[رامي فريد]

السلام عليكم شباب..
انا كان عندي استفسار واتمني ان يكون في مشاركات كتير..
انا ناوي ان شاء الله ادرس الطيران في FTS في جنوب افريقيا
طبعا الواحد هيكون هناك لوحده وميعرفش حد..
ومش عارف يسال مين عن تجارب او كدا
ياريت لو حد راح هناك او يعرف اي حد او معلومات عن المدرسه دي يقولها..
ما يخص نظامها وبكام وهل نصب ولا بيخلصوك فعلا وكويسين مع الطلاب..

ده موقعهم..
www.fts.co.za
شكرا يا شباب
اخوكم رامي

[عبدالرحمن مصطفي]

ابعد كل البعد عن جنوب افرقيا والفلبين
بلاش ترمي فلوسك علي الارض روح امريكا او كندا لانهم بلاد الطيران

[رامي فريد]

شكرا لردك السريع..
في اصحاب ليا في جنوب افريقيا بس في مدارس تانيه..قالولي ان نظامهم كويس وكل حاجه..بس الفكره اني راسلت المدرسه دي وعرفت عنها كل حاجه بس حبيت اسال واعرف تفاصيل منكم ..
ان كان حد له تجارب او راح هناك قبل كدا واتعامل معاهم معامله شخصيه يقدر يقولنا ان كانو كويسين ولا وحشين..
اتمني الافاده منكم يا خبره ;) :D

[عبدالسلام-1]

حتى اخي رامي بدات أفكر في جنوب افريقيا
الشهادة قوية والفيزا سهلة والمدارس رخيصة نوعا ما والبلد منظمة

[عبدالرحمن مصطفي]

ياشباب انا اعرف ناس راحوا جنوب افرقيا والله مش حلوه اقسم بالله مش حلوه
اولا مش امان والدراسه هناك سيئه ونظام الدراسه caa
اللهم اني بلغت صدقوني ابعدوا عن جنوب افرقيا والفلبين
لاعيبه منتخب مصر ومنتخب البرازيل وايطاليا راحوا هناك كانوا ساكنين في فنادق دوليه ولها اسمها وحراسه ومع ذلك اتسرقوا
يبئا احنا لما نروح هناك مش هنتسرق
انا مش عارف انتوا بتفكروا ازاي بس

[yasta]

السلام عليكم
بخصوص هذه الاكادمية لا اعرفها لكن يوجد مدارس في افريقيا تدرس مثل النظام البريطاني
و الدراسة في جنوب افريقيا قوية ربي يوفقك
اعرف مدرسة اليونين unine إسأل عليها الكابتن لاني سمعت انها جيدة

[رامي فريد]

يا اخ عبد الرحمن..انته بتتكلم بناءا علي ايه؟
انته بتتكلم كدا بس بناءا علي مقالات تانيه..مش عن تجارب شخصيه او لاصدقائك..
فالنهايه الدراسة نفسها مبتختلفش..ومش طلما مدرسه واحده فاسده..يبقي كل المدارس زباله..
اكيد في الكويس وفي الوحش..
في العالم كله..مش في جنوب افريقيا بس عشان فيها ناس لونهم اسود وبيسرقونا مثلا بالليل والكلام الفارغ دا!!!
انا كلامي كان عني مدرسة معينه ودي بالفعل كويسه جدا جدا جدا..وانصح اي شاب بيها لو الفيزا الامريكيه متحصلش عليها..
www.fts.co.za

التعليم النظري هو مطابق للبريطاني بالظبط يا جماعه والاساتذه هناك امريكان الاصل ..
واللي عايز معلومات عنها اكتر يضيف الميل..


