[Fighter Jet]

اقتباس:     المشاركة الأصلية كتبت بواسطة professionall2  

انت مثلي اخوي حمدان عندي اختبار بايولوجي midterm الاربعاء وبنفس الوقت اختبار القبول
والظاهر اني بروح للمدرس حق الماده واشرح له ظرفي وان شاء الله يتفهم !

بخصوص الاختبار اخوان تكفون الطلاب اللي اختبروا التوفل يقولون لنا
وش جاهم وش الاشياء الموهيمه جدا .. وبخصوص الملابس عادي اجي مرسم
بثوب وشماغ .. اذا فيه احد مقدم من القصيم ويبي يصير خوي ولا يبينا نخاويه
ترى عادي .. ووشسمه بعد حي المربع ذا وين هو فيه ؟؟؟ !!!

الترسيمة براحتك (انا سويته في جده ولابس جينز بس نظراتهم لي غير يعني اعقل ورسم احسن لك) :)

حي المربع يا حبيبنا
وأنت داخل من القصيم للرياض
سيدا .. لين يجيك وزارة الداخلية على يسارك تعدها والمخرج اللي بعدها اطلع معاه
تجيك إشارة لف معاها يسار .. يجيك كوبري .. لا تطلع فوق .. خلك تحت وبتجيك إشارة .. لف من عندها يمين
أول إشارة يصير على يمينك مركز الملك عبدالعزيز

:)
وصلت؟؟

بالتوفيق

[The Genius]

اقتباس:     المشاركة الأصلية كتبت بواسطة Fighter Jet  

أي أسئلة تبي؟؟
التوفل؟؟ كثيرة ولا اذكر لأنها مثل اسلئة الثانوي (في مواضيع مختلفة)
لكن طريقتها
في البداية
يعطيك 10 دقائق تعبر بقد ما تقدر عن موضوع هو يختار لك غياه
بعد كذا تقريبا 30 دقيقة (ماني متذكر بالضبط) استماع وتختار اقرب جملة للكلام اللي تسمعه .. بس لازم تكون سريع .. لأن الوقت قليل
بعد كذا 45 دقيقة تقريبا قراءة .. على ما اذكر 5 قطع (توصل لثلاثة أرباع الصفحة) عليها 5 أسئلة وفيها أربعة خيارات
في الأخير تتوكل على الله وتآخذ النتيجة ما يقارب الأسبوعن على ما تطلع
والإختبار بيبر بيسد (على ورق)

تحياتي
وإذا تبي تسال عن شي .. آمر

الله يعطيك العافية ما قصرت
اخوي كنت ابي اسألك عن السكن ، هل فيه فندق او شقق مفروشه قريبة من مركز الملك عبدالعزيز ؟ ولما اركب مع التاكسي من المطار كيف اوصف له المكان اذا كان مو عارف اسم المركز ( خبرك عارف اما شياب او هنود )

[The Genius]

اقتباس:     المشاركة الأصلية كتبت بواسطة something els  

حلو التعاون بين بعضنا ...
اختباري الساعة 10.45 ..الله يوفقك..
بس انت متأكد انه متاح لك الحضور في غير موعدك..

الشباب اللي اختبروا اليوم بشرونا عنكم

[Fighter Jet]

اقتباس:     المشاركة الأصلية كتبت بواسطة The Genius  

الله يعطيك العافية ما قصرت
اخوي كنت ابي اسألك عن السكن ، هل فيه فندق او شقق مفروشه قريبة من مركز الملك عبدالعزيز ؟ ولما اركب مع التاكسي من المطار كيف اوصف له المكان اذا كان مو عارف اسم المركز ( خبرك عارف اما شياب او هنود )

نفس الإشارة الثانية بدال ما تروح يمين ويجيك المركز على اليمين .. تروح يسار وتجيك الشقق على اليسار
أما بالنسبة للوصف .. الغالبية يعرفونه لأنه قريب من البطحاء وشارع الوزير وسوق السمك بالمربع
على فكره سوق السمك بالمربع مقابلة مباشرة مركز الملك عبدالعزيز (السوق شمال والمركز جنوب متقابلين)

