[AbdullahAli]

سلام عليكم
تحياتي لكم
انا قرأت مواضيع كتيرة جدا عن الطيران والدراسة وكلمت أكاديمية في أمريكا وكذلك فلاينج ليدرز وكذلك الاكاديمية المصرية لعلوم الطيران
ولحد النهاردة مش عارف اخد قرار وأروح فين واجي منين :( !
والسبب اني عايز 1500 ساعه + ppl + cpl + IR + ATP علشان اضمن التوظيف بتاعي وطبعا دا كله رزق وكله بتاع ربنا وبالنسبة للتكلفة متاحة عادي واي مبلغ الحمدلله بس انا عايز فعلا أخد حاجه صح وادرس صح علشان اي شركة لما اتقدم لها توظيف اكون جدير بالوظيفة وكمان مش بعد ما اصرف كل الفلوس دي تروح ع الارض ...
+
اخر حاجه عايز اعمل اختبار الضغط الجوي في مصر وعايز اعرف اعمله فين بالضبط

ارجوا المساعدة واي حد عنده رأي يتفضل يكتبه وانا هسمع للكل وهستخير الله بردوا وربنا ييسر الحال

تحياتي

[Flyingway Captain]

عليكم السلام
اهلاً و سهلاً في خط الطيران عبدالله
عايز بس اشرحلك حاجة .. فية سوء فهم في موضوع ال 1500 ساعه طيران
كأغلب الناس الجداد الي لسة بادئين الموضوع .. ال 1500 يشعرك انه رقم كبير و لما تحصل عليه هتلاقي الشركات بتجري عليك .. دة خطأ إلى حد ما

بالنسبة للأكاديميات الي ذكرتها ... هم هيعطوك عدد ساعاتك سواء على طائرات Single Engine او Multi Engine كلها محركات بمراوح (propellers) ... اكاديمية مصر للطيران لديها طائره صغيره بمحرك Jet بتكلفة إضافية للتدريب ولكن برضو مش هتفرق كتير

لما تجمع 1500 ساعه على طائرات صغيره و خفيفة الوزن زي سيسنا و بيبر فرص الشغل (احتمال) تكون في الشركات الصغيره جداً و برضو شركات الشحن الصغيره و الطائرات الخاصة

يعني انت مش هتجمع ال1500 ساعه و تشتغل علطول .. كأنك مجمعهم على بوينج او ايرباص انت هتجمعهم على طائرات بمراوح و وزن خفيف جداً .. طبعاً هتاخد الـ CPL / ATPL و لكن بدون التخصص على طائره معينه ..

لما تيجي تنظر لمتطلبات شركات الطيران (هتتصدم)
فرضاً شركة اسطولها A320 (طبعاً انت حابب تبقى طيار عشان تطير على انواع مش اقل من دي) يبقي مطلوب منك Type Rating عليها + عدد معين لساعات الطيران على نفس الطراز من 500 إلى 1000 حسب الشركه + عدد ساعات كلي يكون في حدود 2000 ساعه و يكونو على طائره وزنها اكتر من 160 طن مثلاً فتجد نفسك مجمع عدد ساعات بدون قيمة !! و تجمع ساعات تاني و تدفع اكثر


(يفترض ان الشركات الوطنية لجميع دول العالم بتاخد الخريجين بعدد الساعات القليل دة و تدربهم و توظفهم و يكون العمل إلزامي لمدة 7 سنوات مثلا (طبعاً لأبناء الدول دي) .. لكن في حالة مصر للطيران قليل جداً ما بيطلبو طيارين )

فية حل انك تاخد Type rating على تكلفتك الشخصية على طراز معين .. بعدها فية بعض الشركات ممكن تاخدك بمرتب قليل في البداية لان معندكش عدد ساعات طيران فعلي على الطيران او انك تكون انت الي بتدفع للشركة مقابل تدريبك وتجميع عدد ساعات ليك

وجهة نظري الشخصية انك لو هتروح اي اكاديمية في العالم بتعطيك كام ساعه طيران و بعدين انت تعافر مع نفسك هو مضيعه للوقت و العمر و المال ( إلا إذا كان وضعك المادي ممتاز ) وقتها تقدر تتوظف فورا على حسابك في اغلب شركات العالم

لو عايز تريح راسك انا شايف ان افضل حل في موضوع الطيران و التوظيف مباشره على A320 و تجميع 1500 ساعه عليها مضمونين و بعدها التوظيف هو برنامج MPL بتاع العربية للطيران

