[ميسون تونز]

ازيكوووووو يا بنات عاملين ايه
ان شاءالله بخير كلكم
يارب نفرح كلنا عن قريب وتكون فرحه تسعدنا وما تغصب ربنا

[داعية الخير]

بنات فى حد فيكوا راح يعمل اختبار تحديد المستوى ؟يا ريت متنسوش تسألولنا

[داعية الخير]

هو المفروض نمتحن تبع المركز التقافى البريطانى ولا المعهد البريطانى ومين فيهم المرتبط بالسفارة علشان يكون افضل؟

[داعية الخير]

ايه رأيكم يا بنات ان كل واحدة تجاوب على أسءلة انترفيو القطرية اللى كتبتهم عاشقة سراب ونشوف هنتصرف ازاى واذا اتسألنا فى الاسئلة فى فى الخطوط السعودية ايه الرد المناسب من وحهة نظرك
عاشقة سراب كتبت:
والجزء الاخير الرايتنج انا حقولك الموضوع اللي جالي
انك تحكي على موقف صعب مر بحياااتك كان المفروووض تاخدي فيه موقف ايجابي ومخدتهوووش وايه اللي تعلمتيه منه ...وقالت ياجماعه محدش يخترع كل واحد يكتب حاجه فعلا حصلت له احنا عايزين نعرف عن نفسكم اكتر
خلصنا الامتحان والطول وقالت استنو ساعه الا ربع نصحح

رجعنا والحمدلله انقبلت وبدئنا المرحله ماقبل الاخيره وهيا group discussion
كنا حوالي 24 من اصل ال 70 ...وكنا مجموعتين وبدئنا بموضوع وهيا اننا عندنا حفله عشااء ومطلوب مننا نحدد 5 شخصياات مشهوره حابه انك تدعيهم للعشاااء و3 شخصيااات مش حابه تدعيهم للعشاء وليه ؟؟
تاني موضوع ..انك دلوقتي اشتغلي في الخطوط القطريه وكنت رايحه شقتك لقيتي صحبتك عامله حفله مع صحباتها وقاعدين يدخنو ويشربو ويسكرو وكل الموبقات موجوده وانتي راجعه من رحله شاقه ومحتاجه ترتاااحي ...وعايزه تنامي لان الرحله بتاعه الصبح كمان شاقه ...جيتي تنامي لقيتي صوتهم عالي وعملين ازعاج وقفلتي باب اوضتك وبرضو لسه في ازعاااج ..حتعاملي معاها ازاي
بعدين صحيتي ورحتي رحلتك فوجئتي ان زميلتك بالغرفه دي معاكي في الكرو بتاع الطائره ولقتيها بتعامل راكب بقله ذووق اوووي وحتى من كتر ماهيا متعصبه نست تديله الوجبه بتاعته ..حتتصرفي برضو ازاي ؟؟؟

خلصنا الجرووب دسكشن وطلعنا وقالت استنو ربع ساعه وحنعلن عن الاسماااء ..الحمدلله عديييت وانتقلت للمرحله النهائيه اللي هيا الفينال انترفيووو ..طبعا لاني من اسكندريه قالت تقريبا صعبت عليها واني بقالي يومين بجي القاهره وارجع فعملت لي اكسبشن ..أنها تعملي الانترفيوو دلوقت ..اه نسيت اقول اننا صفصفنا على 18 او 19 بنت من 24 ..
المهم دخلت الفينال انترفيوو انا ووحده كمان برضو من اسكندريه هيا دخلت الاول وانا بعدها
بصوو الفينال انترفيوو بيكون كانهم بيتكلمو معااكي عااادي ..ومش فاكره اووي كل اللي قالته لكن الى حد ما حقولكم اللي فاكراااه
سئلتني الاول انا خريجه ايه قلت لها هندسه كمبيووتر طبعا قالت لي طيب مجال الهندسه بعيد اووي عن الضيافه ليه حابه انك تكوووني مضيفه ..قلت لها عشان ده حلمي وكده يعني ..بعدين قالت لي اهلك حيعملو ايه لو سافرتي رده فعلهم ايه لما تساافري ..بعدين قالت لي طيب انتي في الكليه كنتو بتتشغلو جروبات ولا ايه ..واستفدتي ايه لما كنت في الجروب وتفضلي تكوني في جروب ولا لوحدك ..ومثلا لو انتي في جرووب حابه تكوني في وضع قائده ولا تكوووني وحده من اعضاء الجرووب وخلاص ...بعدين قالت لي لو انتي في الطياره وراكب كل شويه يطلب منك حاجه مزعج جدا جدا ..حيكون رده فعلك ايييه ؟؟؟ ومثلا لو رااكب كان جدا فظ معاك بالكلام حيكون ردك اييه .؟؟؟ وهل انتي عندك خبره في الاعمال الخيريه عملتي ايه مثلا وكده يعني ....

