[Yasseya]

اقتباس:     المشاركة الأصلية كتبت بواسطة راعي حشيمة  

عندج امتحان جينيرال نولج وتحديد شخصية ؟؟

هي مادري سمته بالحروف الثلاثه G.. الساعه 10 ...باجر ؟

[pilot99]

مشكوررررررررررررررررررررين اخواني فديتكم والله فيكم الخيييييييير الله يوفقكم بالضبط ومبروكين للي باجر عندهم امتحان

المهم
الاخت اللي رمستني قالتلي بعد هالامتحان ،،،،، يوم الاربعاء انشاءلله بيسون لنا المقابله ماعرف اي اربعاء بس اكيد تقصد ورى باجر

الحمدلله الحمدلله هذا كله بفضل الله


راعي الحشيمه :ممكن اتخبرنا شو ياك ف امتحان الجنرال نولج ؟؟؟؟

ضروري الغالي

شكرا للجميع والله يوفقنا يارب

[pilot99]

شكرا لـــــــــــــ the pilot nasser وراعي الحشيمة وبن خلف و الياسية ومستر دريمر

[راعي حشيمة]

الياسية+بايلوت تسعه تسعه

اولا امتحان تحديد الشخصية عادي

الأجوبة كلهن تقريبا نعم او لا او علامة استفهام ؟ يعني لا اعرف

يستحسن تكون الاجابة نعم او لا وحاولو تقللو من الإستفهام يعني لا تختارو لا اعرف وايد

الامتحان هذا ما عليه رسوب يعني ريلاااااكس


الإمتحان الثاني الي عليه نجاح ورسوب وإن شاء الله انتو تنجحون

هو المعلومات العامة


الإمتحان هذا لا تستهينون به

هي الأسئلة سهلة... لكن الوقت قصير

35 سؤال و10 دقايق للمجموعة الأولى

اسئلة سخيفة عن الإنجليزي لازم تحلوها بسسرررررررعة

الي ما تعرفونه سووله طااف واذا بقى وقت ارجعو له


المجموعة الثانية يمكن 25 سؤال ما اتذكر كم و10 دقايق تقريبا

اسئلة عادية عن الرياضيات

تحتاج تركيز شوي لأنكم لازم تحلو بسرعة وبتركيز
+
في كم سؤال عن الوقت بين المدن


المجموعة الأخيرة هي عن الأشكال والمربعات

ييبون اسئلة فيها مربع وداخله مثلث ودائرة الخ الخ

ويحطون نفس الصور المتتابعة ويقولون شو نكست ؟!

يعني شو الشكل القادم ؟

وأسئلة مختلفة شوي لكن بنفس الفكرة



انتو نامو بدري وقومو الصبح صلو الفجر وتوكلو على الله

لازم تدخلون الإمتحان هذا بنفسية وبمزاج طيب


الله يوفقكم

[راعي حشيمة]

وكل مجموعة تنحل لوحدها طبعا

يقول لكم اكرم اتركو القلم ويوزعون عليكم النماذج الثانية

[راعي حشيمة]

+

امتحان تحديد الشخصية ما له وقت محدد لذلك لا تحاتون الوقت

[راعي حشيمة]

ان شاء الله استـفدت يا بايلوت99 ويا الياسية من الجريدة الي كتبتها

واي سؤال انا راح اكون موجود لـنص ساعة بعدين بطلع

[Mc7amooD]

السلام عليكم..

شباب.. انا امتحنت اول امتحان و هو الانجلش والماث والفيزيا تاريخ 22/6 .. و للحين ما ردو علي >< .. هل يعني ها اني رسبت ولا كيف؟ والله اني على اعصابي .. لاني وانا صغير كان خاطري ادرس طيران ..

انا قدمت طيران الامارات بعد.. و بمتحن عندهم تاريخ 3/7 .. ادعولي انجح انشاء الله :)

[راعي حشيمة]

وعليكم السلام حموود

بيتصلون عليك

ويكون احسن لو انت تتصل عليهم

شد حيلك في كل امتحان وموفق ان شاء الله

طيران الإماارات امتحنت فيه في الدفعة الماضية

صراحة ما اريد احبطك لكني رسبت في الماث والفيزيكس

كان الامتحان وايد صعب

انت اذا متخرج هالسنة من الثانوية راح يكون اسهل بالنسبة لك

وبالتوفيق

[Mc7amooD]

تسلم اخوي راعي حشيمة .. بتصل فيهم و بتاكد انا ..

