[Pilot:Mohammed]

بسم الله الرحمن الرحيم


اللهم لك الحمد حمدا أبلغ به رضاك.
أؤدي به شكرك و أستوجب به المزيد من فضلك.

اللهم لك الحمد على حلمك بعد علمك.
و لك الحمد على عفوك بعد قدرتك.

اللهم لك الحمد كما أنعمت علينا نعما بعد نعم.

اللهم لك الحمد بالإسلام. و لك الحمد بالقرآن
و لك الحمد بالأهل و المال و المعافاة.
و لك الحمد في السراء و الضراء.
و لك الحمد في الشدة و الرخاء.
و لك الحمد على كل حال.


دعاء فك الكرب "



دعاء الكرب

عَنِ ابْنِ عَبَّاسٍ رضي اللَّه عنْهُما أَنَّ رسُولَ اللَّه صَلّى اللهُ عَلَيْهِ وسَلَّم كَان يقُولُ عِنْد الكرْبِ :
« لا إِلَه إِلاَّ اللَّه العظِيمُ الحلِيمُ ، لا إِله إِلاَّ اللَّه رَبُّ العَرْشِ العظِيمِ ، لا إِلَهَ إِلاَّ اللَّه رَبُّ السمَواتِ ، وربُّ الأَرْض ، ورَبُّ العرشِ الكريمِ » متفقٌ عليه .

اللهم رحمتك أرجو فلا تكلني إلى نفسي طرفة عين ِ وأصلح لي شأني كله لاإله إلا أنت الله ، الله ربي لاأشرك به شيئاً .رواه ابن ماجه .

قال رسول الله صلى الله عليه وسلم :

" دعوة النون إذ دعا بها وهو في بطن الحوت :" لاإله إلا أنت سبحانك إني كنت من الظالمين لم يدع بها رجل مسلم في شئ قط إلا استجاب الله له ..صحيح الترمذي"




حبيت ابدأ موضوعى بالادعيه عشان بجد والله ياشباب ربنا مش بينسى حد لجأله



لعل وعسى حد قرى الادعيه دى دلوقت ربنا يفرجها عليه ويلاقى نفسه مسافر يدرس الطيران بكرة :poster_dont:




انا هكتب التقرير بطريقتى عشان اعرف اتكلم على راحتى بقى


اسم الاكاديميه بعد مابحثت واطقست كويس واينعم كنت مسافر متوتر وخايف تكون مش كويسه
لان مفيهاش طلبه كتير



اسم الاكاديميه Central flying academy


قبل اى كلام دا فيديو للاكاديميه واتنين من المدربين بتوعها اللى هيظهرو فالفيديو اللى هيبقى على الشمال اسمه رينارت واللى عاليمين الابيضانى الحليوة دى اسمه ستيفان رسسو دا مدربى حاليا :infomilies14:





ودا لينك الاكاديميه https://www.cfasa.co.za/


دى الاكاديميه الوحيدة فراند اللى عندها سيميوليتور FNPT II Simulator وكل اللى فالاكاديميات اللى حوالينا بيجو عشان يطيرو عليه




Stephan My instructor and my private pilot license kits















طبعا الاكاديميه نضيفه جدا والتعامل فيها رراقى والدراسه فجنوب افريقيا فعلا ااحسن دراسه وتدريب ومهارة وخبرة على مستوى العالم باللى شوفته هنا وقابلت كباتن فمطار الدوحه لما وصلت هناك ترانزيت حكولى ان لهم اصدقاء كتير شغالين فالاماراتيه وشركات كبيرة معظمهم درس فجنوب افريقيا يعنى الدراسه هنا قويه جدا

سيبك من اللى يقول صعبه طبيعيى مفيش حاجة بالساهل يعنى ربنا مش هيساوى واحد راح دفع فلوس وطار كام ساعه واخد الرخص ورجع زى واحد اتبهدل وزاكر وطلع عينه دا اكيد يعنى

المهم دى صور صورتها اول ماوصلت طبعا كلها صور بكمره موبايل












دى صور صورتها فالهانجر 28 اللى هو هنجر الاكاديميه







انا طلعت من مطار برج العرب فالاسكندريه مصر الام لمطار الدوحه وقعدت هناك ترانزيت 9 ساعات

وبعدين من الدوحه لجوهانسبرج كان ستيفان مستنينى فصاله A فالمطار هنا بصراحه زوء جدا

نستنتج من كدة ايييييه !!!

