[mimx]

حبيب البي عزوزي م قدرت اشوف الرسايل عشان قله المشاركات قلت ازودها بس الحين فاتح الماسن م جاتني اضافه >_<

[عزوزي]

سلام عليكم ورحمة الله وبركاته



حاب ابشركم حبايبي بالنسبة لبعثات الخطوط السعودية ( الداخلية ) مفتوحة للجميع بحسب شروطهم

:: الدراسة بتكون في اكادمية اجنحة رابغ للطيران ::


الثانوية لاتقل عن 90% والقدرات لا تقل عن 75% .

_____________________________________


مدة الدراسة : سنة ونصف دبلوم .
تحديد مستوى الانجليزي : بالنسبة للانجليزي تحديد مستوى الاسبوع القادم .
الفحص الطبي : الاسبوع القادم فحص معتمد مجاني مدته ساعة .


في حالة عدم القبول في البعثة الداخلية لا سمح الله

تكلفة الدراسة لجميع الرخص مع تكملة الشروط الازمة للقبول في الخطوط السعودية 300,000 ريال سعودي .

لاتوجد شروط بالنسبة للعلامات الثانوية والقدرات للقبول في الاكادمية بالنسبة للدارسين على حسابهم الخاص


_____________________________________
لايوجد ضمان وظيفي بعد التخرج !!

:: معلومة مهمة جدا ::


الاولوية للتوظيف في الخطوط السعودية للدارسين في اكادمية اجنحة رابغ للطيران فقط .. ثم الاخرين




_____________________________________




وان شاء الله ربي يوفقني ويوفق الجميع ان شاء الله
ولاتنسوا الدعاء

في أمان الله

[a7m4d]

^^

اقسسسسسسسسسسسسسسسسسسسسسسسسسم بالله فرحتني الله يبارك بعمرك يااااااااااااااارب
وين وين هذا
الحمدلله..
نقدر نصير طياريين *_*

[عزوزي]

اقتباس:     المشاركة الأصلية كتبت بواسطة a7m4d  

^^

اقسسسسسسسسسسسسسسسسسسسسسسسسسم بالله فرحتني الله يبارك بعمرك يااااااااااااااارب
وين وين هذا
الحمدلله..
نقدر نصير طياريين *_*

ادعيلي الله يخليك انقبل في البعثة


وان شاء الله دوووم الفرحة يارب ومن فرحة لفرحة القبول لفرحة التوظيف ان شاء الله

[a7m4d]

الله يووووووووووووفقك ع هالخبر الطيب

بس من وين المصدر ربي يعافيك؟

[عزوزي]

من اكادمية اجنحة رابغ للطيران

على الرقم هاتف: 5504 234 2 966+ الرقم الموحد: 032 23 9200

[a7m4d]

دقيت عليهم يقولون مافي تقديم ع النت تخيل!
يقولي التقديم مفتوح , ولابد اروح الموارد البشرية HBR في الخطوط , يقولي كذا واقدم اوراقي شخصياً,
الدراسة سنة ونصف واطلع طيار تجاري!

صراحة هالفرصة غريبة ومااعلنوا عنها!

[عزوزي]

الحمد لله عشان مايكون في زحمة ^^

[خبير الطيران]

طيب هل فعلا بدا التقديم ولا لا ؟؟

[a7m4d]

طيب اخوي عزوزي ماقلت لي ,, كيف نقدم وكذا يعني وافينا وساعدنا .. ^^

[عزوزي]

الاسبوع القادم ان شاء الله اختبار تحديد مستوى الانجليزي + الفحص الطبي ( كله مجاني ) ..


العنوان ما اعرف بالضبط لكن :: جدة - البساتين - قريب من الصالة الملكية

[عزوزي]

انا ابوي شغال في الخطوط السعودية عمليات جوية
___________________________

بأشوف معاه - واروح الموارد البشرية معاه واشوف الوضع بكرة ان شاء الله واخبركم اول بأول

[Cpt.Majed]

اقتباس:     المشاركة الأصلية كتبت بواسطة عزوزي  

لايوجد ضمان وظيفي بعد التخرج !!