فى انتظار ردودكم

[soso_osman]

اكرام
فعلا معاكي حق ممكن تكون شركه كويسه جدا بس الواحد هو اللي معرفش يتاقلم فيها.
عاشقه السراب
فعلا متحيريش نفسك وتتعبيها في التفكير دلوقتي.وبعدين انتي هيبقى عنك خيار لو الخطوط السعوديه نزلت قبل ما القطريه ترد عليكي. لكن لو القطريه ردت عليكي الاول متتردديش, لان انتي لو ضيعتي الفرصه دي انتي مش واثقه ان لما السعوديه تنزل تتقبلي فيها وده مش تقليل منك لكن ده الحقيقه. في ناس بتتقبل في شركه ومتتقبلش في التانيه.
وبعدين في اسوأ الاحوال
لوسافرتي قطر وجربتي ومعجبكيش تحولي مضيفه ارضيه, او تقدمي في شركات تانيه ولما تتقبلي ابقي سيببي الشركه
والقرار في الاول وفي الاخر ليكي انتي وبس
داعيه الخير
المركز اللي الخطوط السعوديه قصدها عليه هو المركز الثقافي البريطاني
British Council وده اللي في العجوزه وهليوبولس وده رقمه19789

[ميسون تونز]

فعلا فكره جميله جدا داعيه الخيرررررررررر
واتمنى ان كلنا نشارك فيها
ونساعد بعض عشان نكتسب خبرة ونحاول نكون جاهزين

[hana1]

بصراحة غياب مايا مأثر جدا في المنتدي وانتو احلي بنات واكتر ناس بطمنوني ان الدنيا لسة فيها خير وفي أمل للخطوط تنزل

[hendaaa mahmoud]

ايه ياجماعة!!!!!! انا حاسة ان في ملل كدة !!!!! انتو روحتو فيييييين؟؟ انا بجد زهقت, ليه كدة مفيش اي جديد :( :(

[#عاشقه سراب#]

nony الله يبااارك فيكي وعقبالك يااارب تكوني مضيفه ياحببتي

داعيه خيير المعهد البريطاني نفس اللي قالت عنه سوسو ..وله فرع في اسكندريه كانت قايله عنه مايا ..هو في كفر عبده
نصيحتي لكم يابناات امتحنو دلوقت وطلعو الشهاده دي عشان لا قدر الله لو امتحنتي وطلع مستواكي مش نفس المطلوب تلحقي تحسني نفسك وتوصلي للمستوى ..