ان انا سافرت على الخطوط القطريه ههههههه عشان كدة عملت ترانزيت فالدوحه ماحبتش اسافر على مصر للطيران لانها غاليه والخدمه فيها مش كويسه

المهم

وصلت هنا وقابلت ستيفان اخدنى بعربيته على مطار راند حولت دولارات لراند الاول عشان اعرف اتعامل فالبلد

رحت على مكان فالمطار اسمه academy air عندهم سكن ب450 راند فالليله قعدت حوالى 5 ليالى

وحاليا اتنقلت فسكن ب3500 راند فالشهر ولاقيت سكن تانى اقرب للمطار ب3000 هنقل فيه اول شهر 4 باذن الله


اول يوم رحت الاكاديميه دفعت اول قسط طبعا الاقساط ونظام الدفع بتتفق عليه مع الاكاديميه انا دفعت 25 الف راند اول قسط
ودخلت بريفنج لمدة 3 ايام وانهاردة كان اول طيران ليا مع ستيفان على c173 ZS-OMN كانت بجد جميلله جدا والكلام مع المراقب والتاكسى والtake off وكل حاجة طبعا انا كنت متعود اطير سميوليتور عاللاب توب بتاعى واول مرة اطير بجد فكانت تجربه جديده والمنظر كان ميتوصفش

رجعنا المطار سجلت الطيران فاللوج بوك عملنا 0.7 عشان كان فى سحب بدأت تتكون واضطرينا نرجع




















طبعا الطيران كان متحددلى الساعه 6 واستنينا لما الشمس طلعت عشان الشبورة تنزل

بعدين طلعنا ورجعنا عملت بريفنج EX.5 وهطير اطبق عليه بكرة الساعه 8 باذن الله


دلوقت كله بيسال عن السعر


الرخصه البرايفت هتتكلف 82290 راند

النايت ريتنج 22328 راند

الhour building هنا نظامين

اول نظام اسمه hire&fly (Wet rate) يعنى الاكاديميه بتديلك كارت تزود بيه وقود للطيارة من غير ماتدفع فالمطار ودا بيتكلف 114325 راند والساعات 85 ساعه بيبقو سولو PIC وبتاخد راحتك خالص ههههه

وفى ال hire&fly (Dry rate) دا انت بتاخد الطيارة وتطلع ولما توصل المطار بتزود الوقود وبتدفع فلوس من جيبك بيتكلف 57375 راند والساعات بردة 85 ساعه بس لما تحسب الوقود اللى هتستخدمه وتضربه فالساعات هيطلع اعلى من السعر الwet فدا مناسب جدا وانا هاخدة باذن الله


وبعدين الhead seat انا اشتريتها انهاردة ب1500 راند



سعر الجراوند سكول للcpl/ifr 11500 راند


نيجى لرخصه الCPL/IR على السنجل c172 و c172RG هتتكلف 55.950 راند


والCPL/IR على multi engine PA-30 هيبقى عليها 15 ساعه و10 ساعات على c172 وسيميوليتور 15 هتتكلف 76250 راند

