 |
| أكاديميات ومدارس الطيران Academic School عرض الجديد عن تدريس وتدريب الطيران //
راجع الفهرس التالي:
للأكاديميــــات تنويه : المشاركات الجديدة هنا ستعرض على المراقبة قبل اعتمادها للعرض! |
| إضافة رد |
|
|
أدوات الموضوع |
10-03-2014,
02:49 PM
|
مشاركة [ 1 ] | |||
|
||||
 |
السلام عليكم ورحمة الل وبركاته بسم الله الرحمن الرحيم  انا هحكى قصتى مع اجراءات تحقيق حلمى للطيران من الاول وياارب يكون فيها فايدة لاى اخ من الاخوة الكرام فالمنتدى العظيم دة انا مصرى وهتكلم بالمصرى وبحريه تاامه وياريت تفهمونى بقى واعذرنى يامشرف علشان دايما الكلام من القلب بيوصل للقلب علطول امممم فالبدايه خلصت ثانويه عامه وكنت عايز ادرس طيران والفلوس كانت جاهزة فجأة لاقيت الوالد صرف الفلوس  مبقاش فى سفر ومبقاش فى طيران وقدمت فكليه هندسه الطيران فالقاهرة وقضيت فيها سنه وتعلقى بالطيران ذاد اكتر واكتر فقررت انى اعاند اهلى "ودا كان قرار خاطئ" لان اهم شئ رضاهم وقررت احول من الكليه حولت فعلا لكليه تانيه هندسه بردة بس قسم مدنى عشان ابعد عن الطيران ومبقاش قاعد دايما شايل الهم بس بردة فضل الحلم ورايا ورايا قضت فالكليه الجديدة هندسه شعبه مدنى واول سنه جبت تقدير وتانى سنه وحاليا خلصت الترم الاول من السنه التالته يعنى كدة بقالى 4 سنين مستنى احقق حلمى ومستنى الفرج من عند ربنا   المهم كنت بدعى فرمضان وعلطول الدعاء مش بيفارقنى ونمت كتير معيط عشان ربنا يفرجها وفليله من الليالى اللى الحظ ضحكلى فيها نمت وصحيت "مفاجأاااه لا على البال ولا الخاطر " صحيت لاقيت الفرج من عند ربنا جه والفلوس جهزت وخلاص بدل ماكنت فدوامه الدراسه فكليه الهندسه لاقيت نفسى هبدأ فاجراءات السفر لدراسه الطيران مالفرحه ماكنتش مصدق اساسا  الحمدلله الحمدلله الحمدلله وراسلت مدرسه DEAN INTERNATIONAL FLYING SCHOOL فى ميامى فلوريدا الولاايات المتحدة وجانى جواب القبول ورحت اشتريت اليونيفورم والفرحه بقى ماتتوصفش مع ان الفلوس كانت جاهزة والحمدلله تقضى دراستى وزيادة بس ماكنتش حابب اتقل على ابويا فالفلوس لان بردة لسه بعد ماخلص دراسه وارجع مصر هضطر اعادل الرخص ب8500 دولار عشان اخد الرخص المصريه  المهم دخلت على موقع السفارة الامريكيه وعملت الابلكيشن ورحت الCIB دفعت ال1120 جنيه ودفعت ال200 دولار سيفيز واتحددلى معاد فالسفارة الامريكيه فالقاهرة يوم خميس وجهزت حالى وحلقت دقنى وخلاص كله تمااام جه يوم الاربع ونمت بدرى وصحيت صليت الفجر ونزلت ركبت ورحت القاهره التأمين عالسفارة شديييد ويوتر وناس كتير بتقدم اللى رايح يتعالج واللى رايح يدرس واللى رايح سياحه رحت هناك وقفت فالطابور واتفتشت طبعااااااااا والتفتيش كان بيضحك لان العساكر زى مايكونو عايزين يشيلوك لفووووق خالص عشان لو فى حاجة تسقط منك ههههه المهم شاف الباسبور والورق ودخلت من الباب .. الباب زى مايكون فلاذ وتقيل جداا دخلت قلعت الحزام تانى وطلعت الفلوس الفضه اللى فجيبى والموبايل سلمته والورق وعديت على الجهاز لاقيته بيدى انزار اتارى الجزمه فيها قطع معدنيه هههههههه رحت قالع الجزمه وعديت وكله تمام دخلت جوة ونزلت سلم ولاقيت طابور وقفت فيه اخدو الورق واخدت رقم ودخلت قعدت اعداد كبيرة وانا قاعد من التفتيش وكدة اتوترت وكنت متوتر لوحدى اصلا وبراقب الوضع عامل ازاى شويه ولاقيت رقمى