أي خدمة :)

[The Genius]

اقتباس:     المشاركة الأصلية كتبت بواسطة Fighter Jet  

نفس الإشارة الثانية بدال ما تروح يمين ويجيك المركز على اليمين .. تروح يسار وتجيك الشقق على اليسار
أما بالنسبة للوصف .. الغالبية يعرفونه لأنه قريب من البطحاء وشارع الوزير وسوق السمك بالمربع
على فكره سوق السمك بالمربع مقابلة مباشرة مركز الملك عبدالعزيز (السوق شمال والمركز جنوب متقابلين)

أي خدمة :)

ما قصرت والله يا غالي الله يبشرنا واياك بالقبول النهائي
معليش سؤال اخير : ما تعرف اسم الشقق علشان اقدر احجز من الحين ، ولما ادخل المركز يحتاج ادخل معي سيارة ولا المباني متقاربه ؟

[Fighter Jet]

اقتباس:     المشاركة الأصلية كتبت بواسطة The Genius  

ما قصرت والله يا غالي الله يبشرنا واياك بالقبول النهائي
معليش سؤال اخير : ما تعرف اسم الشقق علشان اقدر احجز من الحين ، ولما ادخل المركز يحتاج ادخل معي سيارة ولا المباني متقاربه ؟

والله يا حبيبنا للأسف ما اعرف اسمها
وهي بعيدة عني هي في وسط الرياض وأنا قريب من المطار (شمال شرق)
وبالنسبة للمبنى اللي في الإختبار .. اعتقد إنه خلف المحكمة المستعجلة
ولا ما أعتقد تحتاج سيارة

أي خدمة :)

[The Genius]

اقتباس:     المشاركة الأصلية كتبت بواسطة Fighter Jet  

والله يا حبيبنا للأسف ما اعرف اسمها
وهي بعيدة عني هي في وسط الرياض وأنا قريب من المطار (شمال شرق)
وبالنسبة للمبنى اللي في الإختبار .. اعتقد إنه خلف المحكمة المستعجلة
ولا ما أعتقد تحتاج سيارة

أي خدمة :)

الله يوفقك ويجزاك كل خير ابد ما قصرت
تسلم

[Fighter Jet]

اقتباس:     المشاركة الأصلية كتبت بواسطة The Genius  

الله يوفقك ويجزاك كل خير ابد ما قصرت
تسلم

يسلمك ربي وبالتوفيق للجميع
إن شاء الله نسمع منك اخبار حلوة

:)

[professionall2]

Fighter Jet الله يوفقك والله مادري شلون اشكرك .. كفيت ووفيت
بس عندي سؤآل قصيمي { يعني شهابه } .. انت من دفعتنا ولا من الدفعه اللي قبلنا ؟
وسؤآل ثاني // انا والله اني خايف من الوزن انا طولي 67 تقريبا ووزني 46 فيه امل يقبلوني
لأنهم كاتبين لازم تناسب الطول والوزن بالله احد يريحني والله اني وسوست ..!


ولاهنتم اذا فيه نصايح للاختبار ولا شيء لاتقصرون وبالتوفيق للجميع !

[something els]

يعني يا شباب بالمختصر ...
احد حضر في غير موعده واختبر ولا ما يقبلون ....؟

[The Genius]

اقتباس:     المشاركة الأصلية كتبت بواسطة something els  

يعني يا شباب بالمختصر ...
احد حضر في غير موعده واختبر ولا ما يقبلون ....؟

والله ما اعرف بس انت ليش تحط نفسك بتوتر وشك
حاول تروح بموعدك افضل لك

[The Genius]

تورطت بالسكن
لقيت شقق يقولي حنا نبعد نص كيلو عن سوق السمك
بالله يا شباب لو احد يعرف فندق او شقق قريبة ، لأن اختباري الصبح ويمكن ما القى مواصلات

[something els]

اقتباس:     المشاركة الأصلية كتبت بواسطة The Genius  

والله ما اعرف بس انت ليش تحط نفسك بتوتر وشك
حاول تروح بموعدك افضل لك

والله حاولت بس للأسف الموعد وافق الميدتيرم ....حظ
اخوي انت اختبارك وين؟؟


نص كيلو طيب كويس ما عندك مشكلة مو ذاك البعد اهم شي تهيئ نفسك وتروح قبل الموعد بوقت كافي..والله يوفقك ..