دة انت بتدرس في اكاديمية الفا في الشارقة بتاخد CPL / ATPL و تايب ريتنج على A320 و بعد ما تخلص دراسة بتشتغل علطول في العربية للطيران لحين تجميع ال1500 ساعه على الطراز دة .. بعدها عندك امكانية انك تكمل معاهم او تروح شركه تانية .. لكن مينفعش تسيب الشركة و انت اقل من 1500 ساعه على A320 لأن دة جزء من العقد ... تكلفة البرنامج حاليا في نوفمبر 2018 بـ 590 الف درهم اماراتي بما انك تقدر على اي مبلغ انا شايف ان دة خيار ممتاز جداً جداً .. المبلغ غير شامل السكن و رسوم التقديم و الإجرائات و خلافة دي ليها تكاليف إضافية (اثناء الدراسة)

بالنسبة للإختبار .. لا يوجد شئ اسمة اختبار الضغط الجوي في الطيران المدني .. الي تقصدة هو في الطيران الحربي لان الطيار يتعرض لقوى جاذبية كبيره جداً و يتطلب منة قدرة تحمل مش كل الاشخاص تقدر عليها ... عموماً هم هيطلبو منك Class 1 medical certificate و دي فيها كل الاختبارات المطلوبة لا تقلق مش محتاج تعمل اي اختبارات مسبقة

[AbdullahAli]

اقتباس:     المشاركة الأصلية كتبت بواسطة Flyingway Captain  

عليكم السلام
اهلاً و سهلاً في خط الطيران عبدالله
عايز بس اشرحلك حاجة .. إلخ........

بأمانة انت كلامك ممتاز جدا جدا ومنقع كمان وبجد يكون أفضل طالما كدا كدا دافع لا انا اتدرب تابع للشركة العربية افضل ما اتعب بدون ضمان وعلى الاقل العربية هتكون مضمونة وانا حسبتها لقيتها تقريبا 153 الف دولار بس هو دا الصح اللي امشي عليه
لو حضرتك معاك اي روابط خاصة بالموضوع دا او اي معلومات اضافية عن نظام الشركة العربية من فضلك هاته علشان ابدأ اتواصل معاهم
وجزيل الشكر ليك طبعا
وبالتوفيق لي ولك وللجميع
تحياتي

[Flyingway Captain]

اسف المبلغ هو 590 الف درهم و ليس 565 الف الاسعار تداخلت علي.. (تم تعديل الرد بالأعلى)

الـ Pricing sheet



دة موقعهم:

https://uae.aag.aero/

اود الإضافة ان دة مجرد رأيي الشخصي توفيق و ترشيح افضل شئ وفقاً لإمكانياتك و إرادتك انا لم اتعامل مع اكاديمية الفا من قبل .. إن تريد راسلهم و اعرف منهم كل التفاصيل

بالتوفيق

[moh.ashraf96]

اقتباس:     المشاركة الأصلية كتبت بواسطة Flyingway Captain  

عليكم السلام
اهلاً و سهلاً في خط الطيران عبدالله
عايز بس اشرحلك حاجة .. فية سوء فهم في موضوع ال 1500 ساعه طيران
كأغلب الناس الجداد الي لسة بادئين الموضوع .. ال 1500 يشعرك انه رقم كبير و لما تحصل عليه هتلاقي الشركات بتجري عليك .. دة خطأ إلى حد ما

بالنسبة للأكاديميات الي ذكرتها ... هم هيعطوك عدد ساعاتك سواء على طائرات Single Engine او Multi Engine كلها محركات بمراوح (propellers) ... اكاديمية مصر للطيران لديها طائره صغيره بمحرك Jet بتكلفة إضافية للتدريب ولكن برضو مش هتفرق كتير

لما تجمع 1500 ساعه على طائرات صغيره و خفيفة الوزن زي سيسنا و بيبر فرص الشغل (احتمال) تكون في الشركات الصغيره جداً و برضو شركات الشحن الصغيره و الطائرات الخاصة

يعني انت مش هتجمع ال1500 ساعه و تشتغل علطول .. كأنك مجمعهم على بوينج او ايرباص انت هتجمعهم على طائرات بمراوح و وزن خفيف جداً .. طبعاً هتاخد الـ CPL / ATPL و لكن بدون التخصص على طائره معينه ..

لما تيجي تنظر لمتطلبات شركات الطيران (هتتصدم)
فرضاً شركة اسطولها A320 (طبعاً انت حابب تبقى طيار عشان تطير على انواع مش اقل من دي) يبقي مطلوب منك Type Rating عليها + عدد معين لساعات الطيران على نفس الطراز من 500 إلى 1000 حسب الشركه + عدد ساعات كلي يكون في حدود 2000 ساعه و يكونو على طائره وزنها اكتر من 160 طن مثلاً فتجد نفسك مجمع عدد ساعات بدون قيمة !! و تجمع ساعات تاني و تدفع اكثر