عالشاشه رحت ولاقيت بنت مصريه بتقولى ممكن الباسبور والورق .. اوك اتفضلى وبضحك لاقيت الموضوع بسيط والحمدلله أكنى اخدت التأشيرة خلاص ههههه لسه ماتصمدتش قالتلى اقعد هناك وهننادى عليك رحت قاعد وشويه لاقيت رقمى تانى ظاهر عالشاشه رحت لشباك رقم 6 لاقيت واحدة حلوة قاعدة ههههههههه  بتقولى حبيبى ممكن الباسبور بالمصرى ههههههه قولتلها شور واخدته سألتنى عايز تدرس ايه قولت طيران طب فين .. فميامى طب والدك شغال ايه " ماكنتش عارف اسم شغلانه ابويا ههههههه " قولتلها مدير عام بالمصرى قالتلى ساكن فين فمصر قولتلها دمنهور البحيرة بالمصرى طالما هيا بتسأل بالمصرى بقى عندك اخوات .. اه عندى 3 . فين كشف الحساب .. اهو اتفضلى .. لاقيتها بتقولى حبيبى محمد ممكن تحط صوابعك من ايدك الشمال هنا قولت فعقلى بالى انتى تؤمرررى حطيت ايدي اليمين وبعدين الشمال وبعدين بتبصلى وانا منتظر اسمع مبروك لاقيتها بتقولى انا موتأسيفه يامحمد خبيبى انا مس خقدر اديلك الفيسا لامريكا انت تكدر تدرس طيران هنا فى مسر او اى بلد تانيه صدمه شدييدة وببصلها جامد ولاقيتها بتديلى الباسبور اخدته من سكاات ومشيت وطلعت برا صدمه كبيرة جدااا الحلم فجأة ضااع ومبقاش موجود والواحد صعبت عليه نفسه وكنت بعيط جوايا كدة وقفلت الموبايل وطلعت ركبت وروحت ودخلت البيت علطول نمت ماكلمتش حد وقعدت ادعى وقولت يمكن اختبار من ربنا """"" مع العلم اانا كنت مصلى استخارة ان لو الدراسه فامريكا ليا فيها خير يبقى ربنا يوفقنى ليها ولو فيها شر يبقى ربنا يبعدنى عنها """"" المهم قررت اقدم تانى وعملت نفس الاجراءات ودفعت الفلوس وحددت معاد جديد وطلع بردة يوم خميس هههههههه قولت يوم الخميس حلو بردة هيبقى وشه حلو عليا اكيد عكس المرة اللى فاتت المهم نمت بدرى ورحت تانى تفتيش تفتيش تفتيش وتأمين رهيب ودخلت واستنيت دورى ووقفت فطابور كدة ولاقيت نفس البنت بتشاورلى عشان اروحلها هههههههههه اه يانا يامااااا كفايه حرام عليكى رحت رايح عليها قولتلها انا عملت معاكى المقاببله الاسبوع اللى فات """ طبعا محدش بيعرف سبب الرفض لانهم بيرفضو بمزاجهم""" قالتلى روح على شباك 109 رحت لاقيت اتنين قدامى واحد عجوز مقدم على فيزا علاج واترفض قولت تشاؤم والتانى مقدم على فيزا شغل واتقبل لانه كان شغال هناك اصلا فعادى اكيد هياخدها يعنى جه دورى ودخلت .. الكلام بالانجلش المرة دى مفيش عربى ازيك الحمدلله شكرا لسؤالك.. ممكن الباسبور .. اكيد اتفضل .. اول مرة تسافر برة مصر .. ايوة .. طب ركبت طيارة قبل كدة .. لا دى اول مرة هسافر وهركب طيارة واصلا رايح اتعلم الطيران فامريكا علشان امريكا بلد كويسه ومن احسن الرخص وشويه كلام كدة هزر معايا وضحك واتفائلت قولت خير ان شاء الله هاخدها لاقيته بيقولى ازاى كشف الحساب زاد من 100 الف ل400 الف فاسبوع !!!!! قولتله والدى باع ارض وحط فلوسها قالى طب ازاى زاد من 400 الف ل450 الف ف3 اايام قولتله كان فى قسط باقى من اقساط الارض والناس سددوة بصلى باستغراب وقالى انا مش هقدر اديلك الفيزا علشان ازاى انت عايز تدرس طيران ومركبتش طيارة ققبل كدة قولتله انا كنت مشغول بدراستى واصلا الباسبور قدامك فاضى انا مسافرتش عشان اركب طيارة قالى لا اقصد مانت ممكن تركب طيارة فوق مصر وكدة قولتله لا احنا الكلام دا مش مكانش فبالى عشان اعمله قالى اسف مش هقدر اديلك الفيزا طبعا بيتلكك