[kareenaegypt]

السلام عليكم ورحمة الله وبركاتة

أنا عضوة جديدة بالمنتدى وقمت بتسجيلى اليوم فى هذا المنتدى نظرا للمجهود الممتاز
لقائمين والمشرفين علية.
هدخل فى الموضوع علطول .
منذ تخرجى من الجامعة من حوالى 3 سنين كان حلمى أعمل بالضيافة الجوية لحبى
للسفر والاعتماد على النفس والمسئولية وفعلا قدمت فى معظم الشركات الخاصة قبل
الخصخصة وهكذا .
المهم حبيت أقدم فى أهم شركة فى مصر وطبعا هى شركة مصر للطيران
ودبيت مشوار تمام لحد الادارة بجوار المطار القديم وقدمت c.v تبعى
وكان هناك موظف رجل كبير بالسن ومحترم حس انى متفائلة جدا جدا وانى متوقعة انهم
هيتصلوا بيا عند فتح باب التقديم ولكنة قالى (بصى يا بنتى انتى فعلا شكلك مضيفة
ومواصفاتك ولغتك تؤهلك لهذا لكن هقولك سر...
ايه ياترى
ايه ياترى

\علشان أشتغل مضيفة فى مصر للطيران لازم ولابد يكون عندى حد من قرايبى شغال
هناك والدى او والدتى خالى عمى اى موظف مهم هناك يعنى لازم واسطة وحطوا تحتها
100 خط .
ومن فترة قابلت بنت جارتنا عزلت من سنين عرفت انها بتشتغل مضيفة جوية بمصر
للطيران لان والدها بعد ما خدم بالقوات الجوية بالجيش أشتغل موظف كبير بادارة مصر
للطيران واخبرتنى كل البنات زمايلها نفس الطريقة يا أما والدها شغال هناك أو عمها وهكذا
فى هذة اللحظة تذكرت هذا الرجل وعرفت ان كلامة كان صحيح .
بس دلوقتى باركولى عارفين لية لان والد هذة البنت صديق والدى جدا جدا يعنى ممكن
بتليفون أحقق حلمى الى نسيتة أدعولى ولو فعلا عملت الانترفيو هحكيلكم حصل اية بالضبط.

[Sr.Flight Attendant]

بالتوفيق اختي .. وبالنسبة للواسطة موجود بكل مكان
واي مكان تشوفي فيه واسطة اعرفي انك في العالم العرب :)

[Mr-lonely]

مبروك والله يوفقك ان شاء الله ,,والواسطة وش بنسوي ما باليد حيلة هذا الواقع

[PRINCESS OF FLYINGWAY]

كوسة كوسة كوسة

[..»F.a.h.a.d«..]

صراحه كل العالم بالواسطه _-


حتى في كندا هنا فيه واسطه و الله

[تايكندو مان]

ملخص كلامي ليكي

(واعلم ان الامة لو اجتمعت على ان ينفعوك بشئ لن ينفعوك الا بشئ قد كتبه الله لك ولو اجتمعت الامة على ان يضروك بشئ لن يضروك الا بشئ قد كتبه الله عليك رفعت الاقلام وجفت الصحف)

اعتمدي على الله اولا واخيرا وبعد كده خذي بالاسباب

تحياتي وربنا مع الكل ويوفقكم

[PRINCESS OF FLYINGWAY]

ونعم بالله

[{yasmeen}]

لن ازيد شئ جديد على كلامى اخوانى

فعلا الواسطة موجودة فى كل مكان

خصوصا فى بلاد العرب

على رائ الشاعر

كوسه بالبشاميل

[nadia nawnaw]

أنا أيضا لا زيادة لي

فالواسطة في كل مكان و في مجالات عديدة ليس الضيافة وحدها

حتى عندنا في المغرب كل مضيفات و مضيفي الخطوط المغربية توظفوا بالواسطة

نتمنى لكي التوفيق في تحقيق حلمك في الضيافة

[amalalhendi]

نحن واسطتنا الله سبحانه و تعالى

و نحن بسورية المضيفات كلهم اقارب الموظفين يعني الاولوية للاقارب

و للاسف مابعرف حدى يتوسط لي:customsmile2:
ان شاء الله بالسعودية يمشي الحال و ننقبل

[Shahrazan]

اشمعنة بقة فى البنوك مبيقوبلوش وسايط ليييييييييييييييييييه ههههه
لو عرفو جاية من طرف حد من البنك بيخربوا الموضوع ويقولو غير مقبول !!!!

