[coconut17]

اقتباس:     المشاركة الأصلية كتبت بواسطة nor_islam  

شكرا lolwa جزيلا وربنا يوفق الشباب كلهم ولازم الشباب تعرف ان دة سعى على الرزق وربنا اللى بيكتب اللى فية الخير يعنى انت قدم واعمل اللى عليك وسيب الباقى على ربنا لو فية خير هتنولة باذن الله لو مفيش نصيب يبقى مكتوب ليك فى مكان تانى ويمكن يكون احسن.
المهم السعى وعدم التكاسل والتواكل على الله وعلى الواسطة وربنا يوفق الجميع..
انا ان شاء الله نازل دلوقتى رايح الانترفيو واول ما ارجع هحكى ليكو اية اللى حصل بالتفصيل....ادعوا لى ............
لا اله الا الله..........محمد رسول الله

بالتوفيق ان شاء الله

[Lolwa79]

ربنا يوفقكم كلكم ويختارلكم اللي فيه الخير إنشاء الله
ولو الشركة ما بتاخدش محجبات معلش الخيرة فيما اختاره الله ما حد يزعل :3d_020:

[BETO]

مساء الخير عليكم جميعا انا كان الانترفيو بتاعى النهاردة وبصراحة امبارح لما دخلت المنتدى وقريت مشاركة الصديقة اللى بتقول ان الشركة مش بتاخد محجبات مصدقتش واحبطت جدا لكن للاسف اللى حصل معايا النهاردة والله يا جماعة حاجة تقهر ان احنا فى بلد عربى اسلامى و؟؟؟؟؟؟؟؟؟؟؟؟ انا هحكى اللى حصل من اول ما دخلت الشركة بالضبط ودى شهادة حق ربنا يحاسبنى عليها لو كنت ببالغ او بادعى شىء مش حقيقى انا اول حاجة مليت الابليكيشن وخدوا السى فى بتاعتى والصورة الكبيرة والصغيرة ودبسوهم مع الابليكيشن دخلت الانترفيو لمدة اقل من ربع ساعة والمقابلة كلها english على فكرة المهم الراجل ذوق الصراحة سألنى عاملة ايه النهاردة وجيتى ازاى بعربيتك؟ ومع مين والمشوار صعب يعنى تهتى فيه وبعد كده سألنى اول سؤال لو راكب على الطائرة معاه مشروبات كحولية هتتصرفى ازاى رديت عليه راح قايلى ومين قالك انه الشركة بتمنع الخمور طبعا اتوقعوا انا رديت ايه عشان يقولى كده؟؟ بعد كده سألنى انت متشدة فى الدين؟؟ قولت نعم قالى ازاى وانتى هتتعملى مع اجانب قولت ايه المشكلة قالى يعنى هتصلى قولت اكيد رد وقال يعنى هتسيبى الركاب والرحلة والشغل وتروحى تصلى قولت طبعا لا هصلى باليل واجمع الفروض اللى فاتت قالى يعنى هتحطى مانيكير قولت ايه المشكلة وباليل وانا بصلى هشيله قالى طب ازاى هتلبسى الحجاب مع اليونيفورم الشركة مش بتقبل محجبات قولت لا انا سألت وقولتوا بتقبلوا على العموم هلبس الطرحة تحت الكاب بتاعكوا قالى يعنى مش هينفع تقلعى الحجاب قولتله لا سألنى تانى وتالت واصريت على اجابتى انه لا طبعاااااااااا رد وقالى miss manal i respect you very muchرديت وقولت شكرا، ولما خرجت بره سألت البنت اللى بتاخد الابليكيشن عن الموضوع ده قالتلى صحيح دى التعليمات الجديدة وانتهت المقابلة ومشيت ورجعت على بينا حزينة والله ان فى ناس بتشجع الغير على انهم يعصوا ربنا فياريت اللى لسه مراحوش الانترفيو من المحجبات مايروحوش اصلا دى نصيحة انا قولت اللى حصل بصدق وربنا شاهد واللى عايزة تروح تجرب تروح ومستنياه ردكم على اللى حصل ده؟؟؟؟؟ اقولكم الحق انا زعلت شوية لانهم مش هيقبلونى بس انا فخورة ان مافيش حاجة ممكن تخلينى اغير اخلاقى واتنازل عن فريضة من فروضنا ويكفينى انى هفضل محجبة غصب عن اى حد واقول ايه حسبى الله اشوفكم على خير سلام

[nor_islam]

اقتباس:     المشاركة الأصلية كتبت بواسطة BETO  

مساء الخير عليكم جميعا انا كان الانترفيو بتاعى النهاردة وبصراحة امبارح لما دخلت المنتدى وقريت مشاركة الصديقة اللى بتقول ان الشركة مش بتاخد محجبات مصدقتش واحبطت جدا لكن للاسف اللى حصل معايا النهاردة والله يا جماعة حاجة تقهر ان احنا فى بلد عربى اسلامى و؟؟؟؟؟؟؟؟؟؟؟؟ انا هحكى اللى حصل من اول ما دخلت الشركة بالضبط ودى شهادة حق ربنا يحاسبنى عليها لو كنت ببالغ او بادعى شىء مش حقيقى انا اول حاجة مليت الابليكيشن وخدوا السى فى بتاعتى والصورة الكبيرة والصغيرة ودبسوهم مع الابليكيشن دخلت الانترفيو لمدة اقل من ربع ساعة والمقابلة كلها english على فكرة المهم الراجل ذوق الصراحة سألنى عاملة ايه النهاردة وجيتى ازاى بعربيتك؟ ومع مين والمشوار صعب يعنى تهتى فيه وبعد كده سألنى اول سؤال لو راكب على الطائرة معاه مشروبات كحولية هتتصرفى ازاى رديت عليه راح قايلى ومين قالك انه الشركة بتمنع الخمور طبعا اتوقعوا انا رديت ايه عشان يقولى كده؟؟ بعد كده سألنى انت متشدة فى الدين؟؟ قولت نعم قالى ازاى وانتى هتتعملى مع اجانب قولت ايه المشكلة قالى يعنى هتصلى قولت اكيد رد وقال يعنى هتسيبى الركاب والرحلة والشغل وتروحى تصلى قولت طبعا لا هصلى باليل واجمع الفروض اللى فاتت قالى يعنى هتحطى مانيكير قولت ايه المشكلة وباليل وانا بصلى هشيله قالى طب ازاى هتلبسى الحجاب مع اليونيفورم الشركة مش بتقبل محجبات قولت لا انا سألت وقولتوا بتقبلوا على العموم هلبس الطرحة تحت الكاب بتاعكوا قالى يعنى مش هينفع تقلعى الحجاب قولتله لا سألنى تانى وتالت واصريت على اجابتى انه لا طبعاااااااااا رد وقالى miss manal i respect you very muchرديت وقولت شكرا، ولما خرجت بره سألت البنت اللى بتاخد الابليكيشن عن الموضوع ده قالتلى صحيح دى التعليمات الجديدة وانتهت المقابلة ومشيت ورجعت على بينا حزينة والله ان فى ناس بتشجع الغير على انهم يعصوا ربنا فياريت اللى لسه مراحوش الانترفيو من المحجبات مايروحوش اصلا دى نصيحة انا قولت اللى حصل بصدق وربنا شاهد واللى عايزة تروح تجرب تروح ومستنياه ردكم على اللى حصل ده؟؟؟؟؟ اقولكم الحق انا زعلت شوية لانهم مش هيقبلونى بس انا فخورة ان مافيش حاجة ممكن تخلينى اغير اخلاقى واتنازل عن فريضة من فروضنا ويكفينى انى هفضل محجبة غصب عن اى حد واقول ايه حسبى الله اشوفكم على خير سلام

