[Fhoode]

والله ي اخ احمد توي دقيت عليهم قلتلهم انا باقي م سلمت اوراقي هل فيه امكانيه اسلمها قالي والله م عندنا خلفيه عن التسجيل
شكلهم قاعدين يفطرون وزحلقني

[Fhoode]

لاكن اذا م امداك انشاء الله انها خيره لك مكتوب لك افضل منها ان شاء الله

[a7m4d]

اقتباس:     المشاركة الأصلية كتبت بواسطة Fhoode  

والله ي اخ احمد توي دقيت عليهم قلتلهم انا باقي م سلمت اوراقي هل فيه امكانيه اسلمها قالي والله م عندنا خلفيه عن التسجيل
شكلهم قاعدين يفطرون وزحلقني

جزاك الله الف خير اخوي والله انك كفو ماقصرت , ي شنب
معقولة قالك كذا
رقمهم هذا: 8004411122 ؟؟
ولا تقصد هذا:
كلية الملك فيصل الجوية (بالرياض)
هاتف: 4766566/01

[Fhoode]

لا اخوي وش دعوه م سويت الا الواجب
لا الرقم الثاني هو اللي دقيت عليه

[خير وبركة]

اللي ماسلم أوراقة : روح لهم مباشرة لا تنتظر اتصال ، في مكانهم في العيينة بوابة سلطانة

[a7m4d]

اقتباس:     المشاركة الأصلية كتبت بواسطة Fhoode  

لا اخوي وش دعوه م سويت الا الواجب
لا الرقم الثاني هو اللي دقيت عليه

طيب ممكن تدق ع الرقم الثاني بارك الله فيك .. اكون لك من الشاكرين والله ماعندي هاتف ثابت

كان الله في عونك

[a7m4d]

اقتباس:     المشاركة الأصلية كتبت بواسطة خير وبركة  

اللي ماسلم أوراقة : روح لهم مباشرة لا تنتظر اتصال ، في مكانهم في العيينة بوابة سلطانة

ي اخوي انا بالحجاز , صعبة عليا اروح نجد .. لاهنت

[Fhoode]

اقتباس:     المشاركة الأصلية كتبت بواسطة a7m4d  

طيب ممكن تدق ع الرقم الثاني بارك الله فيك .. اكون لك من الشاكرين والله ماعندي هاتف ثابت

كان الله في عونك

ما طلبت شي والله
دقيت توي بس ما ردو لاكن ما عليك بدقدق عليهم لين يردون واردلك خبر ان شاء الله

[Fhoode]

اخوي احمد تو رد قلتله انا باقي ما سلمت اوراقي يمديني اسلمها قالي انت جايتك رساله قلتله ايه بس باقي اوراق القبول م سلمتها قالي للاسف تقديم الاوراق قفل الموعد من الاربعاء اللي راح قلتله طيب حتى لو اروح العيينه م يمدي انا سألته السؤال ذا عشان تتاكد قالي روح م بتلقى عسكر اصلن انتهى موعد تقديم الاوراق اسف اخوي احمد لاكن ان شاء الله انها خيره والله يوفقك للي افضل منها ان شاء الله اتمنالك التوفيق بأذن الله

[a7m4d]

اقتباس:     المشاركة الأصلية كتبت بواسطة Fhoode  

اخوي احمد تو رد قلتله انا باقي ما سلمت اوراقي يمديني اسلمها قالي انت جايتك رساله قلتله ايه بس باقي اوراق القبول م سلمتها قالي للاسف تقديم الاوراق قفل الموعد من الاربعاء اللي راح قلتله طيب حتى لو اروح العيينه م يمدي انا سألته السؤال ذا عشان تتاكد قالي روح م بتلقى عسكر اصلن انتهى موعد تقديم الاوراق اسف اخوي احمد لاكن ان شاء الله انها خيره والله يوفقك للي افضل منها ان شاء الله اتمنالك التوفيق بأذن الله

ي اخي جزاك الله خير والله :) مافرحني ولا سدد همي غير مساعدتك..

يارب نشوفك في الجنة ونعطيك قبلة ع جبينك ..

الله يحفظك .. ي شيخ ويكثر من امثالك..

[Fhoode]

اقتباس:     المشاركة الأصلية كتبت بواسطة a7m4d  

ي اخي جزاك الله خير والله :) مافرحني ولا سدد همي غير مساعدتك..

يارب نشوفك في الجنة ونعطيك قبلة ع جبينك ..

الله يحفظك .. ي شيخ ويكثر من امثالك..