[PRINCESS OF FLYINGWAY]

اقتباس:     المشاركة الأصلية كتبت بواسطة Shahrazan  

اشمعنة بقة فى البنوك مبيقوبلوش وسايط ليييييييييييييييييييه ههههه
لو عرفو جاية من طرف حد من البنك بيخربوا الموضوع ويقولو غير مقبول !!!!

بيتهيألك ياسارة كل حاجة ف البلد دى بالكوسة

[kareenaegypt]

أشكركم اعزائى على ردودكم ومروركم الرائع.

[برنسيسة]

السلام عليكم

انا مش عاوزة اشارك بس عشان محدش يفتكر اننا عاملين حزب او حاجة

لانني انا بتكلم فكدة من زمان والبعض اعتبرها قضية سياسية عظمي وانهالت الردود للدفاع عن الشركة والدفاع عن النزاهة فالتعيين من جانب بعض العاملين فالشركة

لكن اكيد الكل عارف حجم الوساطة فمصرللطيران

وحقيقة التعيين

سلام وربنا يوفقك يارب سواء بواسطة او من غير

[eslam_mohamed]

يا جماعة الوسطة موجودة في كل دول العالم انا كنت عايش في ماليزيا كنا بنخلص كل حاجة هناك بالوسطة بس ربنا يكرم الشباب بالخصوص والبنات لان مصر للطيران مش بطلب غير كل فين وفين شباب انما الاغلابية بنات لان البنات بتكون واجة ودا حقهم بس احنا بردة مش وحشين لدرجة اننا منقدرش نحقق حلمنا والله يوفقك الجميع اخوكم اسلام .......

[reda bond (HR)]

اقتباس:     المشاركة الأصلية كتبت بواسطة kareenaegypt  

السلام عليكم ورحمة الله وبركاتة

أنا عضوة جديدة بالمنتدى وقمت بتسجيلى اليوم فى هذا المنتدى نظرا للمجهود الممتاز
لقائمين والمشرفين علية.
هدخل فى الموضوع علطول .
منذ تخرجى من الجامعة من حوالى 3 سنين كان حلمى أعمل بالضيافة الجوية لحبى
للسفر والاعتماد على النفس والمسئولية وفعلا قدمت فى معظم الشركات الخاصة قبل
الخصخصة وهكذا .
المهم حبيت أقدم فى أهم شركة فى مصر وطبعا هى شركة مصر للطيران
ودبيت مشوار تمام لحد الادارة بجوار المطار القديم وقدمت c.v تبعى
وكان هناك موظف رجل كبير بالسن ومحترم حس انى متفائلة جدا جدا وانى متوقعة انهم
هيتصلوا بيا عند فتح باب التقديم ولكنة قالى (بصى يا بنتى انتى فعلا شكلك مضيفة
ومواصفاتك ولغتك تؤهلك لهذا لكن هقولك سر...
ايه ياترى
ايه ياترى

\علشان أشتغل مضيفة فى مصر للطيران لازم ولابد يكون عندى حد من قرايبى شغال
هناك والدى او والدتى خالى عمى اى موظف مهم هناك يعنى لازم واسطة وحطوا تحتها
100 خط .
ومن فترة قابلت بنت جارتنا عزلت من سنين عرفت انها بتشتغل مضيفة جوية بمصر
للطيران لان والدها بعد ما خدم بالقوات الجوية بالجيش أشتغل موظف كبير بادارة مصر
للطيران واخبرتنى كل البنات زمايلها نفس الطريقة يا أما والدها شغال هناك أو عمها وهكذا
فى هذة اللحظة تذكرت هذا الرجل وعرفت ان كلامة كان صحيح .
بس دلوقتى باركولى عارفين لية لان والد هذة البنت صديق والدى جدا جدا يعنى ممكن
بتليفون أحقق حلمى الى نسيتة أدعولى ولو فعلا عملت الانترفيو هحكيلكم حصل اية بالضبط.