و بخصوص طيران الامارات .. الله ايسر

[Mr.Dreamer]

امتحان الجينرال نولج مثل ماقالكم الاخ ( راعي حشيمه )

هو بصراحه تافه بس مشكلته يباله سرعه .. يعني انا عن نفسي كنت احل وانا متأكد مليون بالميه من اجاباتي بس المشكله اني ماقدر احل جميع الاسئله لقصر الوقت .. يعني من 25 سؤال أحل 23 والسبب قصر الوقت انتو خلكم سريعين هذا اهم شي وان شالله بتعدون فيه لانه بصراحه سهل وايد

[pilot99]

اقتباس:     المشاركة الأصلية كتبت بواسطة راعي حشيمة  

ان شاء الله استـفدت يا بايلوت99 ويا الياسية من الجريدة الي كتبتها

واي سؤال انا راح اكون موجود لـنص ساعة بعدين بطلع

هههههههه من ناحية جريده هي جريده ونص خخخ امزح

المهم اخوي والله يعطيك العافيه ماقصرت والله بس اذا ممكن تكتب لنا امثله من كل مجموعه شوي اذا ممكن (جنرال نولج )
سوري تعبناك ويانا ،،،،بس وايد خايف من الامتحان اخاف ارسب هذه فرصتي
والامتحان بالانجليزي ولا كيف ؟
وشو موضوع الفرق بين المدن ،،،،،وضحلنا اخوي وسامحنا ع المغثه

[pilot99]

ياريت اتوضح اخوي راعي الحشيمه

[Mr.Dreamer]

اول قسم راح يركزون على الالفاظ ويشوفون اذا تقدر تفرق بين سياره او طياره يعني عبط وسهل

مثال :

اختر الكلمه الغير مناسبه : 1- طياره 2- سياره 3- قبطان - 4- قطار

الجواب = قبطان

مثال ثاني : 1- عقرب 2- حصان 3- فيل 4- فأر

الجواب = عقرب لانه من الزواحف

____

وبعدين رياضيات وارقام عاديه

م1: 10 . 20 . 30 . 40

ماهو الرقم التالي :
يعطونك خيارات طبعا بديهيا راح يكون 50

بس ركز وخل حساباتك سريعه لان في طرح وفي كسور وكذا

___

واخيرا الاشكال
2. ما الشكل الذي يجب ان يملأ مكان اشارة الاستفهام ليكمل المجموعة التالية ؟

عموما هو قريب من امتحان الآي كيو وااااااااااااااااااااااااااايد وتقريبا نفسه .. ادخل جوجل وابحث عن امتحانات لل آي كيو اكتب :
IQ TEST

وهذا واحد منهم تسلا به
*وحبيت انبه ان الامتحان ها وايد صعب مقارنتا ب أمتحان الاتحاد .. يعني هذا مثال بس .. اما مال طيران الاتحاد اسهل دبل الدبلات
https://www.hrdiscussion.com/iqtest-start.html

وصدقني بتنجح دامك عديت في السايكوموتور هههههه

[Mr.Dreamer]

اقتباس:     المشاركة الأصلية كتبت بواسطة راعي حشيمة  

سبحان الله

كنت اصلي في المسجد قبل نص ساعة

وياني اتصال في نص الصلاة وتيلفوني عام

المهم...

انا صليت ودعيت ربي يقبلوني في طيران الاتحاد

طلعت من المسجد

شفت التيلفون

حصلت رقم خط فتح بوظبي < طيران الإتحاد

من الصدمة تشقلبت وانا واقف

رديت اتصلت ومحد رد

اتصلت مرة .. مرتين ... المرة الثالثة رد علي الريال وقال عندك مقابلة الأربعاء هذا

ههههههههه مبروووووووووك وبالتوفيق

بس امانه لاتنسانا بعد المقابله خبرنا شو صار وياك

[pilot99]

Mr.dreamer
الصراحه ماشالله عليك ابدعت والله
الله يجزيك خير يارب

مشكور اخوي
ماقصرت
بس آخر مجموعه تقريبا صعبه شوي صح لان هذا اختبار ذكاء ؟؟

[راعي حشيمة]

