[i max]

البرنامج اليومي لطلبة كلية الملك فيصل الجوية: - YouTube

[gyn]

^^^
يعطيك العافية

[الاصيل 21]

اجمل التحايا للزميل فتى الخرج
يذكروني الشباب لما قدمنا بس كنا انشط منهم ولاانسى عندما جددت الموقع بعد القبول النهائي

وراشد السبيعي ماحد يرد عليه كل عام والجميع بخير وعلى اقبال القبول النهائي

[abdullah14]

طفشت من الانتظار متى بيجي قبول نهائي


للي من الدفعه اللي قبلنا متى جاكم قبول نهائي

يقول لي واحد 24 رمضان صدق ولا ؟

[م طيار مقاتل]

الي سمعته ان القبول نهائي بيكون ما بين 15-24 رمضان عاد بالضبط متى ما ادري :)

[abdullah14]

نزل القبول يا شباب باقي احجز موعد للفحص النهائي

[gyn]

اقتباس:     المشاركة الأصلية كتبت بواسطة الاصيل 21  

اجمل التحايا للزميل فتى الخرج
يذكروني الشباب لما قدمنا بس كنا انشط منهم ولاانسى عندما جددت الموقع بعد القبول النهائي

وراشد السبيعي ماحد يرد عليه كل عام والجميع بخير وعلى اقبال القبول النهائي

اخوي سبب
الخمول هنا اني فتحت قروب في الواتس اب بلغ اعضائة حول 90 (قروبين) وبلغت رسائل فوق 70 الف رسالة
وبلغغت صور عدد هائل ..
فا وين الانشط

اذكر بقروب الواتس اب 0552879535



اذكر بقروب الواتس اب للمقبولين نهائيا

[saudiflay]

اقتباس:     المشاركة الأصلية كتبت بواسطة gyn  

اخوي سبب
الخمول هنا اني فتحت قروب في الواتس اب بلغ اعضائة حول 90 (قروبين) وبلغت رسائل فوق 70 الف رسالة
وبلغغت صور عدد هائل ..
فا وين الانشط

اذكر بقروب الواتس اب 0552879535



اذكر بقروب الواتس اب للمقبولين نهائيا

ألف مبروك للمقبولين وحظ أوفر للي ماحالفهم الحظ .. أخوي لو إن النشاط هنا كان حيكون أفضل علشان الدفعات اللي بعدكم يستفيدون من الموضوع

[خالد 91]

الراتب ما يساعد, والغبنه إنه يحتاج 6 على 6, نادر بالزمن ذا مع كل هالأجهزه تلقى احد نظره كذا, انا جايب فوق هالنسب لكن للأسف, وطولي فوق الطول المطلوب .. وانجليزيتي جيده لكن نظري ماهو زين

[طموح-طيار]

السلام عليكم ورحمة الله وبركاته..كيفكم يا شباب إن شاء الله بخير..عندي سؤال لو سمحتو.أنا إن شاء الله راح اتخرج من الثانويه سنة (1435) إن شاء الله ابي اقدم على كلية الملك فيصل الجويه..بس في حاجه محيرتني..اختبار كفايات هل في نسبة مطلوبه ولا أي نسبه يقبلون..أرجو الأفاده وشكراََ

[طموح-طيار]

أي والله أخوي:>خالد صدقت هم طالبين 6ع6 الله يعين انا النظر عندي تعبان شوي يارب يسر الأمور

[الشاهـsaheenين]

مع واسطة

لا تطالع في احد

لو نظرك ناقص

أكثر شئ يسوونه ينزلونك مراقب أو موجه

بس لازم واسطة

[طموح-طيار]

اي والله صدقت يا أخوي شاهين...الدنيا الحين كلها واسطه.ربك كريم

[abdullah14]

يا عيال اللي راح للكشف النهائي يبلغنا وش صار عليه

[باسل 95]

معليش شباب ..

اللحين لو معي شهاده هندسه ميكيآنيكيه / هندسه طيران

وتوظفت في كليه الملك فيصل الجويه كم يكون الراتب !!