[email protected]
[email protected]

[أمير النهرين]

والله ياخوي ترا لحد الان ما سمعنا عن واحد يمدح في جنوب أفريقيا أو الفلبين..كل يوم يطلعلنا واحد ويتكلملنا عن معاناته في المدرسه الفلانيه......ألله يعينهم (حاول تلاقي مكان أمين عشان تخلي فلوسك فيه)جنوب أفريقيا غير أمينه ولا الفلبين

[عبدالرحمن مصطفي]

كابتن رامي انت عارف اني الايام دي مش عارف ادخل نت غير من الموبايل لاني خارج اسكندريه
والموبايل مش بعرف احط منه ردود كل اللي اقدر اعمله اني اتابع مواضيع المنتدي بس مش اكتر لكن انا نزلت سايبر مخصوص عشان ارد عليك
زي ماقالك الكابتن توفيق مافيش حد شكر في جنوب افرقيا او الفلبين
واذا كان علي التجارب الشخصيه في واحد جاي معانا كارفر ايرو اسمه احمد تحسين شومان من القاهرة ده رجع من جنوب افرقيا من نفس الاكاديميه دي بيقولي بيخلطوا الجاز بوقود الطياره اعد هنا 42 يوم مركبش فيهم طياره والنظام هناك صعب جدااااا وكل شويه يسقطك عشان تعيد وتدفع
لكن لو انت شايف ان جنوب افرقيا مناسبه ليك ممكن تتفضل في تروحها
لكن انا شايف انها لما تديك 3 او 4 رخص ب 35 الف دولار و200 ساعه انا شايف انها مش تستاهل
جنوب افرقيا والفلبين واحد علي فكره .
انا عندي عرض من سايكلون ايروايز في الفلبين ب30 الف دولار شامله كل شئ وبتاخد البرايفت والكومرشال والانسترومنت والمالتي و200 ساعه طيران وشامله سكن ومعيشه
بس انا شايف ان لاجنوب افرقيا تنفع ولا الفلبين تنفع وعلي فكره النظام هناك caa
تحياتي يابو الكباتن
الف تحيه للكابتن توفيق

[محمدالمصري]

يا عبد الرحمن انا اعرف ناس في المدرسه دي وهما دلوقتي طيارين في مصر للطيران وهي نظامها صعب صعب وده معروف والكلام ال انت بتقولو ده مش منطقي خالص انا اعرف فيها واحد هناك دلوقتي لدرجة ان طيارين مصر للطيران بيبعتو اولاادهم هناك في المدرسه دي مخصوص لدرجة انا بتظبط الكورس بتاعك علي ميعاد نزول الأعلان بتاع مصر للطيران وكل ال فيها اولاد وقرايب طيارين مصر للطيران وال فيها هناك دلوقتي اسمو عاصم ابو حسين وده اخو الكابتن الكابتن الكبير في مصر للطيران وعضو نقابة الطيارين حسن ابو حسين وممكن تتأكد من كلامي ده وانا واثق منه مليووووووووووووووون في الميه وانا هانهي كلامي بكلمه قلها ليا الكابتن مجدي عدلي من كبار مصر للطيران وال بيعمل الانترفيو للمتقدمين للشركه وكمان في اكاديميه مصر للطيران قالي احنا بنختار من واحد الي ثلاثه واحد بتاع جنوب افريقيا اتنين بتاع امريكا تلاته بتاع الاكاديميه المصريه والله انت اول واحد اقابله في مصر بيقول جنوب افريقيا وحشه وضياع فلوس وعلي فكره انا هنا في مصر من القاهره لو عاوز رقم موبايلي واديك ارقام طيارين مصريين من خريجي الاكاديميه دي انا تحت امرك

[Capt. Kimo]

اقتباس:     المشاركة الأصلية كتبت بواسطة محمدالمصري  

يا عبد الرحمن انا اعرف ناس في المدرسه دي وهما دلوقتي طيارين في مصر للطيران وهي نظامها صعب صعب وده معروف والكلام ال انت بتقولو ده مش منطقي خالص انا اعرف فيها واحد هناك دلوقتي لدرجة ان طيارين مصر للطيران بيبعتو اولاادهم هناك في المدرسه دي مخصوص لدرجة انا بتظبط الكورس بتاعك علي ميعاد نزول الأعلان بتاع مصر للطيران وكل ال فيها اولاد وقرايب طيارين مصر للطيران وال فيها هناك دلوقتي اسمو عاصم ابو حسين وده اخو الكابتن الكابتن الكبير في مصر للطيران وعضو نقابة الطيارين حسن ابو حسين وممكن تتأكد من كلامي ده وانا واثق منه مليووووووووووووووون في الميه وانا هانهي كلامي بكلمه قلها ليا الكابتن مجدي عدلي من كبار مصر للطيران وال بيعمل الانترفيو للمتقدمين للشركه وكمان في اكاديميه مصر للطيران قالي احنا بنختار من واحد الي ثلاثه واحد بتاع جنوب افريقيا اتنين بتاع امريكا تلاته بتاع الاكاديميه المصريه والله انت اول واحد اقابله في مصر بيقول جنوب افريقيا وحشه وضياع فلوس وعلي فكره انا هنا في مصر من القاهره لو عاوز رقم موبايلي واديك ارقام طيارين مصريين من خريجي الاكاديميه دي انا تحت امرك