وانا كمان احترمتك جدا وخليكى ثابتة على موقفك وان شاء الله ربنا هيعوضك
بحاجة احسن منها بكتير..
بس انتى بتقولى ان الشركة بتقدم خمور.انا اول سؤال سالتة للبنت فى التليفون على موضوع الخمور دة وقالتلى مش بنقدم..اية الشركة اللى كل يوم بكلام دى وبعدين هما مش اشترطوا
تناسب الطول مع الوزن وبعد كدة لقيت انهم اللى بيلاقوة فية زيادة فى الوزن مش بيقبلوة.
الواضح ان الشركة بتعمل دعاية ليها على حساب اعصابنا..

وربنا يعوض علينا..

[noha waly]

hii ya banat ezayoko ana kaman kan 3andy elnaharda w begad nafs el2as2ela elly etsa2aletha betto ana kaman walahy etsa2altaha w ta2reban radet nafs radaha begad 7asby ALLAH w ne3ma elwakeel

[Lamonata]

ايــــــــــه الاخبار الوحشه دى دا الواحد كان عندوا امل فيها يلا عليه العوض ومنه العوض بس بجد حرام عليهم ازاى يبدؤا يعملوا مقابلات وهم مش عرفين لو الينوفورم بتعهم ينفع محجبات او لأ انا كنت ناويه اروح بس مش رايحه هيا بانت من اولها يلا ربنا يعوضنا كلنا و هارد لاك ليكوا يا بنات وليا

[salma22]

خيرها فى غيرها يا بنات وان شاء الله ربنا يجزينا عشان احنا رفضنا عشان نرضى ربنا فى بنات كتير فى مواقفنا بتضعف بس لازم تكون فخورين بنفسنا عشان عندنا حرية لاختيار وقادرين نقرر كويس
وبعدين انا قولت من الاول ( حجاب ومفيش خمور) يبقا انت اكيد مش فى مصر ههههههههه

[semsemagdy]

يا جماعه ربنا يكرمكم على كل حال و يوفق الجميع ويجازيكم خير ان شاء الله

[sadnESS_heart]

ana mesh ma3aki ya beto fel ente 3amlty ana asf bs khaleni a2olik weght nazry 3ashan ana 3andi khebra fel magal, tab3an lazm yra7b beki 3ashan yray7ek fel kalam w t2oly kol el nefsek fe howa da el matlob.
:D
w ba3din f so2al el passenger
el bel khamra da y2sod ente hattsarfy ezay
hatshtmy wala hatdraby wala hatfhmy
en da mamno3 w keda ghalt 3ashan howa meskin mesh fahm bs keda w howa ma3rof
f kanon el charter el masry w la27t wzart el tayran el madni el masry en mamno3 el khomor
a3
w law passenger tel3 b khamra w fat7a
f edek trag3y baldo w tesgeni kaman
w ba3din mafish 7aga esmaha tashadod fel din w fe nahy lel motshadedin 3ashan bynafro el nas mn el deen
howa a7na motdayenen 3ashan 7abin keda wala a7na motadyenen ghasb 3anena w ba3din el din sahl w gamil بشِّروا ولا تنفِّروا ويسِّروا ولا تعسِّروا، هذا كلام الرسول المعصوم
w ba3din ente yagoz leki el gam3 wel kasr madam ente 3ala safr , w kaman howa zaki by2olik ente mesh hatt3amly ma3 aganb taib w eh y3ni at3amel ma3 aganb mesh fahm f 7dod el shar3 w howa da el shoghly talbo meni kaman
ya gam3a el modif aw el modifa shoghlto ma3rofa howa mawgod 3al tayara 3ashan talt 7agat safety&comfort&service
w by2olik ezay hatlbsy ma3 el uniform 2oltelo tar7a da mazbot gedan bs howa wad7 eno lesa 3ayz yet2kd ente friendly wala aggresive el mawdo3
b3id 3an el 7gab khales bs howa 3ayz ye3raf
ente betfakry ezay howa da maghza kalamo w da el hatla2y f kol 7eta w lakn bs yb2a fe morona shwaya fel kalam mesh keda khales w da mesh ma3na el ente bettnazly 3al mabd2 bardo bs mesh ten7azy l fekr motgamd w lakn heya morona shwaya fel kalam wa7na so7abna kolhom mo7gbat w moltzamat w shaghlin w kolhom et3aml ma3na keda bs matz3lish ente mesh 3andik khebra fel aviation interviews akher 7aga 3ayz a2olhalik el interview bta3ik msh ma3na el ente not accepted w 3ala fekra ente 99% accepted w hat2oli captine 3amr 2al w atmna el tawfi2 lelgami3 shokran.