بصراحه مش مصدق الحوار ده بدرجة 100% لأسباب كتير
منها
انى اعرف جميع القائمين على الموارد البشرية فى شركة مصر للطيران للخطوط الجوية معرفة شخصيه فرد فرد
وخصوصا المسئولين عن الضيافه
ومفهومش حد كبير فى السن
لو فيه ياريت تعرفينى اسمه

وحتى لو فيه واسطه زى ما انتى بتقولى مش هيقولك كده بالشكل الفلاحى ده

معلومة اخيرة للناس اللى بتتكلم وخلاص
الضيافه بتخضع لمقاييس صعب الواسطه تتدخل فيها
جمال
لغه
ثقافه
لياقه بدنيه
لياقه طبيه (يتم تحديدها وفقاً لقومسيون طبى بوزارة الطيران المدنى تحت اشراف القوات الجوية)

فكروا شويه فى العناصر اللى قلتها وهل ممكن الواسطه تلعب فيها

ياريت تحاولى تانى وبأذن الله ربنا يوفقك فى المرة اللى جاية

[kareenaegypt]

شكرا لك reda bonda لتعليقكك لموضوعى
ولكن دة الى حصل بالضبط انا لية هتجنى على الشركة مفيش بينى وبينها تار هههههه
وبعدين انا معاك ان المواصفات صعبة خاصة لشركة مصر للطيران وايضا اختباراتها
بتكون قوية وشديدة ولكن الاولوية لنجاح المتقدمين بيكون طبعا لصلة القرابة للعاملين
فيها هو دة الموضوع فى حد ذاتة واحنا بنتناقش بهدوء انا حاسة انك اتعصبت جدا
مفيش داعى لكل دة انا حبيت فقط احكى تجربة حدثت لى
وعلى العموم تسلم على مرورك.

[reda bond (HR)]

اقتباس:     المشاركة الأصلية كتبت بواسطة kareenaegypt  

شكرا لك reda bonda لتعليقكك لموضوعى
ولكن دة الى حصل بالضبط انا لية هتجنى على الشركة مفيش بينى وبينها تار هههههه
وبعدين انا معاك ان المواصفات صعبة خاصة لشركة مصر للطيران وايضا اختباراتها
بتكون قوية وشديدة ولكن الاولوية لنجاح المتقدمين بيكون طبعا لصلة القرابة للعاملين
فيها هو دة الموضوع فى حد ذاتة واحنا بنتناقش بهدوء انا حاسة انك اتعصبت جدا
مفيش داعى لكل دة انا حبيت فقط احكى تجربة حدثت لى
وعلى العموم تسلم على مرورك.

أنا بتأسف ليكى لو حسيتى من طريقة كلامى اى اسلوب نرفزة
بس يمكن إنتمائى للشركة مع معرفتى الشخصيه بالناس اللى كنتى بتتكلمى عنهم هو اللى خلانى اتكلم كده
على العموم اسف مرة تانيه
وبأذن الله ربنا يوفقك فى المرة الجايه ولو احتجتى اى حاجه متتردديش انك تعرفينى وهكون تحت أمرك بأذن الله فى اى حاجه

[Nader777]

اقتباس:     المشاركة الأصلية كتبت بواسطة تايكندو مان  

ملخص كلامي ليكي

(واعلم ان الامة لو اجتمعت على ان ينفعوك بشئ لن ينفعوك الا بشئ قد كتبه الله لك ولو اجتمعت الامة على ان يضروك بشئ لن يضروك الا بشئ قد كتبه الله عليك رفعت الاقلام وجفت الصحف)

اعتمدي على الله اولا واخيرا وبعد كده خذي بالاسباب

تحياتي وربنا مع الكل ويوفقكم

ما شاء الله عليك

[black_flower]

اقتباس:     المشاركة الأصلية كتبت بواسطة تايكندو مان  

ملخص كلامي ليكي

(واعلم ان الامة لو اجتمعت على ان ينفعوك بشئ لن ينفعوك الا بشئ قد كتبه الله لك ولو اجتمعت الامة على ان يضروك بشئ لن يضروك الا بشئ قد كتبه الله عليك رفعت الاقلام وجفت الصحف)

اعتمدي على الله اولا واخيرا وبعد كده خذي بالاسباب

تحياتي وربنا مع الكل ويوفقكم

ونعم بالله وان شاء الله وسطتنا ربنا

[black_flower]

by2lolak 3andena hena fe masr an shrket masr le el tyran 3ela 1 family ya3ny kolo by3yen aryboo lol wasta we keda ba2a

[momo_2010_2015]

