[الحشيمه]

الغالي مقهور تسلم

بس عندي سؤالين بعد
1- انا بتخرج و عمري 17 سنه و بكمل 18 شهر 10 يا ترى يرضون و لا ؟
2- هل ضروري امتحن ايلز و اييب الشهاده قبل المقابله و جم الدرجه 5 و لا 6 ؟
تسلم الغالي غثيناك عااد

[مقهور]

اقتباس:     المشاركة الأصلية كتبت بواسطة UAESky  

ان شاء الله ننقبل كلنا و أتمنا التوفيق للكل

:haha:

تسلم الغااالي .. امين يا رب .

اقتباس:     المشاركة الأصلية كتبت بواسطة العكبري88  

هل ممكن الواحد يكون عمره 17 و 7 شهور .. ويقبلونه؟
وكم عدد الطلاب المقبولين ؟؟

اظن انه ما في مانع لان هم قالو :

لا يزيد عن 30 سنه

بس ما قالو العمر الادنى انت بس تخرج من الثانوية ..

و الطلاب ع حسب اللي يعدي الاختبار للحين المواطنين يبون منهم عدد كبيير يعني عدد لا محدوود عسى ربي يوفقك يا رب ..

اقتباس:     المشاركة الأصلية كتبت بواسطة الحشيمه  

الغالي مقهور تسلم

بس عندي سؤالين بعد
1- انا بتخرج و عمري 17 سنه و بكمل 18 شهر 10 يا ترى يرضون و لا ؟
2- هل ضروري امتحن ايلز و اييب الشهاده قبل المقابله و جم الدرجه 5 و لا 6 ؟
تسلم الغالي غثيناك عااد

هلا الغالية ..

افاا علييج انا ي عشان ابي اساعدكم و ربي يوفق الكل ..

اولا مثل ما قلت فووق ما اظن انه في مانع..

و امتحان الايلس هم ما قالو لنا للحين عنه اي شي و الشبااب اللي ويانا مو ممتحنين يمكن بيسوون تحديد مستوى او شي من هالقبيل ..




ربي يوفق الكل ياااا رب

[مقهور]

اخوي الولهاان


شحالك ان شا الله تماام


و الله انا كلمتهم و سألت قالو لي ان لو اسمك دخل معهم بيتصلون لك و اذا ما دخل للأسف المقاعد امتلت لكن في تقديم ثاني بس مو مؤكد متى ..


انت بعد راجعهم و ان شا الله يكون اسمك معااهم


السموحه كان ودي اييب لك خبر حلو

[الحشيمه]

تسلم اخوي مقهور عالمعلومات فديتك و الله صج ساعدتني وايد
و ان شاء الله اخبرك يوم بقدم و بروح امتحن
يا رب وفقنا

[الولهان]

اقتباس:     المشاركة الأصلية كتبت بواسطة مقهور  

اخوي الولهاان


شحالك ان شا الله تماام


و الله انا كلمتهم و سألت قالو لي ان لو اسمك دخل معهم بيتصلون لك و اذا ما دخل للأسف المقاعد امتلت لكن في تقديم ثاني بس مو مؤكد متى ..


انت بعد راجعهم و ان شا الله يكون اسمك معااهم


السموحه كان ودي اييب لك خبر حلو

مشكور اخي الكريم على هذا الخبر ، بس كيف أتأكد أنه أسمي معهم ول لا ؟؟؟
لاني لما رسلت لهم ايميل ايام التقديم و اخترت فيه مكان المقابلة ابو ظبي ، ما كتبت رقم هاتفي في الرسالة ، و هم ردوا عليي أنهم قبلوا طلبي ، و بيرسلوا لي قبل موعد المقابلة بشهر

[mariamy]

السلام عليكم جميعاً

ما شاء الله عليكم متفاعلين حبيت هالشي وحبيت تعاونكم ويا الأعضاء

وانا بعد يايه لكم بأسئله مابتخلص خخ , حبيت أستفيد منكم مآعليكم أمر . .


