طيران الاتحاد خطوة ب خطوة - الصفحة 23

مقهور · 15-12-2010, 02:30 PM

كح كح كح

الموضووع ميت ... لييش؟

وين شبااب الجييل اليديد

نبي تجااربكم و راايكم

و المقبوولين الف مبرووك فرحت لكم و الله

و اللي ما انقبل لا تيأس ترا الامل موجوود

و اذا بااب انقفل ينفتح غيره

المهم التفائل

الله يوفقكم جميعاً

جابر الاسمري · 19-12-2010, 11:14 AM

الاخ مقهور اسعد اله اوقاتك باالخير
لو سمحت ممكن اسالك سؤال لو تكرمت؟
باالنسبه للطلاب الي مقدمين على برنامج الاتحاد للطيران السنه ذي ماعندك اي خلفيه متى بيعلنون عن نتائج القبول للطلاب؟ واذا عندك اي فكرة متى يكون الاعلان وفي اي وقت لك جزيل الشكر

مقهور · 19-01-2011, 04:45 PM

مرحبا

اخوي الغالي من الوااضح انك مقدم من السعودية

للأسف انا ما عندي اي فكرة عن النظام خارج الدولة

بس اللي سمعته ان شهر 6 بيكونوون مخلصين كل شي

اتوقع شهر 4 او 5 بيردوون

طبعا لو انت مخلص كل شي

الله يوفقك و عقباال ما نشووفك فووق الغيوم

UAE National Pilot · 19-01-2011, 06:27 PM

مرحب اخوي

اخوي انا عندي خلفيه كبيره عن الطيران المدني طبعا عندي كتب وسميوليتر وكل شي

ودخلت عند طياريين كثيرين خاصتا في طيران الامارات المهم جلست اشرح لهم شغلة كل فص وكل شي وعندي خبره انقليزي وتحدث مع الاير ترافيك كنترول وكل شي عن الطيران اعرفه
هل سيكون هذا جيد لي علما بانه في طيارين كثيرين مدحوني لما دخلت عندهم
+ هل يمكن عمل ليزر للعين ؟؟ اذا كان في ضعف نظر

شكراً لك

bo 3essa · 03-02-2011, 08:44 PM

اخوي مقهور ممكن تفيدنه او تعطينه معلومات عن الطياريين الدوليين
لانه انا فاتني التسجيل
مته بيكون موعد التسجيل الثاني
واشكرك على المعلومات الرائعه واتمنى لك كل النجاح والتوفيق

pilot7 · 04-02-2011, 12:56 AM

تم التقديم على برنامج تدريب الطيارين للمواطنين من شهرين

حتى الان لم اتلقى رد وكلي امل الحمدلله .

ميدو92 · 07-02-2011, 07:19 AM

اجوكككككك ... قولنا بتسجل ازاي ؟؟ هات الويب سايت او الإيميل ...

العنيـد · 25-05-2011, 05:07 PM

هلا شباب حد ياله اتصال من الاتحاد بخصوص الامتحان الخميس الياي..؟؟
اتصلوا فيني قالولي تعال بس انا في كندا حاليا.. شباب الي راحو الامتحان بلييز خبروناا شو صار معاهم..

ويبتلكم رابط موقع فيه برنامج ابتيتيود امتحان سايكوموتر شوفوا يمكن بيعجبكم..
https://www.cockpitweb.com/index.html

اخوكم العنيد

bahrain_man · 25-05-2011, 11:16 PM

الاخ العنيد السلام عليكم ورحمة الله

توكل على الله وما بتخيب ان شاء الله والله يوفقك ان شاء الله ويعطيك ما تتمنى وفيه الخير لك

تحياتي من البحرين

EK27 · 27-05-2011, 01:08 AM

اقتباس: المشاركة الأصلية كتبت بواسطة العنيـد

هلا شباب حد ياله اتصال من الاتحاد بخصوص الامتحان الخميس الياي..؟؟
اتصلوا فيني قالولي تعال بس انا في كندا حاليا.. شباب الي راحو الامتحان بلييز خبروناا شو صار معاهم..

ويبتلكم رابط موقع فيه برنامج ابتيتيود امتحان سايكوموتر شوفوا يمكن بيعجبكم..
https://www.cockpitweb.com/index.html

اخوكم العنيد

الامتحان عادي مافيه شي
انجليزي (writing \ listeninig \ reading )
كان حلو بس الـ listening لازم تنتبه عشان ما تضيع عليك المعلومات
مأخوذ من الايلس !