اامين واياك ان شاء الله
والله ي اخ احمد انك احرجتني باسلوبك وانا والله م سويت الا الواجب ولو ما نفعنا بعض من بينفعنا
واسأل الله لك التوفيق دنيا واخره وبأذن الله ان ربي يسعد قلبك باللي افضل منها ان شاء الله واسأل الله ان يجمعنا بك في جنات النعيم لانك والله انسان اخلاقك عاليه واسعدتني والله بدعواتك الله يوفقك ي رب تحياتي

[ابو علي 1]

اخوي احمد عطني رقم الطلب حقك

[saudi 19]

و الله يا بو علي إنه حرام اللي قاعد تسويه هذا و بتاخذ ذنبه .. الشباب كل واحد أعصابه ما عاد تتحمل و انت قاعد تلعب ... يا خي اذا تبي تسوي أجر سوه على الخاص و إذا تبي تلعب بأعصابه ترى الدنيا سلف و دين ... هذا غير انك قاعد تشوه سمعه لجنة القبول بتعليقات مالها داعي و ان شاء الله ان أعضائها يخافون الله و لا رح يظلمون أحد
عموما حنا واسطتنا الرب مو العبد و باذن الله ربي ما رح يخيب أملنا و ما رح تقدر تهز إيماننا بالله سبحانه مهما حاول أمثالك

[فتى الخرج]

اقتباس:     المشاركة الأصلية كتبت بواسطة ابو علي 1  

والله العظيم اني ما قدمت لاني ضامنها عمي لواء يقول لا تقدم انا بدخلك يعني باختصار حاطها في جويبي الواسطه في الفرز النهائي يسوون تبديل ملفات

تعال انا نسيبي عقيد طيار , و لد جماعتنا لواء قائد اكبر سرب طياران ... وهذا انا والله ثم والله ثم والله اني ماكلمتهم بتوسطون لي , مابي بكره يمنون علي او ادخل مكان احد..


وعطني اسم عمك اشوف؟ بسأل عنه..

[mesfer14]

اشوف المهايطيه كثروا دامكم ضامنين القبول ليش جالسين تحوسون هنا

[فيصل الحجري]

بسم الله
انا اول شي ابارك للي عدو الفحص والمقابلة
والله يوفق الباقين
طبعا انا اسف سحبت عليكم لكن عشان الصدمة النفسية اللي مريت بها
لكن ينقلعون مني ميت عليهم
طبعا السالفة هو اني يوم عديت العيادة الاولى ثم الثانية ثم الثالثة ثم الرابعة ثم الخامسة ثم السادسة ثم بعدين قعدت أستنى زي باقي العيادات جاء عسكري ونادى على اسماء طلاب وقال اللي يسمع اسمه يروح لعيادة فحص الدم والبول تكرمون وطبعا اسمي كان معهم ورحنا للعيادة وحللنا ويوم خلصنا قالو اقعدو لين نقولكم روحو كملو العيادات ويوم قعدنا فجأة جاء عسكري وقال اللي يسمع اسمه يصير جاهز ونادو على اسمي وجيت لهم وقال العسكري انت فيصل العنزي قلت نعم قال عطني بطاقة المراجعة عطيتهياه وختملي مسرح عاد انا انصدمت وقلت وش عندي وليش ماقبتوني قال لا عطني كف احسن قلت بقلبي يااازينها عاد قالي رح البس ملابسك ورح للمسرح رحت للمسرح وطلعت ويوم طلعت دقيت على امي وأبوي وقلت لهم ما قبلوني والله قالولي الله يبشرك بالخير أصلا هم من اول مايبوني اخشها اول شي لانها خطرة وتعب وقرف وقلت حيا لكن مامنعوني منها لكن الحمد لله على كل شي
لكن قسم بالله اني فليت ام ام اهلها بالرياض انا وخويي وتمشيات ووناسة
وإلى الان ماعرفت سبب عدم قبولي
لكن بحريقة
وبعدين انا أشوف الدنافيس بدت تطلع بالمنتدى حقت الواسطات لكن ما اقول غير حسبي الله ونعم الوكيل
لكن اعيد واقول مبروك للي عدو وعقبال القبول النهائي حبايبي
موفقين.

[Fhoode]

الله يبارك فيك ي اخ فيصل والله يوفقك ان شاء الله للي افضل منها
خيره ي رجال اهم شي انك ما طقيت خبر وانا بعد اذا الله ماكتبلي اكون فيها وما طلع اسمي في الفرز صح اني بنفس شوي عشان الكرف اللي جانا لاكن والله عااااادي فيه الجامعات الحمد الله ندرس وش ورانا والله يوفق الجميع ي رب

[فتى الخرج]

خيرها بغيرها يالغلا والله يعوضك بأحسن منها



وبعدين على سالفة الواساطات انا قلت اعرف ناس طيارين بس ماأبي اكلمهم علشان يتوسطون لي , ماابي بكره يمنون علي او من هالقبيل .... او يحطوني بمكان احد .. اذا جت جت واذا ماجت بقريح ماحد ميتن عليهم .. اترك بعثة الطب واجيهم؟ والله يسمعون فيها

[a7m4d]

هذا رقم الطلب ي بعدي
1330014384
^^ شاكرلك اهتمامك..