[The Genius]

اقتباس:     المشاركة الأصلية كتبت بواسطة something els  

والله حاولت بس للأسف الموعد وافق الميدتيرم ....حظ
اخوي انت اختبارك وين؟؟


نص كيلو طيب كويس ما عندك مشكلة مو ذاك البعد اهم شي تهيئ نفسك وتروح قبل الموعد بوقت كافي..والله يوفقك ..

والله اخوي حتى انا عندي ميدترم ( الحال من بعضه )
لكن الحمدلله انا الجنيس عند الدكتور D: .. وبكلمه اقوله انا مستعد لأي موعد غير الاربعاء واقوله شوف الرساله
انا بالرياض اختباري ، الله يوفقك

[احمدونا]

اقتباس:     المشاركة الأصلية كتبت بواسطة Fighter Jet  

أنا كان مقرر اختباري الظهر
وحضرت لتأكيد المكان .. وفعلا ما قصروا معاي الشباب دخلوني مع مجموعة الساعة 8

لكن للتأخير اعتقد لازم تبلغهم

بالتوفيق

طيب اخوووي تكفى قول لنا عن الاختبار....هل هو تووفل ولا شنووو يالغلا تكككفى والله...

[باسسل]

شباب الي اختبروا ptc اليوم اتمنى انهم يعلمونا وش صار معهم

[Fighter Jet]

اقتباس:     المشاركة الأصلية كتبت بواسطة professionall2  

Fighter Jet الله يوفقك والله مادري شلون اشكرك .. كفيت ووفيت
بس عندي سؤآل قصيمي { يعني شهابه } .. انت من دفعتنا ولا من الدفعه اللي قبلنا ؟
وسؤآل ثاني // انا والله اني خايف من الوزن انا طولي 67 تقريبا ووزني 46 فيه امل يقبلوني
لأنهم كاتبين لازم تناسب الطول والوزن بالله احد يريحني والله اني وسوست ..!


ولاهنتم اذا فيه نصايح للاختبار ولا شيء لاتقصرون وبالتوفيق للجميع !

الله يعافيك
أبد ما سويت شي .. كلها معلومات وعطيتكم إياها

ما أدري عن أي دفعة تتكلم يمكن أنا قبلكم .. ما أدري
أنا عندي اختبار PTC بكره الأثنين
وفيه واحد بالمنتدى عنده اليوم الأحد

بالنسبة لوزنك .. تذكرني ببنك بانثير (ترم ترم) << ثقييييييييل دمك
يا أخي كل لك حاجة تزيد وزنك دام باقي لك وقت (تقريبا شهر عبال ما تخلص الإنجليش تست وجي على الفحص الطبي)
عندك الصامولي بالزبدة والكاكاو (نوتيلا) يزيدك في الأسبوع 3-5 كيلو .. طبعا إذا منت مدخن ولا تسوي رياضة

تحياتي

[abd7731]

ياليت اللي اختبر يعطينا التفاصيل
وشكرا

[احمدونا]

ياااشباااب اشدععوه للحين ماحد اخخختبر....تكفوون نبي معلومات عن الاختبااااار ربي لا يهييينكم ويبشركم بالقبووول

[professionall2]

اقتباس: ما أدري عن أي دفعة تتكلم يمكن أنا قبلكم .. ما أدري
أنا عندي اختبار PTC بكره الأثنين
وفيه واحد بالمنتدى عنده اليوم الأحد