كلامك مظبوط يا محمد, انا ليا فعلا واحد صاحبى طيار تحت التدريب دلوقتى فى مصر للطيران درس فى جنوب افريقيا, بس المشكله اللى قابلها هناك ان الدراسه فعلا صعبه. الله اعلم ازاى صعبه دى بقى تفرق من واحد لواحد. المهم ان يكون الشخص حريص على المزاكره.

محمد كمال

[عبدالسلام-1]

هذه المدرسة مطروحة تحت الخيارات
إذا على الصعوبة الصعوبة تكمن فقط في كثر المواد النظرية لا أكثر

[رامي فريد]

فعلا عاصم ابو حسين هناك وانا ليا صديقي من النمسا هناك برده مع عاصم ومعتز وغيره وغيره وكلهم قرايبهم طيارين في مصر للطيران..
الاكاديميه فعلا النظري بتاعها صعب..وفالاول وفي الاخر..انا مش معترف بان الدوله هي اللي بتحكم علي التعليم..
غير ان طول ما الاكاديميه معترف بيها وبتاخد منها شهادة متوثقه..يبقي محدش له حاجه عندك..
كابتن رامي..

[عبدالسلام-1]

كابتن رامي يالله نتوكل على الله عليها؟

[ahmed fouad]

المنهج الدراسى موحد فى جميع مدارس جنوب افريقيا و هو مصمم من قبل سلطة الطيران المدنى يعنى لاوجد شى تتفرد به مدرسة عن الاخرى.
الاختلافات فى المدارس تكون فى عدد الطائرات , الصيانة الدورية, الانضباط الادارى.
عموما الدراسة فى جنوب افريقيا ليست سهلة لانها تعتمد على التحصيل اليومى للطالب بمعنى انك تدخل محاضرة فى الصباح و تطير فى الظهر .
رخصة الطيار الخاص تتكون من سبعة مواد نظرية هى:

Aircraft General
Principles of flight
Air law
Navigation
Meteorology
Human Performance
Flight Planning

نسبة النجاح 75% و للطالب عدة فرص لاعادة الامتحان و يتراوح عدد الفرص من مدرسة لاخرى .
فى حالة اجتياز الطالب للرخصة الاولى يكون قد مضى نصف المشوار لان المواد السبعة ستكون موجود فى كورسات الطيار التجارى بصورة مطورة لكن القواعد هى نفس القواعد.

النجاح حليف الاجتهاد و الارزاق بيد الله

[wegdan12345]

معلش يا شباب انا مستغرب من كلامكم يعني ازاي هنا في مصر بيفضلوا جنوب افريقيا عن امريكا وعن الاكادمية المصرية ...؟؟؟
كمان ازاي بيظبطوا نفسهم علي ميعاد نزول الاعلان بتاع مصر للطيران ((طب هو هينزل امتي تعرف؟؟؟))
انا شايف ان نظام اكاديمية aviator college هو الافضل لان معاك 259 ساعة منهم 200 علي لملتي انجن بس مش عارف نظام المواد النظري بتاعت نظام الfaa الي هي atp بيدوها ولا لا وده اللينك
https://www.aviator.edu/home/flight-t...-programs.aspx

[m7ammed]

شباب انا ناووي ادرس في هذه الأكاديميه ممكن تفيدونا كيف الدراسه فيها هل هي ممتازه او لا.؟