[داعية الخير]

شكرا ليكم حبيباتىانا كمان قرأت ان بيتحدد ميعاد لتحديد المستوى يعنى مش بنقدم عليه وتقريبا لما العدد يوصل لحد معين بيقولوا لنا على الميعاد بس هو فين كفر عبده ده اصل انا مش من اسكندرية يعنى لما اوصل لموقف الاتوبيس اعمل ايه

[ميسون تونز]

السلام عليكم ورحمة الله وبركاته
ازيكم يا بنات عاملين
يارررررررررررب تكونوا تمام
مايا شريف بتبعتلكم السلام وهى مشغولة بس شوية وهتبقى معانا قريب

[#عاشقه سراب#]

داعيه خييير ياعيني علييكي واللهي صعبتي عليااا اوووي ..{بنا يووفقك يااارب

بصي هيا كفر عبده دي منطقه مابين سيدي جابر ورشدي تقريبا ...انتي لو اخدتي السوبر جيت حتنزلي الموقف بتاع سيدي جابر وطبعا القطار حتنزلي كمان محطه سيدي جااابر ومن هنااك بقا تاخدي تاكسي المساافه قصيره

بصي العنوان بالظبط 11 شارع محمود ابو العلا كفر عبده -رشدي
وده تليفونهم 3001666

بس ياجماااعه انا عايزه اقولكم انكم متأكديين عن موضوع ان لازم العدد يكتمل ؟؟
اصل ده تحديد مستوى مش عشان تدخلي ليفيل معييين ...عشان في الاكاديميه البحريه اللي بمياامي كورسات الانجليش شئ وتحديد المستوى بتيجي في اي وقت تمتحني


ميسووووون ...سلمي على مايا كتييير وقولي لها احنا مستنيانها اهوو :>:>

[داعية الخير]

عاشقة سراب شكراً ليكى تعبتك معايا انا قرأت على النت انهم بيحددوا موعد محدد لعمل اختبارات تحديد المستوى يعنى مش اى حد عايز يروح فى اى وقت بيسمحوا لان اعتقد انه مش مجرد اختبار تحريرى فقط لا شفوى كمان فاكيد الاساتذة لازم يكونوا موجودين ويا ربت لو حد عنده فكرة لكتر عن طبيعة الامتحانات دى يقولنا

[روضى]

ايه صباح الخير انتو روحتو فين ؟؟؟؟؟؟؟؟؟؟؟؟؟؟؟؟؟

[#عاشقه سراب#]

داعيه الخير ..طيب ماتتصلي بيهم ..تعرفي بالتفصيييل احسن


روضى ادينا موجوديين اهووو مش لاقين حاجه نعملها

[hendaaa mahmoud]

ماهو ده اللي انا بقوله من الصبح :) انتو فييييييين يابنات,,, بجد معرفش ليه مضايقة ومخنوقة أوووووي :( مفيش حاجة كدة تشجع الواحد او تفتح نفسه على حاجة, بالعكس كل يوم بيعدي بنفقد الأمل أكتر :( :(

[soso_osman]

بالنسبه لامتحان تحديد المستوى هو انا مش فاكرة الارقام بالضبط لان انا عملتو السنه اللي فاتت وكمان معرفش هما غيرو اسلوبهم ولا لأ بس هو كالتالي:
في الاول هيدوكو ورقه فيها اسئله اغلبها في الجرامرحوالي 15 سؤال لازم تحلوها كلها في تقريبا 5 دقائق او اقل مش فاكره.
الورقه دي هي اللي حيتحدد عليها مستواكي كله وهيصححوها وانتو قاعدين
وبعدين هيقولك انتي A elementary اوB intermediate او c advanced
وبعدين هيوزعوا عليكوا كراسه اسئله زمن كل مستوى مختلف عن التاني بس المتوسط من 30-45 دقيقه فيه كل حاجه جرامر واسبلنج وريدنج وكلمات وتختاري معناها كل حاجه موجوده وهي دي اللي بيتحدد عليها بعد كده انتي A1 A2...............وهكذا
وبعدين فيه الشفوي
بس انا مش فاكرة هي النتيجه في نفس اليوم ولا لأ
ولوفيه حد امتحن قريب وفاكر بالضبط يقولنا

[ميسون تونز]

