[الهوارى]

السلام عليكم ورحمه الله وبركاته
انا بسال عن الكورسات الخاصه باماديوس الموجودة فى اماديوس مصر هل ممكن اتدرب عندهم علما بانى مش موظف بشركه سياحه انا حاليا خلصت كورس البيزك فى مصر للطيران وهبدا فى الانترميديا بس عايز انزل تدريب عملى الفترة دى ومش عارف هل من الممكن انى ادرب فى اماديوس مصر ولا التدريب دة قاصر على الموظفين فى شركات السياحه فقط
ارجو الرد ضرورى جزاكم الله كل خيررررررررررررررررر

[الهوارى]

السلام عليكم ورحمه الله وبركاته
طبعا محدش لحق يرد بس برضو جزاكم الله خيرا على مجهودكم
الحمد لله ربنا وفقنى وعرفت اسال بنفسى وروحت اماديوس مصر انهاردة وكانو فى غايه الذوق معانا وحبيت اقول المعلومات اللى اخدتها هنا من باب الافادة لاى اعضاء هيرجعو يسالو نفس سؤالى دة
اولا ممكن اى حد ياخد الكورس فى اماديوس وهو لمدة 5 ايام وتكلفته 220يورو وبعدها بيبقى فى امتحان ونسبه النجاح فيه 75%
ثانيا هما نصحونا اننا نخلص التدريب النظرى فى مصر للطيران وهيه كورسات البيزك والادفانس والانتر ميديا ودة علشان نبقى فاهمين بناخد ايه ونفهم صح
ثالثا ممكن ندرب فى مركز خاص مثل مركز الاستاذ نزيه وللعلم شكروا فيه جدااااااا وانا عن نفسى بشكر فى المركز دة قوى بجد مركز ممتاز ومحاضر مميز يعنى اللى عايز يدرب وبعدين يمتحن ممكن عادى وبيكون تكلفه الامتحان 20يورو
يارب اكون اضفت ليكم معلومات وجزاكم الله خيرا
عنوان اماديوس مصر
مدينه نصر _سيتى ستار - الدور الثامن (بس نصيحه اسالو الاستعلامات علشان محدش يتعب ويلف كتير)

[ابو مشاري]

آسف أخي ضاع موضوعك بين مثات المواضيع اللي كتبت امس ولم نلحظ موضوعك المهم.

أشكرك على جهدك بتوفير الرد لأخوانك واسمح لي أضيف أيضا أن هناك معهد الأخ نزيه وهو معهد معتمد وشهاداته معترف بها ويوجد الكثير من المواضيع عنه وعن تكاليفه بالمنتدى

شكرا مرة أخرى وتقبل اعتذاري

[الهوارى]

العفو اخ عربى لا شكر على واجب ومفيش داعى للاعتذار جزاكم الله خيرا عن كل مجهوداتكم القيمه بس ياريت ارجو يكون فى نشاط اكتر من كدة فى المنتدى انا ملاحظ ان نسبه الحضور والردود والمواضيع قليله جدا ياريت يكون فيه نشاط عن كدة شويه

[meriem]

ميرسى على المعلومات عشان انا لسة مخلصة بيزك الاحد اللى فات فى مصر للطيران وكنت محتارة اعمل اية وكمان سالت فى معهد الاستاذ نزية لقيت الدورة ابتدت بس فى واحدة تانية هتبدا بعد العيد على طول يعنى ممكن نحجز فيها قبل ما ندخل الانترميديت 4-10 لانها اسبوعين بس 3 مرات فى الاسبوع

[الهوارى]

العفو اخت مريم وبعدين على فكرة احنا كنا زمايل بس مكنتش اعرف انك فى المنتدى معانا على العموم ربنا يوفقك ومعهد نزيه معهد ممتاز فعلا وهبضيفلك كتير قوى وبالنسيه لنتيجه البيزك اللى امتحناة بيقولو الثلاثاء النتيجه على العموم فى رقم ابقى اسالى فيه 22856285وربنا يسهل ونشوفك فى الانتر ميديا وبالتوفيق ان شاء الله وعلى فكرة ميعاد الانتر ميديا هيبقى من 3الى 7 مش من 9 صباحا زى ما كان البيزك

[meriem]

ميرسى اوى على اهتمامك بس النمرة دى غريبة عن النمرة اللى اتصلت بيها قبل كدة؟ وكنت عاوزة اعرف انت عرفت منين الميعاد انو من 3 ل 7؟ ولا احنا اللى هنختار؟
ميرسى بجد على المعلومة وانا اكيد هروح على يوم الاربع اعرف النتيجة واحجز الانترميديت وطبعا اتمنى اشوفكوا كلكوا زى ما كنا فى البيزك

[الهوارى]

العفو اخت مريم دة واجب ودور بيقوم بيه اى حد هنا فى المنتدى ومحدش بيبخل عن حد بمعلومه وفوق كدة احنا زمايل طبعا بالنسبه للنمرة فدى نمرة الادارة الموجودة فى المبنى اللى كنا بندرس فيه يعنى لو فيه نتيجه هيقولو على طول وبالنسبه للميعاد فجدول الانتر ميديا نازل وموجود الميعاد فيه بس معنديش فكرة ان كان ينفع نختار كل اللى اعرفو ان الجدول كان مكتوب فيه الميعاد دة احنا ان شاء الله هنتصل بيهم الاحد ويمكن ننزل على الاتنين ربنا يستر ومتاخرش النتيجه للاربعاء هيبقى كتير قوى وجميل انك هتاخدى عند الاستاذ نزيه بجد ماشاء الله عليه محاضر رائع فعلا اتمنالك التوفيق معاة وان شاء الله ربنا يوفقنا فى الامتحان بتقدير كويس