بالنسبة لوزنك .. تذكرني ببنك بانثير (ترم ترم) << ثقييييييييل دمك
يا أخي كل لك حاجة تزيد وزنك دام باقي لك وقت (تقريبا شهر عبال ما تخلص الإنجليش تست وجي على الفحص الطبي)
عندك الصامولي بالزبدة والكاكاو (نوتيلا) يزيدك في الأسبوع 3-5 كيلو .. طبعا إذا منت مدخن ولا تسوي رياضة

[The Genius]

شباب اختبار السبت والاحد ( توفل ) وينكم ؟

[Wa7eD]

السلام عليكم

وشلونكم ؟

اليوم اختبرنا الPTC في اكاديمية سلطان لعلوم الطيران انا واربع من الشباب , طبعاً الشباب قليلين , وانا الحين مدري اكتب ل من ,اتوقع الشباب الي مقدمين معي ويقرؤون المنتدى كلهم 4 وارقامهم عندي , لكن ممكن فيه احد يقرأ وماشارك ويتابعنا , وبرضه اكتب لكم ياحقين الابتعاث الخارجي مع ان اخوياكم السنة الماضية سحبوا علينا وماكتبوا وش صار معهم بالاختبار هههههه

اول شي . اليوم كان اختبار فقط , مافيه مقابلة شخصية , المقابلة تكون اذا عديت الاختبار ان شاء الله الاسبوع الجاي حسب كلام المراقبين حقين البي تي سي .

الاختبار في اكاديمية سلطان , اول مادخلنا ضعنا شوي لكن بالنهاية لقينا المراقبين الثنين وسألونا ان كنا هنا للاختبار وقلنا ايه , الاختبار كان بالدور الرابع في غرفة كلاس .

اول شي تدخل وتعطيه الفورم , بعدين تجلس على الابتوب الي وش كبره , راح تلقى ورقة فاضية وقلم رصاص وقلم ازرق وورقة بيضاء عليها جدول بالوجهين , تعبي معلوماتك بالكمبيوتر , الاسم وتاريخ الميلاد والجنـس ومدري ايش , بعدين تضغط كونتينيو وطبعا راح يقول لك تنزل متعلقاتك الشخصية وجوالك قدام ع الطاولة , بعدين يبدأ اول اختبار الي هو الجوي ستك والبدلز , ضبط كرسيك لين ماتحس ان الوضعية هذي مريحة لك , راح تقرأ معلومات الاختبار وتدرب عليه قبل لايبدأ اي اختبار يعني لاتخاف , اول اختبار ياطويل العمر دايرة فيها ابره زرقاء موقفة على نقطة حمراء وتحت الدايرة فيه مستطيل فيه نقطاء زرقاء بالنص موقفة على النقطة الحمراء , انت راح تحرك الجوي ستك وتتحكم بالابره الي بالدايرة عشان توقفها بالنص على النقطة الحمراء , والبدلز الي برجولك تتحكم بالنقطة الزرقاء عشان ترجعها للنقطة الحمراء , 3 جولات كل جولة دقيقتين ان ماخاب ظني , الاختبار الثاني , طيارة تمشي وفيه طريق يبغاك توجه الطيارة لهاطريق عن طريق الجوي ستك يمين ويسار فقط , سهل الاختبار ويرفع معنوياتك , الاختبار الثالث , الماث , 23 سؤال او 24 و10 دقايق عشان تخلصها , فيه طرح وجمع وضرب وقسمة وحساب نسبة وحل معادلة بسيطة , وفيه سؤال يقول لك طيارة تمشي كذا ووصلت في وقت كذا كم متوسط السرعة ؟ عاد هذي ماعرفتها , المهم انت السؤال الي تحس انه صعب ويضيع وقتك اسحب عليه , لان بعدين فيه اسألة سهلة يقول لك ارجع للجدول الي بالورقة عندك وعلمني اذا كان الفلابس درجة كذا ووزن الطائرة كذا كم يكون طول المدرج ومدري ايش , يعني بس تنقل , اخوياي ماوصلوا للسؤال السهل ذا عشانهم اشغلوا نفسهم بالاسئلة الاولى , يعني قسم وقتك صح , الاختبار الرابع الملتي تاسكينج , كل شوي يجيب لك سرعة وارتفاع واتجاه ويبغاك تعبيها بالاوتو بايلوت ونفس الوقت فيه مربعين فوق تطلع فيها نقطة حمراء كل شوي لازم تطفيها بالضغط على النمريك كي باد الي يمين الكيبورد , بعدها اختبار الاورينتيشن , يجيب لك ثلاث عدادات ويشرح لك كيف تقراها , بوصلة وحق الارتفاع هذاك وحاجة اسمها ibr , ودي اشرحها الحين لكن طويلة شوي وانا مستعجل الحين عشان رحلتي للرياض ,عموما قبل لايبدا الاختبار راح تقرا المعلومات عشان تفهمها وافهمها صح عشان تحل صح , الاختبار الاخير الي هو الذاكرة القصيرة , يجيب لك سرعة واتجاه وارتفاع وراديو , اربع خانات يعني مرات يعبي لك خانتين بارقام بعدين يقول اكتب الارقام في مكانها الصحيح , يعني اذا السرعة 1000 والارتفاع 2000 , تكتب السرعة وبعدها تكتب s وبعدها تكتب 2000 وبعدها a , الحرف يرمز للخانة (الكاتاجوري ) لاتلخبط بين الخانات , وبس هذي هي اقسام الاختبار وممكن مايجي لكم بالترتيب هذا , انا الحين مستعجل والا كان شرحت لكم زيادة بس لازم اطلع والله عشان الحق على كم شغلة وعلى الرحلة , اذا امداني اوصل للنت يمكن ارجع اكتب تفاصيل لكن ان شاء الله المعلومات هذي تكفيكم , وبالتوفيق وربنا يسهل لكم ان شاء الله , سلام