ازيكووووووووووووو يا احلى مضيفات عاملين ايه
حد هيروح المعهد البريطانى
انا خايفه جدااااااااااا ان مستوايا يطلع وحشششششششششش
ومش عارفه اعمل ايههههههههههه

[hendaaa mahmoud]

انا كمان خايفة مجبش الليفيل اللي مطلوب مع اني قبل كدة خدت كورس وكنت جايبة في اختبار تحديد المستوى 10 من 12 :) وانا اصلا كويسة جدا في الأنجلش وكمان دراستي كلها كانت انجلش لاني مخلصة تجارة انجليزي :) بس معرفش ليه لو روحت الأمتحان ده هلخبط جدااااا ههههههه يمكن من الخوف الله اعلم :) طب هو احنا المفروض هنروح امتى؟؟ لان اكيد ليهم مواعيد للاختبارات؟؟ انا احتمال اروح ان شاء الله الأسبوع الجاي لو هينفع :) ياريت يابنات كل واحدة تقول هتروح امتى وناوية تعمل ايه؟؟؟

[hendaaa mahmoud]

صحيح عايزة اقولكو ان اكتر حاجة بتلخبط في امتحان تحديد المستوى هو ال listening انا عن نفسي بكرهو موووووت :) انا اخدت بنصيحة ناس قبل كدة ان الواحد يدرب نفسه عليه, يعني مثلا نتفرج على افلام اجنبي كتير وتكون من غير ترجمة طبعا , انا بعمل كدة بصراحة وكمان ساعات بتفرج على CNN & BBC channels لانها بتجيب نشرات وبرامج بالانجليزي :) ياترى نعمل ايه تاني علشان نكون جاهزين للأمتحان ده, وربنا يستر بقى اصل انا مش متفائلة :)

[مونيمووو]

https://www.englishjet.com/english_co...el_answers.asp

[noriano]

ازيكم يا بنات ..عايزه اقولكم انى اتصلت بالمركز البريطانى وقالولى ان مفيش امتحانات فى فرع اسكندريه لانه فرع ادارى وان الامتحانات كلها فى القاهره ولازم تروحى تحجزى بنفسك ومينفعشى تليفون وبعدين هما هيحددوا وقت الامتحان لما العدد يكمل ويقولولك عن طريق رساله فى الموبيل والامتحان بيكون خلال 3 شهور بتكونى انتى على قائمه الانتظار .فى كذا فرع بس فرع العجوزه الامتحان بتاعوا الاسبوع ده وباقى الفروع لسه محددوش معاد.الاختبار ب70 جنيه.وبالتوفيق انشاء الله

[#عاشقه سراب#]

يالهوووووووووي 3 شهور !!

كتير اووووووووووي ...مهو انا مش مستعده الاسبووع الجاي وبرضو مش حستنى لحد 3 شهور لان تو ماتش بصراااحه

على فكره انتو قلقتوووني اووي يابناااات ..كلكم خايفين كده من الامتحااان !! ...يابنااات ريلاكس خاااااااالص وكل واحد هو عارف انه ايييه وكلنا الحمدلله كويسين بالانجليش بلاش بقا توتروو نفسكو على الفااااضي لان التوتر ده اللي حيضيعك !! ...يبقى كل واااااحد يهدى ويدعى ربنا انه يسهلها عليييه ويكتب له الخييير

بنااات مثلا لو انا رحت عشان الامتحان وحطوني ويتنج ليست 3 شهور !! ومثلا السعوديه نزلت ايه الحل بقا ..يعني رحت لهم من غير انتيجه الاختبااار حيكون الحل ايه ؟؟

[ميسون تونز]

دة الا انا بفكر فيه يا عاشقه سراب انا لو روحت دلوقتى وانا مش مستعده خالص وخلاص امتحاناتى قربت اوى ى وعايزة استعد لانى ضايعه خالص بسبب الموضوع دة اذاكر لايه بالضبط وانا هخلص امتحانات ع شهر 7 يعنى ممكن ادخل الامتحان بتاع تحديد المستوى الا بعد 3 شهوووووووووووور مش غارفه اعمل ايه بالضبط يا بنات قولولى