أنآ طآلبة ثآنوية عآمه موآطنه طبعاً ،،

أفكر أدخل طيرآن الاتحآد ، وأهلي الحمدلله موآفقين ، تقريباً عرفت بعض الشروط من خلآل ردودكم

بس أسئلتي هي :

1- هل نسجل الحين ولآ بعد مآتظهر نتآيج الثآنويه العآمه وكيف نسجل ؟

2- انتو قلتو لآزم الطول يكون منآسب للوزن ، انزين أنآ طولي أقل من 160 يعني يمكن 150 أو فوق بشوي ..!
هل هالشي بيأثر >_< مع إن وزني أوكيه مع طولي !

3- هل لمآ أسجل لآزم أكون مخلصه التوفل أو إن بعدني أدرسهآ ؟

أرجو إفآآدتي الله يخليكم . .
ومشكوورين ومآآتقصرون ..

[الحشيمه]

هلا حبي مريومه
انا شراتج احب الطيران و اعشقه مووووت و طبعا خلصت ثنويه يوم الاثلاثاء اللي طاف و ننتظر النسبه شراتج
المهم حبوبه بصراحه انا بقدم و احس انه افضل اني اسجل بعد ما تظهر النسبة و طريقه التسجيل يكون عبر الموقع مال الاتحاد للطيران اما اذا كنتي بتقدمين في الامارات للطيران فلازم اطرشين الفورم مالج لمبنى دناتا اللي في دبي بجانب المطار
و بالنسبه للطول اقل شي 160 و هذا اللي اعرفه و اسالي اكثر غناتي
بالنسبه للتوفل فاللي قدموا قبلنا لين الحين مب محصلينه و انا الحين راح اقدم امتحان ايلز و ان شاء الله احصله ( يعني مب مهم تييبينه قبل التقديم)

و ربي يوفقج و يوفقني يا رب و نتلاقا في الامتحان اذا الله و فقنا

[UAESky]

السلام عليكم

أنا اختبرت الاختبار الجماعي الاسبوع اللي طاف
أول شي قسمونا على فريقين ، و كل فريق لازم يختار قائد
يعطون كل فريق مجموعة من القطع الخشبية و القطع غير متشابهه في منها على شكل يشبه حرف L و في منها على شكل يشبه Z و في منها على شكل يشبه ال E و في أشكال مختلفة.

و الاختبار عبارة عن 3 مراحل

أول مرحلة يعطون الفرق 10 دقايق عشان يخططون كيف يبنون برج يرتفع لمسافة 13 - 15 انج ، و بعد التخطيط يقولون لكم فككو البرج و عندكم 45 ثانيه للتركيب و لازم الكل يشاركون و كل واحد لازم على الأقل يركب قطعه و أكثر شي 3 قطع و لازم نتناقش بالانجليزي و لازم نستخدم يد وحده للتركيب و اذا قطعه طاحت ما نقدر نرجع نستخدمها

و الفريق اللي يخلص أول لازم قائد الفريق يقول finish

المرحلة الثانية: نفس الشي بس لازم نخطط في خلال 5 دقايق
و المرحلة الثالثة: بعد نفس الشي و لازم نخطط في 5 دقايق


----------------------------------------------------------------------------------

بعد ما نخلص يظهرونا نيلس في صالة الانتظار و ندخل واحد واحد و كل واحد يقابلونه من 20 للـ30 دقيقه

و ما سألونا أي شي يتعلق بالطيران و كل الأسئلة كانت عن الطباع الشخصية تقريبا
أول شي يقولون لك تكلم عن نفسك
و يسألونك عن أصعب موقف واجهته و كيف حليته
و يسألونك مثلا لو واحد سوا شي غلط جدامك في مكان عام شو بتسوي ؟
و يسألونك ليش اخترت طيران الاتحاد ؟
و اذا وظفناك في طيران الاتحاد شو اللي بتقدمه للشركة ؟
و بعد يسألونك يقولون لك نحن الحين عندنا مثلا 11 شخص و المقاعد المتوفرة هي 8 فقط ، كيف تقدر تقنعنا اننا ناخذك و تتوظف عندنا ؟ لأنه أكيد في ثلاث أشخاص ما بناخذهم و التنافس وايد قوي
و يسألونك اذا كنت تخطط لرحلة مثلا لـ لندن و كنت جالس مع الطيار تخطط قبل الرحلة و الطيار حدد انه البترول اللي نحتاجه للرحلة بس يكفينا لين المطار اللي متجهين له ،، و انته تعرف انه بيكون في مطر شديد و ظباب و تتوقع انه الجو سيء جدا و قلت للطيار لازم نحط بترول أكثر لأنه اذا كانت الأحوال سيئة و طلب منا انه نغير المسار و نتجه لمطار ثاني يكون عندنا بترول كافي ،،، المهم الطيار رفض و قال لك لأ ! شو بتسوي في هذي الحالة ؟؟؟ طبعا اذا قلتلهم انك بتكلمه و بتقنعه بيقولون لك الريال راكب راسه و ما بيقتنع و لا بيزيد البترول !! شو بتسوي في هذي الحالة ؟