السكن زى ماقولت هيتراوح من 3500ل3000 ل 4000

والمصاريف الشخصيه على حسب كل واحد



كدة اكون خلصت التقرير بالاسعار وكل حاجة


اللى حابب يستفتسر يتفضل يسأل

واللى حابب يقدم فالاكاديميه لو عجبته انا موجود بردة هقوله عالخطوات بالظبط

دعواتكم ليا انا لسه فبدايه البرايفت وربنا يسهل واخلصها فخلال 4 شهور باذن الله


تحياتى وكدة اكون وفيت بوعدى انى هنزل التقرير

عذرا على الاطاله

[bouchelga]

أخي الكريم أنا أريد أن أعرف الملف المطلوب لأخذ فيزا دراسة طيران لجنوب إفريقيا

[فاهم]

الله يوفقك باين من الصور انها اكاديميه محترمه مشكلتنا الواحد يوم يفكر بدراسه الطيران على طول يفكر بامريكا او استراليا او الفلبين فيه اكاديميات عريقه ولها اسم ببلدان غير مشهوره بالطيران

[abdoualrhman]

والله ياكابتن كنت مستني التقرير حقك وهو ذا وصل ماقصرت ويعطيك ربي العافية ع مجهودك

[نادر عبدالرحمن]

الف الف مبروك يا كابتن و اشكرك على مجهودك
فعلا الدراسة في جنوب افريقيا ممتازة جدا و لاحظت من كلامك ان الاسعار و المعيشة بشكل عام رخيصة جدا بالذات ارخص من نيويورك :1icon_g1:.
اتمنى لك التوفيق والنجاح انشاء الله

[OTB]

الله يعطيك العافيه يا كبتنا الف الف مبروك

الله يكتب اجرك على المقدمه الرائعه

عندي بعض الاسئله بارك الله فيك

مانوع الرخص التي تقدمها الاكاديميه هل هي رخص اوروبيه ام امريكيه ؟

مانوع الرخص التي تقدمها الاكاديميه من البرايفت الي الكومرشال ياليت تفيدنا

هل ذكرت التايب ريتنج او النايت ريتج تحديداً

وكم ساعه تتخرج من الاكاديميه

ولك جزيل الشكر

بأنتظار ردك

[Mohammed Ashraf]

السلام عليكم كنت عايز اعرف البلاد اللي تبع JAA و البلاد اللي تبع FAA و هل لو انا عامل تايب ريبتج مش مهم معادلة الرخصة لرخصة البلد ؟

[نادر عبدالرحمن]

اقتباس:     المشاركة الأصلية كتبت بواسطة OTB  

الله يعطيك العافيه يا كبتنا الف الف مبروك

الله يكتب اجرك على المقدمه الرائعه

عندي بعض الاسئله بارك الله فيك

مانوع الرخص التي تقدمها الاكاديميه هل هي رخص اوروبيه ام امريكيه ؟

مانوع الرخص التي تقدمها الاكاديميه من البرايفت الي الكومرشال ياليت تفيدنا

هل ذكرت التايب ريتنج او النايت ريتج تحديداً

وكم ساعه تتخرج من الاكاديميه

ولك جزيل الشكر

بأنتظار ردك

اقتباس:     المشاركة الأصلية كتبت بواسطة Mohammed Ashraf  

السلام عليكم كنت عايز اعرف البلاد اللي تبع JAA و البلاد اللي تبع FAA و هل لو انا عامل تايب ريبتج مش مهم معادلة الرخصة لرخصة البلد ؟

الرخصة CAA لكن بالنظام الاوروبي JAA

[Pilot:Mohammed]

اقتباس:     المشاركة الأصلية كتبت بواسطة bouchelga  

أخي الكريم أنا أريد أن أعرف الملف المطلوب لأخذ فيزا دراسة طيران لجنوب إفريقيا

انا رحت هنا فمصر سفارة جنوب افريقيا فالمعادى واخدت ابلكيشن وقالولى المطاليب بتاعتهم
صورة 4*6 خلفيه بيضه مفيهاش فوتوشوب وباسبور صالح وكشف حساب والacceptnce letter من الاكاديميه اللى هدرس فيها وlife insurance لمدة 6 شهور فيما اكثر انا عملته لمدة 6 شهور فشركه momentum دفعت من على النت بالماستركارد ووصلتنى بوليسه التأمين فنفس اليوم وفالسفارة مع الابلكيشين هيدولك ورقتين كشف طبى على انك معندكش امراض من اللى موجودة عندهم وهتعمل اشعه على الصدر بس كل دا كلام روتينى ساهل خالص محدش بيرفض فالسفارة