[Malok]

الله يبشرنا وياك بالقبول ان شاء الله يا Wa7eD

[حمدان الحربي]

ياشباب طلع اختباري بالرياض وانا احسبه هنا ببريدة
قههر

عندي سؤال مهم جدا

انا عندي عمى الوان .. هل يوجد اختبار عمى الوان

لاحد يعطيني من راسة لان الجواب هو الي يخليني اروح للرياض او لا

[abd7731]

اقتباس:     المشاركة الأصلية كتبت بواسطة Wa7eD  

السلام عليكم

وشلونكم ؟

اليوم اختبرنا الPTC في اكاديمية سلطان لعلوم الطيران انا واربع من الشباب , طبعاً الشباب قليلين , وانا الحين مدري اكتب ل من ,اتوقع الشباب الي مقدمين معي ويقرؤون المنتدى كلهم 4 وارقامهم عندي , لكن ممكن فيه احد يقرأ وماشارك ويتابعنا , وبرضه اكتب لكم ياحقين الابتعاث الخارجي مع ان اخوياكم السنة الماضية سحبوا علينا وماكتبوا وش صار معهم بالاختبار هههههه

اول شي . اليوم كان اختبار فقط , مافيه مقابلة شخصية , المقابلة تكون اذا عديت الاختبار ان شاء الله الاسبوع الجاي حسب كلام المراقبين حقين البي تي سي .

الاختبار في اكاديمية سلطان , اول مادخلنا ضعنا شوي لكن بالنهاية لقينا المراقبين الثنين وسألونا ان كنا هنا للاختبار وقلنا ايه , الاختبار كان بالدور الرابع في غرفة كلاس .