و يقولون لك اذكر موقف تعرضت له و كان شديد عليك و كيف قدرت تتخطاه ؟

و يسألونك اذا كانت عندك وايد أشياء تسويها و وايد مهام في يوم معين و لا فترة معينه ، كيف بتقدر تنفذها كلها و كيف بترتب وقتك ؟

-------------------------------------------------------------------------------

عالعموم ادعولنا بالتوفيق أنا و اخوي مقهور و الله يوفق الكل :)


ممممممم هيه و بعد قالولنا انه الدراسه بتبدأ بتاريخ 7/6/2009

[mariamy]

اقتباس:     المشاركة الأصلية كتبت بواسطة الحشيمه  

هلا حبي مريومه
انا شراتج احب الطيران و اعشقه مووووت و طبعا خلصت ثنويه يوم الاثلاثاء اللي طاف و ننتظر النسبه شراتج
المهم حبوبه بصراحه انا بقدم و احس انه افضل اني اسجل بعد ما تظهر النسبة و طريقه التسجيل يكون عبر الموقع مال الاتحاد للطيران اما اذا كنتي بتقدمين في الامارات للطيران فلازم اطرشين الفورم مالج لمبنى دناتا اللي في دبي بجانب المطار
و بالنسبه للطول اقل شي 160 و هذا اللي اعرفه و اسالي اكثر غناتي
بالنسبه للتوفل فاللي قدموا قبلنا لين الحين مب محصلينه و انا الحين راح اقدم امتحان ايلز و ان شاء الله احصله ( يعني مب مهم تييبينه قبل التقديم)

و ربي يوفقج و يوفقني يا رب و نتلاقا في الامتحان اذا الله و فقنا

هلآ فيج حبوبه ..

مآ شآء الله كبري لول ،،

نفس الشي يعني وأنآ بعد أبغي طيرآن الاتحآد بس الحين خآيفه من سآلفة الطوول >.<

بنتريآ النسبه وإن شآء الله نكون نآجحين وع طول بسجل للتوفل ، أحس الآيلس عقب آخذهـ أحسن خخ

المشكله مآحصلت حد غير هنيه عسب جي سجلت وقلت بسأل الكل ^^

وبخصوص التوفل شي طيب إنه مب لآزم ع طول يكون عدنا ..

آآآمين ويوفقج يآرب (= ، (إن شآء الله يقبلونآ نحن الـ 2 ونكون مع بهعض ^^)

[الحشيمه]

تسلم uae sky
انت ساعدتني وايد لاني كنت خايفه يقبلوني و ما اعرف كيف اصرف الحمدالله عطتني دافع اكبر
تسلم خيووو

[مقهور]

اقتباس:     المشاركة الأصلية كتبت بواسطة UAESky  

السلام عليكم

أنا اختبرت الاختبار الجماعي الاسبوع اللي طاف
أول شي قسمونا على فريقين ، و كل فريق لازم يختار قائد
يعطون كل فريق مجموعة من القطع الخشبية و القطع غير متشابهه في منها على شكل يشبه حرف L و في منها على شكل يشبه Z و في منها على شكل يشبه ال E و في أشكال مختلفة.