انا اتبهدلت شويه عشان ماكنتش عارف الخطوات بالظبط بتتعمل اازاى بس انا معاك لو وقفت فاى حاجة او لو حابب تجيب الacceptance letter من الاكاديميه هتابعلك كل الاجراءات معاهم


بعد ماخلصت كل الاجراءات دى رحت ومعايا 6000 جنيه بدفعهم وباخد بيهم وصل بصرفه لما ارجع مصر عشان اخدهم تانى ودفعت 300 جنيه رسوم الفيزا

وسلمت الباسبور مفيش مقابله ولا شئ خالص بتسلم الورق والتأشيرة بتتحط عالباسبور فنفس اليوم بس بتاخدة بعدها ب10 ايام معرفش السبب ايه


تحياتى يارب اكون افدتك

[Pilot:Mohammed]

اقتباس:     المشاركة الأصلية كتبت بواسطة فاهم  

الله يوفقك باين من الصور انها اكاديميه محترمه مشكلتنا الواحد يوم يفكر بدراسه الطيران على طول يفكر بامريكا او استراليا او الفلبين فيه اكاديميات عريقه ولها اسم ببلدان غير مشهوره بالطيران

تسلم ياغالى انا كنت زى اى حد قلقان جدا تطلع نصب او يطلع مستوى الدراسه فيها مش كويس خصوصا ان الموقع بتاعهم مش ظاهر اى حاجة من اللى هنا يادوب الكورس والمواد بس وشويه صور

صليت استخارة واتوكلت على الله وجيت والحمدلله اكاديميه جميله جدااا المطار هادى والطيارات 8 طيارات يعنى الطيران مفيهوش تأجيل الا بظروف الجو غير ان فى ملتى انجن ودا مش موجود كتير هنا غير فامااكن معينه فالبتالى مش هضطر اعمل الملتى فمكان تانى ولسه هدور وادفع فلوس

اه فعلا هيا مشكله لان كله اتجه لامريكا لان ف6 شهوراو اقل بتكون معاك الكوميرشل وطبعا مبتبقاش فاهم حاجة لانهم نظام بياخدو فلوس يدولك معلومات مختصره وتاخد الرخصه ولما تيجى تدخل انترفيو فشركه مبتعرفش تجاوب الامتحانات ولا الاسئله بأجباتها النموزجيه "انا بقول المعظم مش الكل لان فى اكاديميات فامريكا كويسه جدااا وقويه جدا بس غاليه طبعا "

ميزة هنا ان الاسعار رخيصه والدراسه مش غاليه فنفس الوقت قوة الشهادة وكم المعلومات والمهارة فالتدريب فالمطارات اللى هنا والكلام مع المراقب الجو بردة اتقن واسرع من النظام فامريكا فالبتالى هتتخرج فاهم كل حاجة بمعنى اصح وفى طيارين كتيرر شغالين درسو فاكاديميات محدش سمع عنها خالص اصلا

الخيرة فيما اختاره الله حبيبى

تحياتى

[Pilot:Mohammed]

اقتباس:     المشاركة الأصلية كتبت بواسطة abdoualrhman  

والله ياكابتن كنت مستني التقرير حقك وهو ذا وصل ماقصرت ويعطيك ربي العافية ع مجهودك

تحت امرك ياجميل ويارب يكون فيه اللى انت بتدور عليه باذن الله بالتوفيق وانا معاك فاى حاجة تحتاجها