[miss jiji]

هل في ايمايل مباشر نبعث عليه cv لاني انا من المغرب و كيف حددوا لكم المقابلة

[cpl123]

ربنا يوفقكم يابنات وياشباب

[desertrose]

اقتباس:     المشاركة الأصلية كتبت بواسطة sadnESS_heart  

ana mesh ma3aki ya beto fel ente 3amlty ana asf bs khaleni a2olik weght nazry 3ashan ana 3andi khebra fel magal, tab3an lazm yra7b beki 3ashan yray7ek fel kalam w t2oly kol el nefsek fe howa da el matlob.
:D
w ba3din f so2al el passenger
el bel khamra da y2sod ente hattsarfy ezay
hatshtmy wala hatdraby wala hatfhmy
en da mamno3 w keda ghalt 3ashan howa meskin mesh fahm bs keda w howa ma3rof
f kanon el charter el masry w la27t wzart el tayran el madni el masry en mamno3 el khomor
a3
w law passenger tel3 b khamra w fat7a
f edek trag3y baldo w tesgeni kaman
w ba3din mafish 7aga esmaha tashadod fel din w fe nahy lel motshadedin 3ashan bynafro el nas mn el deen
howa a7na motdayenen 3ashan 7abin keda wala a7na motadyenen ghasb 3anena w ba3din el din sahl w gamil بشِّروا ولا تنفِّروا ويسِّروا ولا تعسِّروا، هذا كلام الرسول المعصوم
w ba3din ente yagoz leki el gam3 wel kasr madam ente 3ala safr , w kaman howa zaki by2olik ente mesh hatt3amly ma3 aganb taib w eh y3ni at3amel ma3 aganb mesh fahm f 7dod el shar3 w howa da el shoghly talbo meni kaman
ya gam3a el modif aw el modifa shoghlto ma3rofa howa mawgod 3al tayara 3ashan talt 7agat safety&comfort&service
w by2olik ezay hatlbsy ma3 el uniform 2oltelo tar7a da mazbot gedan bs howa wad7 eno lesa 3ayz yet2kd ente friendly wala aggresive el mawdo3
b3id 3an el 7gab khales bs howa 3ayz ye3raf
ente betfakry ezay howa da maghza kalamo w da el hatla2y f kol 7eta w lakn bs yb2a fe morona shwaya fel kalam mesh keda khales w da mesh ma3na el ente bettnazly 3al mabd2 bardo bs mesh ten7azy l fekr motgamd w lakn heya morona shwaya fel kalam wa7na so7abna kolhom mo7gbat w moltzamat w shaghlin w kolhom et3aml ma3na keda bs matz3lish ente mesh 3andik khebra fel aviation interviews akher 7aga 3ayz a2olhalik el interview bta3ik msh ma3na el ente not accepted w 3ala fekra ente 99% accepted w hat2oli captine 3amr 2al w atmna el tawfi2 lelgami3 shokran.

برافوووووووووووو تحليل جمييييييييييييييل ما شاء الله
كلام جدا جدا مفيد واضح عندك خبره جامده في الانترفيوهات
وانا معاك برجح وجه نظرك جدا جدا لانها الاقرب للصحه
بالفعل الاسئله بتقيس مدي مرونه الواحد وحسن تصرفو في المواقف

بيتو غريبه اوي موضوع يقبلو محجبات وبعد كده يقولو لا !!!!!!!!!!!
ومره يقولو مبنقدمشي خمور وبعد كده يقولو ومين قال اننا بنمنعها !!!!!!!!!!!
بالنسبه للشباب الي قدمو وقلقانين من موضوع الخمور انا سئلت الكابتن الي بنعمل معاه الانترفيو قال لا احنا مبنقدمشي خمور بالحرف كده وده لما سالني اذا راكب طلع ومعاه خمور وقعد يشرب هتتصرفي معاه ازاي قولتلو ومنين جابها هوه انتو بتقدموها؟؟ قالي لا احنا مبنقدمشي خمور .. ده طالع بيها معاه في شنطتو نفسي افهم عدي ازاي ده ؟؟!!
المهم الشركه اكيد مش بتقدم خمور واغلب الظن انو زي ما تفضل العضوsadnESS_heart وشرح القانون التشارتر المصري
وبالنسبه للحجاب شئ يدعو للاستغراب جدا
يعني في يومين غيرو رايهم انا محدش قالي حاجه علي موضوع الحجاب ده نهائي وانا كنت رايحه بحجابي عادي جدااا وسالتهم مرتين قبل ما اروح وقالو بنقبل محجبات ..واليونيفورم ينفع فيه لبس الحجاب عادي ..وفيه موظفه هناك لابسه حجاب ولابسه اليونيفورم بتاعهم عادي
عموما ربنا يعمل الي فيه الخير
وانا رايي كلو يروح علي الاقل تعرفو الانترفيو بيبقا فيه ايه وتجربو نفسكو عشان تاخدو خبره ومفيش مشكله نبص لقدام ونشوف فرص تانيه ونتعلم من الانترفيو الي فات عشان منقعش في نفس الاخطاء صدقوني يا جماعه مش كفايه تعرفو الانترفيو فيه ايه جربو بنفسكو
بالتوفيق للجمييييييييييييييييييييييييييييييييييييع

[rubir]