(يفترض ان الشركات الوطنية لجميع دول العالم بتاخد الخريجين بعدد الساعات القليل دة و تدربهم و توظفهم و يكون العمل إلزامي لمدة 7 سنوات مثلا (طبعاً لأبناء الدول دي) .. لكن في حالة مصر للطيران قليل جداً ما بيطلبو طيارين )

فية حل انك تاخد Type rating على تكلفتك الشخصية على طراز معين .. بعدها فية بعض الشركات ممكن تاخدك بمرتب قليل في البداية لان معندكش عدد ساعات طيران فعلي على الطيران او انك تكون انت الي بتدفع للشركة مقابل تدريبك وتجميع عدد ساعات ليك

وجهة نظري الشخصية انك لو هتروح اي اكاديمية في العالم بتعطيك كام ساعه طيران و بعدين انت تعافر مع نفسك هو مضيعه للوقت و العمر و المال ( إلا إذا كان وضعك المادي ممتاز ) وقتها تقدر تتوظف فورا على حسابك في اغلب شركات العالم

لو عايز تريح راسك انا شايف ان افضل حل في موضوع الطيران و التوظيف مباشره على A320 و تجميع 1500 ساعه عليها مضمونين و بعدها التوظيف هو برنامج MPL بتاع العربية للطيران

دة انت بتدرس في اكاديمية الفا في الشارقة بتاخد CPL / ATPL و تايب ريتنج على A320 و بعد ما تخلص دراسة بتشتغل علطول في العربية للطيران لحين تجميع ال1500 ساعه على الطراز دة .. بعدها عندك امكانية انك تكمل معاهم او تروح شركه تانية .. لكن مينفعش تسيب الشركة و انت اقل من 1500 ساعه على A320 لأن دة جزء من العقد ... تكلفة البرنامج حاليا في نوفمبر 2018 بـ 590 الف درهم اماراتي بما انك تقدر على اي مبلغ انا شايف ان دة خيار ممتاز جداً جداً .. المبلغ غير شامل السكن و رسوم التقديم و الإجرائات و خلافة دي ليها تكاليف إضافية (اثناء الدراسة)

بالنسبة للإختبار .. لا يوجد شئ اسمة اختبار الضغط الجوي في الطيران المدني .. الي تقصدة هو في الطيران الحربي لان الطيار يتعرض لقوى جاذبية كبيره جداً و يتطلب منة قدرة تحمل مش كل الاشخاص تقدر عليها ... عموماً هم هيطلبو منك Class 1 medical certificate و دي فيها كل الاختبارات المطلوبة لا تقلق مش محتاج تعمل اي اختبارات مسبقة

للتوضيح ، الفا تعطي MPL و هي رخصة غير طريق ال CPL/ATPL,

تاني شئ الفا بنسبة كبيرة المصريين مينفعش بدخلوها لان من ضمن شروط التقديم انك تعم حاجة اسمها التصريح الامني و دة لجنسيات معينة بس اللي من ضمنها المصريين. التصريح الامني دة الاكاديمية هي اللي بتقدملك عليه و بنسبة 99٪ بيترفض بدون اي اسبب هو فقط لمجرد انك مصري. انا اترفضلي 3 مرات و حالياً الفا قالولي مش هينفع تقدم تاني و قلت جايز المشكلة معايا انا بس لكن بعد ما شفت اكثر من 5 اصدقاء اترفضوا لنفس السبب بدون ما يكون عندهم اي مشكلة و بعد مارحت الاكاديمية بنفسي قالولي ان من خبرتهم المصريين بنسبة كبيرة بيترفضوا. مش بقول متقدمش بس نصيحتي قدم ورقك من انهاردة انتا كدة كدة مش بتدفع حاجة و شوف التصريح الامني هيترفض ولا لا لانه بياخد وقت طويل يمكن 3 شهور. اتقبل لا تتردد و ادخل علي طول لو لم يتقبل لا توقف حلمك هنا و ابحث عن طريق اخر.

انا بعد اليأس من الفا قررت اروح امريكا و ادرس و بعد كدة اعمل لاين ترينينج و يمكن في الاخر هيكون نفس تكلفة الفا لاني بقالي سنسن بدور و فعلاً يأست من اني الاقي حاجة ضامنة الشغل.