[gyn]

^^

المميزات راح تكون
تتخرج برتبة ملازم اول
طيل فتره الدوره يصرف لك نصف راتب الملازم
بدل 25 % هندسة مكانيكية بدل 200 ريال شهادة جامعية بدل نقل 600 وباقي على حسب المكان او المنطقة الي تتعين فيها

[gyn]

اليوم الحمد لله فحصت الفحوص النهائية
وكانت
اول تسجل موعد عن طريق النت تنتظر رسالة تاصلك لتأكبد عن طريق الجوال
ثانيا تطبع ورقة المراجعة ورقة مراجعة وحده فقط استعملوها
ثالثا تجيب عدد صورتين مشكوفة الراس انا اخذو مني فقط وحده
رابعا موعد الفحص يكون من 6 الى 10 يعني تقدر تجي من الساعه 6 الى 10 وغيره من ارقام ايضا لكن تعال مبكر 6 اضمن وعشان تخلص بسرعة
خامسا تجي بالزي الرياضي
الفحوص
مكان الفحص النهائي قدام الشعلة كللية الملك عبد العزيز سابقا
جوالك في السيارة ما معك الا مفتاح سيارة ومحطفة و بطاقة الاحوال
تدخل تتفيتش و يشفون ورقة الموعد ثمن قدامك باص تركبة و راح يويك باذن الله المسجد عشان تؤدي صلاة العشاء تصلي تلطع ساعه وعليها و انصحك فيها تقرا فيها القران و الاذكار وتنتظر وتستغفر فيها الى ان ياندونكم جوية يرحون عدد معين اول من يجي الى الباب تروحون الى ساحة داخل الكلية ..و يتنتظر بكراسي تلطع شوي الى ان يجي دورك تقوم تروح الى العسكري الي يطابق معلومات وياخذ
1-ورقة عدد 1 من اوراق الموعد اصل 2
2- صوره مشكوفة الراس عدد 1 من اصل 3 طالبين
3- صوره احوال لو ماعندك يصورن لك
4- يسلمك اوراق بعد تاكد او يعطيك اوراق البصمات
تروح تمسك سرى البصمات قريبة من كراسي عبارة عن طاولة و عسكري من داخلية
يجي دورك يبصمك تروح تغسل ووترجع الى كراسي وتلقى حق حراارة وانت بطريق رجعة الى كراسي )) ياخذ حرارة يعطيك كمامة و تتوجه الى الباص استعدادا الى الذهاب الى وزارة الدفاع من اجل
الفحوص النهائية
تركب باص يروح لنفس موقع الفحوص الاولية 12 عيادة
تجون وزارة يجلسونكم في صالة انتظار يعطونكم اوراق حقت الدكتور النفسي مجرد تعبي اسمك و كلية و رقم طلب يعطونك اقلام طبعا
تخلص تروح تمسك سرى من اجل ان تختبر
اختبار على الكمبيوتر من اجل الدكترو النفسي تختبر 50 سوال عامة عن حياتك الاجتماعية و حياتك النفسية وعلاقاتك تجاوب الاجابات (دائما غالبا نادرا احيانا ) خيارات وعلى كمبيوتر او تسجل بيناتك عليه تبدا تخلص تطلع من العيادة الي فيها كمبيوتر عيادة صغيره جدا و موجدة في سيب عيادات تروح الى اقرب موظف جمبك وتقوله خلصت يقوم يسلمك الى اول دكتور نفسي وفي كم دكتور نفسي اخخر الدكتور الاول يطلع على اجباتك ان قدر يحللك او يسلمك الى دكتور اكثر خبره
اسئلة العادية كم ماخذ قيساس ستيب قدرات ثانوي ليش جيتنا قدم على شي ثاني انت ضامن قبول و يتكلم بعدها بناء على اجوبتك يلمس رياضيات عندك بسووال زي نقص 7 من 100 وواصل ايام الاسبوع بالعكس نقص 3 ووو ...
تخلص تطلع يكتب على طول يا لائق او غير لائق تشوفها بنفسك ويعطيك ورقة وتعطيها العسكري حق الاستقبال
تعطيها ايه ثم ترجع صالة لمن ترجع لي عسكري الاستقبال الي في صالة و اطلب منه ورقة تحليل بول راح يكرر كم مره مين ما اخذ لكن اطلب ثمن لمن يجي ملفك من دكتور نفسي راح ينادي باسمك وتسلمة ورقة البول وانتم بكرامة و تروح الى صالة اخرى وتنتظر الى فحص الاشعة ينلقونكم من سيب الى سيب الى السيب النهائي وتمسك سرى عشان اشعة راح تكون سريعه وهي لي القفص الصدري راح يطلب منك حبس نفسك و خلع الفنيلة ان كان بها ازرار تخلص بسرعة ونتائج فورية ان كنت لائق الى تحليل بول اكرمك الله تروح تنتظر ان كنت صايم نصيحة كثثثثثثثر موية ترجع انتنظر ال ان ينادون اسمك من اجل تحليل البول راح تلطع نص ساعة تحلل وتعطيه عينة يفحصها قدامك ثم يقلك رح اسحب دم او يطلب اعادة تحليل تروح تسحب دم تطلع من دم متوجه المسرح باذن الله و تكون اجتزت البول اكرمكم الله و الاشعه و النفسية بقى الدم تطلع نتائج في خلال 48 ساعة يرسلون لك رسايل جوال