اقتباس:     المشاركة الأصلية كتبت بواسطة sadnESS_heart  

ana mesh ma3aki ya beto fel ente 3amlty ana asf bs khaleni a2olik weght nazry 3ashan ana 3andi khebra fel magal, tab3an lazm yra7b beki 3ashan yray7ek fel kalam w t2oly kol el nefsek fe howa da el matlob.
:D
w ba3din f so2al el passenger
el bel khamra da y2sod ente hattsarfy ezay
hatshtmy wala hatdraby wala hatfhmy
en da mamno3 w keda ghalt 3ashan howa meskin mesh fahm bs keda w howa ma3rof
f kanon el charter el masry w la27t wzart el tayran el madni el masry en mamno3 el khomor
a3
w law passenger tel3 b khamra w fat7a
f edek trag3y baldo w tesgeni kaman
w ba3din mafish 7aga esmaha tashadod fel din w fe nahy lel motshadedin 3ashan bynafro el nas mn el deen
howa a7na motdayenen 3ashan 7abin keda wala a7na motadyenen ghasb 3anena w ba3din el din sahl w gamil بشِّروا ولا تنفِّروا ويسِّروا ولا تعسِّروا، هذا كلام الرسول المعصوم
w ba3din ente yagoz leki el gam3 wel kasr madam ente 3ala safr , w kaman howa zaki by2olik ente mesh hatt3amly ma3 aganb taib w eh y3ni at3amel ma3 aganb mesh fahm f 7dod el shar3 w howa da el shoghly talbo meni kaman
ya gam3a el modif aw el modifa shoghlto ma3rofa howa mawgod 3al tayara 3ashan talt 7agat safety&comfort&service
w by2olik ezay hatlbsy ma3 el uniform 2oltelo tar7a da mazbot gedan bs howa wad7 eno lesa 3ayz yet2kd ente friendly wala aggresive el mawdo3
b3id 3an el 7gab khales bs howa 3ayz ye3raf
ente betfakry ezay howa da maghza kalamo w da el hatla2y f kol 7eta w lakn bs yb2a fe morona shwaya fel kalam mesh keda khales w da mesh ma3na el ente bettnazly 3al mabd2 bardo bs mesh ten7azy l fekr motgamd w lakn heya morona shwaya fel kalam wa7na so7abna kolhom mo7gbat w moltzamat w shaghlin w kolhom et3aml ma3na keda bs matz3lish ente mesh 3andik khebra fel aviation interviews akher 7aga 3ayz a2olhalik el interview bta3ik msh ma3na el ente not accepted w 3ala fekra ente 99% accepted w hat2oli captine 3amr 2al w atmna el tawfi2 lelgami3 shokran.

انا متفقه مع كلام عمرو جدا
انتي غلطتك انك كنتي ماسكه في وجهة نظر واحده وغالبا انفعلتي دفاعا عنها انتي معذوره لانك شايفه ان مغيش مناقشه في درجة التزامك لكن الراجل مش قصده حاجه ولا هدفه مناقشة الحجاب والصلاه هو مجرد بيشوف انتي تفكيرك ايه وبتتعاملي ازاي تحت الضغط او لو حصل تصادم في وجهة النظر مع حد هيكون رد فعلك ايه خصوصا ان اليونيفورم زي ماقلتي فيه كاب وبدله وبنطلون يعني ممكن يكون في حجاب
مش بقولك انك كنتي تقولي هتقلعي الحجاب او مش هتصلي او هتقدمي خمره لان ده طبعا غلط لكن كان لازم اسلوبك يبقى مرن شويه وتحاولي توصلي وجهة نظرك بدون جمود في التفكير لان اهم حاجه الهدوء والقدره على التافهم لانك ممكن تقابلي راكب متعصب ومنفعل ولازم تكوني هاديه مش تنفعلي معاه
انا مثلا في مقابلتي قبل ما اشتغل اتسألت اسئله غريبه جدا عن مواقف عجيبه وازاي ممكن اتعامل معاها هم طبعا مش مهتمين يعرفو انتي هتعملي ايه قد ما كل الي عايزينه هو انهم يعرفو انتي مرنه وتقدري تتصرفي في المواقف دي ولا لا طبعا بدون ماتيجي على كرامتك او مبادءك لكن في نفس الوقت بدون ماتعملي مشاكل مع الركاب
ربنا يوفقك ولو لاقدر الله مكانش ليكي نصيب اعتبريها تجربه اتعلمتي منها علشان الشغل الي ربنا كاتبهولك تمشي فيه كويس ويكون عندك خبره تساعدك تتصرفي صح

[محمد بوند]

مين قال ان الراجل الي هناك زوق ؟ انا لسة واصل دلوقتي من الإنترفيو بتاعهم دة وبالظبط مقعدش دقيقتين واحرجني جدا لدرجو انة كان بيستنتج حاجات وانا كنت بنفيها . ومعلومة جديدة بقي ؟ صاحب الشكة اميرة من الخليج لأن انا سمعت سمو الأميرة كتير هناك

[desertrose]

اقتباس:     المشاركة الأصلية كتبت بواسطة محمد بوند  

مين قال ان الراجل الي هناك زوق ؟ انا لسة واصل دلوقتي من الإنترفيو بتاعهم دة وبالظبط مقعدش دقيقتين واحرجني جدا لدرجو انة كان بيستنتج حاجات وانا كنت بنفيها . ومعلومة جديدة بقي ؟ صاحب الشكة اميرة من الخليج لأن انا سمعت سمو الأميرة كتير هناك

طب حصل خير
واضح انهم كل يوم بيبتكرو في طريقه عرض اسئلتهم والضغط علي اعصاب المرشحين
شوف انا مش متاكده بس والله اعلم تقريبا فيه 2 كابتن بيعملو المقابلات واحد للبنات وواحد للصبيان
انا الي عمل معايا المقابله كان شعرو ابيض وعندو شنب بس لاحظت فيه واحد تاني اقرع كده
عموما ما تزعلش نفسك محدش يعرف الخير فين

[frawla]