:: معلومة مهمة جدا ::


الاولوية للتوظيف في الخطوط السعودية للدارسين في اكادمية اجنحة رابغ للطيران فقط .. ثم الاخرين

أخي الكريم الحكايه تسويقيه لا أكثر

خريجي اجنحة رابغ مثلهم مثل اي خريج من اي مكان في العالم الميزه فقط ان الرخص سعوديه

اي لن تحتاج الى تحويلها عند التقديم في السعوديه

[خبير الطيران]

منتظريــن الاخبـــار الحلوة يارب سهلها !!

[mimx]

طيب م اقدر احول بعدين من الداخليه للخارجيه P:
طيب كيف التقديم ووش اجيب معاي ؟!

[a7m4d]

المشكلة كل ماادق ع رقم الموارد البشرية يعطوني مشغول لي يومين!

[عزوزي]

متعودين من موظفي الخطوط


ترى ما اعتقد ان الموارد البشرية لهم دخل بموضوع الابتعاث

يمكن الموظفة اللي كلمتنى من الاكادمية غلطانة

[خبير الطيران]

يعني ذحين فيه بعثات داخلية والتقديم فتح ولا لا ؟؟

[a7m4d]

عزوز يقول بيروح وبيفيدنا معتمدين عليه! ,,

[عزوزي]

لا لا تعتمدوا عليا :ANSmile01:




يمكن ما افيدكم في شيء كل واحد يدور ويبحث ويدعي يمكن يطلع بنتيجة


وانا اذا طلعت بنتيجة ان شاء الله ابلغكم اول باول

[a7m4d]

قلت لنا انك رايح عزيزي :) وش صار..~

[mimx]

طيب ي شباب قلتو انو التقديم الاسبوع الجاي لكن الاسبوع الجاي متى ؟!

[a7m4d]

ياهوه احد يفيدنا بحاجة *_*

[الطيار الخفي]

بسم الله الرحمن الرحيم

مساء/ صباح الخير للجميع

اولا اشكر لكم تفاعلكم بالموضوع وإصراركم على تحقيق أهدافكم وبأذن الله كل واحد مننا ينال ما يتمنى

اما بعد

صراحة الومكم يا شباب انه تبون كل شي بالسهل وكل الاخبار توصل لكم وانتم قاعدين بالبيت " الي يبغى شي يسعى له مهما كان و اين ما كان ''' ليش ما احد فيكم راح وسال الموارد البشرية للخطوط بطريق الملك ليش ما احد أجرى اتصالات وتأكد بنفسه ليه و ليه وليه ...... راحا تكثر الأسئلة


عموما بالعقل و المنطق الخطوط راح تفتح تقديم بدون ما تعلن عنه في الجرائد او الموقع او اي ما كان ليه يعني ما يبون احد يقدم ولامخلين الموضوع سر و لغز ولا يقولون لا والله لا تعلمهم عشان ما احد يصير طيار بالله ما سالت نفسك يا عزيزي هالسوال ليه ما اعلنت الخطوط ولا الي أضحكني اكثر يقولون خذ ملفك وروح قدم عندهم ليه وين قاعدين بأيام الحمام الزاجل ولا مقدم على وظيفة عام 1970 هجري

ترى بطلنا التقديم بالملفات فيه شي اسمه انترنت و بريد إلكتروني و و و و و ......

يعني هذا كله وما سألتم أنفسكم ولا تعبتوا أنفسكم ورحعوا تسألوا الخطوط

عموما أنا بقول لكم ايش صار

ماااااافي تقديم بالفترة الحاليه ولافي اختبار بعد اسبوع ولا هالكلام واصلا لسى الخطوط ما فرغت من تدريب الدفعة الحالين الي بأجنحة رابغ وكل الكلام الي قاله الاخ عزوز الله يهديه ماله اي مصدر ولا صحه وايضا كلام الاخ صاحب الموضوع مؤ صحيح انه الخطوط قفلت البعثات