السلام عليكم

آسف بايلوت99

انا طلعت مساعة مشوار

لكن مستر دريمر كفى ووفى

الأسئلة مثل ما قالها مستر دريمر بالضبط

الأهم السرعة والتركيز

وحاول تحل اكبر عدد من الأسئلة

وسؤال الوقت بين المدن بصراحة ما اعرف كيف اشرحة

مثلا يجيب لك 3 مدن

نيويورك ولندن ولوس انجلس

ويقول لك نيويورك تتأخر 4 ساعات عن لندن

ولوس انجلس تتأخر 8 ساعات عن نيويورك

كم الوقت بين لندن ولوس انجلس

^

ادري السؤال يمكن غلط لكن هو بنفس هذي الطريقة


مستر دريمر


مشكور وان شاء الله يقبلونك

[راعي حشيمة]

بايلوت99

المجموعة الأخيرة يمكن تدوخك شوي لأنها نعم اسئلة ذكاء

[Mr.Dreamer]

اقتباس:     المشاركة الأصلية كتبت بواسطة pilot99  

Mr.dreamer
الصراحه ماشالله عليك ابدعت والله
الله يجزيك خير يارب

مشكور اخوي
ماقصرت
بس آخر مجموعه تقريبا صعبه شوي صح لان هذا اختبار ذكاء ؟؟

افا عليك الغالي هذا الواجب .. وان شاء لله بكرا في امتحان الشخصيه بنقوم بالواجب معاك انت والياسيه هههههه

وبالنسبه لسؤالك اانا الي فهمته انك تقصد ان القسم الاخير وهو قسم الاشكال راح يكون صعب .. اذا كنت تقصد جي ف أقولك حط في بطنك يح وارتاح على الاخر .. لاني امتحنت الآي كيو اون لاين اكثر عن مره مجرد هوايه يعني وكنت بعد اعاني من الاشكال واحسها صعبه

بس الصراحه يوم امتحنت في الاتحاد لقيت ان الاشكال الي هم حاطينها سهله جدا جدا جدا لدرجه انه شي عادي وبالعكس كانو واضحين ومفهوومين يعني الفرق يكون واضح و بتعرفه وبتحله بسرعه

بعد ماخلصنا الامتحان يانا الاخ فـ وقال كلمه وصدق فيها .. قال ان ها الامتحان يشوفونك انت مينون او صاحي بس



يعني سهل لاتحاتي ونصيحه ابدأ سوي براكتس ع المقابله افضل لك لانها مصيريه .. وما أخفي عليك وايد الي يرسبون .. ربيعي الي نجح العام الي فات قالي كنا 10 والي نجحو 4 والسبب الارتباك ..لانك راح تدخل على كباتن حقيقين

[pilot99]

اقتباس:     المشاركة الأصلية كتبت بواسطة راعي حشيمة  

السلام عليكم

آسف بايلوت99

انا طلعت مساعة مشوار

لكن مستر دريمر كفى ووفى

الأسئلة مثل ما قالها مستر دريمر بالضبط

الأهم السرعة والتركيز

وحاول تحل اكبر عدد من الأسئلة

وسؤال الوقت بين المدن بصراحة ما اعرف كيف اشرحة

مثلا يجيب لك 3 مدن

نيويورك ولندن ولوس انجلس

ويقول لك نيويورك تتأخر 4 ساعات عن لندن

ولوس انجلس تتأخر 8 ساعات عن نيويورك

كم الوقت بين لندن ولوس انجلس

^

ادري السؤال يمكن غلط لكن هو بنفس هذي الطريقة

مستر دريمر

مشكور وان شاء الله يقبلونك

ان شاءالله اخوي الله يسمع منك
بس الوقت قصير وايد ولازم افكر ف نفس الوقت انشاءلله خير اعدي وادخل البرنامج
كفيت ووفيت ماشاءلله عليك

[pilot99]

اقتباس:     المشاركة الأصلية كتبت بواسطة Mr.Dreamer  

افا عليك الغالي هذا الواجب .. وان شاء لله بكرا في امتحان الشخصيه بنقوم بالواجب معاك انت والياسيه هههههه

وبالنسبه لسؤالك اانا الي فهمته انك تقصد ان القسم الاخير وهو قسم الاشكال راح يكون صعب .. اذا كنت تقصد جي ف أقولك حط في بطنك يح وارتاح على الاخر .. لاني امتحنت الآي كيو اون لاين اكثر عن مره مجرد هوايه يعني وكنت بعد اعاني من الاشكال واحسها صعبه

بس الصراحه يوم امتحنت في الاتحاد لقيت ان الاشكال الي هم حاطينها سهله جدا جدا جدا لدرجه انه شي عادي وبالعكس كانو واضحين ومفهوومين يعني الفرق يكون واضح و بتعرفه وبتحله بسرعه

بعد ماخلصنا الامتحان يانا الاخ فـ وقال كلمه وصدق فيها .. قال ان ها الامتحان يشوفونك انت مينون او صاحي بس



