[الكابتن أحمد 123]

السلام عليكم
أخواني الكرام أنا من اسبوع أتعلم الطيران التشبي جربت رحلات في الطائرات الصغيرة جدا أول مرة فشلت ثاني مرة هبطت خارج المدرج ثالث مرة نجحت بعدين رحت للطائرات ذات الحجم الوسط أول مرة فشلت وثاني مرة فشلت وثالث مرة هبطت في البحر ورابع مرة نجحت وأيضا سويت رحلات أخرى بالطائرات الوسطية ونجحت وجربت طائرة ذات حجم كبير جد وهي البوينج 747 والإقلاع فيها كان سهل جدا وعند الهبوط كنت أفشل كثير في البوينج 747 ولكني آخر مرة هبطت بجانب المدرج تماما يعني فشلت ولكن أظن أن هذا الهبوط الجيد لمبتدأ مثلي بجانب المدرج تماما جيد أليس كذلك وأريد أنا أخذ بعض النصائح من البارعين في الطيران التشبيهي وأريد أن أعرف هل بدايتي في تعلم الطيران التشبيهي جيد وهل قدراتي جيدة وأريد أصدقاء في خط الطيران أولن من أجل كسب مهارات وثانية من أجل كسب صداقات جيدة
مع تحياتي أحمد قاسم

[الكابتن أحمد 123]

لا أعلم لما لايرد أحد على مواضيعي هل لأنني مبتدأ هناك الكثير من المشاهدات ولاكن لا يوجد أي ردود

[Cpt.Mohammed]

اقتباس:     المشاركة الأصلية كتبت بواسطة الكابتن أحمد 123  

لا أعلم لما لايرد أحد على مواضيعي هل لأنني مبتدأ هناك الكثير من المشاهدات ولاكن لا يوجد أي ردود

محسسني ان البارعين في الطيران التشبيهي لم يكونوا في يوم من الأيام مبتدين مثلك .. يمكن انت كمان تكون قدراتك الأن أفضل مما هم كانوا عليه ...

انت كدا ماشي في الطريق الصح .. و عاجبني أصرارك علي تعلم الطيران بالتدريج .. فمعظم المبتدئين بيطيروا علي الطائرات الضخمة مرة واحدة .. وده غلط ..

تابع قسم دروس الطيران التشبيهي و قسم موسوعة الطيران فيهم كل اللي تحبه و كلنا بقينا محترفين منهم ..

و أي استفسار او سؤال لا تتردد .. ضعه هنا في قسم الدعم الفني و هحاول انا و الاخوة الرد عليك في أسرع وقت ممكن ..

أخوك محمد

امنياتي القلبية لك بالنجاح في تحقيق مرادك

[yahya77]

اخ احمد اهلا وسهلا بك معنا....وانشالله تستفيد..تابع شروحات الدروس للأخوة في المواضيع المثبته
انت لن تصل بهذه السهولة...ولكنك ستصل الى ماتريد..صدقني ستعشق الطيران التشبيهي اذا اتقنته
هناك ايضا..الطيران اونلاين...هذه في الخطوات المتقدمة انشاء الله
وفقك الله

[الكابتن أحمد 123]

شكرا لك أخي على الردك المشجع وأنا صرت واثق بهذا الرد على اني قد أصير محترف في يوم وردك الجميل شجعني كثيرا على الاستمرار في التعلم وشكرا على ردك يلي نور الموضوع

[الكابتن أحمد 123]

أهلا أخي يحيى وشكرا على مرورك العطر وأنتما الاثنين شجعتماني على الاستمرار

[yahya77]

اقتباس:     المشاركة الأصلية كتبت بواسطة الكابتن أحمد 123  

شكرا لك أخي على الردك المشجع وأنا صرت واثق بهذا الرد على اني قد أصير محترف في يوم وردك الجميل شجعني كثيرا على الاستمرار في التعلم وشكرا على ردك يلي نور الموضوع

اهلا وسهلا بك مرة اخرى
واي خدمة انا حاضر...والاخوة ايضا لن يقصروا معك باذن الله
ولكن ارجو ان تستخدم خاصية البحث بالمنتدى اولا...هناك الكثير الكثير يحتاج لطباعة وقراءة وتدريب وتطبيق ,,,يجب ان تتعب حتى تتعلم الطيران التشبيهي, المسألة ليست سهلة ابدا وخصوصا الطائرات البروفيشينال.
تقبل تحياتي...اخوك يحيى