أنا اليوم الساعة 8 صباحا تواجدت في الموارد البشرية بالخطوط وكلمت مدير عام الموارد البشرية بنفسه بنفسسسسسسسه لانه صدفه قابلته وأخذتها فرصه وصراحة ونعم الرجل رحب فيني وكان تعامله كأني واحد من أولاده
وقال لي تطمن الخطوط محتاجه طيارين لمدى 7 سنوات وقال نحتاج شباب زيك يكون عندهم الطموح وأقدره على الوظيفة وطبعا قال
الى الان متواجد الابتعاث الداخلي لأجنحة رابغ ولاكن لسى ما جاء الوقت الي نطلب فيه الطلبات و التقديم ولاكن بالفترة القادمه ان شاء الله و التقديم عن طريق الانترنت ( سامعين يا اهل روح ودي ملفك عندهم ههههههههه ) يعني قال حاول كل اسبوع مرتين او ثلاث تدخل على موقع الخطوط السعودية وتتابع اذا فيه خبر التقديم وتقدم وكل شي وطبعا قال بعد اذا بتروح على حسابك وترجع معاك الرخص وكل شي تجئ عندنا وتقدم في اي وقت تحب واحنا راح نرتب معاك للاختبارات و الفحوصات و و و و و وقال هذا التقديم الي هوه لما تدرس على حسابك مفتوح طوال السنه ولمدى بعيد من السنوات يعني لا احد يشيل هم أما الدراسة على حساب الخطوط بالبعثات الخارجية بكالوريوس مع رخص هذا هوه الي قفل نهائيا لانه فيه قرابة 100 طالب و الخطوط اكتفت فيهم

يعني الي يبغى يصير طيار عنده 3 فرص
1- ينتظر تقديم الخطوط لين يفتح حق الابتعاث الداخلي لأجنحة رابغ الي بعد الثانوي ويقدم عليه .
2- يطلع على حسابه ويرجع محقق كافة شروط الخطوط السعودية ويقدم وبعدها تجيه الاختبارات و و و .
3- تروح بعثة على حساب المملكه في جامعة إمبري ريدل وتطلب تخصص علوم طيران مع شرط التخرج بالرخص المطلوبة بدال البحث العلمي ويكون يبقى لك تكاليف بعض ساعات الطيران و تدفعها من عندك وبكذا انته جاهز وعندك شهادة و رخص طيران .


وهذا ما قاله مدير الموارد البشرية والله على ما اقول شهيد

طبعا لا احد يزعل بس لو ما أحبكم ما كان كتبت الموضوع وعلمتكم على كل شي صار معا اي ولا احد يتعب نفسه ويروح خلاص وضحت لكم كل حاجه بإذن الله


دمتم على خير وبالتوفيق لنا جميعا

[امنيتي أكون طيار]

يعني وووقفت على سنة تخرجي !!

يالله الخيييره .. آيه ألحمد لله .. ما لنا الا الدعــأء و الله يكتب الي فيه خير ..


إن شاء الله يغيرون رايهم تعرف انت الخخطوط قراراتهم تنزل فجأة !! ههههههههههه

[mimx]

ي الطييار الخفي مشكوور وما قصرت والله يعطيك العافيه

[الطيار الخفي]

اقتباس:     المشاركة الأصلية كتبت بواسطة امنيتي أكون طيار  

يعني وووقفت على سنة تخرجي !!

يالله الخيييره .. آيه ألحمد لله .. ما لنا الا الدعــأء و الله يكتب الي فيه خير ..


إن شاء الله يغيرون رايهم تعرف انت الخخطوط قراراتهم تنزل فجأة !! ههههههههههه

اخوي حبيبي قدر الله ما شاء فعل
على فكره اذا كان قصدك انو وقفوا الابتعاث الخارجي الي هو لأمريكا ودراسة علوم طيران مع الرخص ترى قفل من قرابة عام 2010 - 2011 يعني له مده وطبعا برنامج مكلف جداً والخطوط اكتفت ب 100 طالب