يعني سهل لاتحاتي ونصيحه ابدأ سوي براكتس ع المقابله افضل لك لانها مصيريه .. وما أخفي عليك وايد الي يرسبون .. ربيعي الي نجح العام الي فات قالي كنا 10 والي نجحو 4 والسبب الارتباك ..لانك راح تدخل على كباتن حقيقين

اخوي انا بعد دوم العب كنت هااللعبة وخزننها عندي وكنت اييب فوق ال 100 يعني ذكائي فوق المتوسط الحمدلله ودامك اتقول اسهل اكيد بكون عبقري ههههه وان شاءلله خير ساعدتوني وايد

الله يحفظكم يارب ويوفقكم وندخل البرنامج يارب

اخوكم بايلوت 99

[pilot99]

انزين ماقلتولي الامتحان بالعربي ولا انجليزي ؟

[راعي حشيمة]

انت تقدر تختار

عربي او انجليزي

الي يناسبك

[pilot99]

احب اشكر راعي حشيمة ومستر دريمر على تعاونهم وياي
مشكورررين ماقصرتوا

[بن_خلف]

الحمدالله ... اتصلو بي حق الفحص الطبي (طيران الامارات)

بس عندي سؤال ..
الشباب يقولون لي طيران الامارات معاشهم 8000 و طيران الاتحاد 20000 صح هالكلام ولا ؟؟ طبعا هذا اثناء التدريب ؟

[Yasseya]

اقتباس:     المشاركة الأصلية كتبت بواسطة بن_خلف  

الحمدالله ... اتصلو بي حق الفحص الطبي (طيران الامارات)

بس عندي سؤال ..
الشباب يقولون لي طيران الامارات معاشهم 8000 و طيران الاتحاد 20000 صح هالكلام ولا ؟؟ طبعا هذا اثناء التدريب ؟

والله ياااخوي اتوقع طيران الاتحاد 11 الف اثناء التدريب ..
اخوااااني شدو الهمه باجر ان شاءلله

[pilot99]

مبروووك اخوي بن خلف
اخوي انا اللي سمعته ان طيران الامارات وقت الدراسة 8000
اما الاتحااد 6000وثاني سنه 11000وثالث سنه ورابع سنه 20 وعقب ماتتخرج 30 وفوق هاللي سمعته بس مب متأكد

[Mr.Dreamer]

مبروك اخوي بن خلف تستاهل
مميزات طيران الاتحاد افضل واقوى لانه مدعوم من حكومة بوظبي
عندك اولا راتب المتدرب اول سنه =13500
وطبعا يزيد كل سنه .. وحتى يوم تتخرج الراتب اقوى
ثانيا بدل السكن =
عزابي يعطونك غرفه في مزيد مول في مصفح
واذا متزوج يعطونك شقه في الاتحاد بلازا خليفه أ
مزايات مثل تذاكر السفر المجانيه والخصم الي تقدر تسويه + ديسكاونتس في اغلب الفنادق في الدوله وخارجها +تأمين صحي شامل وفي بعد مزايا افضل

[Mr.Dreamer]

مبروك اخوي بن خلف تستاهل
مميزات طيران الاتحاد افضل واقوى لانه مدعوم من حكومة بوظبي
عندك اولا راتب المتدرب اول سنه =13500
وطبعا يزيد كل سنه .. وحتى يوم تتخرج الراتب اقوى
ثانيا بدل السكن =
عزابي يعطونك غرفه في مزيد مول في مصفح
واذا متزوج يعطونك شقه في الاتحاد بلازا خليفه أ
مزايات مثل تذاكر السفر المجانيه والخصم الي تقدر تسويه + ديسكاونتس في اغلب الفنادق في الدوله وخارجها +تأمين صحي شامل وفي بعد مزايا افضل

[pilot99]

اخوي مستر دريمر هالرابط اللي كنت اختبر فيه نفسي

التي تعتمد على طريقة IQ



https://www.iqtest.dk/main.swf



145 فما فوق :عبقري.



120 - 144 :ذكي جداً.



100 - 120 :أعلى من المتوسط (ذكي)



متوسط الذكاء - يعني المعدل الطبيعي - بين
الأشخاص هو100



90 - 100 :متوسط الذكاء.



85 - 89 :أقل من المتوسط.



70 - 84 :بطيء تعلم ' الشعرة الفاصله
بين التخلف العقلي و صعوبات التعلم'.



69 فما دون :التخلف العقلي.