[الكابتن أحمد 123]

شكرا مرة أخرى أخي على ردك الثاني أنا أخوي محترف بس مع ذلك ما رضيت أنه يعلمني وحبيت أتعلم لحالي

[captain_medo]

كابتن احمد اهلا بك في قلعة الطيران التشبيهي وان شاء الله تكون طيار محترف هنا على ايدين مبدعين المنتدى وكلنا كنا مبتدئين بس انا كنت محظوظ لاني تعلمت على ايد الجيل الاول من المحترفين على راسهم كابتن احمد حسن ولكن انت بايدك تبقى محترف بس نصيحتي اوعى تمل او تزهق او حت تياس الطيار مبيبقاش طيار في يوم وليلة واذا سالت اى محترف هيقولك انا عشان بقيت محترف اخدت على الاقل سنتين كلهم تعب ومذاكرة وفشل ونجاح ويمكن تاخد وقت اقل لو كان معاك حد بيساعدك اول باول وايضا انصحك بانك متنتقلش من مرحلة لاخرى الا اذا كنت فاهمها يعني ابدا بالطائرات الصغيرة اعرف كل مسمار فيها اية لازمتة والطيارة بتطير ازاى وكل حاجة وتنتقل للطائرة الاكبر كذلك وانصحك متطيرش على اى من طائرات السيموليتور غير الصغيرة مثل السيسنا والبيتش كرافت اما الباقي لا تعتمد على السيموليتور لانها طائرات غير واقعية اذن تتطير على الطائرات البروفيشنال وليكن ترتيبها كالاتي
1 -pmdg boeing 737 بجميع انواعها
2- البيونج pss 777
3- البي ام دي جي بوينج 747

ودول هتلاقيهم في موضوع باسم جميع الطائرات البروفشنال ستجدها هنا من ضمن المواضيع المثبتة في المنتدى

ودية وصفتي لتكون طيار بروفيشنال

اااااة حاجة كمان ,,هات جويستيك عشان يسهلك كل الامور دية وتقدر تتحكم في الطيارة بسهولة وتنزل بيها على الرنواى بسهولة حتى لو مكنتش بروفيشنال

واى مساعدة انا حاضر وايميلي اهو

[email protected]

,,تحياتي

[الكابتن أحمد 123]

شكرا كابتن حمود على الإفادة على كل حال أنا ضفتك على ايميلي ونقدر نتكلم على الايميل

[جناح الحريه]

أهلا وسهلا بيك يابوحميد معانا

زي ما قالك كابتن محمد إنك كدة في الطريق الصح

لو كنت بدأت بالطائرات الضخمة زي الـ747 او غيرة

وفشلت من اول مرة كنت يمكن يأست زي أعضاء كتير ما حصل معاهم

المنتدى الحمدلله وبفضل الله مليان بمعنى مليان بالدروس لأغلب أنواع الطائرات من أول الهيليكوبتر

لحد الـ747 البروفيشينال درب إنت نفسك شوية الاول على الاقلاع والهبوط ونقطة مهمة إزاي تحافظ على

الإرتفاع والسرعة ونصيحة مني وإنت بطير خلي المنظر دائما من داخل الكوكبيت او الكبينة

وخلي عينك تتعود على شكل العدادات وحاول تكتشف مهمك كل عداد بنفسك ,يعني إدخل الطيارة
وجرب تزيد السرعة على الآخر وشوف أي واحد هيتحرك

أثناء الإرتفاع شوف أي واحد بيتحرك وكدة يعني

وأهلا وسهلا بيك يا حمادة ويارب يعجبك المنتدى

ملحوظة:طلع من دماغك خالص موضوع محترفين سميوليتر والكلام دة كلنا في يوم من الأيام كان

منظرنا يدحك وإحنا قاعدين على السيم

سلام حبيبي وقريبا إن شاء الله نشوف فيديوهات ليك في المنتدى

...............

[الكابتن أحمد 123]

شكرا لك وعلى ردك الأكثر من رائع وأنا جربت مرة من المرات اني أتعلم الطيران التشبيهي ولكنني يأست لأنني لم أعرف خط الطيران أصلا ولم أعرف طريقة تشغيل المحركات ولكن عندما دخلت خط الطيران تعلمت الكثير من الأشياء عن الطيران التشبيهي

[Cpt.Mohammed]

بص يا كابتن .. مفيش صعوبة ولا حاجة .. هنتخيل مثلاً انك عايز تتعلم قيادة السيارات ..

