه )او سعر البرنامج المتوفر عندهم

لاني محتار بين المدارس

[CapTiN A7maD]

اقتباس:     المشاركة الأصلية كتبت بواسطة كبتن طيار  

وبعدين ودك تقنعني ان فيه مدرسه افضل من اومني في الفلبين ؟؟

أخوؤوي كبتن طيآر أول شي أقوولك كل التوؤوفيق لـكـ., في تكملة درآستك وشكرآ ع قبول اضآفتي .., مع العلم بأي ما تحدثت لك للآن بسبب وضعك لخيآر ( مشغول ) . !


أخوؤوي العزيز هذي آخر سنة لي وأتخرّج وما شا الله ع تقريرك في مدرسة سآيكلون حسب ما رأيت فيه الا كل خير وحضرتك ما قصرت أبدآ في وضع مميزآتها . !

ولكن نفهم من كلآمك الآن أن مدرسة أومني هي الأفضل أو من الأفضل في الفلبين ..؟؟

~ يا ليت تعطيني نصيحة أخوية منّكـ., شو العمل عشآن أبدآ أرتب نفسي من الحين وهالسنة آخر سنة وأتخرج من الثآنوية باذن الله :) . !!

وكل التؤووفيق لك وتأكد بأن كل من سآعدته أو قرآ موضوعك فهو يدعيلك ببآطن غيب . !

[كبتن طيار]

اومني اولا تستخدم مطار كلارك الدولي والمدينه مممتازه جدا وراقيه وقريبه جدا من مانيلا,, نظامها ومالكها امريكي بحت ,, تدفع حق الساعه وتطير اسطول طائرات جبار وكبير جدا جدا اجهزه تشبيهيه وسيميليتر مع اعلى الطرازات زرت المدرسه وطرت على مطارها الحقيقه شي خرافي ولكن عيبها الوحيد سعرها لانها ما عندها بكجات ساعات يعني تدفع حق الساعه تطيرها وتسجلها في لوق بوك حقك والساعه عندهم اغلى من المدارس الاخرى بالاضافه الى اسعار السيميليتر والتدريب الارضي تقريبا دبل المدارس الاخرى فطلعت علي غاليه كثير ,, والي عنده فلوس ومصر على الفلبين يجي على اومني ولكن اومني بتكلفك تقريبا نفس او اكثر بقليل من تكاليف مدارس وكندا وامريكا ,, فالخيار لك ,, وبالتوفيق للجميع وفي انتظار صاحب الموضوع علشان يوضحلنا شلون سايكلون حقت لعب :D

[So3S]

اعذروني يا اخواني على بعض التفاهم.
بس انا قلت رأي لأني مجربها و انا فيها الحين. مميزاتها انهم ما يعطوك الرخص غير و انت عندك الخبره الي تحتاجه لنفسك قبل ما تكون لأحد ثاني. و اذا لا سمج الله ما دخلت الخطوط ممكن يدربوك و خلوك مدرب عندهم. و الميزه يا اخواني الي علقوا على الـ ground school انه ما تطير غير و انت مخلصها يعني ما تمسك الطيارة غير و انت عارف كل شي عنها.
و cyclone school عيبها تطير حوالي 80 لـ 120 ساعة و يكتبولك هيا 270 ساعة انا افضل ادفع و اطير و اكسب الخبره ولا اني اضحك على نفسي هذي كلها وجهات نظري.
مدة الدراسة فيها اقل شي 8 اشهر. بس انا قاعد اكثر لتجميع ساعات افضل انشاءالله و الأهم كسب الخبرة على جميع الطيرات الموجودة لدى المدرسة.
والله موفق الجميع.

[So3S]

اخوي كبتن طيار انا اقول هذي افضل شي بعد مدارس اميكا لأنها اصل امريكي و قديمة في امريكا. وهذي اعتقد على حسب علمي انها المدرسة الوحيدة الي تعطيك الساعات الي انت طايرها فعلي يعني مافيها لعب. و الدراسة مهي هينه و الاختبارات مهي هينه. نسبة النجاح فالمادة هو 85% عندك 3 محاولات بعد الثالثة يوروك الاشياء فعلي و تختبر بس ما اظن في احد يسقط 3 مرات.