و الاختبار عبارة عن 3 مراحل

أول مرحلة يعطون الفرق 10 دقايق عشان يخططون كيف يبنون برج يرتفع لمسافة 13 - 15 انج ، و بعد التخطيط يقولون لكم فككو البرج و عندكم 45 ثانيه للتركيب و لازم الكل يشاركون و كل واحد لازم على الأقل يركب قطعه و أكثر شي 3 قطع و لازم نتناقش بالانجليزي و لازم نستخدم يد وحده للتركيب و اذا قطعه طاحت ما نقدر نرجع نستخدمها

و الفريق اللي يخلص أول لازم قائد الفريق يقول finish

المرحلة الثانية: نفس الشي بس لازم نخطط في خلال 5 دقايق
و المرحلة الثالثة: بعد نفس الشي و لازم نخطط في 5 دقايق


----------------------------------------------------------------------------------

بعد ما نخلص يظهرونا نيلس في صالة الانتظار و ندخل واحد واحد و كل واحد يقابلونه من 20 للـ30 دقيقه

و ما سألونا أي شي يتعلق بالطيران و كل الأسئلة كانت عن الطباع الشخصية تقريبا
أول شي يقولون لك تكلم عن نفسك
و يسألونك عن أصعب موقف واجهته و كيف حليته
و يسألونك مثلا لو واحد سوا شي غلط جدامك في مكان عام شو بتسوي ؟
و يسألونك ليش اخترت طيران الاتحاد ؟
و اذا وظفناك في طيران الاتحاد شو اللي بتقدمه للشركة ؟
و بعد يسألونك يقولون لك نحن الحين عندنا مثلا 11 شخص و المقاعد المتوفرة هي 8 فقط ، كيف تقدر تقنعنا اننا ناخذك و تتوظف عندنا ؟ لأنه أكيد في ثلاث أشخاص ما بناخذهم و التنافس وايد قوي
و يسألونك اذا كنت تخطط لرحلة مثلا لـ لندن و كنت جالس مع الطيار تخطط قبل الرحلة و الطيار حدد انه البترول اللي نحتاجه للرحلة بس يكفينا لين المطار اللي متجهين له ،، و انته تعرف انه بيكون في مطر شديد و ظباب و تتوقع انه الجو سيء جدا و قلت للطيار لازم نحط بترول أكثر لأنه اذا كانت الأحوال سيئة و طلب منا انه نغير المسار و نتجه لمطار ثاني يكون عندنا بترول كافي ،،، المهم الطيار رفض و قال لك لأ ! شو بتسوي في هذي الحالة ؟؟؟ طبعا اذا قلتلهم انك بتكلمه و بتقنعه بيقولون لك الريال راكب راسه و ما بيقتنع و لا بيزيد البترول !! شو بتسوي في هذي الحالة ؟

و يقولون لك اذكر موقف تعرضت له و كان شديد عليك و كيف قدرت تتخطاه ؟

و يسألونك اذا كانت عندك وايد أشياء تسويها و وايد مهام في يوم معين و لا فترة معينه ، كيف بتقدر تنفذها كلها و كيف بترتب وقتك ؟

-------------------------------------------------------------------------------

عالعموم ادعولنا بالتوفيق أنا و اخوي مقهور و الله يوفق الكل :)


ممممممم هيه و بعد قالولنا انه الدراسه بتبدأ بتاريخ 7/6/2009

ما شا الله عليك كفيت ووفيت ههههه


بيتصلون بك بااجر انا كلموني اليووم

و للأسف قالو ان المقابلة ممتازة و امتحاناتي توب



لكن الوزن لازم ينزل


و قالو ان في دفعة بتبدا بعد 3 شهور و ان ممكن ادخل وياهم لو ضعفت


و الله من كلمووني و اناا ...........



المهم ربي يوفقك يا رب


و بشرنا عنك .......

[الحشيمه]

مبروك مقهوري و عقبالي ادعولي يا ناس و انا و مريامي

[EK 30]

أنا توني متخرج من الثانوية وعلمي اللة يعين النسبة اذا كنت من دبي وقدمت عل الأتحاد ما بتكون صعبة .؟
وامتحان القبول وين في بوظبي

[الحشيمه]

ما اظن انها صعبه اخوي pilot اذا انت من دبي و تحاتي المسافه تقصد عيل انا شو اقول اللي في اخر الامارات ....... اي الغالي الامتحان " القبول"ك في دار الظبي

[العكبري88]

يزاك الله الخير اخوي " مقهور "

بس كان عندي آخر استفسار لو تكرمت ..

بالنسبه للاجازات في الاتحاد للطيران ..

اثناء الدراسه : ممكن يكون في اجازة الصيف واجازة نص العام ولا كله دراسة بدون توقف ..

بعد الدراسة : كيف يكون نظام الاجازات ..