جيتهم 7 ونص دخلت 8 خلصت من المسجد 9 وعليها رحنا وزارة 10 و 48 دقيقة طلعت 2 و 48 دقيقة اليل من وزارة متوجه الى باص الي راح ياخذك الى الشعلة

نصائح
...
كثر موية عشان تقدر تعطيهم شي لي العينة راح يطلب منك وانت واقف ممكن توجه صعوبة فا كثر موية

[sherlock]

السلام عليكم ..

اللهم اجعلنا مم من يقوم ليلة القدر ..

و الف مبروك للمقبلوين و الحمد الله تم قبلوي .. و موعدي في 6 شوال .

متخوف من دراسة اللغة الانجلزية مستواي الانجليزي لابأس به اقدر اصرف عمري بكم كلمة بسس خايف تكون دراسة الانجليزي جدا صعبها فيها ..
ارجو من الي درس في الكلية يفيدني بنظام الانجليزي في الكلية ..


و شكرا ..

[طموح-طيار]

مشكوور أخوي (gyn)الله يوفقك ويوفق الجميع...الكليه هاذي يبيلها واسطه وانا خاااايف

[م طيار مقاتل]

اقتباس:     المشاركة الأصلية كتبت بواسطة طموح-طيار  

السلام عليكم ورحمة الله وبركاته..كيفكم يا شباب إن شاء الله بخير..عندي سؤال لو سمحتو.أنا إن شاء الله راح اتخرج من الثانويه سنة (1435) إن شاء الله ابي اقدم على كلية الملك فيصل الجويه..بس في حاجه محيرتني..اختبار كفايات هل في نسبة مطلوبه ولا أي نسبه يقبلون..أرجو الأفاده وشكراََ

مو مهم الدرجة اهم شيء انك تختبر

[فتى الخرج]

اقتباس:     المشاركة الأصلية كتبت بواسطة gyn  

اخوي سبب
الخمول هنا اني فتحت قروب في الواتس اب بلغ اعضائة حول 90 (قروبين) وبلغت رسائل فوق 70 الف رسالة
وبلغغت صور عدد هائل ..
فا وين الانشط

اذكر بقروب الواتس اب 0552879535



اذكر بقروب الواتس اب للمقبولين نهائيا

اهلا ياعزيزي , مابغيت ارد على هالموضوع خير شر
بس وقفني ردك ياعزيزي

تقول لي واتس اب ؟
طيب ليش مااتجي لهالموقع ؟ تتكلمون عن الي ناقصكم و غيرهاا

تحسب الناس كلها مثلك ؟ عندهم جوال به واتس اب ..!

وتعليقا انك انت اللي فاتح القروب اللي بالواتس اب << مع انا مالي دخل انا طالب بالكلية ولي سنة بها

راح استفتح فيك بأستلام دورتنا 1433 و ان شاء الله تبيع الجوال اللي به واتس اب وتشتري ابو لمبة ^_*
الوعد قدام والحي بيشوف << بالله يادورتنا وش رايكم فيني

[فتى الخرج]

اقتباس:     المشاركة الأصلية كتبت بواسطة sherlock  

السلام عليكم ..

اللهم اجعلنا مم من يقوم ليلة القدر ..

و الف مبروك للمقبلوين و الحمد الله تم قبلوي .. و موعدي في 6 شوال .

متخوف من دراسة اللغة الانجلزية مستواي الانجليزي لابأس به اقدر اصرف عمري بكم كلمة بسس خايف تكون دراسة الانجليزي جدا صعبها فيها ..
ارجو من الي درس في الكلية يفيدني بنظام الانجليزي في الكلية ..


و شكرا ..

لا تخاف دامك انقبلت بالكلية امورك بالسليم

من ناحية لغة راح يبدون معاك على حسب مستوااك من الصفر االلين مااتتقن اللغة
بس لازم تشد حيلك مو اسم انك انقبلت خلاص تبي تتخرج بنجمتك
لازم تشد حيلك بكل شي يتعلق بالتعليم
اهم ماعليك بالكلية حاجتين
الاولى والاهم : التعليم
الثانية : الانظباط

وترى اللغة سهله تبي تجلس معااك الين ماتتخرج وانت تتعلمها

وموفق يااعزيزي

ونصيحة للعموم فلوها بالمدنية قبل لاتدخلون الدورة ...