السلام عليكم. انا بقى عندى حاجة جديدة . انا كان ميعادى يوم الثلاثاء الساعة 4 بس والله كان عندى ظروف وماقدرتش اكتب اللى حصل يومها وبعتذر جدا.المهم انا فى الأول تعبت جدا على ماوصلت العنوان لأنى من اسكندرية ومااعرفش حاجة خالص فى القاهرة والمشوار بيعد جدا ولولا الأنسة بيتو كلمتنى وععطتنى نمرة تليفونهم وانا هناك يمكن ماكونتش عرفت اوصل لأنى نسيت اخد نمرتهم معايا وطبعا انا بشكرها جدا على المساعدة. انا اسفة انى بطول عليكم بس انا قاصدة اقول انا تعبت قد ايه علشان اللى حقوله بعد كده .المهم بعد مادخلت الأنترفيو وطبعا انا كمان محجبة المدير قابلنى كويس جدا وكان زوق معايا خالص وكلمنى من البداية بالأنجليزى كالمعتاد بس ماسألنيش كل الأسئلة اللى بيسألها لكم قالى انتى كنتى شغالة قبل كده قولته ايوة لأنى كنت مضيفة سابقة فى شركة تركية. طبعا هو قدر جدا الخبرة اللى عندى بس كان اعتراضه عليا فى حاجتين.اولا انى من اسكندرية قالى انتى جاية دلوقتى من اسكندرية قولتله اه قالى ولما يكون عندك رحلة حتيجى من هناك ولا حتباتى هنا قبل الرحلة. يعنى لوعندك رحلة الفجر حتعملى ايه حتباتى هنا قبلها ولا حتيجى من اسكندرية الفجر على المطار قولتله ماعنديش مشكلة حاجى على ميعاد الرحلة قالى صعب جدا تعملى كده حيكون تعب عليكى جدا لأنك جاية من سفر وحتطلعى الرحلة تعبانة وبعدين انتى محجبة قولتله مش انتوا بتاخدوا محجبات قالى لا هو بس فى بنات قالت انها ممكن تقلع الحجاب وتلبس باروكة وده يبقى مش شعرها اللى حيبان قولتله لا طبعا مش صح الكلام ده . قولتله يعنى اليونيفورم مش فيه كاب وايشارب قالى فى كاب قولتله خلاص يبقى مش تفرق محجبة ولا لا قالى بس يوم ماتيجى تمضى العقد حتلبسى الحجاب قولتله طبعا.قالى لا مش ينفع قولته حضرتك ليك انى اكون ملتزمة باليونيفور وقت الشغل بتاعى برة الشغل انا حرة البس مينى جيب البس خمار دى حرية شخصية قالى معاكى حق بس بالنسبة لموضوع انك من اسكندرية ده صعب جدا لأن احنا ماعندناش كمبوند خاص بالمضيفات فى القاهرة قولتله ولا فى اى مكان تانى زى مثلا كورال بلو ليها فى الغردقة او شارم تقريبا ,قالى لا. يعنى من الأخر هما عاوزين حد بيته جنب المطار هههههههه ينزل من البيت على الطيارة علطول.الراجل اخر مازهق قالى بصارحة مش قادر ارفضك لأنك كويسه جدا ومش قادر اقبلك علشان حيكون صعب عليكى على العموم انا ححطك فى الويتنج ليست قولتله يعنى ايه قالى يعنى بعد شهرين.طبعا مافهمتش بعد شهرين ليه.( يعنى ممكن اكون قلعت الحجاب ولا ممكن انقل بتنا جنب المطار فى خلال شهرين) وخلصت المقابلة.
الحقيقة اللى انا نفسى اعرفه ليه ماقالوش فى الأعلان انهم عاوزين ناس مقيمة فى القاهرة بدل ماالناس تتعب نفسها وتيجى وتتفاجأ بالكلام الغريب اللى بيحصل .
بس طبعا انا نسيت اصل احنا اكيد فى مصر. وأسفة انى طولت عليكم

[محمد بوند]

محدش عارف الخير فين ؟ وكل شئ نصيب ؟ ما علينا نركز في شغلنا احسن

[محمد بوند]

اه وعلي فكرة هوا فعلا ركز معايا في حكاية الإقامة دى لأني كنت كاتب المنصورة وقالي يعني هتيجي من المنصورة قولتلة لأ انا عندي سكن هنا جنب المطار . وقالي بص علي السبورة الي وراك ورتب الكلمات من حيث الأهمية بالنسبة للشغل .

[mimati]

فيه حد اتقبل منكم ؟؟
وهل اشترطوا لغة ثانية بالاضافة الى الانجليزي ؟؟
بالتوفيق للجميع ان شاء الله

[Lolwa79]

اقتباس:     المشاركة الأصلية كتبت بواسطة BETO  

مساء الخير عليكم جميعا انا كان الانترفيو بتاعى النهاردة وبصراحة امبارح لما دخلت المنتدى وقريت مشاركة الصديقة اللى بتقول ان الشركة مش بتاخد محجبات مصدقتش واحبطت جدا لكن للاسف اللى حصل معايا النهاردة والله يا جماعة حاجة تقهر ان احنا فى بلد عربى اسلامى و؟؟؟؟؟؟؟؟؟؟؟؟ انا هحكى اللى حصل من اول ما دخلت الشركة بالضبط ودى شهادة حق ربنا يحاسبنى عليها لو كنت ببالغ او بادعى شىء مش حقيقى انا اول حاجة مليت الابليكيشن وخدوا السى فى بتاعتى والصورة الكبيرة والصغيرة ودبسوهم مع الابليكيشن دخلت الانترفيو لمدة اقل من ربع ساعة والمقابلة كلها english على فكرة المهم الراجل ذوق الصراحة سألنى عاملة ايه النهاردة وجيتى ازاى بعربيتك؟ ومع مين والمشوار صعب يعنى تهتى فيه وبعد كده سألنى اول سؤال لو راكب على الطائرة معاه مشروبات كحولية هتتصرفى ازاى رديت عليه راح قايلى ومين قالك انه الشركة بتمنع الخمور طبعا اتوقعوا انا رديت ايه عشان يقولى كده؟؟ بعد كده سألنى انت متشدة فى الدين؟؟ قولت نعم قالى ازاى وانتى هتتعملى مع اجانب قولت ايه المشكلة قالى يعنى هتصلى قولت اكيد رد وقال يعنى هتسيبى الركاب والرحلة والشغل وتروحى تصلى قولت طبعا لا هصلى باليل واجمع الفروض اللى فاتت قالى يعنى هتحطى مانيكير قولت ايه المشكلة وباليل وانا بصلى هشيله قالى طب ازاى هتلبسى الحجاب مع اليونيفورم الشركة مش بتقبل محجبات قولت لا انا سألت وقولتوا بتقبلوا على العموم هلبس الطرحة تحت الكاب بتاعكوا قالى يعنى مش هينفع تقلعى الحجاب قولتله لا سألنى تانى وتالت واصريت على اجابتى انه لا طبعاااااااااا رد وقالى miss manal i respect you very muchرديت وقولت شكرا، ولما خرجت بره سألت البنت اللى بتاخد الابليكيشن عن الموضوع ده قالتلى صحيح دى التعليمات الجديدة وانتهت المقابلة ومشيت ورجعت على بينا حزينة والله ان فى ناس بتشجع الغير على انهم يعصوا ربنا فياريت اللى لسه مراحوش الانترفيو من المحجبات مايروحوش اصلا دى نصيحة انا قولت اللى حصل بصدق وربنا شاهد واللى عايزة تروح تجرب تروح ومستنياه ردكم على اللى حصل ده؟؟؟؟؟ اقولكم الحق انا زعلت شوية لانهم مش هيقبلونى بس انا فخورة ان مافيش حاجة ممكن تخلينى اغير اخلاقى واتنازل عن فريضة من فروضنا ويكفينى انى هفضل محجبة غصب عن اى حد واقول ايه حسبى الله اشوفكم على خير سلام