وبيقول اى سبب وخلاص قولتله اوك شكرا اخدت الباسبور وطلعت طبعا كل اللى شوفتهم مرفوضين وكله طالع زعلان وبيدعو على امريكا واحباط فالمكان كله رحعت وفتحت النت ادور على اى مخرج لاقيت ناس كتير اوى سعوديين ومن كل الجنسيات العربيه مرفوضين واعداد كبيرة جدا ولاقيت ان نسبه الرفص بتوصل ل99 فالميه وطبعا المستفيد امريكا لان على كل مرة رفض بياخدو فلوس والواحد بيحاول اكتر من مرة يعنى هما مالاخر كاسبانين على قفانا رحت مطار القاهرة اشوف اى حاجة اسأل اى حد لاقيت كابتن اتعرفت عليه وسألته كان دارس فى جنوب افريقيا قولت وماله مش وحش ايه يعنى جنوب افريقيا قالى الدراسه صعبه بس احسن من امريكا بكتير وتدريب اعلى ونظام الدراسه JAR بس الرخص CAA قولت وماله مش عيب وسألته على مدراس وكدة قالى على اكتر من اسم فتحت جوجل وبحثت على Central flying academy """"" معلش طولت عليكو بس يااارب ياارب لعل وعسى يكون فى حل لمشكله اى واحد او تفاؤل لاى واحد محبط وبردة عايز اعيشكو الجو معايا """"" لاقيتها اكاديميه ممتازة واتعرفت على شخص عالفيس بوك درس فيها وبالصدفه كان فمصر من شهر ولسه راجع وكدة رحت قابلته وعرفت منه كلللللل حاجة بالتفصيل وانها كويسه جدا واسعارها جميله جدا وفمطار راند وكويسه جدااا اتوكلت على الله وصليت استخارة ورحت عشان اقدم على تأشيرة جنوب افريقيا وامريكا عملتلى جوف من الرفض منها لله ههههههههه رحت وعرفت عايزين اوراق ايه وراسلت الاكاديميه ودفعت رسوم التسجيل ووصلنى جواب القبول وعملت التأمين وكله تمام فمصر رحت السفارة قالولى عايزين تأمين من شركه تكون موجوده فجنوب افريقيا طبعا راح عليا التأمين بتاع مصر الحمدلله دايما طبعا عملت تامين على النت فشركه فجنوب افريقيا ودفعت بالكريدت وكله تمام يوم الاربع اللى فات رحت واستلمو منى الباسبور ودفعت 6000 جنيه فالسفارة ضمان تقريبا او حاجة كدة وباذن الله حاخد الباسبور يوم الاربع الجى بعد بكرة وهحجز بعدها علطول وهسافر على جنوب افريقيا ادرس الطيران واخيرررررررررررررررررررررررراااااااااااا والحمدلله ربنا اكيد له حكمه ف انى اترفض مرتين فامريكا يمكن مفيهاش خير ليا والخير موجود فجنوب افريقيا اكيد كل حاجة من ربنا خير والحمدلله ماسبتش حلمى ودورت ومانمتش لحد ماوصلت للحظه دى ولسه باذن الله اتوكل على الله وخليك واثق فيه واتمسك بحلمك هتعمل المستحيل وهتلاقى نفسك تعمل حاجات ماكنتش تتوقع انك تعملها اصلا كل حاجة وكل مشكله وليك ربنا هيحلهالك بس انت اسعى واتعب وخد بالاسباب واصبررررررر الصبرررررر اهم حاجة دلوقت انا بقول يمكن لو كنت رحت امريكا كنت فشلت او يمكن لو كنت اخدت الرخص من امريكا كنت قعدت فترة طويله ماشتغلش ويكون المستقبل فجنوب افريقيا احسن وبعد البحث لاقيت ان الرخص الجنوب افريقيا احسن ممن FAA اصلا والجرواند اسكول احسن ومعلومات اكتر هتفدينى بعد كدة فالمعادله وفالشغل الحمدلله حمدا كثرا دايما قول الحمدلله واشكر ربنا هيزيدك والله العظييم " لاحول ولا قوة الا بالله ماكانت بتفارق لسانى " وليها تغيير كبير اوى فالحياه والله ياريت يكون الموضوع عجبكووو ومعلش طولت عليكو :poster_nospam::poster_nospam::poster_nospam: ان شاء الله اول ماوصل هنزل تقرير مفصل عن الاكاديميه بالصور وكل المعلومات وهقولكو كل حاجة بالتفصيل ان شاء الله لو لينا عمرر انتظرونى بالجديد وان شاء الله خيرررر باذن الله سؤال فأخر الموضوع بقى """هل الرخص CAA لجنوب افريقيا ينفع تتعادل لFAA و JAA والرخص المصريه والسعوديه عادى ولا بيبقى فى مشكله وفعلا رخصه جنوب افريقيا فالشغل صح ! تحياتى وباذن الله انتظرو كل المعلومات والجديد من جنوب افريقيا اخوكم محمد 
