[semsemagdy]

شركة Nile air عايزه مضيفين ومضيفات ومنزله اعلانها فى جريدة الاهرام بتاعة يوم الجمعه 3/4
وهما مش حاطيين اى شروط فى الجريده بس طبعا لازم اللغة
واللى عايز يبعت السى فى بتاعه
بالنسبه للضيافه : __________

وبالنسبه لأى بوزشن تانى فى الشركة : [email protected]
ودا الفاكس : 24142705
تليفون :24142703 و 24142702
العنوان : 5 شارع النزهة من ناحية محطة الميرغنى .
الموقع : www.nileair.com

دكتور : ناصر الطيار صاحب مجموعة الطيار

[sadnESS_heart]

تسلم ايديك يا سمسم اية الحلاوة دي

[lovee1983]

بصراحة حلو اوى وكويس طب انا لسة بدرس وعندى اللغة يعنى مش اوى اعمل اية

[frawla]

لو معاك ثانوية عامة ممكن تقدم لأن اغلب الشركات بتقبل اللى معاهم ثانوى وربنا يوفقك ان شاء الله

[nor_islam]

مشكورة وربنا يوفقك ومستنين تفاصيل اكتر...

[samermagdy]

معلش ممكن تقولنا هما طالبين محجبات ولا لا وفي حد اخد معاد للمقابله وشكرا علي ردك علينا

[المعتز]

الله يوفقكم يارب
يعطيك العافية
شركة رايح يكون مقرها مصر برأسمال سعودي
صاحبها رجل الاعمال ناصر الطيار وهاذي نبذة عن الشركة ومؤسسها

السعودي ناصر الطيار .. خسر السباق في المملكة وربحه في مصر

يثبت

[frawla]

جزاك الله كل خير يااخ معتز. والله المعلومات دى شجعتنى كتيييييير انى اقدم فى الشركة لأنى ماكونت متحمسة بعد ذهابى لمقابلة شركة سحاب.والله يقدم مافى الخير.

[gogoo]

طيب يا جماعه هي بتقبل محجبات ولالا وبتقدم خمره ولالا
والف شكر لك عالخبر

[sadnESS_heart]

أختي جوجو الله يحفظنا ويحفظك قاعدة عامة اي شركة مقرها فمصر او السعودية مش بتقدم خمرة وبتقبل محجبات بأستثناءات معادا الطيران المنتظم انا بتكلم بشكل عام علي الشارتر وشكرا.

[gogoo]

اقتباس:     المشاركة الأصلية كتبت بواسطة sadnESS_heart  

أختي جوجو الله يحفظنا ويحفظك قاعدة عامة اي شركة مقرها فمصر او السعودية مش بتقدم خمرة وبتقبل محجبات بأستثناءات معادا الطيران المنتظم انا بتكلم بشكل عام علي الشارتر وشكرا.

شكرا على ردك وبالتوفيق للجميع

[nany]

انا شفت الاعلان و ده اللي فيه
-captain and first officer
-chief commercial officer
-director of sales
-manager of e- commerce
-manager of finance
-manager of pricing and revenue management
-manager of reservation
-reservation agent
-station personnel
-flight dispatcher

[salma22]

متاكدين يا جماعة انهم بيقبلو محجبات عشان ميحصلش زى الى حصل فلى سحاب للطيران لو اى حد اتاكد يقولنا والتقديم بالايميل بس ولا لازم نروح نقدم بنفسنا

[frawla]

ميرسى ياsadness على المعلومة دى بجد طمنتنا خالص. ربنا يخليك

[semsemagdy]

اقتباس:     المشاركة الأصلية كتبت بواسطة lovee1983  

بصراحة حلو اوى وكويس طب انا لسة بدرس وعندى اللغة يعنى مش اوى اعمل اية

جربى ومش هاتخسرى على الاقل اكتسبتى خبرة الانتر فيو
يلا ربنا معاكى اوعى ما تروحيش

[semsemagdy]

اقتباس:     المشاركة الأصلية كتبت بواسطة salma22  

متاكدين يا جماعة انهم بيقبلو محجبات عشان ميحصلش زى الى حصل فلى سحاب للطيران لو اى حد اتاكد يقولنا والتقديم بالايميل بس ولا لازم نروح نقدم بنفسنا

انا شايفه ان احسن اللى عايز يقدم حتى لو محجبه تقدم الله واعلم النصيب فين كده كده السى فى بيكون فى صوره شخصيه للشخص اللى عايز يقدم لو هما شافوها محجبه ومش عايزين مش هايكلموها يعنى جربو ممكن يكونوا بيخدوم وممكن لاء بس مش هاتخسروم حاجه وانتم بتبعتم السى فى

[sadnESS_heart]

بقلوكوا اية عشان مش يحصل مشاكل انا قولت حجاب باستثناءات يعني هاتلبسي الحجاب فكل الأوقات الا الديوتي تايم اوكي هيبقي طرحة وكاب اليونيفورم والصور بتاعة التقديم والرخص هتبقي حسب ستايل الشركة نافسها صاحبها عايز بالحجاب ولا لا وكل الشارتر كدة والشارتر يعني الخاص ورحلات غير منتظمة وانا بكلم قانونا طبقا لوزارة الطيران المدني لأمتيازات الشارتر والله علي ما أقول شهيد شكرا.

[mrna4]

احنا هنقدم السى فى ازاى؟؟؟؟؟؟؟

[nor_islam]

مفيش اى تفاصيل عن طريقة التقديم او الشروط المطلوبة للوظايف؟؟؟

[mimati]

فيه حد اتصل بالشركة بتصل ما حدش بيرد !!!