[Pilot:Mohammed]

اقتباس:     المشاركة الأصلية كتبت بواسطة نادر عبدالرحمن  

الف الف مبروك يا كابتن و اشكرك على مجهودك
فعلا الدراسة في جنوب افريقيا ممتازة جدا و لاحظت من كلامك ان الاسعار و المعيشة بشكل عام رخيصة جدا بالذات ارخص من نيويورك :1icon_g1:.
اتمنى لك التوفيق والنجاح انشاء الله

كابتن نادر احنا كنا سوا فموضوع الاتحاد اللى فشل وبقى بينا عشرة عمر هههههههه

حبيبى ياكابتن الله يبارك فيييك تسلم والله فعلا فاكر لما كنت قلقان منها .. هيا بجد طلعت ممتازة جدا وبالنسبه لاسعارالبلدان التانيه الواحد هنا ممكن ياخد الرخص ويوفر فلوس لحاجات تانيه كتير زى التايب ومعادله الرخص والكلام دا كله انت اكيد عارف المكملات الغذائيه للرخص ههههه

الاكاديميه طلعت اكثر من رائعه العقبه الوحيدة الجو بالنسبه لانى لسه بادئ PPL زى مانت عارف بس بعد ماخلصها وادخل فالانسترومنت هيبقى الطيران متاح كل يوم عادى

تسلم يارب وعايزين نسمع اخبارك بقى ماعرفتش عنك بقالى كتير اكيد عملت الهبوط صح ! ههههه علمهم الطيران على اصوله ياكابتن


تحياتى

[Pilot:Mohammed]

اقتباس:     المشاركة الأصلية كتبت بواسطة OTB  

الله يعطيك العافيه يا كبتنا الف الف مبروك

الله يكتب اجرك على المقدمه الرائعه

عندي بعض الاسئله بارك الله فيك

مانوع الرخص التي تقدمها الاكاديميه هل هي رخص اوروبيه ام امريكيه ؟

مانوع الرخص التي تقدمها الاكاديميه من البرايفت الي الكومرشال ياليت تفيدنا

هل ذكرت التايب ريتنج او النايت ريتج تحديداً

وكم ساعه تتخرج من الاكاديميه

ولك جزيل الشكر

بأنتظار ردك

الله يبارك فيك ياغالى تسلم

الرخصه بتبقى CAA اللى هيا رخصه الدوله بس الدراسه نظام اوروبى JAA بتتناقش فالبريفنج مع الانستراكتو فغرفه لوحدك انت وهو وبيشرح على البورد باقلام الوان وكدة هههههه والروجيكتور وبعدين بتعمل فلايت على اللى اخدته تطبق كل حاجة عملى

هنا الرخص PPL بتاخد حوالى 4 شهور او اكثر على حسب مجهودك
وبعد ماتخلصها هتنقل على Night rating عشان تطير بالليل بياخد حوالى 12 ل 14 يوم
وبعد ماتخلص النايت رايتنج هتدخل على الCPL/IFR لو عايزة تاخدها على الملتى او السنجل بياخد من 7 ل 9 شهور طبعا المدة على حسب كل طالب

يعنى انا مثلا فترتيباتى باذن الله اخلص الرخص كلها ف13 شهر ان شاء الله

والساعات 205 ساعه ل215 لان ممكن الانستراكتو يزودلك مثلا فكل رخصه ساعه او ساعتين الفرق مش كبير ولو حابب تزود ساعات ل250 بعد ماتخلص الrate للساعه هنا مش غالى خالص . فى ناس بتحب تزود وفى ناس مش بتحب تزود انا واحد من اللى هيكتفو بالسااعات دى عشان كم المعلومات اللى معايا من الجراوند

تحياتى

تحياتى

[ssaly]

مشكور على التقرير وعلى الصور هي اكاديمية فعلا تستاهل

[Pilot:Mohammed]

