[كابتن الإيرباص]

بسم الله الرحمن الرحيم

السلام عليكم ورحمة الله وبركاته

يا شباب مساعدتكم بالرجاء

انا حالياً تقدرون تقولون خلصت المرحله 11علمي و السنه الجايه 12 علمي بإذن الله
بس حالياً عندي دور ثاني و اذا عديناه راح ندخل 12 السنه الجايه

انا في الصف 10 كان معدلي 6.24 من 10
و في الصف 11 معدلي من دون الدور الثاني 18 من 30 بس اختبر مواد الدور الثاني و ممكن توصل الى 21 من 30

و 12 ان شاء الله بشد حيلي و نشوف كم نجيب من 60

يعني المضمون حالياً من 40 للمرحلتين الصف 10 و الصف 11 علمي

18+6.24 = 24.24

عاد لو نفترض شاد حيلي ب12 و نفترض جبنا 50 من 60 هذا اقل شيء طبعاً
يكون تخرجي من الثانوية العامه على نسبة 74.24

إذا هذي نسبتي

هل هنالك اي شركة طيران تقبلني و تكون الدراسه على حسابها و هل شركات الطيران تطلب نسبه

و شنو الحل

انا سمعت ان طيران الجزيره يدز دراسات على حسابه و سمعت ان طيران الاتحاد يقبل اي جنسيه للدراسه على حسابه في الكليه بالعين

هل هذا صحيح و شلون طريقة الدراسه و طريقة طلب التسجيل و الاختبارات اللي يسونها قبل الموافقه و اذا دزوني على حسابهم العقد التوظيف كم سنه راح يربطوني فيه
و كم سنه دراسة متوقعه من قبله

علماً اني راح اكون من خريجين عام 2011/2012 للمرحلة الثانوية

و اتمنى انكم تفيدوني

[عبدالرحمن مصطفي]

والله يا كابتن بالنسبه الي انك تدرس علي حساب الخطوط ده شبه مستحيل لان لهم شروط صعبه جدا
اذا ظروفك الماديه لا تسمح ممكن تشوف مكان رخيص في الفلبين تدرس فيه
هناك الدراسه تبدأ من 20 و25 الف دولار
تحياتي

[zezo011]

والله شوف لازم تنجح من الدور الثاني وان شاء الله اذا نجحت صف الثاني عشر تشد حيلك من اول السنة لازم تكون نسبتك فوق 90 لان لما تتخرج راح تشوف نسبتك 70 في الثانوية العامة عشان تعدي 80 وخاصة انك في الصف العاشر والحادي عشر نسبتك نازلة عشان تدخل الكلية الي تبيها ولا تفكر في الطيران لانه انت بالكويت وشي صعب وايد تدرسه يعني انا قدمت على طيران الجزيرة و القبول يالله بعد رمضان فا غصبا علي بقدم بالجامعة وما في فرصة في الطيران فا ماراح اعتمد على طيران الجزيرة فحط بالك لان الثاني عشر خاصة الكورس الاول المواد العلمية قوية ويبيلها مجهود فحط بالك *

[كابتن الإيرباص]

ان شاء الله راح اشد حيلي

لكن بخصوص اذا درست بالجامعه او التطبيقي

على ما اعتقد الطبيقي عندهم صيانة طائرات و بنسب بسيطه و عندهم مراقبه جوية و جذي

هل تعتقدون اذا درست اي تخصص من هذول و بعد ان اعدي و احصل على ثلاث نقاط و نص ان في مجال اني اكمل دراسة طيران

لان انا اعرف ان التطبيقي دراسه سنه و نص او سنتين و بعدين اذا حصلت مجموع ثلاث نقاط و نص يعطوني موافقه اني اكمل برى على حسابهم

يعني لو ادرس صيانة طائرات بالتطبيقي و حصلت على ثلاث نقاط يدزوني ادرس طيران على حسابهم و لا التخرج بشهادة دبلوم صيانة طائرات او دبلوم مراقب جوي ما تأهل اني اكمل دراسة طيران على حسابهم

اذا مافي اي حل من هالاشياء او خطوط تقبل انها ادرس على حسابهم بعد حصولي على دبلوم صيانه او شيء من هذا القبيل

الشكو لله ادرس هندسة كمبيوتر لان انا متخصص بالمجالين هذول و لي خبره فيهم و ما انسى بعد الاخراج الفني لي خبره فيه

اتمنى اني ادرس طيران

قلت حق ابوي عن طيران الاتحاد قال ما اتوقع يقبلونك و يقول السبب النسبه اما لما سويت بحث طلع السبب انهم يبون توطين

و شلون على الملكيه الاردنيه عندهم كليه خاصه اقدر ادرس فيها حتى لو على حسابي و يضمنون لي الوظيفه عندهم

اسمحولي اني طولت السالفه و هي قصيره