[ايناس البنا]

مساء الخير عليكم يا جماعه
اولا احب اقول كل سنه وانتم طيبين
هنا انا خصصت الموضوع ده للخطوة الاخيرة فى رحلتنا المستمرة من سنه تقريبا للى قدموا فى اعلان ضيافه مصر للطيران الاخير
انا عارفه ان لسه مفيش اى بنت عملت كشف طبى بس انا هنا حابه نتعرف لو اى حد عنده فكرة اليوم ده بيكون ازاى وبيتم فيه ايه بالتفصيل وايه هى الحاجات اللى ممكن الكشف الطبى يرفض تواجدها فى المضيفه
ياريت اللى عنده معلومه يشارك معانا هنا
اسفه للاطاله

[Rosa1]

مساء الخير ايناس انا الصراحة مش عارفة انا لسة عايزة أقدم فى مصر للطيران هو فى اعلان نزل و لا لسة؟ و كمان كنت عايزة اسأل هل لازم اكون بعرف اعوم عشان انا سمعت ان فى شركات طيران بيشطرط فيها كدة عشان فى فترة التدريب.
و شكرا ليكى و ياريت لو فى اعلان نزل او لسة هاينزل ممكن تبقى تقوليلى
و اهم حاجة بس مودغع السباحة دا عشان لو لازم يبقى مش هاقدم عشان مش بعرف اعوم

[Rosa1]

و اهم حاجة بس موضوع* السباحة دا عشان لو لازم يبقى مش هاقدم عشان مش بعرف اعوم

[ايناس البنا]

اقتباس:     المشاركة الأصلية كتبت بواسطة Rosa1  

مساء الخير ايناس انا الصراحة مش عارفة انا لسة عايزة أقدم فى مصر للطيران هو فى اعلان نزل و لا لسة؟ و كمان كنت عايزة اسأل هل لازم اكون بعرف اعوم عشان انا سمعت ان فى شركات طيران بيشطرط فيها كدة عشان فى فترة التدريب.
و شكرا ليكى و ياريت لو فى اعلان نزل او لسة هاينزل ممكن تبقى تقوليلى
و اهم حاجة بس مودغع السباحة دا عشان لو لازم يبقى مش هاقدم عشان مش بعرف اعوم

هو حاليا مفيش اعلان نزل لسه بس افضلى تابعى واعتقد بينزلوا اعلانتهم فىالاهرام لازم وغالبا ممكن على 9 كده او 12 ينزلوا اعلان والله واعلم بس مصر للطيران مبتطلبش انك تعرفى تعومى لا خالص اصلا فى التدريب بيبقى فى ناس واقفه علشان لو نزلتى المايه ومعرفتيش يلحقوكى
تابعى بخصوص الاعلان

[Rosa1]

شكرا ليكى إيناس ربنا يخليكى و بالتوفيق ليكى ان شاء الله
يعنى اقدم عادى لو نزل اعلان اصلى مبعرفش اسبح خالص و هما فى فترة التدريب متهيئلى بيكون فى عوم فا بس عشان مقدمش و فى الأخر يقولو للمبيعرفش يعوم انهم مرفوضين حتى لو كانوا ناجحين فى جميع الأختبارات من قبل فترة التدريب معلش انا دوشتك معايا

[Rosa1]

و يا ريت لو تعرفى هو موضوع العوم دا بيكون كام متر و طول حمام السباحة اد ايه و هل ممكن اتعلم السباحة على كبر انا عندى 27 سنة :D :D

[ايناس البنا]

بصى هو فى التدريب انتى مش بتعومى اصلا
انتى بتدربى داخل جهاز مهيأ من الداخل والخارج على شكل الطيارة بالظبط وبتتدربى على النزول منها للمياه فى حاله نزول الطائرة فى المياه وساعتها بتلبسى اصلا طوافه حوالين راسك وبتتربط على جسمك هما بس بينزلوكى انتى وزمايلك والمفروض بتتدربى فى المايه ازاى تكونوا دواير مجموعات سوى علشان ده اللى بيتم لو الطيارة نزلت مايه لكن اصلا انتى مبتعوميش ومش مطلوب منك تعومى بس طبعا لو بتعرفى تعومى يكون كويس

[Rosa1]

اقتباس:     المشاركة الأصلية كتبت بواسطة ايناس البنا  

بصى هو فى التدريب انتى مش بتعومى اصلا
انتى بتدربى داخل جهاز مهيأ من الداخل والخارج على شكل الطيارة بالظبط وبتتدربى على النزول منها للمياه فى حاله نزول الطائرة فى المياه وساعتها بتلبسى اصلا طوافه حوالين راسك وبتتربط على جسمك هما بس بينزلوكى انتى وزمايلك والمفروض بتتدربى فى المايه ازاى تكونوا دواير مجموعات سوى علشان ده اللى بيتم لو الطيارة نزلت مايه لكن اصلا انتى مبتعوميش ومش مطلوب منك تعومى بس طبعا لو بتعرفى تعومى يكون كويس

شكرا إيناس على الإفادة و ربنا يوفقك و انا هاتبع كده عشان لو نزل إعلان و اتمنى حد يفيدك فى موضوع الكشف الطبى

[Shaimaa.Nagy]

لو سمحت انا كنت عايزة اعرف اقدم ازاي انا كنت نزلت موضوع بس لسه مش نزل ليه مش عارفه و عايزة اعرف لو ف كورسات مطلوبه مني او كده
واعرف ازاي اعلان الوظايف و اقدم ازاي فيها

[Emy Elnagar]

طيب لو في حد لابس نضارة هيكون في مشكله؟
شكرا

[Alexa]

تصدقوا يا بنانيت انا قلقت من موضوع العوم دا انا فاشله فى السباحه :(