[كبتن طيار]

ما تقدر تعمم يا غالي ومدرستنا لازم تدرس قراوند قبل ما تطير وعندنا 270 ساعه وعندنا ممكن تسير مدرب بعد ما تاخذ كورس الـ FI وكل الكلام دا موجود عندنا , ,

بالنسبه لمدرستك انت ماعتقد انك زرت او تعرف شي عن مدرسة اومني ولا ما كان عممت انه مدرستك احسن مدرسه في الفلبين وبعدين ليه خصيت بالذكر سايكلون مع انه وضعها متاشبه في النقاط الي ذكرتها مع فاست وماسترز وفلايت لاين.؟ ويكون في علمك اسم افياتور الشركه الفلبينيه مشتريه الاسم من المدرسه الامريكيه ولا فيه اي علاقه بين المدرستين :) واتحداك لو عندكم مدرب واحد امريكي :) احنا عندنا مدرب امريكي ,, عموما بالتوفيق لك ولكل الشباب السعوديين في كل مكان ,,

[wldss]

شكرا لك اخوي كبتن طيار وانا متابع مواضيعك وردودك وكذالك اخي الصخره والوحيدين اللي يتكلمو بكل صراحه وان شاء الله نشوفكم كباتن باذن الله والله يوفقكم

[كبتن طيار]

اقتباس:     المشاركة الأصلية كتبت بواسطة wldss  

شكرا لك اخوي كبتن طيار وانا متابع مواضيعك وردودك وكذالك اخي الصخره والوحيدين اللي يتكلمو بكل صراحه وان شاء الله نشوفكم كباتن باذن الله والله يوفقكم

هلا حيك الله شهادتك على راسي حبيبي ولكن المنتدى كله صراحه ولكن احيان بعض الشباب الله يهديهم يععمون

عموما بالتوفيق,

[الصخرة]

حيـــــــاكم اخواني ..اولا انا اوافق اخي "كابتن طيار" على انه مدرسة "أومنـــــــــــي" هي افضل مدرسة في الفلبين , وانا ذكرت هالشي في مشاركة سابقة لي, وثانيا يا اخواني الموضوع هو مش موضوع تحدي بين المدارس, اللي يشوف عيوب في مدرسته يقولها بصراحة واللي سمع بعيوب عن مدرسة ثانية , فاذكروا العيوب بس من غير تأكيد مجرد تنبيه , لانه اكثر الاشياء اللي نسمعها مجرد اشاعات واحيانا لا تكون حقيقة... أخي So3s مدرستك على العين والراس بس انت ما تريد تذكر العيوب اللي فيها واللي ذكرها اخوانك الدارسين في مدرستك من قبل, اذا انت فرحان ومرتاح بمدرستك فنحن والله يشهد نتمنى لك كل الخير بس لا تذم مدارس ثانية انت ما لك دراية فيها...هل سبق لك ان زرت مدرسة سايكلون كسبيل المثال..هل طرت في مطارهم ...الخ, لله الحمد مدرسة سايكلون بأمانة انا ما سمعت حاجة تعيب عنها للحين واذا كان بخصوص مسألة اللوجينج فأخونا "كبتن طيار" كان صريح وواضح في المسألة هذي , مش مثل بعض المدراس الشباب يقولون لك لا ما عندنا لوجينج وما عندنا كذا وكذا وفي الاخر الطالب ينصدم...فتحياتي لك كبتن طيار على صراحتك , على الاقل الطالب يعرف ايش بيواجه قبل الدراسة. وبصراحة انا كما ذكرت من قبل زرت كواين والمنطقة حلوة وما تنفع للعب فعلا...وانا ما لي اي مصلحة ان اذكر عيوب او مميزات المدارس الاخرى او مدرستي ..بس الصراحة راحة...وبعدين يا شباب اذا بنتكلم عن الغش في المدارس بالفلبين فهذا هو حال المدراس في العالم كله مش بس في الفلبين..والله اني اعرف طلاب يدرسون الطيران في استراليا وخسروا فلوس كثيرة وفي الاخر المدرسة سكرت والشباب تبهدلوا وما حصلوا امامهم غيريجوون الفلبين والحين ولله الحمد شغالين في الخطوط...وانا كنت على اتصال قبل أيام قليلة ببعض الشباب في استراليا وبصراحة ما في فرق بين الدراسة في الفلبين واستراليا ...خبروني الشباب انه مدرستهم نفس الحالة يعملون touch and go معظم الوقت وفي الكروس كنتري ما انه في حاجة تفرق كثير.. الجراوند سكول كله تضييع وقت وبالعكس هم ذموا مستوى الجراوند سكول عندهم .. وما انه في شي يفرق عن اللي ندرسه نحن في الفلبين .. انا ما اعمم على كل المدراس في استراليا ايضا بس مثل ما قلت في كل مكان بتحصل غش ومشاكل.. فليش الواحد ما يختار مكان عارف انه مش رايح يتضرر كثير..وانا ما نادم ابدا على اختياري للفلبين للدراسة.. وتقبلوا مروري.