[fighter pilo0ot]

حسبي الله عليهم

الله يعوضك يافيصل باللي أحسن منها

والله ضاق صدري عليك

لكن وش السواة خيرة وانا اخوك
انت من الأشخاص اللي كنت اتمناهم يقبلون بالكلية لانـي متابعك من أول وعارف مقدار رغبتك وحماسك للكلية

الله يوفقك وين مارحت

[خير وبركة]

أخي فيصل : اولا أنت مكسب لكل قطاع راح تدخله لأنه واضح قوة قدراتك
ثانيا : يجب رفع رد اعتبار للأسلوب السئ اللي يستعملونه مع المتقدمين ، وطريقة استعبادية وكأن المتقدم مستعبد لهم ، رغم أن الطلبة من خيرة الشباب وأكثرهم معدلات
لابد من بيان الأسباب + احترام المتقدم + مراعاة مشاعره والاعتذار منه بطريقة تربوية ومدروسه لتعويض ماكابده من وقت وجهد !!!
أخيرا : اعلم متيقنا أنه سيأت يوم تقول فيه الحمدلله أني ما انقبلت لأن الله أراد لك الخيرة ، وستكون في مكان مميز في كلية ترتقي بقدراتك ، والله يحفظك

[Fhoode]

اقتباس:     المشاركة الأصلية كتبت بواسطة خير وبركة  

أخي فيصل : اولا أنت مكسب لكل قطاع راح تدخله لأنه واضح قوة قدراتك
ثانيا : يجب رفع رد اعتبار للأسلوب السئ اللي يستعملونه مع المتقدمين ، وطريقة استعبادية وكأن المتقدم مستعبد لهم ، رغم أن الطلبة من خيرة الشباب وأكثرهم معدلات
لابد من بيان الأسباب + احترام المتقدم + مراعاة مشاعره والاعتذار منه بطريقة تربوية ومدروسه لتعويض ماكابده من وقت وجهد !!!
أخيرا : اعلم متيقنا أنه سيأت يوم تقول فيه الحمدلله أني ما انقبلت لأن الله أراد لك الخيرة ، وستكون في مكان مميز في كلية ترتقي بقدراتك ، والله يحفظك

كلام سليييييييييم 100٪
اسلوبك يدل على حسن اخلاقك وتربيتك ما شاء الله
الله يحفظك ويوفقك ان شاء الله

[العميـد]

هههههههههه يا حليلكم يا شباب اللي ما انقبل يسجد شكر من الحين خخخ تخيلوا اليوم توها تبدأ اجازتنا ..!

[علي8]

اللي مانقبل امه داعية له وماشاء الله اللهم لا حسد

واللي انقبل احب اقولك فلتك ووناستك صارت من الماضي
والله يعينك على الكرف ياصديقي

[علي8]

معنى الانتساب للقوات الجوية :

No اجازات
انسى تعيين في الرياض او حتى ديرتك وابشر باللي يقلعك بقلايع وادرين
وتحمل مايجيك من كرف ودوام زفت بعد التخرج يعني ماكل تبن لا كلية ولا بعدها

[هتلر العرب]

باك بعد احلى دجه رحت واستانست وفليتها وجيت
المهم مبروك والف مبروك للي انقبلو والف هارد لك للي ما انقبلو يا فيصل الحجري صدقني الواحد ما يدري وين الخيره فيه بس والله اني انقهرت لك يعني انت كنت متحمس واخر شي تكون نهايتك كذا بس ما عليك لا تكدر خاطرك ولكن ما قلتولي يا شباب الي ما انقبلو وين بتروحون بلله كل واحد يكتب وين بيروح يعني وش الي بيدخل من التخصصات والله يوفقكم جميعا وفي الختام احب اشكر الي سأل عني

[Fhoode]

WeLcOmE BaCk هتلر العرب
الحمد لله على كل شي اللي انقبل الله يوفقه وعقبال النهائي ان شاء الله واللي م انقبل خيره له ويحمد ربه على كل حال م يدري يمكن مكتوب له اللي افضل منها بأذن الله والله ي اخ هتلر انا عني ارسلت اوراقي خلاص لجامعة الامير سلمان بن عبد العزيز بالخرج قسم القانون اربع سنوات بدون سنه تحضيريه ومستقبلها زين الحمد لله واذا انت رجال ناوي عسكريه بعد م تخلص جامعه يمديك عادي لان تخصص القانون مطلوب في كل الكليات العسكريه وموفق اخوي

[Fhoode]

وانا عني اذا م طلع اسمي في الفرز المبدئي بتوكل على الله وروحلها واذا كان لي نصيب وانقبلت بدز اسحب شهادتي من عندهم والله يكتب اللي فيه الخير
نسيت اباركلكم بشهر رمضان مبارك عليكم الشهر وكل عام وانتو بخير والله يعيده علينا ي رب

[خير وبركة]

يا أخوان : متى موعد القبول النهائي ، توني دخلت موقع الوزارة وما طلعت ، مين عنده خبر ؟

[فتى الخرج]

لا تدور شي الا بعد 10 رمضان ... كل الكليات التابعه لوزارة الدفاع والطيران تطلع نتايجها من 10 رمضان