[AbdullahAli]

اقتباس:     المشاركة الأصلية كتبت بواسطة moh.ashraf96  

للتوضيح ، الفا تعطي MPL و هي رخصة غير طريق ال CPL/ATPL,

تاني شئ الفا بنسبة كبيرة المصريين مينفعش بدخلوها لان من ضمن شروط التقديم انك تعم حاجة اسمها التصريح الامني و دة لجنسيات معينة بس اللي من ضمنها المصريين. التصريح الامني دة الاكاديمية هي اللي بتقدملك عليه و بنسبة 99٪ بيترفض بدون اي اسبب هو فقط لمجرد انك مصري. انا اترفضلي 3 مرات و حالياً الفا قالولي مش هينفع تقدم تاني و قلت جايز المشكلة معايا انا بس لكن بعد ما شفت اكثر من 5 اصدقاء اترفضوا لنفس السبب بدون ما يكون عندهم اي مشكلة و بعد مارحت الاكاديمية بنفسي قالولي ان من خبرتهم المصريين بنسبة كبيرة بيترفضوا. مش بقول متقدمش بس نصيحتي قدم ورقك من انهاردة انتا كدة كدة مش بتدفع حاجة و شوف التصريح الامني هيترفض ولا لا لانه بياخد وقت طويل يمكن 3 شهور. اتقبل لا تتردد و ادخل علي طول لو لم يتقبل لا توقف حلمك هنا و ابحث عن طريق اخر.

انا بعد اليأس من الفا قررت اروح امريكا و ادرس و بعد كدة اعمل لاين ترينينج و يمكن في الاخر هيكون نفس تكلفة الفا لاني بقالي سنسن بدور و فعلاً يأست من اني الاقي حاجة ضامنة الشغل.

الله اكبر تمام كدا وصلت المعلومة وهوفر وقتي افضل

[Flyingway Captain]

اقتباس:     المشاركة الأصلية كتبت بواسطة moh.ashraf96  

للتوضيح ، الفا تعطي MPL و هي رخصة غير طريق ال CPL/ATPL,

تاني شئ الفا بنسبة كبيرة المصريين مينفعش بدخلوها لان من ضمن شروط التقديم انك تعم حاجة اسمها التصريح الامني و دة لجنسيات معينة بس اللي من ضمنها المصريين. التصريح الامني دة الاكاديمية هي اللي بتقدملك عليه و بنسبة 99٪ بيترفض بدون اي اسبب هو فقط لمجرد انك مصري. انا اترفضلي 3 مرات و حالياً الفا قالولي مش هينفع تقدم تاني و قلت جايز المشكلة معايا انا بس لكن بعد ما شفت اكثر من 5 اصدقاء اترفضوا لنفس السبب بدون ما يكون عندهم اي مشكلة و بعد مارحت الاكاديمية بنفسي قالولي ان من خبرتهم المصريين بنسبة كبيرة بيترفضوا. مش بقول متقدمش بس نصيحتي قدم ورقك من انهاردة انتا كدة كدة مش بتدفع حاجة و شوف التصريح الامني هيترفض ولا لا لانه بياخد وقت طويل يمكن 3 شهور. اتقبل لا تتردد و ادخل علي طول لو لم يتقبل لا توقف حلمك هنا و ابحث عن طريق اخر.

انا بعد اليأس من الفا قررت اروح امريكا و ادرس و بعد كدة اعمل لاين ترينينج و يمكن في الاخر هيكون نفس تكلفة الفا لاني بقالي سنسن بدور و فعلاً يأست من اني الاقي حاجة ضامنة الشغل.

الحقيقة اول مره اسمع الكلام دة !؟ حالياً لدي 2 من اصدقائي مساعدين على A320 من MPL داخلين مع بعض و مواجهوش اي مشاكل ابداً .. و مش داخلين من فتره بعيدة اوي يعني و لذلك انا اتكلمت على هذا الاساس.

عموماً بما انك لم توفق في القبول بها ... في شركات كتير حول العالم عندها برنامج MPL خدلك لفة في جوجل .. بعضها يشترط جنسية نفس البلد و البعض لا ... لكن التكلفة بتكون باهظة جداً طبعاً ( و احذر من عمليات النصب الاحتيال )

بالتوفيق للجميع

[moh.ashraf96]

اقتباس:     المشاركة الأصلية كتبت بواسطة Flyingway Captain  

الحقيقة اول مره اسمع الكلام دة !؟ حالياً لدي 2 من اصدقائي مساعدين على A320 من MPL داخلين مع بعض و مواجهوش اي مشاكل ابداً .. و مش داخلين من فتره بعيدة اوي يعني و لذلك انا اتكلمت على هذا الاساس.

عموماً بما انك لم توفق في القبول بها ... في شركات كتير حول العالم عندها برنامج MPL خدلك لفة في جوجل .. بعضها يشترط جنسية نفس البلد و البعض لا ... لكن التكلفة بتكون باهظة جداً طبعاً ( و احذر من عمليات النصب الاحتيال )

بالتوفيق للجميع

اتنين اصحابك مصريين فقط و معهمش جنسية تانية ؟؟
- لا يوجد اي برنامج MPL يقبل جميع الجنسيات او بالاخص المصريين انا مش لفيت في جوجل دة انا رجلي ورمت من اللف في جوجل، لو لقيت قولي عليه