اول شي تدخل وتعطيه الفورم , بعدين تجلس على الابتوب الي وش كبره , راح تلقى ورقة فاضية وقلم رصاص وقلم ازرق وورقة بيضاء عليها جدول بالوجهين , تعبي معلوماتك بالكمبيوتر , الاسم وتاريخ الميلاد والجنـس ومدري ايش , بعدين تضغط كونتينيو وطبعا راح يقول لك تنزل متعلقاتك الشخصية وجوالك قدام ع الطاولة , بعدين يبدأ اول اختبار الي هو الجوي ستك والبدلز , ضبط كرسيك لين ماتحس ان الوضعية هذي مريحة لك , راح تقرأ معلومات الاختبار وتدرب عليه قبل لايبدأ اي اختبار يعني لاتخاف , اول اختبار ياطويل العمر دايرة فيها ابره زرقاء موقفة على نقطة حمراء وتحت الدايرة فيه مستطيل فيه نقطاء زرقاء بالنص موقفة على النقطة الحمراء , انت راح تحرك الجوي ستك وتتحكم بالابره الي بالدايرة عشان توقفها بالنص على النقطة الحمراء , والبدلز الي برجولك تتحكم بالنقطة الزرقاء عشان ترجعها للنقطة الحمراء , 3 جولات كل جولة دقيقتين ان ماخاب ظني , الاختبار الثاني , طيارة تمشي وفيه طريق يبغاك توجه الطيارة لهاطريق عن طريق الجوي ستك يمين ويسار فقط , سهل الاختبار ويرفع معنوياتك , الاختبار الثالث , الماث , 23 سؤال او 24 و10 دقايق عشان تخلصها , فيه طرح وجمع وضرب وقسمة وحساب نسبة وحل معادلة بسيطة , وفيه سؤال يقول لك طيارة تمشي كذا ووصلت في وقت كذا كم متوسط السرعة ؟ عاد هذي ماعرفتها , المهم انت السؤال الي تحس انه صعب ويضيع وقتك اسحب عليه , لان بعدين فيه اسألة سهلة يقول لك ارجع للجدول الي بالورقة عندك وعلمني اذا كان الفلابس درجة كذا ووزن الطائرة كذا كم يكون طول المدرج ومدري ايش , يعني بس تنقل , اخوياي ماوصلوا للسؤال السهل ذا عشانهم اشغلوا نفسهم بالاسئلة الاولى , يعني قسم وقتك صح , الاختبار الرابع الملتي تاسكينج , كل شوي يجيب لك سرعة وارتفاع واتجاه ويبغاك تعبيها بالاوتو بايلوت ونفس الوقت فيه مربعين فوق تطلع فيها نقطة حمراء كل شوي لازم تطفيها بالضغط على النمريك كي باد الي يمين الكيبورد , بعدها اختبار الاورينتيشن , يجيب لك ثلاث عدادات ويشرح لك كيف تقراها , بوصلة وحق الارتفاع هذاك وحاجة اسمها ibr , ودي اشرحها الحين لكن طويلة شوي وانا مستعجل الحين عشان رحلتي للرياض ,عموما قبل لايبدا الاختبار راح تقرا المعلومات عشان تفهمها وافهمها صح عشان تحل صح , الاختبار الاخير الي هو الذاكرة القصيرة , يجيب لك سرعة واتجاه وارتفاع وراديو , اربع خانات يعني مرات يعبي لك خانتين بارقام بعدين يقول اكتب الارقام في مكانها الصحيح , يعني اذا السرعة 1000 والارتفاع 2000 , تكتب السرعة وبعدها تكتب s وبعدها تكتب 2000 وبعدها a , الحرف يرمز للخانة (الكاتاجوري ) لاتلخبط بين الخانات , وبس هذي هي اقسام الاختبار وممكن مايجي لكم بالترتيب هذا , انا الحين مستعجل والا كان شرحت لكم زيادة بس لازم اطلع والله عشان الحق على كم شغلة وعلى الرحلة , اذا امداني اوصل للنت يمكن ارجع اكتب تفاصيل لكن ان شاء الله المعلومات هذي تكفيكم , وبالتوفيق وربنا يسهل لكم ان شاء الله , سلام

متى بدا الاختبار ومتى انتهى؟

[Fighter Jet]

اقتباس:     المشاركة الأصلية كتبت بواسطة حمدان الحربي  

ياشباب طلع اختباري بالرياض وانا احسبه هنا ببريدة
قههر

عندي سؤال مهم جدا

انا عندي عمى الوان .. هل يوجد اختبار عمى الوان

لاحد يعطيني من راسة لان الجواب هو الي يخليني اروح للرياض او لا

حمدان حبيبي
اختبار عمى الألوان أول شي يسوونه لك
لأنو مثل ما انت عارف .. الألوان مهمة في الطيران
أنا مسوية قبل شهرين تقريبا