|
|||
|
|
| 9 أعضاء قالوا شكراً لـ Pilot:Mohammed على المشاركة المفيدة: | AC-130 (30-03-2014), مبارك البوعينين (12-03-2014), mamer (18-03-2014), my name is pilot (16-03-2014), najy ibrahim (13-03-2014), shetos17 (21-10-2014), silverstone (23-03-2014), tariq mohamed (10-03-2014), نادر عبدالرحمن (11-03-2014) |
|
10-03-2014,
06:00 PM
|
مشاركة [ 2 ] | ||
|
|||
|
|
تقرير رائع ياكبتن وتشكره عليه خاصة انو مواضيع دراسة الطيران في المنتدى اغلبها ا قديمة
بس ياريت لو تقلنا كم تكلف وكم عدد ساعت اخذت ؟ |
||
|
|
|
| الأعضاء الذين قالوا شكراً لـ abdoualrhman على المشاركة المفيدة: | مبارك البوعينين (12-03-2014) |
|
10-03-2014,
06:06 PM
|
مشاركة [ 3 ] | |||
|
||||
|
|
ألف ألف ألف مبروك كابتن محمد ، صراحة مما قريت العنوان عرفت الموضوع شيق :)... كنت منتظر حاجة زي دي من زمان ، أحسن حاجة الكلام البتقولو في نفسك أثناء المقابلة هههههههههه :)
أشكر الله واحمدو لأن هو اللي وفقك في امورك ويسرها لك ، في الحقيقة أنا زيك بالضبط في الوقت دا ، كنت عايز طيران لكن دخلت هندسة في سنة ثالثة برضو لسا ومنتظر لحظة جميلة زي دي بس مش عارف متى ... في الحقيقة اديتني امل ، تقريرك جميل ويستاهل التقييم .. أتمنى لك التوفيق والنجاح وتبقى طيار كبير إن شاء الله ... |
|||
|
|
|
| الأعضاء الذين قالوا شكراً لـ tariq mohamed على المشاركة المفيدة: | najy ibrahim (13-03-2014) |
|
11-03-2014,
05:29 PM
|
مشاركة [ 4 ] | |||
|
||||
|
|
تقرير رائع ياكبتن وتشكره عليه خاصة انو مواضيع دراسة الطيران في المنتدى اغلبها ا قديمة بس ياريت لو تقلنا كم تكلف وكم عدد ساعت اخذت ؟ بصراحه مفيش حاجة شجعتنى انزل التقرير هههههه معرفش اللى بيقرى حتى بيبخل برد ولا بكلمه بسيطه او دعوة =D عشانك ياغالى هنزل تقرير كامل عن المدرسه باذن الله بس حاليا السعر زى ماوصلنى من الاكاديميه باقل ساعات يعنى اكيد هتحتاج تزود ساعات فالبتالى السعر هيزيد بس مش كتير حاجة بسيطه هيبقى السعر 300 الف راند والمدة حوالى 13 او 14 او 15 شهر فيما فوق على حسب الطالب والسكن هناك بيبقى من 2000 ل3000 راند فالشهر |
|||
|
|
|
|
11-03-2014,
05:31 PM
|
مشاركة [ 5 ] | |||
|
||||
|
|
ألف ألف ألف مبروك كابتن محمد ، صراحة مما قريت العنوان عرفت الموضوع شيق :)... كنت منتظر حاجة زي دي من زمان ، أحسن حاجة الكلام البتقولو في نفسك أثناء المقابلة هههههههههه :) أشكر الله واحمدو لأن هو اللي وفقك في امورك ويسرها لك ، في الحقيقة أنا زيك بالضبط في الوقت دا ، كنت عايز طيران لكن دخلت هندسة في سنة ثالثة برضو لسا ومنتظر لحظة جميلة زي دي بس مش عارف متى ... في الحقيقة اديتني امل ، تقريرك جميل ويستاهل التقييم .. أتمنى لك التوفيق والنجاح وتبقى طيار كبير إن شاء الله ... ههههههههههه الواحد قال حاجات كتير فنفسه xD الحمدلله اكيد على كل حااال وخد بالاسباب وربك هيسهل بس انت وريهم فالبيت انك طيار بقى اشغلهم بالحكايه دى وربنا يسهل ان شاء الله واصبرررر هتلاقى فرحتك وفرج ربنا جى لحد عندك قرريب هو الوقت بيعدى صعب بس الصبر هتتجازى عليه خير ياكابتن تحيااتى تسلم ياغالى يارب |