اقتباس:     المشاركة الأصلية كتبت بواسطة noha waly  

hii ya banat ezayoko ana kaman kan 3andy elnaharda w begad nafs el2as2ela elly etsa2aletha betto ana kaman walahy etsa2altaha w ta2reban radet nafs radaha begad 7asby ALLAH w ne3ma elwakeel

اقتباس:     المشاركة الأصلية كتبت بواسطة Lamonata  

ايــــــــــه الاخبار الوحشه دى دا الواحد كان عندوا امل فيها يلا عليه العوض ومنه العوض بس بجد حرام عليهم ازاى يبدؤا يعملوا مقابلات وهم مش عرفين لو الينوفورم بتعهم ينفع محجبات او لأ انا كنت ناويه اروح بس مش رايحه هيا بانت من اولها يلا ربنا يعوضنا كلنا و هارد لاك ليكوا يا بنات وليا

اقتباس:     المشاركة الأصلية كتبت بواسطة salma22  

خيرها فى غيرها يا بنات وان شاء الله ربنا يجزينا عشان احنا رفضنا عشان نرضى ربنا فى بنات كتير فى مواقفنا بتضعف بس لازم تكون فخورين بنفسنا عشان عندنا حرية لاختيار وقادرين نقرر كويس
وبعدين انا قولت من الاول ( حجاب ومفيش خمور) يبقا انت اكيد مش فى مصر ههههههههه

اقتباس:     المشاركة الأصلية كتبت بواسطة محمد بوند  

مين قال ان الراجل الي هناك زوق ؟ انا لسة واصل دلوقتي من الإنترفيو بتاعهم دة وبالظبط مقعدش دقيقتين واحرجني جدا لدرجو انة كان بيستنتج حاجات وانا كنت بنفيها . ومعلومة جديدة بقي ؟ صاحب الشكة اميرة من الخليج لأن انا سمعت سمو الأميرة كتير هناك

الحمدلله على كل حال والخيرة فيما اختاره الله
يمكن ربنا بيمنع عنكم شر لما يمنعكم من الشغل في مكان معين
ربنا له حكمه في كل شيء

أنا حصل معي نفس اللي حصل معكم بس مع طيران الإمارات بالنسبة للحجاب

ومن ترك شيئاً لله عوضه الله خيراً

ما حد يزعل KEEP THE SPIRIT HIGH

[Lolwa79]

اقتباس:     المشاركة الأصلية كتبت بواسطة frawla  

السلام عليكم. انا بقى عندى حاجة جديدة . انا كان ميعادى يوم الثلاثاء الساعة 4 بس والله كان عندى ظروف وماقدرتش اكتب اللى حصل يومها وبعتذر جدا.المهم انا فى الأول تعبت جدا على ماوصلت العنوان لأنى من اسكندرية ومااعرفش حاجة خالص فى القاهرة والمشوار بيعد جدا ولولا الأنسة بيتو كلمتنى وععطتنى نمرة تليفونهم وانا هناك يمكن ماكونتش عرفت اوصل لأنى نسيت اخد نمرتهم معايا وطبعا انا بشكرها جدا على المساعدة. انا اسفة انى بطول عليكم بس انا قاصدة اقول انا تعبت قد ايه علشان اللى حقوله بعد كده .المهم بعد مادخلت الأنترفيو وطبعا انا كمان محجبة المدير قابلنى كويس جدا وكان زوق معايا خالص وكلمنى من البداية بالأنجليزى كالمعتاد بس ماسألنيش كل الأسئلة اللى بيسألها لكم قالى انتى كنتى شغالة قبل كده قولته ايوة لأنى كنت مضيفة سابقة فى شركة تركية. طبعا هو قدر جدا الخبرة اللى عندى بس كان اعتراضه عليا فى حاجتين.اولا انى من اسكندرية قالى انتى جاية دلوقتى من اسكندرية قولتله اه قالى ولما يكون عندك رحلة حتيجى من هناك ولا حتباتى هنا قبل الرحلة. يعنى لوعندك رحلة الفجر حتعملى ايه حتباتى هنا قبلها ولا حتيجى من اسكندرية الفجر على المطار قولتله ماعنديش مشكلة حاجى على ميعاد الرحلة قالى صعب جدا تعملى كده حيكون تعب عليكى جدا لأنك جاية من سفر وحتطلعى الرحلة تعبانة وبعدين انتى محجبة قولتله مش انتوا بتاخدوا محجبات قالى لا هو بس فى بنات قالت انها ممكن تقلع الحجاب وتلبس باروكة وده يبقى مش شعرها اللى حيبان قولتله لا طبعا مش صح الكلام ده . قولتله يعنى اليونيفورم مش فيه كاب وايشارب قالى فى كاب قولتله خلاص يبقى مش تفرق محجبة ولا لا قالى بس يوم ماتيجى تمضى العقد حتلبسى الحجاب قولتله طبعا.قالى لا مش ينفع قولته حضرتك ليك انى اكون ملتزمة باليونيفور وقت الشغل بتاعى برة الشغل انا حرة البس مينى جيب البس خمار دى حرية شخصية قالى معاكى حق بس بالنسبة لموضوع انك من اسكندرية ده صعب جدا لأن احنا ماعندناش كمبوند خاص بالمضيفات فى القاهرة قولتله ولا فى اى مكان تانى زى مثلا كورال بلو ليها فى الغردقة او شارم تقريبا ,قالى لا. يعنى من الأخر هما عاوزين حد بيته جنب المطار هههههههه ينزل من البيت على الطيارة علطول.الراجل اخر مازهق قالى بصارحة مش قادر ارفضك لأنك كويسه جدا ومش قادر اقبلك علشان حيكون صعب عليكى على العموم انا ححطك فى الويتنج ليست قولتله يعنى ايه قالى يعنى بعد شهرين.طبعا مافهمتش بعد شهرين ليه.( يعنى ممكن اكون قلعت الحجاب ولا ممكن انقل بتنا جنب المطار فى خلال شهرين) وخلصت المقابلة.
الحقيقة اللى انا نفسى اعرفه ليه ماقالوش فى الأعلان انهم عاوزين ناس مقيمة فى القاهرة بدل ماالناس تتعب نفسها وتيجى وتتفاجأ بالكلام الغريب اللى بيحصل .
بس طبعا انا نسيت اصل احنا اكيد فى مصر. وأسفة انى طولت عليكم