[مقهور]

تسلموولي و الله


انا انرفضت


و قالو لي انه لو ضعفت

يمكن ادخل الدورة اللي بعد 3 شهوور اهئ اهئ خخخخ



الله يستر و الله اني متضااايج ع العمووم الله يوفق اليمييع يا رب


و ما شا الله عليكم قمتو تجاوبوون بعض خخخخخ

اقتباس:
يزاك الله الخير اخوي " مقهور "

بس كان عندي آخر استفسار لو تكرمت ..

بالنسبه للاجازات في الاتحاد للطيران ..

اثناء الدراسه : ممكن يكون في اجازة الصيف واجازة نص العام ولا كله دراسة بدون توقف ..

بعد الدراسة : كيف يكون نظام الاجازات ..

اخوي مافي شي اسمه دراسة بدوون توقف


فيه اجازات غير ان لك انت رصيد اجازات تاخذه انت تدرس

و بين الكورسات فيه اجازات بعد


الله يوفقك يا رب و يوفق اليمييييع...

[s.alkhalifi]

كل تاخيره فيها خيره يا مقهور ( واعلم ان الله لايضيع اجر من احسن عملا )

سوي لك برنامج رياضي واكل صحي وكثر من السلطات وان شاء الله تخف من وزنك
وعقبال ما نشوفك كبتن على الخطوط الاتحاديه

[alkhaja5]

يوم الاحد عندي امتحان..
ثاني مره اسويه...

سويته قبل بس سيده سافرت وماعرفت نتيجتي....

شهر 12 اذكر....


المشكله ان اللي اتذكره ان الامتحان مال الاشكال كان وايد صعب...

محد يعرف موقع ان ممكن نسوي براكتس عليه....


والفيزيا نسيت المسائل كيف كانن..بس اذكر كان. شي اشكال..ماعرف كيف احلهن...

حتى الماث....

[العكبري88]

الله يوفقك ...

[UAESky]

اقتباس:     المشاركة الأصلية كتبت بواسطة الحشيمه  

تسلم uae sky
انت ساعدتني وايد لاني كنت خايفه يقبلوني و ما اعرف كيف اصرف الحمدالله عطتني دافع اكبر
تسلم خيووو

العفو اختي و ما عليج لا تخافين بيقبلونج لأنهم يبون طيارين في هالفترة
و لا تخافين من الامتحانات تراها سهله و اذا بغيتي تعرفين عن أي شي اسألي و نحن بنرد عليج ان شاء الله و بنخبرج عن أي شي تبينه

اقتباس:     المشاركة الأصلية كتبت بواسطة مقهور  

تسلموولي و الله


انا انرفضت


و قالو لي انه لو ضعفت

يمكن ادخل الدورة اللي بعد 3 شهوور اهئ اهئ خخخخ



الله يستر و الله اني متضااايج ع العمووم الله يوفق اليمييع يا رب


و ما شا الله عليكم قمتو تجاوبوون بعض خخخخخ







اخوي مافي شي اسمه دراسة بدوون توقف


فيه اجازات غير ان لك انت رصيد اجازات تاخذه انت تدرس

و بين الكورسات فيه اجازات بعد


الله يوفقك يا رب و يوفق اليمييييع...

الله يوفقك ان شاء الله و ماعليك ان شاء الله بنشوفك فالدفعة اليايه و لا تحاتي بس ركز على وزنك أكثر و نزله،
في واحد من الشباب ويانا أجل قالوله بندخلك الدفعه اليايه شهر 8 أو 9

بس اذا قالولك عيد الامتحانات قول لهم ما بعيد أي شي لأني امتحنت و خلصت كل الامتحانات قبل ،يمكن بس يدخلونك المقابلة.

[UAESky]

اقتباس:     المشاركة الأصلية كتبت بواسطة العكبري88  

يزاك الله الخير اخوي " مقهور "

بس كان عندي آخر استفسار لو تكرمت ..

بالنسبه للاجازات في الاتحاد للطيران ..

اثناء الدراسه : ممكن يكون في اجازة الصيف واجازة نص العام ولا كله دراسة بدون توقف ..

بعد الدراسة : كيف يكون نظام الاجازات ..

الغالي و قت الدراسه لازم انته و اللي وياك فالدفعه تتفقون على شهر معين بتظهرون فيه إجازة و تتفقون مع المدرسين. و الاجازات الرسمية تاخذونها حالكم حال باقي الجهات في الدولة
(ملاحظة: بعد ما تخلص الكورس التأسيسي بيعطونك اجازة اسبوعين.)