|||
|
|
|
| الأعضاء الذين قالوا شكراً لـ Pilot:Mohammed على المشاركة المفيدة: | tariq mohamed (12-03-2014) |
|
11-03-2014,
07:04 PM
|
مشاركة [ 6 ] | |||
|
||||
  |
الف الف الف مبروك
و انا اقول ليش دائما تسألني على جنوب افريقيا:iconloli: على العموم اتمنى التوفيق بدراستك و انا الحمدالله امس كان اول يوم بحياتي اقود الطائرة, و سويت كل شيء ما عدا الهبوط على طائرة C172R في مطار Essex County Airport على مدرج 28 في اكاديمية Air Fleet Training صراحة الطيران روووعة جدا و شعور يصعب و صفة و مستحيل اتركه ابدا. الاكاديمية ممتازة جدا و عندهم اهتمام كبير بالطالب, كنت ادرس في Academy of Aviation لكن شفته سيئة جدا جدا و بعيدة جدا. جنوب افريقيا ليست سيئة و فعلا رخصته احسن من FAA, انا انشاء الله بعدما اخلص الFAA PPL بروح لفوريدا و اكمل الدراسة في EFT FLIGHT TRAINING و بدرس بالنظام الاوروبي EASA/JAA
|
|||
|
|
|
| الأعضاء الذين قالوا شكراً لـ نادر عبدالرحمن على المشاركة المفيدة: | tariq mohamed (12-03-2014) |
|
11-03-2014,
11:52 PM
|
مشاركة [ 7 ] | ||
|
|||
|
|
بصراحه مفيش حاجة شجعتنى انزل التقرير هههههه معرفش اللى بيقرى حتى بيبخل برد ولا بكلمه بسيطه او دعوة =D عشانك ياغالى هنزل تقرير كامل عن المدرسه باذن الله بس حاليا السعر زى ماوصلنى من الاكاديميه باقل ساعات يعنى اكيد هتحتاج تزود ساعات فالبتالى السعر هيزيد بس مش كتير حاجة بسيطه هيبقى السعر 300 الف راند والمدة حوالى 13 او 14 او 15 شهر فيما فوق على حسب الطالب والسكن هناك بيبقى من 2000 ل3000 راند فالشهر أحرجتني يارجل الله يوفقك في دراستك وان شاء الله نشوفك كابتن على الطيارة الي تتمناها وانا بانتظار تقريرك يا أغلى من الغالي 
|
||
|
|
|
|
13-03-2014,
10:46 AM
|
مشاركة [ 8 ] | ||
|
|||
|
|
الف مبروك يا كابتن .. و الله العظيم عنيا دمعت من الاصرار اللى فيك وانا بقرأ الموضوع .. مصريين بقى زي بعض .. و بنحس ببعض :D >> انا بقى قاعد ف البلد اللى دوختك (امريكا) و ببدأ من الصفر و بنحت ف الصخر علشان اقدر اجيب فلوس الاكاديمية هشتغل حاجات كتيرة اوى ملهاش اي علاقة بالطيران اولهم CNA .. و هقدم فى مدرسة تانية Drilling Fluids و اشتغل بشهادتها فى شركة بترول .. علشان ارفع من مرتبى و اقدر اجيب فلوس الاكاديمية . بس اللى عندى هنا بقى ان العيلة كمان واقفين ضدي :D > و كمان شركات الطيران وليكن مثلا (delta ) هنا مبتقبلش بمجرد رخص بس .. لازم تبقى معاك شهادة Bachelor's degree فى مجال الطيران .. و معاك عدد خيالى من ساعات الطيران تقريبا 5000 ساعة
معلش طولت عليك .. و موفق ان شاء الله فى الدراسة و فى انتظار التقرير الجديد عن الدراسة فى المدرسة اخوك المحلاوي : احمد الابيارى .. كابتن مستقبلى بأذن الله :) |
||
|
|
|
| الأعضاء الذين قالوا شكراً لـ Madoelebiary على المشاركة المفيدة: | tariq mohamed (13-03-2014) |
|
13-03-2014,
11:17 AM
|
مشاركة [ 9 ] | |||
|
||||
|
|
بالتوفيق كابتن Madoelebiary :) ، ممكن سؤال؟ " بعد إذنك كابتن محمد "
شهادة البكالوريوس للأجانب ولا برضو للعندهم جنسية والمواطنين ؟ شكراً .. |