حبيبتي معلش ما تزعليش ربنا بختار اللي فيه الخير دايماً والحمدلله على كل حال :3d_015:

[sadnESS_heart]

3ala fekra ana ro7t enharda ya gam3a makhsos 3ashan ashof eh el mawdo3 wel kalam el ketir el basm3o
awlan el ragl 3ady wala kways wala w7sh w tab3an mawdo3 el eqama f alex ya farwla da kan trick w ente 3amlty el sa7 bs howa keda 3abit ba2a 3ashan howa malosh ente sakna feen el mohem tegi f ma3ad tayrtek bs konte momken t2olele leya beit hena f cairo madam howa dmagho ta3bana keda ana a3raf ketir mn mo7afzat w mo3zam el modifat asln mn mo7afzat f egyptair w mo3zam el charter w mafish moshkla de moshkltik ente bs howa shwaya 7at nafso makanik fa 7as menek enek mesh hatob2y moltazma f ma3adik ema 2alik el fagr re7la tab3an hatkoni mn abliha b youm f cairo ya farawla mafish gaya mn safar de sa3ba tab3an w keda ente hatob2y 3ala el tayara fasla w mesh hatshtaghli w howa 2al2 bs howa kan 3ayz yakhdik bs ente konte t3mly 3aleh stress shwaya w 3ayz a2olik ente waitting list y3ni momken tklmehom w t2olelhom ana khat beit f cairo aw ha3od ma3 arayby w da el tabe3y ay modifa mesh mn cairo btakhod beit fe3lan aw bot3od 3and ahlha wana a3raf nas betro7 w tegi bs bytbahdlo bsar7a yb2a kol 7aytha safar tayran w ardy w hatmoty keda ya benty bs lesa f edek el forsa 3ashan tob2y fahma ;) w fe3lan el sherka sa7btha amira so3dya w 3ayz a2olko en el mortabat hatb2a kwaysa gedan bs homa msh by2olo bs mn el wad7 y3ni en hatb2a kwaysa gedan 3ashan homa eshtaro tayrat ketir w lesa f dof3a kaman gaya fa homa 3ayzin nas ketir awy w yareit el lesa 3ayz y2dm yro7 w mayo23sh f nafs el kalam el nas 2aleto
w kaman sem3t 7aga ganentni ba2a , ento ezay
t2olo el fe group ma3mol wala montada lel e3lan
bet3hom howa sabb el khala yghayar el interview
mara 3ashan yshatet el nas el gaya 7afza
w yshof kol wa7d 3ala 7a2e2to w may2olsh en fe montada hena byna2sh el interview ghalt ya gam3a please khodo balko mesh ma32ol y3ni a7na bensa3d ba3d wala bensalm ba3d
ana et2ablt w 3andi interview final kaman osbo3en
lol bs tab3an mesh haro7 ana kont 3ayz a3raf eh
el mawdo3 bs , w etkalmt ma3 el edara hnak
mai w mirna w nihal el byrodo 3ala el telephonat
w fhmt menhom enhom godad fel magal bs fahmthom
y3mlo eh tab3an ( byakhdo mo7agbat , w byakhdo students w mesh by2dmo khmor w mafish ay mashakl
wel sherka bayen 3aleha kwaysa gedan wel interview
fi villa fa wad7 en el sherka t2eela kaman
wel hr bta3hom momtaz wel edara 100% bs homa m7tagin nezam shwaya , 3omoman kolo yetfadl yro7 w heya as2la shakhsya personal 3adya gedan fa ma7dsh yes2l 7ad eh el 7asl 3ashan enta w ente bettklmo 3ala nafsko mesh ana wala rubir wala 7ad tany
yareit ya gam3a nkon open minded aktar mn keda w da mesh tasayob wallahi el 3azim w lakn edrak bs mesh aktar wel mabad2 wel tayran 3omro makan
byms ay mabd2 w lakn howa da el interview :D
y3ni hat3rafy tet7awry ma3a wala la2 mesh 7aga tanya y3ni
w bel nezbl el nas el mesh accepted 3ayz a2olhom ya gam3a ma7dsh byakhod 7aga 7elwa mn awl mara w de 3an tagroba shakhsya lazm tet3abo omal rabna bykrem nas w ento la2a leh da mesh ma3na en rabna mesh 3adel 7ash lelah tab3an w lakn 3ashan yemyez el bys3a mn el a3d fel beit w wallahy law galko shoghl bel sahl zai el wasayt wel kalam da mesh hat7sy b ta3mo lazm at3b fel 7aga 3ashan a7bha hat3b shwaya bs harta7 w a7s fe3lan en ana astahl keda w lakn heya moshkltna en mafish sabr khales
ya gam3a wallahi wallahi tany ana admt fe gami3 el sharkat el charter f masr w egyptair w express w etrafdt f kolo w ba3d keda gatly qatar airways shofto ba2a rabna kan 3aynly eh , y3ni madam mat2bltsh f 7aga da mesh ma3nha el heya mesh maktopaly la2 heya maktopaly w lakn fe sherka a7sn w a7sn w tab3an el kalam da by3ady moror el kram 3aleko bs ana ba2lko tagroba shakhsya ana kont bat3azb aktar ana ma3mltsh interview wa7d wala etnen ana 8 years ba3ml interviews w ma3ya nas sha3rha ebyad wallahi lol esmo adel lol w lesa ablto f sahab w mesh zh2 bs howa 3aref en hatgelo a7sn 7aga fel akher w 3ando yakin 3ala Allah w byakhod bel asbab w byt7rak w zayma by2olo el 7arka barka bs ma7dsh yey2s w khaly el hema 3alya
w manf3sh hena a2dm henak w hena w f kol 7eta
ew3o tob2a salbin fel magal da belzat da magal 3ayz sabr w kowt ta7amol w wallahi yama nas so7aby et2blo bosr3a b wasayt tab3an w sabo el shohgl 3alatol leh 3ashan mesh te3bo fe 3ashan keda mesh 7aso b emto fa 3ashan matwlsh 3aleko ento tal3to 3eni w kol youm asm3 kalam gharib ( STAY POSITIVE AND LIFT UR SPIRIT UP AND REMEMBER THAT U CAN BE ALWAYS AGANIST THE WHOLE WORLD ONLY IF U BELIVE U CAN AND TAKE THE RIGHT SPIRIT ) shokran