اقتباس: المشاركة الأصلية كتبت بواسطة OTB

الله يعطيك العافيه يا كبتنا الف الف مبروك

الله يكتب اجرك على المقدمه الرائعه

عندي بعض الاسئله بارك الله فيك

مانوع الرخص التي تقدمها الاكاديميه هل هي رخص اوروبيه ام امريكيه ؟

مانوع الرخص التي تقدمها الاكاديميه من البرايفت الي الكومرشال ياليت تفيدنا

هل ذكرت التايب ريتنج او النايت ريتج تحديداً

وكم ساعه تتخرج من الاكاديميه

ولك جزيل الشكر

بأنتظار ردك

اقتباس: المشاركة الأصلية كتبت بواسطة Mohammed Ashraf

السلام عليكم كنت عايز اعرف البلاد اللي تبع JAA و البلاد اللي تبع FAA و هل لو انا عامل تايب ريبتج مش مهم معادلة الرخصة لرخصة البلد ؟

اقتباس:     المشاركة الأصلية كتبت بواسطة نادر عبدالرحمن  

الرخصة CAA لكن بالنظام الاوروبي JAA

بالظبط زى ماقال كابتن نادر الرخصه CAA رخصه جنوب افريقيا بس الدراسه JAA

[Pilot:Mohammed]

اقتباس:     المشاركة الأصلية كتبت بواسطة ssaly  

مشكور على التقرير وعلى الصور هي اكاديمية فعلا تستاهل

العفو اه اكاديميه جميله جدا

[tariq mohamed]

تقريرك رائع جداً يا كابتن محمد :) ، ربنا يوفقك ونسمع بيك كابتن في شركة كبيرة إن شاء الله :) ..

لو ممكن بس تقولي التكلفة الكلية بمصاريف المعيشة بالدولار + دولار بيساوي كم راند؟

طيب عندهم Instructor rating I & II ؟ لو عندهم شوفها برضو تكلفتها كام بالدولار ، بالنسبة للــ Time building إحسب بتاعت الــ wet > لو ممكن ، معليش تعبتك :) ..

[Pilot:Mohammed]

اقتباس:     المشاركة الأصلية كتبت بواسطة tariq mohamed  

تقريرك رائع جداً يا كابتن محمد :) ، ربنا يوفقك ونسمع بيك كابتن في شركة كبيرة إن شاء الله :) ..

لو ممكن بس تقولي التكلفة الكلية بمصاريف المعيشة بالدولار + دولار بيساوي كم راند؟

طيب عندهم Instructor rating I & II ؟ لو عندهم شوفها برضو تكلفتها كام بالدولار ، بالنسبة للــ Time building إحسب بتاعت الــ wet > لو ممكن ، معليش تعبتك :) ..

تسلم ياغالى

الدراسه الرخص كلها والtime building wet rate هتتكلف حوالى 29500 دولار يعنى قول 30 الف دولار من غير سكن

السكن ب3000 راند ومصاريفك على حسب كل فرد بس على حسبتى انا عامل المصاريف 1000 راند يعنى 4000*13 شهر اللى هيا مدة الدراسه هيساوى 52 الف راند

هتبقى التكلفه الكليه 360,000.00 ZAR = 33,418.80 USD

الراند انا بغيرة هنا ب10.4وساعات ب10.6 وساعات ب10.8
وفى انستراكتور ريتنج بييتكلف 4700 دولار يعنى 47 الف راند

تحياتى

[المحب لله]

ما هو سعر التايب ريبتج ؟
ما هو متوسط مصاريف العيشة ؟
بالدولار

[Pilot:Mohammed]