|||
|
|
|
|
14-03-2014,
12:39 PM
|
مشاركة [ 10 ] | ||
|
|||
|
|
والله جهادك كان رائع لتحقيق حلمك ^^
انشاء الله نسوي مثلك لتحقيق احلامنا .. |
||
|
|
|
|
15-03-2014,
02:12 PM
|
مشاركة [ 11 ] | |||
|
||||
|
|
الف الف الف مبروك و انا اقول ليش دائما تسألني على جنوب افريقيا:iconloli: على العموم اتمنى التوفيق بدراستك و انا الحمدالله امس كان اول يوم بحياتي اقود الطائرة, و سويت كل شيء ما عدا الهبوط على طائرة C172R في مطار Essex County Airport على مدرج 28 في اكاديمية Air Fleet Training صراحة الطيران روووعة جدا و شعور يصعب و صفة و مستحيل اتركه ابدا. الاكاديمية ممتازة جدا و عندهم اهتمام كبير بالطالب, كنت ادرس في Academy of Aviation لكن شفته سيئة جدا جدا و بعيدة جدا. جنوب افريقيا ليست سيئة و فعلا رخصته احسن من FAA, انا انشاء الله بعدما اخلص الFAA PPL بروح لفوريدا و اكمل الدراسة في EFT FLIGHT TRAINING و بدرس بالنظام الاوروبي EASA/JAA
جنوب افريقيا حلوة مفيش كلام :poster_dont::poster_dont: ايوة بقى ياكابتن ماشاء الله ان شاء الله عقبال الهبوط باذن الله علمهم الطيران يكون ازاى ياكابتن =D ربنا معاك وبالتوفيق باذن الله |
|||
|
|
|
|
15-03-2014,
02:14 PM
|
مشاركة [ 12 ] | |||
|
||||
|
|
أحرجتني يارجل الله يوفقك في دراستك وان شاء الله نشوفك كابتن على الطيارة الي تتمناها وانا بانتظار تقريرك يا أغلى من الغالي
ههههه ربنا يعزك يارب عن اى احراج انا حجزت عالخطوط القطريه يوم الاتنين بعد بكرة باذن الله وهوصل واظبط الوضع هناك وانزل التقرير علطول تسلم ياغالى |
|||
|
|
|
|
15-03-2014,
02:16 PM
|
مشاركة [ 13 ] | |||
|
||||
|
|
الف مبروك يا كابتن .. و الله العظيم عنيا دمعت من الاصرار اللى فيك وانا بقرأ الموضوع .. مصريين بقى زي بعض .. و بنحس ببعض :D >> انا بقى قاعد ف البلد اللى دوختك (امريكا) و ببدأ من الصفر و بنحت ف الصخر علشان اقدر اجيب فلوس الاكاديمية هشتغل حاجات كتيرة اوى ملهاش اي علاقة بالطيران اولهم CNA .. و هقدم فى مدرسة تانية Drilling Fluids و اشتغل بشهادتها فى شركة بترول .. علشان ارفع من مرتبى و اقدر اجيب فلوس الاكاديمية . بس اللى عندى هنا بقى ان العيلة كمان واقفين ضدي :D > و كمان شركات الطيران وليكن مثلا (delta ) هنا مبتقبلش بمجرد رخص بس .. لازم تبقى معاك شهادة Bachelor's degree فى مجال الطيران .. و معاك عدد خيالى من ساعات الطيران تقريبا 5000 ساعة معلش طولت عليك .. و موفق ان شاء الله فى الدراسة و فى انتظار التقرير الجديد عن الدراسة فى المدرسة اخوك المحلاوي : احمد الابيارى .. كابتن مستقبلى بأذن الله :) ياكابتن احمد على قد ماتتعب على قد ماهترتاح واتاكد انك هتوصل هتوصل طالما الاصرار دا موجود عندك هتنحت فالصخر فعلالالا وفالاخر انت نفسك هتتصدم انك عملت حاجات ماكنتش تتوقعها وباذن الله تفتكر لما تبقى فالكوكبيت فشركه احسن من دلتا كمان ربنا معاك باذن الله ونشوفك موفق فكل امورك مصريين زى بعض وعارفين اللى فيها هههههههه  تسلم يارب ياكابتن على ردك وبعون الله نشوفك احلى كابتن عن قريب |
|||
|
|
|
|
15-03-2014,
02:18 PM
|
مشاركة [ 14 ] | |||
|
||||
|
|
والله جهادك كان رائع لتحقيق حلمك ^^ انشاء الله نسوي مثلك لتحقيق احلامنا .. تسلم ياكابتن المستقبل ربنا معاك يارب ويوسع طريقك ونشوفك كابتن قد الدنيا عن قرييب :) تحياتى |