[miss jiji]

بلييييييييز جاوبني هل في ايمايل مباشر نبعث عليه cv لاني انا من المغرب و كيف حددوا لكم المقابلة

[sadnESS_heart]

مع الأسف لا يا جيجي بس ممكن لو ملكيش حد هنا فمصر اسلملك انا ال سي في شخصيا بس دة طبعا فحالة اما تكوني نازلة مصر علشان مش هينفع أحضرلك الأنترفيو واتنمنالك التوفيق ليكي وللمرشحين وتحياتي لأهل المغرب

[BETO]

والله انت اللى طلعت عينى عشان اعرف اقرأ اللى انت كاتبه لان كلام الانجليش النت ده مبعرفوش اما عربى اوEnglish100% وتخمينى انك بتعرف عربى لانك قريت ردى لما رجعت من الانترفيو وتخمينى برده انك بتعرف English بدليل اخر جملة يبقى ليه العذاب ده؟؟؟؟؟؟؟؟؟؟ دى حاجة الحاجة التانية بخصوص ردك علييييينا انا وفراولة بالذات المفروض احترمه مهما كان وانت طلبت منى فى بدايت مشاركتك انى مازعلش وبردلك الطلب ده يعنى ياريت متزعلش برضه من رأيى بص يا كابتن اللى عايزك اقولهولك ان احنا اكيد عارفين كويس ان مادام ربنا مابيوفقش حد فى اى شىء يبقى ربنا اكيد شايف انه مالوش خير فيها واكيد شايله حاجه احسن وعارفين كمان ان الانسان لازم يسعى ماهو مش معقول الشغل هيجيلك يدق عليك جرس الباب دى حاجات اتعلمناها من زماااااان قوى اتربينا على الايمان والثقة بالله بس اللى مستغرباله انك بتقول انى اخدت كلام الراجل معايا بانفعال سبحان الله رغم انه ماكنش معايا حد فى الانترفيو غير انا وهو بس يعنى منين جالك لاحساس ده على العموم عايزه اقولك انه معرفش يخلينى انفعل ولو للحظة لانى كنت داخله وعارفة انه هيستفزنى باى سؤال عشان يعرف شخصيتى وتفكيرى وهتصرف ازاى كنت هاديه جدا ومبتسمة وشيك وحلوة ولبقة وكل حاجة بقى المفروض كنت ابقى عليها.وعلى فكرة انا لما كتبت وقولت على اللى حصل معايا كان كل هدفى ان الاصدقاء كلهم يبقوا على علم بكل حاجة لا كان قصدى اشكك الناس وحط تحت الكلمة دى الف خط ولا كان قصدى اخلى الناس تمتنع عن التقديم بدليل انى قولت فى البداية انى اللى هحكيه شهاده هتحاسب عليها وانى مجرد عايزة الناس تعرف ايه اللى حصل وانا مش لوحدى اللى عملت كده لو انت متابع الموضوع من الاول هتعرف ان كل اللى راحوا الانترفيو رجعوا يحكوا ايه اللى حصل معاهم يعنى الناس كلها بتساعد بعض مش عارفة بقى انت معترض على ايه واقولك حاجة كل الناس تقريبا بتتسأل نفس الاسئلة انا كان صحابى مقدمين معايا وكلنا اتسألنا نفس الاسئلة.اما بخصوص موضوع الحجاب البنات اللى بيشتغلوا هناك هما اللى بنفسهم اللى قالوا انك الشركة مش هينفع تقبل محجبات وده كلامهم همااااااااا الا اذا كانوا بقى عندهم انفصام فى الشخصية بيقولوا حاجة والحقيقة حاجة تانية Thanks alooooooooooot ya captain

[sadnESS_heart]

معاك حق يا BETO شكرا

[PRINCESS OF FLYINGWAY]

sadnESS_heart
سورى ياكابتن بس انت كتبت كلام كتير واكيد في ناس كتير جدا مش هتقراه لانك كتبت فرانكو عربي
يعنى المفروض كنت كتبت ياانجلش ياعربي انا عن نفسي واحدة من الناس ماليش خلق اقرا الفرانكو ده
ميرسي ليك

[sadnESS_heart]

معاك حق يا SASO شكرا

[desertrose]

السلام عليكم جميعا
والله الف الف شكر يا كابتن sadnESS_heart وربنا يجازيك كل الخير عن تعبك معانا
بامانه حطيت النقط علي الحروف في اللخبطه والتساؤلات الكتير الي حصلت وانا بقول هوه انا روحت شركه تانيه غير الي راحوها ولا ايه بس يظهر ان قدري اني كنت اول واحده من المنتدي تروح الانترفيو
وكلامك مش مر مرور الكرام ولا حاجه بالعكس خالص
الواحد سعيد جدا بالتجربه وان شاء الله المره الجايه ربنا يكرمنا

وفراوله مبروووك يا بنتي حاولي تلاقي سكن في القاهره واعتقد ان شاء الله بالتاكيد العائد المادي هيغطي مصاريفك

[frawla]

ميرسى desertrose ربنا يخليكى بس انا مش اتقبلت ولا حاجة.ده حطنى فى الأحتياطى يعنى الله اعلم حيحصل ايه بعد شهرين.