اقتباس:     المشاركة الأصلية كتبت بواسطة المحب لله  

ما هو سعر التايب ريبتج ؟
ما هو متوسط مصاريف العيشة ؟
بالدولار

التايب بيعمل 14 الف دولار بس مش فالاكاديميه مفيش هنا تايب فالمدينه اللى انا فيها

متوسط مصاريف المعيشه من 600 ل4000 راند كل واحد ونفسه طبعا 4000 دا لو عايز تخرج كل يوم وفسح كتير ومصاريف وحاجات كتيرر يعنى هتبقى مرتاح عالاخر ولو عايز يادوب تاكل وتزاكر وتروح الاكاديميه تدرس 1000 او 1500 راند وزى ماقولت بتختلف من شخص لشخص

تحياتى

[Cpt.Majed]

ماشاء الله تبارك الله
تقرير رائع جداً افتقدنا مثل هذي التقارير
كل التوفيق لك اخي العزيز
عقبال ماتعملنا تقرير عن اول يوم عمل لك في شركة طيران

[tariq mohamed]

اقتباس:     المشاركة الأصلية كتبت بواسطة Pilot:Mohammed  

تسلم ياغالى

الدراسه الرخص كلها والtime building wet rate هتتكلف حوالى 29500 دولار يعنى قول 30 الف دولار من غير سكن

السكن ب3000 راند ومصاريفك على حسب كل فرد بس على حسبتى انا عامل المصاريف 1000 راند يعنى 4000*13 شهر اللى هيا مدة الدراسه هيساوى 52 الف راند

هتبقى التكلفه الكليه 360,000.00 ZAR = 33,418.80 USD

الراند انا بغيرة هنا ب10.4وساعات ب10.6 وساعات ب10.8
وفى انستراكتور ريتنج بييتكلف 4700 دولار يعنى 47 الف راند

تحياتى

ألف شكر يا كابتن ، ربنا يوفقك في الدنيا والآخرة ، تحياتي ..

[Madoelebiary]

الف مبروك يا كابتن محمد ... و ما زال كفاح المصريين مستمر :D

عقبال ما نشوفك كده كابتن فى شركة طيران كبيرة بأذن الله

[نادر عبدالرحمن]

اقتباس:     المشاركة الأصلية كتبت بواسطة Pilot:Mohammed  

كابتن نادر احنا كنا سوا فموضوع الاتحاد اللى فشل وبقى بينا عشرة عمر هههههههه

حبيبى ياكابتن الله يبارك فيييك تسلم والله فعلا فاكر لما كنت قلقان منها .. هيا بجد طلعت ممتازة جدا وبالنسبه لاسعارالبلدان التانيه الواحد هنا ممكن ياخد الرخص ويوفر فلوس لحاجات تانيه كتير زى التايب ومعادله الرخص والكلام دا كله انت اكيد عارف المكملات الغذائيه للرخص ههههه

الاكاديميه طلعت اكثر من رائعه العقبه الوحيدة الجو بالنسبه لانى لسه بادئ PPL زى مانت عارف بس بعد ماخلصها وادخل فالانسترومنت هيبقى الطيران متاح كل يوم عادى

تسلم يارب وعايزين نسمع اخبارك بقى ماعرفتش عنك بقالى كتير اكيد عملت الهبوط صح ! ههههه علمهم الطيران على اصوله ياكابتن


تحياتى

هههههههههه والله منتظر بأحر من الجمر للهبوط هو المدرب قالي لازم تتقن و تكون محترف في المهارات الاساسية بعده بدرب على الطيران البطيء Slow Flight ثم الهبوط و لأني موظف اروح الاكاديمية مرة في الاسبوع للطيران, اما الجزء النظري انا ادرسة اونلاين يعني دراسة ذاتية. ايضا عندنا نفس الشيء تروح مع المدرب الصف الدراسي و يعطيك شرح و تخطيط للتدريب.