ماث ...سهل بدون الكلكوليتر طبعاً ..كله كسور وجمع وتقريب وارقام عشريه وقسمه
فزكس.. بعض الاسئلة تحس انها تخربط لكن اقرب اجابة لسؤال اختاره وروح للي بعده لان ماشي وقت

ماذكر كم مدة الامتحان لنَي تأخرت ساعه عالموعد !

العنيـد · 27-05-2011, 04:33 AM

مشكوور اخوي ماقصرت

pilot7 · 27-05-2011, 09:25 PM

مشكور للمعلومات

انا سمعت انهم غيرو شروط القبول ولازم المتقدم يكون عنده دبلوم او بكالوريوس والثانوية العامة غير مقبولة ..هل هذا صحيح ؟
مع العلم اني ادرس حاليا بكالوريوس بس بتخرج في 2013

EK27 · 27-05-2011, 11:33 PM

العنيد .. الله يوفقك ان شالله

pilot7 ... لا ياخوي ما غيروا انا شهادتي ثانوية عامه وامس امتحنت عندهم .

العنيـد · 28-05-2011, 07:35 AM

الله يوفق الجميع ان شاءالله

pilot7 · 28-05-2011, 01:56 PM

العنيد شو صار مع موضوعك وياهم ؟ ^_^

pilot99 · 29-05-2011, 06:38 PM

السلام عليكم ...انا عضو جديد في المنتدى

حبيت روح التعاون بينكم

وحاب انضم بين اسرتكم المتواضعه

pilot99 · 29-05-2011, 07:11 PM

بخصوص ان محد عطاني ويه !!!!محد مشترك ف المنتدى مثلا خخخخ
حبايبي وينكم انا مشترك ف المنتدى عشانكم

EK27 · 29-05-2011, 07:40 PM

يامرحبا والله
حياك الله بينا اخوي ..

pilot99 · 29-05-2011, 07:50 PM

اقتباس: المشاركة الأصلية كتبت بواسطة EK27

يامرحبا والله
حياك الله بينا اخوي ..

مرحبتين اخوي
والله يحيك تسلممممم اتمنى اكون خفيف عليكم

×.. فلب الامارات ..× · 29-05-2011, 07:53 PM

وعليكم السلام والرحمه ..

حياك أخوي في منتدانا العزيز ,، وان شاء الله نستفيد منك وتستفيد منا ...

تستاهل مليوون ترحيبه ..

مرحبا مليوووووون ^_^

pilot99 · 29-05-2011, 07:55 PM

حبيت استفسر بخصوص اللي امتحنوا الخميس اللي طاف 26/5/2011 في طيران الاتحاد اختبار الانجلش والماث والفزكس !!!!متى بيردون ؟؟؟متى النتائج ؟؟؟

pilot99 · 29-05-2011, 07:58 PM

اقتباس: المشاركة الأصلية كتبت بواسطة ×.. فلب الامارات ..×

وعليكم السلام والرحمه ..

حياك أخوي في منتدانا العزيز ,، وان شاء الله نستفيد منك وتستفيد منا ...

تستاهل مليوون ترحيبه ..

مرحبا مليوووووون ^_^

هلا فيج اختي ..انشالله يارب تستفيدوون مني خخخ امزح
انشالله انكون متعاونين مع بعض ومرحباااا ملايين

EK27 · 29-05-2011, 08:24 PM

اقتباس: المشاركة الأصلية كتبت بواسطة pilot99

حبيت استفسر بخصوص اللي امتحنوا الخميس اللي طاف 26/5/2011 في طيران الاتحاد اختبار الانجلش والماث والفزكس !!!!متى بيردون ؟؟؟متى النتائج ؟؟؟

اذا كنت نفس دفعتنا ان شالله نهاية هالاسبوع او الاسبوع الياي ..