تحياتي

[Fighter Jet]

اقتباس:     المشاركة الأصلية كتبت بواسطة Wa7eD  

السلام عليكم

وشلونكم ؟

اليوم اختبرنا الPTC في اكاديمية سلطان لعلوم الطيران انا واربع من الشباب , طبعاً الشباب قليلين , وانا الحين مدري اكتب ل من ,اتوقع الشباب الي مقدمين معي ويقرؤون المنتدى كلهم 4 وارقامهم عندي , لكن ممكن فيه احد يقرأ وماشارك ويتابعنا , وبرضه اكتب لكم ياحقين الابتعاث الخارجي مع ان اخوياكم السنة الماضية سحبوا علينا وماكتبوا وش صار معهم بالاختبار هههههه

اول شي . اليوم كان اختبار فقط , مافيه مقابلة شخصية , المقابلة تكون اذا عديت الاختبار ان شاء الله الاسبوع الجاي حسب كلام المراقبين حقين البي تي سي .

الاختبار في اكاديمية سلطان , اول مادخلنا ضعنا شوي لكن بالنهاية لقينا المراقبين الثنين وسألونا ان كنا هنا للاختبار وقلنا ايه , الاختبار كان بالدور الرابع في غرفة كلاس .

اول شي تدخل وتعطيه الفورم , بعدين تجلس على الابتوب الي وش كبره , راح تلقى ورقة فاضية وقلم رصاص وقلم ازرق وورقة بيضاء عليها جدول بالوجهين , تعبي معلوماتك بالكمبيوتر , الاسم وتاريخ الميلاد والجنـس ومدري ايش , بعدين تضغط كونتينيو وطبعا راح يقول لك تنزل متعلقاتك الشخصية وجوالك قدام ع الطاولة , بعدين يبدأ اول اختبار الي هو الجوي ستك والبدلز , ضبط كرسيك لين ماتحس ان الوضعية هذي مريحة لك , راح تقرأ معلومات الاختبار وتدرب عليه قبل لايبدأ اي اختبار يعني لاتخاف , اول اختبار ياطويل العمر دايرة فيها ابره زرقاء موقفة على نقطة حمراء وتحت الدايرة فيه مستطيل فيه نقطاء زرقاء بالنص موقفة على النقطة الحمراء , انت راح تحرك الجوي ستك وتتحكم بالابره الي بالدايرة عشان توقفها بالنص على النقطة الحمراء , والبدلز الي برجولك تتحكم بالنقطة الزرقاء عشان ترجعها للنقطة الحمراء , 3 جولات كل جولة دقيقتين ان ماخاب ظني , الاختبار الثاني , طيارة تمشي وفيه طريق يبغاك توجه الطيارة لهاطريق عن طريق الجوي ستك يمين ويسار فقط , سهل الاختبار ويرفع معنوياتك , الاختبار الثالث , الماث , 23 سؤال او 24 و10 دقايق عشان تخلصها , فيه طرح وجمع وضرب وقسمة وحساب نسبة وحل معادلة بسيطة , وفيه سؤال يقول لك طيارة تمشي كذا ووصلت في وقت كذا كم متوسط السرعة ؟ عاد هذي ماعرفتها , المهم انت السؤال الي تحس انه صعب ويضيع وقتك اسحب عليه , لان بعدين فيه اسألة سهلة يقول لك ارجع للجدول الي بالورقة عندك وعلمني اذا كان الفلابس درجة كذا ووزن الطائرة كذا كم يكون طول المدرج ومدري ايش , يعني بس تنقل , اخوياي ماوصلوا للسؤال السهل ذا عشانهم اشغلوا نفسهم بالاسئلة الاولى , يعني قسم وقتك صح , الاختبار الرابع الملتي تاسكينج , كل شوي يجيب لك سرعة وارتفاع واتجاه ويبغاك تعبيها بالاوتو بايلوت ونفس الوقت فيه مربعين فوق تطلع فيها نقطة حمراء كل شوي لازم تطفيها بالضغط على النمريك كي باد الي يمين الكيبورد , بعدها اختبار الاورينتيشن , يجيب لك ثلاث عدادات ويشرح لك كيف تقراها , بوصلة وحق الارتفاع هذاك وحاجة اسمها ibr , ودي اشرحها الحين لكن طويلة شوي وانا مستعجل الحين عشان رحلتي للرياض ,عموما قبل لايبدا الاختبار راح تقرا المعلومات عشان تفهمها وافهمها صح عشان تحل صح , الاختبار الاخير الي هو الذاكرة القصيرة , يجيب لك سرعة واتجاه وارتفاع وراديو , اربع خانات يعني مرات يعبي لك خانتين بارقام بعدين يقول اكتب الارقام في مكانها الصحيح , يعني اذا السرعة 1000 والارتفاع 2000 , تكتب السرعة وبعدها تكتب s وبعدها تكتب 2000 وبعدها a , الحرف يرمز للخانة (الكاتاجوري ) لاتلخبط بين الخانات , وبس هذي هي اقسام الاختبار وممكن مايجي لكم بالترتيب هذا , انا الحين مستعجل والا كان شرحت لكم زيادة بس لازم اطلع والله عشان الحق على كم شغلة وعلى الرحلة , اذا امداني اوصل للنت يمكن ارجع اكتب تفاصيل لكن ان شاء الله المعلومات هذي تكفيكم , وبالتوفيق وربنا يسهل لكم ان شاء الله , سلام