و ما عندي فكرة بعد الدراسة كيف بيكون نظام الاجازات ، بس عالعموم الدراسه كاملة بتاخذ عنك تقريبا سنتين و نص ، لأنك بتدرس 3 شهور في بوظبي و بعدين 18 شهر فالعين في كلية الافق و بعدين بتدرب عالسيموليتر 10 شهور

السكن عليهم ، و الراتب أول 3 أشهر بيكون 6 آلاف درهم ولازم تنجح في الكورس التأسيسي اللي بيكون في كلية الاتحاد و اذا ما نجحت يرفظونك ، و ان شاء الله لو نجحت بتتثبت و بعد ما تتثبت بتنتقل العين و بيستوي راتبك 11 ألف

و معظم الدفعه اللي الحين هم ويانا من دبي

[UAESky]

اقتباس:     المشاركة الأصلية كتبت بواسطة DXB_PiLoT  

أنا توني متخرج من الثانوية وعلمي اللة يعين النسبة اذا كنت من دبي وقدمت عل الأتحاد ما بتكون صعبة .؟
وامتحان القبول وين في بوظبي

لا الغالي ما بتكون صعبه ، نحن في هذي الدفعة تقريبا 70% من دبي

و الامتحانات بتكون في كلية الاتحاد حذال مطار بوظبي ، تبعد تقريبا 45 دقيقة من دبي
و اذا بغيت مكان الكلية بالظبط ادخل هالموقع
https://wikimapia.org/#lat=24.439282&...4&l=0&m=a&v=2*

[ك.رونالدو]

موفق ياخوي ,,,, و ان شاء الله اعلى المراتب .....

تحياااتي لك

[UAESky]

بخصوص الفحص الطبي :

الفحص بيكون في مستشفى النور في الطابق العاشر ,شارع حمدان
https://maps.google.com/maps?f=q&sour...fWwP3nCA&cd=18

الأشياء المطلوبة هي: صورة الجواز ، و أربع صور شخصية بنفس حجم الصورة اللي تستخدم للجواز بخلفية بيضاء و شرط انه الشخص ما يكون لابس شي على راسه .

ولازم ما تاكلون شي في يوم الفحص
----------------------------------------------------------------------------------
أول شي يعطونكم فورم تعبوننه تكتبون فيه بعض المعلومات الشخصية و بعدين تعبون فورم ثاني فيه مجموعة من الأمراض يسألونكم هي اذا موجودة فيكم ولا لأ ، و الفورم الثالث يسألونكم مثلا هل تلبسون نظارة أو عدسات ( طبعا مافي أي مشكلة بس لازم تكونون ماخذين وياكم النظارة و لا العدسات عشان فحص النظر ولا ما بيخلونكم تسوون الفحص ) و يسألونكم اذا في حياتكم جربتو أي نوع من أنواع المخدرات و حاطين أسامي المخدرات و إذا الشخص كان يدخن لازم يكتب شو نوع النوع اللي يدخنه ( مثلا: مرلبورو) و كم علبه فاليوم؟ .

و بعد شي يسألونكم إذا كنتو ماخذين أي نوع من الأدوية في الثلاثين يوم اللي طافن و لازم تكونون صريحين في هذا الشي ، و تكتبون شو نوع الدواء ، مثلا بندول أو دوا الزجام أو بروتينات للتمارين أو مكملات غذائية ( ملتي فيتامين)

الفحص بسيط: أول شي يفحصون النظر ، مثل المنظار تشوف داخله و تشوف حرف و تقراها بس
ثاني شي فحص السمع: يحطونكم في غرفة مسكرة و يعطونكم سماعة و يعطونكم جهاز في ايدكم ، و كل ما تسمعون صوت تظغطون الفص .

ثالث شي تخطيط القلب و يحطولكم حساسات على جسمكم و يشوفون
رابع شي فحص قوة التنفس و الرئة ، عبارة عن جهاز تنفخون فيه

بعدين تدخلون عند الدكتورة تشوف النتايج و تسألكم بعض الأسئلة البسيطة و تحط السماعة على الصدر و الظهر و بس


بعد ما تخلصون من هذا المكان تسيرون بناية كنتاكي اللي على شارع حمدان ( قريبة من مستشفى النور) في مختبر هناك ، تسيرون تسوون فحص الدم و البول و أشعة الصدر.



