AFRIKA UNION AVIATION ACADEMY

حلمي وساحققة · 26-07-2010, 02:57 AM

AFRIKA UNION AVIATION ACADEMY
www.auaa.co.za
وتقع هذه الاكاديمية في مطار مدينة اسمها مفكينج MAFIKENG وهذا المطار عن نفس المدينة هاذي حوالي 13 الى 15 كلم.
ومفكينج مدينة صغيرة مثل مدينة ينبع الصناعية والامن فيها مستقر يعني امان بالليل.
تقدروا تشوفوها على جوجل ايرث.
وبالنسبة للمدينة ككل (مفكينج) تبعد عن جوهانسبورج حوالي 300 كلم في الشمال الغربي يعني ما في غلبة ولا شئ مجرد ما توصل مطار جوهانسبروج تركب طيار الى مطار مفكيج اللي فيه الاكاديمية (الاكاديمية تقع في نفس حرم المطار).
الاكاديمية ممتازة جداً وتتكون من مجموعة مكاتب الادارة (مبنى واحد) ومجموعة الكلاسات الارضية (برضوا في مبنى واحد) وهنقرين اثنين (مكان كراج الطائرات) ومبنى الادرايين (سكن العاملين بالاكاديمية) ومبني الطلاب (سكن الطلاب) ومبنى الخدمات (المطعم+الصالة الترفيهية).
وطبعا هناك حرس من الحكومة (مثل الحرس الوطني) يقوم بحرس المطار والاكاديمية.
صاحب الاكاديمية Mr. ALLAN رجل محترم جداً ومتعاون لأبعد درجة هو وزوجته Mrs. JANET المهم
اسباب تميزالاكاديمية........كالتالي:
1- الاكاديمية كبيرة ومرتبة ونظيفة
2- قلة عدد الطلاب حيث عددهم حوالي من 13 الى 15 طالب بس.
3- توفر المدربيين (يعني خلينا تقول من 5 الى 7 مدربيين فل تايم) غير طبعا البارت تايم.
4- وفرة الطائرات (عددها الاجمالي حوالي تقريبا 15 طيارة) وكلهم حالتهم ممتازة ويعملوا لها الصيانة الدورية.
5- عندهم اصغر طيارة سيسنا 172 وعندهم بارون والموني والبتش كرافت وعندهم وحدة جت انجن الزبدة مرة كثير بالنسبة لعدد الطلاب (بالعربي كل طالب معاه طيارة متى ما ينبغى يطير يروح يطير ولا زحمة ولا شئ اسمك سرى ولا شئ )
6- صاحب الاكاديمية خبرة خبرة خبرة تتعب تقول خبرة حيث انه طار اكثر من 15 الف ساعة طيران زي ما شفت بنفسي في اللوج بوك حقه. وايضا مصرح من قبل (منظمة الطيران المدني في جنوب افريقيا + وايضا من منظمة الطيران الفيدرالي الامريكية) ومخول بعمل كافة الاختبارات واعتمادها للطلاب او حتى للمدربيين.
7- يحق للطالب دفع المبالغ اللي عليه بالاقساط (يعني تدفع كل ما تطير ) وذلك لحفظ حقوق الطلاب ومتى ما بغى الطاب الانسحاب يقدر يتوكل وفلوسه في جيبه
نتكلم عن التكاليف:
28000 الف تقريباً دولار امريكي بيها تأخذ الثلاثة رخص مع الملتي انجن شاملة الكتب وكل شئ بالاضافة الى 200 ساعة طيران فعلي.
السكن: 5000 راند افريقي (تقريباً 450 دولار امريكي) شاملة الوجبات الثلاثة مع خدمة نظافة الغرف وايضاً مع غسيل الملابس.
وبالنسبة للمصاريف الاخرى ما في اي مصاريف اخرى
الشهادات اللي يعطوك اياها هي CAA.
وبالنسبة للسكن 500 دولار بالشهر شامل الكهرباء والماء و3 وجبات في اليوم و الانترنت وكل شئ.
...والله ولى التوفيق...

للامانة التقرير للاخ سلطان الصليحابي بمنتدي اخر

تحياتي .~.

صور مني للاكاديمية

لا تنسونا من صالح الدعاء .ْ.

حسام billiard · 26-07-2010, 10:00 PM

شكرا كابتن على التقرير الرائع باين على الاكاديمية رايقه مره
حتى موقعها شكله حلوه.بس يقولوا الدراسة صعبة جدا في جنوب افريقيا والأمن ضعيف الناس تخاف ولا على السعر حلو .
نستنى الخبره المحضار.كان يدرس في جنوب افريقيا اذا يعطينا معلومات تفيد الاعضاء عن هذا الاكاديمية