[mrna4]

انا اتصلت بالشركه وقالولى نبعت السى فى على الايميل ونتصل كمان يومين نتاكد بس وربنا معانا كلنا ان شاء الله

[nor_islam]

اقتباس:     المشاركة الأصلية كتبت بواسطة sadnESS_heart  

بقلوكوا اية عشان مش يحصل مشاكل انا قولت حجاب باستثناءات يعني هاتلبسي الحجاب فكل الأوقات الا الديوتي تايم اوكي هيبقي طرحة وكاب اليونيفورم والصور بتاعة التقديم والرخص هتبقي حسب ستايل الشركة نافسها صاحبها عايز بالحجاب ولا لا وكل الشارتر كدة والشارتر يعني الخاص ورحلات غير منتظمة وانا بكلم قانونا طبقا لوزارة الطيران المدني لأمتيازات الشارتر والله علي ما أقول شهيد شكرا.

السلام عليكم

اخى الكريم

لو سمحت اريد معرفة المزيد عن الشارتر من حيث:

كيف تكون مواعيد رحلاتها وهل يتم الاتصال بى عند كل رحلة؟

كم عدد الرحلات تقريبا كل شهر او عدد ساعات الطيران المطلوبة؟

هل تكون رحلات طيران داخلية ولا دولية وهل يوجد فيها مبيت؟

بالنسبة للمرتبات :

هل يكون مبلغ شهرى ثابت او احاسب على عدد ساعات الطيران وكم يكون فى المتوسط؟

هل يتم تقديم الخمور فى الرحلة ؟

وماهى الشركات التى توجد فى مصر ولا تقدم خمور على متن طائرتها؟

بالنسبة للصلاة.. كيف يصلى المضيف . وهل يجمع كل صلواتة؟

عذرا ان كنت اطلت عليك باسالتى..

ولكنى اعرف انى لن اجد الاجابة الوافية والشافية الا فى منتداكم الكريم...

ولكم منى جزيل الشكر .......

[semsemagdy]

يا جماعه ايميل الشركة اللى فى الجريده
هوه [email protected]
للتأكيد عشان تبعتم عليه السى فيهات يا جماعه ربنا يكرمكم ان شاء الله

وبالنسبه للأخ او الاخت نور اسلام انا شايفه ان كل شركة طيران تشارتر ليها اسلوبها ونظامها ومالكش دعوه بأى شركة انت سمعت عنها ايه او شفت فيها ايه لأن السمع مش زى الشوف جرب بنفسك وكمان اسأل فى ادارة الشركة نفسها عشان تعرف اكتر وما حدش يلغبطك دا احسن ليك وربنا يكرمك ان شاء الله
ويكتبلك الخير يا رب ان شاء الله

[nor_islam]

اقتباس:     المشاركة الأصلية كتبت بواسطة semsemagdy  

يا جماعه ايميل الشركة اللى فى الجريده
هوه [email protected]
للتأكيد عشان تبعتم عليه السى فيهات يا جماعه ربنا يكرمكم ان شاء الله

وبالنسبه للأخ او الاخت نور اسلام انا شايفه ان كل شركة طيران تشارتر ليها اسلوبها ونظامها ومالكش دعوه بأى شركة انت سمعت عنها ايه او شفت فيها ايه لأن السمع مش زى الشوف جرب بنفسك وكمان اسأل فى ادارة الشركة نفسها عشان تعرف اكتر وما حدش يلغبطك دا احسن ليك وربنا يكرمك ان شاء الله
ويكتبلك الخير يا رب ان شاء الله

مشكور جدا على ردك..


والف شكر على الدعوتين الجامدين دول لانى فعلا محتاجهم..

وربنا يوفقك ويسعدك واسمع عنك اخبار حلوة قريب..

[semsemagdy]

يا رب ربنا يكرمك ويوفقك احنا والجميع يا رب ان شاء الله

[BETO]

مساء الخير عليكوا ها يا جماعة قدمتوا وله لسه انا بعت السى فى بتاعى من شوية بعد ما خاب املى فى شركة سحاب ياترى الشركة دى برضة هترفض المحجبات وله ايه ؟؟ ياريت لو حد عنده معلومة بخصوص الشيء ده يساعدنا ما احنا خلاص لازم اول حاجة نسأل عنها بقت الحجاب يارب يوفقنا كلنا على فكرة انا بكتب مشاركتى ده واذان المغرب يؤذن دلوقتى والله بشرة حلوة انشاءالله قولوا أمييييييييييييييييييييين

[roka21]

السلام عليكم ورحمه الله وبركاته
والله عندك حق يا بيتو يمكن يكون الخير في الشركه دي
اهو نتصل ونشوف ويارب ميحصلش اللي حصل في سحاب مع اي حد
ان شاء الله ...........
بس ........

تررررررررررررررررررررن ترررررررررررررررررن
يا جماعه انا بتصل ومحدش رد عليا ............
ممكن لو حد يعرف مواعيدهم يقولي عشان شكلي كده بتصل في مواعيد غلط..........
وبالتوفيق للجميع.........

[lovee1983]

هاى ياجماعة انا بعت السى بردة واتصلت والسكرتيرة قالتلى مش طالبين محجبات واللة اتصدمت جدا لما قلتى ومش عارفة هنعمل اية بجد تعبت واللة

[roka21]

هاااااااااااااااااي يا جماعه بليييييييييييييييييييييييييييييز اللي اتصل يقولي اتصل امتي عشان انا كل ما اتصل محدش بيرد

[mimati]

اتصلت وردوا قالوابعثواcv على الاميل
بالتوفيق للجميع