|||
|
|
|
|
17-03-2014,
12:25 AM
|
مشاركة [ 15 ] | ||
|
|||
|
|
ههههه ربنا يعزك يارب عن اى احراج انا حجزت عالخطوط القطريه يوم الاتنين بعد بكرة باذن الله وهوصل واظبط الوضع هناك وانزل التقرير علطول تسلم ياغالى توصل بالسلامة ان شاء الله 
|
||
|
|
|
|
17-03-2014,
02:04 AM
|
مشاركة [ 16 ] | ||
|
|||
|
|
الف الف مبروك ياكبتن انا جسمي قشعر والله وانا ان شاء الله ناطر موضوع اذا ماصار راح اروح جنوب افريقيا على شهر 6 ان شاء الله
|
||
|
|
|
|
17-03-2014,
12:05 PM
|
مشاركة [ 17 ] | |||
|
||||
|
|
الف الف مبروك ياكبتن انا جسمي قشعر والله وانا ان شاء الله ناطر موضوع اذا ماصار راح اروح جنوب افريقيا على شهر 6 ان شاء الله
يبارك بعمرك ياغالى ان شاء الله بالتوفييق واللى فيه الخير سواء فالموضوع اللى انت ماشى فيه او اى طريق تانى يوصلك للى انت عايزة بس صلى استخارة الاول تحياتى |
|||
|
|
|
|
17-03-2014,
07:18 PM
|
مشاركة [ 18 ] | ||
|
|||
|
|
والله العظيم اول ماقريت الموضوع حسيتك بتتكلم عليا لدرجه اني شكيت وطلعت اتاكد من اسم صاحب الموضوع انا مريت بنفس الظروف الي انت مريت بيها ومش عارف ايه علاقه هندسه بالطيران بالظبط لاني شفت كابتن تاني قايل برضوا انه في هندسه :D انا برضوا ياكابتن في هندسه ومدني برضوا بس في سنه 4 ونفس الكلام قررت ارجع لحلمي والطيران تاني لاني مش شايف نفسي مستقبلا كمهندس مدني بس بعد ما اخلص ان شاء الله السنه الجايه, واول مرره اعرف ان الفيزا الدراسيه لامريكا فيها مشاكل كنت مفكر انك طالما جبت خطاب الاكاديميه او المدرسه خلاص هيدووك الفيزا لاني كنت ناوي برضوا اروح امريكا باذن الله , انا داخل عشان اقولك استمر وخليك ورا حلمك وخليك عارف ان الله لايضيع اجر من احسن عملا ولعلا وعسى تكون دي رساله من ربنا ليا بعد ماقريت موضوك اني اشوف شخص مر بنفس الظروف الي مريت انا بيها واخد دفعه الى الامام عشان احصلك باذن الله , ربنا معاك ويوفقك ياكابتن ان شاء الله :)
|
||
|
|
|
|
17-03-2014,
07:44 PM
|
مشاركة [ 19 ] | ||
|
|||
|
|
موضوع رائع يا كابتن محمد
بس يا كابتن هوه انت شغال حاليا في مصر الطيران؟ |
||
|
|
|
|
18-03-2014,
12:52 PM
|
مشاركة [ 20 ] | |||
|
||||
|
|
والله يا محمد كلامك رجع لي الامل مرة ثانية الف شكر والله يوفقك
|
|||
|
|
|
|
19-03-2014,
01:32 PM
|
مشاركة [ 21 ] | ||
|
|||
|
|
موضوع رائع يا كابتن محمد بس يا كابتن هوه انت شغال حاليا في مصر الطيران؟ ?????????????? |
||
|
|
|
|
19-03-2014,
04:49 PM
|
مشاركة [ 22 ] | ||
|
|||
|
|
السلام عليكم ورحمة الله وبركاته
اخي محمد : بالفعل عجبني أصرارك وهمتك وأيضا عزيمتك , وثقتك في نفسك , بصصراحة زاد طموحي وثقتي بنفسي بعد موضوعك الشيق , وبأنتظار تقريرك القادم عن الأكاديميه , ولاتنسى تورينا معالم البلد هناك ^_^ وبالختام اسأل الله لك ولجميع المسلمين التوفيق . . |
||
|
|
|
|
20-03-2014,
01:40 PM
|
مشاركة [ 23 ] | ||
|
|||
|
|
سؤال يا كابتن بالنسبه للمدرسه اللي انت بتدرس فيها حاليا فيها ملتي انجن و لا لا. انا دخلت عالسايت و دورت
سؤال تاني مش شايف ان المده طويله شويه؟ |
||
|
|
|
|
21-03-2014,
01:57 AM
|
مشاركة [ 24 ] | |||
|
||||
|
|