pilot99 · 29-05-2011, 08:57 PM

EK27اخوي هيه نعم انا كنت وياكم ف نفس الدفعه يوم الخميس

كيف كان الامتحان ؟؟؟انا عن نفسي الانجلش كان ايزي ,اما الماث والفزكس فكان صعب وغير عن اللي كانوا يرمسون عنه ,فأعتقد ان غيروا مضمون الامتحان لان ماكان فية معلومات عامه باختصار كان فيزيكلي بحت يمكن لاني ادبي

pilot99 · 29-05-2011, 08:59 PM

انشالله يارب انكون ناجحين

EK27 · 29-05-2011, 09:08 PM

اقتباس: المشاركة الأصلية كتبت بواسطة pilot99

EK27اخوي هيه نعم انا كنت وياكم ف نفس الدفعه يوم الخميس

كيف كان الامتحان ؟؟؟انا عن نفسي الانجلش كان ايزي ,اما الماث والفزكس فكان صعب وغير عن اللي كانوا يرمسون عنه ,فأعتقد ان غيروا مضمون الامتحان لان ماكان فية معلومات عامه باختصار كان فيزيكلي بحت يمكن لاني ادبي

هي صدقك انا اللي كان مشجعني اني اتحرا شي معلومات عامه
احب هالنوعيه من الامتحانات

الانجليزي ايزي ..
ماث ماشي حاله
الفزكس في اسئلة سهله وفي اسئلة ماتعرف شسالفه

احس امتحان طيران الامارات اسهل عن الاتحاد بوايد !

pilot99 · 29-05-2011, 09:20 PM

هيه صح طيران االامارات اسهل وصح ان مواضيعه اكثر بس ع الاقل في آله حاسبة والاسئلة واضحه وايد وعندي فرصه ف الامارات بعد وانشالله اعدي الاختبارات بس ف الامارات مايمتحنونك انجلش لان يعتمدون الحين على التوفل او الايلتس ولازم تبيلهم بباند لايقل عن 4 ف الايلتس او بباند 450 ف التوفل واعتقد بعدين يتأكدون من درجاتك
إن شاء الله خير

pilot99 · 29-05-2011, 09:22 PM

GOOD LUCK 4 EVERY ONE WOONNA TO BE A PILOT

×.. فلب الامارات ..× · 29-05-2011, 09:32 PM

ويت ويت .. انا بعد كان امتحاني يوم الخميس هههههه

سبحان الله :)

بس صدق خيووو امتحان طيران الامارات كان أسهل بوايد ,، وكان شي آلات حاسبة ..

المهم ... ,،

اتفائلوا بالخير .. وان شاء الله ناجحين ان شاء الله ..

ولا تنسون الادعيه في صلاتكم ..

<.. والله ولي التوفيق ,،...

pilot99 · 29-05-2011, 09:37 PM

اقتباس: المشاركة الأصلية كتبت بواسطة ×.. فلب الامارات ..×

ويت ويت .. انا بعد كان امتحاني يوم الخميس هههههه

سبحان الله :)

بس صدق خيووو امتحان طيران الامارات كان أسهل بوايد ,، وكان شي آلات حاسبة ..

المهم ... ,،

اتفائلوا بالخير .. وان شاء الله ناجحين ان شاء الله ..

ولا تنسون الادعيه في صلاتكم ..

<.. والله ولي التوفيق ,،...

الصراحه صدق صدفه مش طبيعيه إن انشاءالله عيل ننجح سوا وننقبل سوا ونكون ف نفس الدفعه سوا ونتخرج سوا ههههه
يارب انك قادر على كلى شي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
◄◄◄خاص بالأسئلة والاستفسارات وحلول المشاكل► ► ►	ناصر_787	منظومات الطيران VATSIM & IVAO online	3100	04-02-2010 03:46 PM
استراتيجية جديدة لطيران الخليج لبناء خطوط جوية وطنية تحقق ربحية((تحديث))	عاشق طيران الخليج	المقالات الصحفية Rumours &News	3	23-11-2009 08:06 PM
طيران الإمارات وأستراليا تطبقان برنامجاً مبتكراً لإدارة المجال الجوي	ولـــ زايـــد ـــد	المقالات الصحفية Rumours &News	1	24-12-2008 03:06 PM
استعدادات لإطلاق سادس ناقلة طيران في الدولة	kuwaity_pilot	المقالات الصحفية Rumours &News	2	17-12-2008 03:58 PM
رئيس مجلس (طيران الجزيرة) مروان بودي في مقابلة مع CNBC	عبد الله المهنا	المقالات الصحفية Rumours &News	4	21-07-2007 03:28 PM

الذين يشاهدون محتوى الموضوع الآن : 5 ( الأعضاء 0 والزوار 5)

القائمة