[مونيمووو]

ازيكم يا بنات عاملين ايه يارب تكونوا بخير انا بعت لينك لامتحان تحديد المستوى ممكن تجربوا فيه علشان نتطمن شويه وميكونش امتحان اplacement test of british council هو اول حاجه نتصدم فيها احنا لازم نتدرب على حاجات زى كده الاول كتير علشان نكسر حاجز الخوف اللى عندنا يارب تستفيدوا منه
https://www.englishjet.com/english_co...el_answers.asp

[hendaaa mahmoud]

اقتباس:     المشاركة الأصلية كتبت بواسطة noriano  

ازيكم يا بنات ..عايزه اقولكم انى اتصلت بالمركز البريطانى وقالولى ان مفيش امتحانات فى فرع اسكندريه لانه فرع ادارى وان الامتحانات كلها فى القاهره ولازم تروحى تحجزى بنفسك ومينفعشى تليفون وبعدين هما هيحددوا وقت الامتحان لما العدد يكمل ويقولولك عن طريق رساله فى الموبيل والامتحان بيكون خلال 3 شهور بتكونى انتى على قائمه الانتظار .فى كذا فرع بس فرع العجوزه الامتحان بتاعوا الاسبوع ده وباقى الفروع لسه محددوش معاد.الاختبار ب70 جنيه.وبالتوفيق انشاء الله

طب متعرفيش الأسبوع ده امتى؟؟؟ يعني مثلا اروح احجز على بكرة وهما هيقولولي الميعاد ولا ايه بالظبط؟؟؟ انا قصدي في فرع العجوزة, ولا اللي هيمتحنو الأسبوع ده هما اصلا حاجزين من زمان؟؟؟؟ بليز ممكن تفهميني :(

[#عاشقه سراب#]

اقتباس:     المشاركة الأصلية كتبت بواسطة ميسون تونز  

دة الا انا بفكر فيه يا عاشقه سراب انا لو روحت دلوقتى وانا مش مستعده خالص وخلاص امتحاناتى قربت اوى ى وعايزة استعد لانى ضايعه خالص بسبب الموضوع دة اذاكر لايه بالضبط وانا هخلص امتحانات ع شهر 7 يعنى ممكن ادخل الامتحان بتاع تحديد المستوى الا بعد 3 شهوووووووووووور مش غارفه اعمل ايه بالضبط يا بنات قولولى

مهو برضووو لو استنيتي بعد 3 شهور حيكون معظم الوقت ضيعتييه في مزاكره مواد الكليه !!
مش عارفه ياميسووون ممكن تصلي استخاره او انك تتصلي بالمركز وتشوفي كل المراكز مواعيدهم بالظبط وشووفي ايه اللي الميعاد اللي حيناسبك بالظبط

[noriano]

لا حبيبتى ممكن تحجزى وتمتحنى معاهم الاسبوع ده .الشهاده بتطلع على طول المشكله فى معاد الامتحان نفسه.

[tulipflower]

يا جماعة ازيكوا كلكوا عاملين ايه انا بقالى كتير اوى مدخلتش المنتدى بس لما دخات ائيتكوا بتتلموا على امتحان تحديد مستوى هو ايه يا جماعة هو ده من شروط التقديم فى الخطوط السعودية و لا ايه ياريت تقولولى؟؟؟؟؟

[djousia]

السلام عليكم انشاالله تكونو بخير انا جديده في المنتدى وحبيت اسال عن الخطوط السعوديه ازا رح يجون عالمغرب من جد طال الانتظار واحنا مو عارفين متى بيجون الله يخليكم الي عارف شي يخبرنا كل مره نسمع شي انا سمعت انهم بيجون بشهر تلاته وهو مر شهر تلاته وداخلين بشهر خمسه ومافي شي جديد