لأكن تبي تصير طيار عندك الثلاث فرص الي قالها مدير الموارد البشرية

1- تنتظر لين يفتح تقديم التقديم الابتعاث الداخلي و الدراسة ع حساب الخطوط بأجنحة رابغ وهذا التقديم راح يفتح الفترة القادمه

2- اذا عندك القدرة الماديه خلاص ادرس ع حسابك وارجع اي وقت تبي وقدم واجتاز الاختبارات وبكذا تتوظف ان شاء الله

3- تقدم ع ابتعاث من الدوله وعلى حسابها واذا رفضك الابتعاث روح بنفسك وعلى حسابك وقدم من هناك من امريكا بالملحقية على ابتعادثوبأذن الله راح يجيك قبول بعد كم شهر وتصير ع حساب الدولة تدرس علوم طيار وبالنسبة للرخص تتفق مع الجامعة بدال ما تأخذ بحث علمي تأخذ رخص طيران ولاكن يبقى لك بعض المبالغ الماديه للرخص وساعات الطيران انت تدفعها وطبعا هذا كلة بجامعة إمبري ريدل فقط


"" هاذي الثلاث حالات اذا تبي تصير طيار بالخطوط على حسب كلام مدير الموارد البشرية ""
وقال لا احد يخاف الخطوط محتاجة طيارين و مساعدي طيارين للمدى البعيد جداً بما يقارب 7-8 سنوات

لذلك هاذي فرصتنا كل واحد يختار الطريقة المناسبة له من الثلاث طرق وبعدها يتوكل على الله ويكون جاهز مثل ما قال المدير بالله الانجليزية القوية و الممتازة ويكون جاهز بدنيا و صحيا وتحقيق كافة الشروط و المتطلبات بداية المشوار

اتمنى كل شي واضح وتقدروا تتخذوا خطواتكم وترتيباتكم من الان والله يوفق الجميع

[خبير الطيران]

الطيــار الخفي يعطيك العافية وكفيت ووفيت ما قصرت .. أنا حاليا أفكر في دراسة الطيران في امبري ريدل وخصوصا اني راح اجيب قبول مشروط واطلع على حسابي شهرين وراح انضم للبعثة ان شاء الله ..

بالنسبة للساعات انا اول مرة اعرف هرجة الساعات في الجامعة وليش ما تتكفل الملحقية فيها ؟؟ ولو قررت اخذها كم راح تكلفني تقريبا ؟؟

[الطيار الخفي]

اقتباس:     المشاركة الأصلية كتبت بواسطة خبير الطيران  

الطيــار الخفي يعطيك العافية وكفيت ووفيت ما قصرت .. أنا حاليا أفكر في دراسة الطيران في امبري ريدل وخصوصا اني راح اجيب قبول مشروط واطلع على حسابي شهرين وراح انضم للبعثة ان شاء الله ..

بالنسبة للساعات انا اول مرة اعرف هرجة الساعات في الجامعة وليش ما تتكفل الملحقية فيها ؟؟ ولو قررت اخذها كم راح تكلفني تقريبا ؟؟

أهلين حبيبي

بالتوفيق ان شاء الله بدراستك وصراحه خطوه حلوه وتفكير ممتاز
طبعا لما تأخذ البعثة ان يشاء الله و تخصص علوم طيران مع شرط التخرج بالرخص المطلوبة يكون عليك بعض من تكاليف الرخص و ساعات الطيران
وما اعرف كم تكلفك بالضبط لأكن اغلب دول العالم ما تدرس ولا تعطي رخص طيران على حسابها ما اعرف ليه
ولاكن مبلغ ممكن اذا قلنا كأقصى شي 100 الف او اقل ولاكن على حسب
انته لما تروح هناك وتبدأ دراسه وتنظم للبعثة راحا تعرف كم الفرق الي تدفعه وكل شي يتضح معاك لانه ما احد يقدر يفيدك بسؤالك الا الجامعة نفسها هناك

والله يوفقك

ترى السعر الي قلته لك مجرد تخمين وفرضية للأعلى شي ممكن يواجهك

[FLA]

للأسف الملحقية مقفلة امبري ردل للتكدس
وفلوريدا كلها عموما مقفلة من الملحقية