و سلامتكم :)

إذا في أي شي اسألوا :)

[العكبري88]

تسلم ..
كفيت ووفيت ..

[UAESky]

اقتباس:     المشاركة الأصلية كتبت بواسطة العكبري88  

تسلم ..
كفيت ووفيت ..

الله يسلمك
الغالي اذا بغيت تعرف أي شي اسأل و ان شاء الله بنفيدك :)

[s.alkhalifi]

حد يعرف او عنده برنامج اختبار الذكاء لطيران الاتحاد
واذا يرشدنا على كتاب معلومات عامه من اي مكتبه
لان انا وربيعي عندنا امتحان رياضيات وفيزياء وانجليزي ومعلومات عامه وذكاء

اذا نجحنا في الامتحانات كلها ولا قدر الله رسبنا في السايكومترك هل نعيد الامتحانات الاوليه ولا لا ؟


ويعطيكم العافيه

[UAESky]

اقتباس:     المشاركة الأصلية كتبت بواسطة co 2  

بس بخصوص امتحان الذكاء وامتحان المعلومات العامه
هل بيكون مع امتحان الرياضيات والفيزياء والانجليزي او كل واحد منهم في يوم

إنته قصدك أول امتحان صح ؟
الانجليزي امتحان منفصل و بيكون 20 دقيقة ، الامتحان بسيط جدا
و الامتحان الثاني بيكون مكس: رياضيات + فيزياء + معلومات عامة ، لمدة 20 دقيقة
( راجع الردود المكتوبة في الصفحات اللي طافن و بتشوف شو الأشياء اللي تدخل في الامتحانات هذي)
الرياضيات: معضم الأشياء هي حساب الزوايا للمثلثات
الفيزيا: ما دخلت أسئلة وايد بس مثلا بيقولون لك: طيارة طلعت من النقطة A للنقطة B و سرعتها
400 كيلو متر في الساعة ، و طيارة طلعت من النقطة B للنقطة A و سرعتها 700 كيلو متر في الساعة ، علما بأن المسافة بين النقطتين هي 2000 كيلو متر ،، متى بتتلاقا الطائرتين ؟
المعلومات العامة: تقريبا خمس أسئلة كلها عن العواصم: مثلا: ما هي عاصمة كندا؟ ما هي عاصمة ألمانيا ؟ ما هي عاصمة استراليا ؟
-----------------------------------------------------------------------------------
و آخر امتحان اللي هو امتحان تحديد الشخصية بيكون وياه امتحان رياضيات لمدة 30 دقيقة و فيزيا لمدة 30 دقيقة .
( راجع الردود المكتوبة في الصفحات اللي طافن و بتشوف شو الأشياء اللي تدخل في الامتحانات هذي)





------------------------------------------------------------------------------------
طبعا كل الامتحانات بدون الآلة الحاسبة

و ان شاء الله ما بتحتاجها لأنه كل شي بسيط بس لازم تجهز و تتدرب قبل الامتحان

[s.alkhalifi]

يعطيك العافيه وان شاء الله بتواصل معاك

[UAESky]

بخصوص الرواتب : هذي المميزات اللي يعطونها للـFirst Officer

:Salary & Benefits

Starting salary of AED 25480 or US$ 6925 per month for First officers and an annual salary increment of AED 500 per month.
Flight duty allowance of AED 40 per flying hour.
:Meal allowance during layovers as per the following rates
-Middle East/ GCC/ Sub Continent AED 12 per hour
-Asia/ Far East AED 15 per hour
-Africa/ Australasia AED 18 per hour
-Europe/ Americas AED 23 per hour

:Benefits

Housing allowance up to AED 160000 per year.

(Or)

Company provided housing depending on availability.
(Or)
The opportunity to take advantage of our innovative "Rent to Buy" house purchase programme.
Education allowance of AED 30000 for primary and AED 42000 for secondary up to 4 children from the ages of 4 up to 19 years old.
Income protection scheme. 42 Days annual leave.
Staff travel benefits.
End of service benefits.
Accidental and life insurance benefits.

The above is subject to change without prior notice.