حبيت اذكرك بشيء مهم جدا.
بعدما تخلص الPPL انشاء الله لازم تدرس مواد الATPL عشان لما تتخرج يكون عندك FROZEN ATPL و في نفس الوقت ما تحتاج انك تدرس المواد النظرية حق ال CPL/IR
انا مخطط لنفس الشيء تماما, انشاء بعدما اخلص الPPL في نيويورك بروح لفلوريدا و ادرس مواد الATPL بالنظام الاوروبي طبعا و في نفس الوقت بكمل باقي تدريبي بالنظام الاوروبي هناك بأذن الله.

[phantom010]

ربنا يوفقك يا كابتن
ممكن تقولنا انت طلبت منهم ايه بالضبط و تورينا ال Quotation اللي هما بعتوه ليك؟
انا بعتلهم و ردو عليا بنفس الاسعار اللي انت كاتبها بس في نوعين لل cpl/if مره single و مره multi لازم الواحد يدرس الكورسين دول و لا ممكن يكتفي بواحد منهم؟
ايه رايك في
Johannesburg School of Flying

او ممكن تسالنا عليها

[المحب لله]

هل فيه كورس انجليزي فى الاكاديمية ؟
وهل انت خت كورسات قبل ما تسافر فى مصر فى الانجليزي ؟

[المحب لله]

بالنسبة لسعر الاكاديمية شامل Aptl و ir كام ؟

[Pilot:Mohammed]

شباب انا لسه نازل من C172 حااالا الجو قلب فى أخر الفلايت مطرر والجو بجد حاااجه ماتتوصفش انهاردة انا طرت 2.7 ساعه طيرت منهم 0.9 الصبح و1.8 دى دلوقت لسه نازل منها الهبوط كان اكثر من رائع انا عملت الdecent لحد الfinal قبله بشويه وستيفان مدربى هو اللى هبط قالى لو مكانش فى مطر كنت هخليك تهبط انت

الفلايت الصبح كنت بنسى حاجات كتير مالتوتر بس الفلايت دى ستيفان كان مزهول عملت كل حاجة لوحدى والحمدلله لدرجه انه لما نزلنا كتب نوتس عن كل حاجة عملتها

التدريب هنا بجد بجد بجد شباب اكتر من رائع احسن من امريكا بكتير واكثر تكنيك واستراتيجيه ومهارة فالتحدث مع البرج المدرسه جميله جدا في طيارات كتير فاضيه لان مفيش طلبه وطرت لحد دلوقت على 3 طائرات c172 بتسجيل مختلف ههههههههه اهو تنويع وهنا التدريب بجد انا بقولكو بضمير عالى جدا والمصاريف مش غاليه خاااااااااالص زى امريكا


يارب يارب يكون الموضوع فيه فايدة لاى شخص نفسه يحقق حلمه ويلاقى رد لاسئلته هنا وتحقيق لحلمه لان امريكا باسعارها والدول العربيه والاوروبيه بتكاليفها جعلت حلم الطيران لمعظم الشباب صعب جدااا لاكن مش مستحيل


انا يادوب هروح اكل و اصلى واظبط حالى واجى ارد على كل اسألتكم بس من الحماس حبيت اول مانزلت من الطيارة احط رد على المنتدى لانى بحبه جدااا

[Pilot:Mohammed]

اقتباس:     المشاركة الأصلية كتبت بواسطة Cpt.Majed  

ماشاء الله تبارك الله
تقرير رائع جداً افتقدنا مثل هذي التقارير
كل التوفيق لك اخي العزيز
عقبال ماتعملنا تقرير عن اول يوم عمل لك في شركة طيران

ياغالى الله يخليك تسلم يارب يشرفنى ردك على التقرير

ههههههه يسمع منك ربنا باذن الله الشغل على ربنا ان شاء الله

تحياتى

[Pilot:Mohammed]

اقتباس:     المشاركة الأصلية كتبت بواسطة tariq mohamed  

ألف شكر يا كابتن ، ربنا يوفقك في الدنيا والآخرة ، تحياتي ..

العفو تسلم يارب تحت امرك

تحياتى