الله يوفقنا وياك يا حبيبي وما قصرت
بغيت اسبقك واخبر الشباب .. بس تعرف .. حقوقك الحصرية :))

من البرنامج اللي عندي
صورت لكم الشاشة عشان الواحد يكون عنده تصور للموضوع شوي
ورفعت لكم 3 صور بأسماء الأقسام
سهلة مره تراها
ولا فيها أي شي صعب .. رغم إن اختباري بكره إن شاء الله (متمرن على البرنامج)

بالتوفيق للجميع

[Fighter Jet]

اقتباس:     المشاركة الأصلية كتبت بواسطة abd7731  

متى بدا الاختبار ومتى انتهى؟

أنا سألت صاحبنا Wa7eD
وقالي تقريبا ساعه

[MJDJ]

بالنسبة لاختبار اللغة الانجليزية لبرنامج الابتعاث
اليوم اختبرت بجدة
طبعا الاختبار هو توفل TOFEL TEST
و سألنا احد المسؤولين يقول المطلوب 450 من 500درجة
بالعربي الاختبار تعجيزي لأبعد درجة
صدقوني الاختبار هذا يعتبر صعب جدا لخريج ثانوي
ما راح احكيلكم ع الاختبار عشان ما احطمكم
انا لغتي تعتبر جيدة و مع ذلك حليت اغلب الأسئلة شختك بختك
طبعا جميع المفردات مصطلحات أكاديمية لدرجة انك ودك تدور على He و She و They
يعني صراحةً أعتقد 90% حظك و 10% مجهودك
غير كذا الاختبار تقريبا 3 ساعات
ما كان ودي احطمكم لكن صراحة فوجئت بالاختبار
بالنسبة للنتائج راح تكون بعد اسبوعين او ثلاثة من يوم الاختبار
طبعا اللي بيجتاز الاختبار راح يرسلو له موعد للمقابلة الشخصية و ما راح يعطوه درجته
أما اللي ما اجتاز الاختبار ما راح يرسلو له ولا بطيخ
هذا كل شي اقدر افيدكم فيه
الله يوفقكم و شدو حيلكم

[abd7731]

اقتباس:     المشاركة الأصلية كتبت بواسطة Fighter Jet  

أنا سألت صاحبنا Wa7eD
وقالي تقريبا ساعه

الف شكر ياكابتن