[CapTiN A7maD]

أخوؤي العزيز الصّخرة :)

يسلم رآسك ع المعلومآت اللي دووم تتحفنا فيها وفي ميزآن حسنآتك أنت وبآقي الشبآب اللي ما يقصروون أبدآ في المسآعدة خآصة نحنا معشر الطلآب قريبي التخرّج باذن الله بعد مدة قصيرة .. !

أومني ما سمعت عنها الا كل خير سوآء من أعضآء في المنتدى أو بعض من معآرفي هنا بالمنطقة الشرقية أو حتى بعض الفلبينيين اللي سألتهم شخصيآ ويكفي أنها بكلآرك .. !

بس يعيبها سعرها المرتفع مقآرنة ببآقي المدآرس .. :(

كنت أتمنّى أسآفر الفلبين وأزور المدآرس هنآك وأتشرف بمقآبلتك أنت وبآقي اخوآني في المنتدى ولكن بآقي لي أقل من سنة ع التخرج وأنتوا بعد بآقي لكم مب أكثر من سنة للرخصة .. !!

الله ما كتب ولكن تأكدوا بأني أدعيلكم بكل خير لأنكم فعلا عطيتونا فكرة كبيرة عن المدآرس بالفلبين وأخص بالذكر أنت وأخوي الزغيبي وأخوي الثآني كبتن طيآر . !

كل التوؤوفيق لكم ولا أوصيكم شدوا حيلكم ع الرّخصة .. :)

[الصخرة]

حيــــــــــــــــاك أخي Cap TiN A7mad مشكور على المداخلة الجميلة وربنا يوفقك ويوفق جميع الاخوان ان شاء الله ورمضان كريم.

[abd7731]

اقتباس:     المشاركة الأصلية كتبت بواسطة كبتن طيار  

ويكون في علمك اسم افياتور الشركه الفلبينيه مشتريه الاسم من المدرسه الامريكيه ولا فيه اي علاقه بين المدرستين :) واتحداك لو عندكم مدرب واحد امريكي :) احنا عندنا مدرب امريكي ,, عموما بالتوفيق لك ولكل الشباب السعوديين في كل مكان ,,

على فكره افياتور الفلبينيه لها فرع ثاني في ولايه تكساس الامريكيه لتدريب الطيران
عموما افياتور عباره شركه مقسمه لعده فروع
فرع لتدريب الطيران وفرع مبيعات سواء طائرات اوقطع للطائرات وفرع صيانه طائرات وفرع للرحلات الخاصه او السياحيه

وبعدين وش هذا الكلام والتحدي عندنا مدرب امريكا وانتم ماعندكم:iconloli::iconloli:
يعني المدرب الامريكي هو اللي يبطلعلك طيار وعلى راسك ريشه

[captin adham]

ليست افضل مدرسه اومني تقبل مروري

[ma7mod]

Aviatour is very bad school am there now am here since 9 month ago and am just have 65 hours thats my advice to every one want to come to aviatour we have here more than 200 student and we have here just 4 aircraft 172 and 4 152 all arabs here very very delay