[gyn]

اقتباس:     المشاركة الأصلية كتبت بواسطة فتى الخرج  

اهلا ياعزيزي , مابغيت ارد على هالموضوع خير شر
بس وقفني ردك ياعزيزي

تقول لي واتس اب ؟
طيب ليش مااتجي لهالموقع ؟ تتكلمون عن الي ناقصكم و غيرهاا

تحسب الناس كلها مثلك ؟ عندهم جوال به واتس اب ..!

وتعليقا انك انت اللي فاتح القروب اللي بالواتس اب << مع انا مالي دخل انا طالب بالكلية ولي سنة بها

راح استفتح فيك بأستلام دورتنا 1433 و ان شاء الله تبيع الجوال اللي به واتس اب وتشتري ابو لمبة ^_*
الوعد قدام والحي بيشوف << بالله يادورتنا وش رايكم فيني

ارحب فتى الخرج ما اقول الا منور الموضوع و اصلا انت اقوى واحد في كلية (((قامط منه
والله انا حاولت افيد الاعضاء قدر الامكان هنا في الموضوع ومن ترك استفسار شي حاولت ارد عليه
وما قصرو بعض طلاب كلية جونا القروب وافادونا ..
وان شاء الله اول مكافاة في كلية راح اشتري لك فيها جوال به واتس اب خخخ ...((( اركد بس :iconloli:

[gyn]

اقتباس:     المشاركة الأصلية كتبت بواسطة طموح-طيار  

مشكوور أخوي (gyn)الله يوفقك ويوفق الجميع...الكليه هاذي يبيلها واسطه وانا خاااايف

دامك مستوفي لشروط ان شاء الله راح تنقبل اقل شي بهل كلية وهي الواسطات
وفقك الله

[ahmmad]

السلام عليكم ورحمة الله مبروك للكل وعقبال التخرج ان شاء الله
يا شباب بغيت اسألكم انا انقبلت قبول مبدئي الحمد لله وسويت الكشف النهائي يوم الاثنين
متى اعرف اني انقبلت نهائي ؟

[gyn]

^^
مجرد ما ارسل لك رسالة القبول المدبئي فا قبلوك ولن تدخل في اي مفاضلة

ومجرد ما اتك انهيت كشف نهائي وم طلبو منك اعادة فحص اليول اكرمك الله فا
1-فحص البول سليم مافي اي شي
2-فحص الاشعه نتائجة فورية وانت سليم باذن الله وتم تحويلك الى فحص البول حينما تبين انك سليم
3-تم تحويلك الى فحص الدم حينما تبين ان فحص البول جيد

نتائج الدم لم تحلل بعد
والي فيه اشكالية الاتي
1- ان تكون متعاطي المخدرات وتبين ذالك في دمك
2-فقر الدم مشكلة
3وبعض الامراض يشترط ان لاتكون حامل او مصاب بالمرض

ــــــــــــــــــــــــــــــــــــــــــــــــــ ــ

باقي بصمات ..
ان يكون سجلك خالي من اي جريمة
ويتم تحقق من ذالك ..يوم كشفك ياخذون بصمات منك

[ahmmad]

^^
يعطيك العافية

[gyn]

^^^
الي يعافيك


طبعا البعض فحص يوم الاحد بول اكرمك الله جا يوم الاثنين اتصلو عليه يطلبون منه اعادة فحص
فا خلك متيقظ

من اي اتصال

[ahmmad]

الله يسهلها

[فتى الخرج]

اقتباس:     المشاركة الأصلية كتبت بواسطة gyn  

ارحب فتى الخرج ما اقول الا منور الموضوع و اصلا انت اقوى واحد في كلية (((قامط منه
والله انا حاولت افيد الاعضاء قدر الامكان هنا في الموضوع ومن ترك استفسار شي حاولت ارد عليه
وما قصرو بعض طلاب كلية جونا القروب وافادونا ..
وان شاء الله اول مكافاة في كلية راح اشتري لك فيها جوال به واتس اب خخخ ...((( اركد بس :iconloli:

من ناحية اقوى واحد االقوي الله سبحانه وتعالى

من ناحية الجوال لاتخاف الوالد ماهو مقصر معاي بشي ^_*

من ناحية الكرف االلي اقوله لك هذي من اساسيات االكلية

لازم تنكرف انت واخوياك ^_^
حنا انكرفناا وانتم لازم تنكرفون

موفق خير