اول حاجة طبعاً لازم تسأل اصحابك اللي بيسوقوا - ده ايه و ده ايه .. وتعرف يعني ايه ناقل سرعة و يعني ايه ديبرياج و الفرامل بتستخدم امتي و ازاي ..

بعدين هتاخد مفتاح العربية و تبدأ تطبق الكلام اللي اتعلمته .. اول مرة هتخاف و انت بتشغلها , تاني مرة هتمشي جنب الرصيف و انت خايف .. تالت مرة سرعتك هتزيد شويا .. رابع مرة هتبدأ تمشي وسط العربيات التانية و في وسط الطريق دون خوف ..

انت ذات نفسك هتبدأ تتعلم لوحدك و هتكون خبرة .. كل ما تتعود علي خطوة هتتقنها ..

مرة واحدة هتسوق عربية نص نقل .. و تبدأ معاها من الصفر .. خوف فحذر فتعلم فخبرة .. فأتقان ..

هتجرب علي الشاحنات الضخمة .. برضو من الصفر .. خوف فحذر فتعلم فخبرة فأتقان .. شويا بشويا هتسوق شاحنة بمقطورة ... وهكذا ...


الطيران التشبيهي زيه زي القصة دي برضو ... كلنا تملكنا الخوف في بدايتنا , و كأنها حقيقة مش مجرد لعبة .. الأصرار علي التعلم لوحده بيعلمك ..
حبك للطيران بيديك الحافز انك تصر علي التعلم ..
بمرور الأيام هتتراكم الخبرات في مخك .. و هتبدأ تحس انها بقت زي ألعاب الأتاري بتاع زمان - من كتر الخبرات اللي أكتسبتها ..

لو عايز نصيحة من أخ .. أتبع كلام كابتن أحمد "جناح الحرية" .. و زي ما قلتلك .. عشان تسوق العربية لأول مرة .. لازم تكون عارف كل ادواتها بالتفصيل ..

حالياً انا بعمل موسوعة علي الـ Cessna 172 .. بشرح بالتدريج يعني ايه طيران و شرح لعدادات الطيارة .. والمناورات المهمة زي الصعود و النزول و المحافظة علي السرعة و الأرتفاع .. والملاحة .. أدخل قسم دروس و شروحات الطيران التشبيهي .. و هتتصدم من كمية الشروحات اللي فيه ..

و كمان نصيحة عشان تبدأ صح , دور علي المعلومة بالتسلسل الأتي :-

1- ازاي الطائرة بتطير .
2- مكونات الطائرة من الخارج .
3- مكونات الطائرة من الداخل ( غرفة القيادة) .. ابدأ اعرف تقسيمة العدادات , ازاي تقرأها .. و كل عداد مرتبط بيه معلومات .. زي مثلاً عداد السرعة .. لو دورت هتلاقي ان فيه تلت سرعات بنقيسها في الطيران IAS و GS و TAS .. عداد الأرتفاع ..هتدور وهتلاقي معلومات تانية متعلقة بيه زي الطائرات اللي بتطير ف اتجاه الشرق بتطير علي ارتفاع فردي و اللي بتطير ناحية الغرب بتطير علي ارتفاع زوجي .. و هكذا ..


الموضوع هيبقي سهل لو أخدته زي معلومات متراكمة .. المعلومة بتجيب التانية بتجيب التالتة - زي لما تتعرف علي واحد و يعرفك علي واحد تاني .. التاني ده هيعرفك علي خمسة .. كل واحد من الخمسة هيعرفوك علي 2 ... ف ظرف أسبوع هتلاقي اصحابك وصلوا 1000 واحد ...

الطيران كدا برضو .. اعرف معلومة .. هتلاقي جواها معلومة تانية .. هتبحث عنها و تسأل فيها هتعرف معلومة تانية وتالتة ورابعة .. ألخ ألخ ألخ ...

و اي سؤال متترددتش .. مهما كان بسيط .. اسأله في قسم الدعم الفني ..
و أحنا بنفخر لما ندي غيرنا المعلومات اللي اتعلمناها ..

و يا مرحب بيك معانا ..

[الكابتن أحمد 123]

شكرا على المعلومات أخي
لمن يريد إضافتي على الايميل هذا ايميلي
[email protected]