والله العظيم اول ماقريت الموضوع حسيتك بتتكلم عليا لدرجه اني شكيت وطلعت اتاكد من اسم صاحب الموضوع انا مريت بنفس الظروف الي انت مريت بيها ومش عارف ايه علاقه هندسه بالطيران بالظبط لاني شفت كابتن تاني قايل برضوا انه في هندسه :D انا برضوا ياكابتن في هندسه ومدني برضوا بس في سنه 4 ونفس الكلام قررت ارجع لحلمي والطيران تاني لاني مش شايف نفسي مستقبلا كمهندس مدني بس بعد ما اخلص ان شاء الله السنه الجايه, واول مرره اعرف ان الفيزا الدراسيه لامريكا فيها مشاكل كنت مفكر انك طالما جبت خطاب الاكاديميه او المدرسه خلاص هيدووك الفيزا لاني كنت ناوي برضوا اروح امريكا باذن الله , انا داخل عشان اقولك استمر وخليك ورا حلمك وخليك عارف ان الله لايضيع اجر من احسن عملا ولعلا وعسى تكون دي رساله من ربنا ليا بعد ماقريت موضوك اني اشوف شخص مر بنفس الظروف الي مريت انا بيها واخد دفعه الى الامام عشان احصلك باذن الله , ربنا معاك ويوفقك ياكابتن ان شاء الله :)
حبيبى تسلملى يارب اكيد ونعم بالله طبعا عقبالك ان شاء الله عن قريب تبقى طيار وتحقق حلمك وندخل نباركلك ياكابتن ان شاء الله شد حيلك واصبر هتلاقى اللى انت عايزة ومتقلقش بس صلى وادعى وسيب كل حاجة على ربنا تحياتى |
|||
|
|
|
|
21-03-2014,
01:59 AM
|
مشاركة [ 25 ] | |||
|
||||
|
|
موضوع رائع يا كابتن محمد بس يا كابتن هوه انت شغال حاليا في مصر الطيران؟ لا انا لسه بدرس ماشتغلتش هههههههههه اتمنى اكون اشتغلت بس الله المستعان |
|||
|
|
|
|
21-03-2014,
02:01 AM
|
مشاركة [ 26 ] | |||
|
||||
|
|
اقتباس:
المشاركة الأصلية كتبت بواسطة GTR
السلام عليكم ورحمة الله وبركاته اخي محمد : بالفعل عجبني أصرارك وهمتك وأيضا عزيمتك , وثقتك في نفسك , بصصراحة زاد طموحي وثقتي بنفسي بعد موضوعك الشيق , وبأنتظار تقريرك القادم عن الأكاديميه , ولاتنسى تورينا معالم البلد هناك ^_^ وبالختام اسأل الله لك ولجميع المسلمين التوفيق . . ان شاء الله تنزل اللى انت عايزة قريب ياكابتن اكيد هعمل الموضوع انا حاليا فمطار راند ولاقيت سكن هنقل فيه بكرة واظبط حالى وانزل التقرير بصراحه كنت قلقان من الاكاديميه بس جيت وشوفتها بجد جميله جدا وطياراتها نضيفه ومفيش طلبه كتير فالواحد واخد حريته وهبدأ طيران من يوم السبت وبدأت بالفعل فالبريفنج انهاردة اللهم امين ان شاء الله بالتوفيق للجميع تحياتى |
|||
|
|
|
|
21-03-2014,
02:04 AM
|
مشاركة [ 27 ] | |||
|
||||
|
|
سؤال يا كابتن بالنسبه للمدرسه اللي انت بتدرس فيها حاليا فيها ملتي انجن و لا لا. انا دخلت عالسايت و دورت
سؤال تاني مش شايف ان المده طويله شويه؟ السايت بتاعهم مش كويس ودا كان مقلقنى منهم فالاولبس لما جيت وشوفت لاقيت كل حاجة تمام انه فى ملتى طبعا انا هعمل الCPL/IFR على الملتى بأذذن الله تحياتى |
|||
|
|
|
|
21-03-2014,
02:07 AM
|
مشاركة [ 28 ] | |||
|
||||
|
|
والله يا محمد كلامك رجع لي الامل مرة ثانية الف شكر والله يوفقك
ربنا معاك يااارب بالتوفيق ونسمع اخبار حلوة عنك قريب |
|||
|
|
|
|
21-03-2014,
04:22 AM
|
مشاركة [ 29 ] | ||
|
|||
|
|
نحن ف انتضار ال تقرير
|
||
|
|
|
|
08-04-2014,
09:06 PM
|
مشاركة [ 30 ] | |||
|
||||
|
|
القصة المفروض تصير فلم هههه
|
|||
|
|
|
التجربه الصعبه فى خطوات دراسه الطيران "تجربه شخصيه" تنورونا بالدخول