بصراحة انتي قبل ان تعملي اي خطوة في مصر لازم يكون ليكي وسطة واكيد مصر للطيران مش عاوزة وسطة عاوزة حاجة اكبر من الوسطة خاصة في المجال الملموس مثل الطيار والمضيف لان دول وجهت الشركة ولازم تعرفي اي حد داخل الشركة لازم والف خط احمر لازم يكون ليكي علي الاقل اصدقاء كي يساعدوكي وحتي لا اطيل عليكي ربنا يوفقق

[rubir]

معلش انا اسفه اكن الكلام ده مستحيل لاني قدمت فيها واتصلو بيا وحددولي معاد للانترفيو واتصلو تلات مرات للتأكيد وحسيت باهتمام كبير جدا بالرغم من اني ولا عندي واسطه ولا اعرف حد هناك خالص وانا للاسف مقدرتش اروح المقابله لاسباب شخصيه يعني ولا حسيت بكوسه ولا واسطه ولا حاجه خالص
يمكن الراجل كان بيهرز معاكي ولا حاجه لكن معتقدش ان ده كلام بجد

[kareenaegypt]

اشكرك rubir على مرورك بس الى انا اقصدة ان الاولوية للتعيين هيكون لاصحاب الواسطة
هناك يعنى طبعا هما هيعملوا اترفيو لكل المقدمين لكن مين فعلا الى هيقبل هى دية النقطة
وأهلا بيكى عضوة جديدة معنا ومتزعليش ان شاء الله ظروفك هتكوت افضل وتقدمى مرة تانية
وان شاء الله تقبلى.
بس انا لية سؤال انتى قدمتى هناك الفترة دية يعنى باب التقديم للضيافة الجوية موجود حاليا
ياريت الاجابة فى أسرع وقت واكون شاكرة ليكى؟

[rubir]

اقتباس:     المشاركة الأصلية كتبت بواسطة kareenaegypt  

اشكرك rubir على مرورك بس الى انا اقصدة ان الاولوية للتعيين هيكون لاصحاب الواسطة
هناك يعنى طبعا هما هيعملوا اترفيو لكل المقدمين لكن مين فعلا الى هيقبل هى دية النقطة
وأهلا بيكى عضوة جديدة معنا ومتزعليش ان شاء الله ظروفك هتكوت افضل وتقدمى مرة تانية
وان شاء الله تقبلى.
بس انا لية سؤال انتى قدمتى هناك الفترة دية يعنى باب التقديم للضيافة الجوية موجود حاليا
ياريت الاجابة فى أسرع وقت واكون شاكرة ليكى؟

شكرا على كلامك انا والله حزينه جدا اني مقدرتش اروح المقابله لكن الحمد لله
التقديم بالضبط كان يوم واحد نوفمبر 2008 واتصلو بيا تقريبا من 20 يوم علشان الانترفيو لكن معرفش في تقديم تاني حاليا ولا لا

[gogoo]

والله كلام الجميع مش متناقض اكيد هما مش هيعينوا ناس اي كلام وهبل لكن في نفس الوقت لو في اولوية في القبول هتكون للي معاه واسطة ودي حاجة معروفة
وشكرا لك ياقمر على انك حكيتي تجربتك والله يوفقك انتي وكل المتقدمين

[gemyvip]

تشرب شاى بالياسمين

[m.hassan]

هو في الحقيقة طبعاً في واسطة في مصر للطيران بس مينفعش واحد غير مؤهل و عنده وسطه يشتغل فيها لازم يبقي مؤهل و يعدي الامتحانات اللي بتتعمل في حتت بره مصر للطيران و بعد كده يجي دور الواسطة و ده مش معناه انه غير كفء للشغل بس هو النصيب

[roka21]

اولا انا ممكن اقولك مبروك عشان بالواسطه بس صدقيني لو عندك مليون واسطه وكمان كبيره وربنا مش عايز يبقي مش هيكون (حاولي تعملي اللي عليكي اوي وتتوكلي علي الله) ولو في واسطه عشان من غيرها ماينفعش يبقي انتي برضه عملتي اللي عليكي والله الموفق ومبروووووووووووووووووووووووووك مقدما

[المعتز]

الواسطة موجودة بكل مكان مصر للطيران وغيرها
لكن مو معنى كذا ان كل المقبولين لازم لهم من واسطات
اكييد في ناس دخلت بتوفيق الله ثم بمجهوداتها
الله يوفق الجميع
يغلق