[Cpt.Mohammed]

كتبت درس ف رد لموضوع احد الأخوة الأعزاء لأشرح له .. بس بعد تفكير لحظى قلت اخلى مجرد الرد موضوع عشان الكل يستفاد ..

طبعا الكتير مننا تعب من كتر محاولات الهبوط visual على المدرج والى معظمها فاشلة .. وان نجحت بعضها فهى مش بتحقق قواعد الطيران من سلاسة الهبوط وذلك لضمان سلامة الركاب والطائرة و تطبيق معايير الخبرة الجوية كطيار مؤهل ..

بس من خلال بحثى ف خيارات ازرار الكيبورد ف الـ settings لقيت حقل خاص بتعديل وضعية الجنيحات للصفر درجة .. وهو ده موضوعنا .. ابتكرت طريقة للهبوط عن طريق الكيبورد .. وبالتالى هتضمن :-

1 - الهبوط بطريقة تنم انك طيار محترف وقادر على السيطرة على الطائرة .
2- الهبوط بسلاسة .

شوف ردى على موضوع الأخ العزيز على هذا الرابط الهبوط اليدوي

ولو الرابط مشتغلش .. ابلغونى ف ردودكم .. وانا تحت امر اى مبتدء بأى سؤال في مقدورى الرد عليه .

[Cpt.Mohammed]

السلام عليكم مجددا ...

وهذا هو الدرس على الرابط لو مشتغلش .


اخى الكريم ... السلام عليكم ..
الهبوط عن طريق الفيجوال يدويا على المدرج مش صعبة خاااااااالص .. وبدون جويستيك كمان .
بس اسف انى مش هرفق صور مع الرد فحاول تركز و طبق الدرس الى انا كاتبه ليك وان شاء الله يكون ردك الجاى .. يا سلام يا واد يا محمد .. انت فعلا بروفشيونال ..

بص يا سيدى .. مبدئيا كدا معظم الناس لما بتيجي تجرب الهبوط فيجوال بتلاقى الطيارة بتروح يمين وشمال وتلف حولين نفسها ... الله الله الله .. هى الطيارة اتجننت ولا ايه .. لا لا اتجننت ولا حاجة .. بس الفكرة بمنتهى البساطة انك لما بتضغط زر الـ Right arrow او Left arrow عشان توجه الطيارة فأنت بده بتشغل الـ alerions وبتفضل على وضعيتها دى ( عشان كدا الطيارة بتلف حولين نفسها ) .. الا بقي لو رجعت الـ alerions مكانها تانى ( او في الطيران الحقيقي .. رجعت مقود الطيارة لوضعه الوسطى ) وده ممكن تعمله ببساطة بأنك تضغط Shift + numpad 5 .

وخلى بالك العلاقة بين نسبة ميل الـ alerions و ضغطة زرين Left او Right طردية ... بمعنى ان كل ما زادت فترة ضغط اصبعك على الزر كل ما زادت درجة ميل الـ alerions في اتجاه الزر المضغوط ... يعني الخلاصة انك لو عايز تميل ميلة بسيطة عشان تعدل نفسك على المدرج .. اضغط الزر ضغطة سريعة .


كل الى فات كان مقدمة ....


دلوقتى نخش ف الدرس ..........

- عشان تلف يسار او شمال بالمصرى ( مع العلم ان السيميوليتور بيشغل الـ Rudder اوتوماتيكيا مع كل لفة .. يعني كل الى عليك ضغط ازرار الـ arrow والطيارة هتلف ) . دوس Left arrow وزى ما قلت الضغطة السريعة بتميل الطيارة ميلة بسيطة والضغطة الجامدة .. انا لله وانا اليه راجعون ..
ده هيحصل بأنك تتخيل الميل المناسب للطيارة عشان توصل لنقطة معينة ( الموضوع مش صعب وزيه زى توجيه السيارة ف ملف او على الطريق .. نسبة وتناسب بين العقل والعين ) .. بعد الضغطة على زر الـ Left arrow استنى لما تلاقى زاوية الميل وصلت للدرجة الى انت عاوزها كطيار عشان تروح للمدرج وبعدين عدل وضعية الـ alerions بضغط Shift + numad 5 لما توصل للدرجة دى على الـ Attitude indicator هتلاقى الطيارة ميلها وقف لغاية الدرجة دى وبدأ يتراجع للصفر او وضعية الطيران المستقيم .. وهكذا بالنسبة للدوران نحية اليمين ..


يعني الخطوات ببساطة :
----------------
1 - تحدد زاوية الميل المطلوبة للوصول لنقطة معينة , عن طريق ربط العين بصوابعك الى على الكيبورد والموضوع محتاج مران مش اكتر.

2 - تحديد اتجاه الدوران .. يمين او يسار .. وده عن طريق الـ Right arrow او الـ Left arrow وزى ما قلت ضغطة سريعة لمحية كافية .. الا لو عايز الطيارة تلف بسرعة كبيرة عشان ترجعها لوضعها الأصلى .

3 - لما توصل الطيارة لدرجة الميل المطلوبة على الـ attitude indicator عدل وضعية الجنيحات او مقود الطيارة بالضغط على shift + numpad 5 . وقلتنا ف الحالة دى ان ميل الطيارة هيقف عند زاوية الميل الى عندها عدلت وضعية الجنيحات وهيتراجع تنازليا للصفر ..

4 - سيب الطيارة تلف براحتها .. ولو وصلت قبل النقطة الى عايز تروح ليها او المدرج بشوية حاول ترجع الطيارة للطيران المستقيم ( زاوية ميل صفر ) .. و كل ما زادت مدة ضغطتك للأسهم كل ما زادت سرعة الميل .

5 - اضغط shift + numpad 5 لحفظ ميل الطائرة عند درجة صفر .

6 - ممكن تحتاج انك تكرر العملية دى كذا مرة عشان توصل للنقطة بالضبط ... بس المطلوب منك انك تفتح السيميوليتور وتدرب نفسك على الدرس ده .
------> على فكرة ممكن تغير الأوبشنز للكيبورد وتخلى تعديل وضعية الجنيحات لصفر درجة بضغطة زر واحد انت تحدده على الكيبورد للسهولة .

ياريت تكونوا فهمتوا والى عنده استفسار ... انا تحت امره .

[ahmedhakim]

شرح جميل ومفصل وجارى التجربة ياباشمهندس
اخوك حكيييييييييم

[gtxkbtn]

شكرآ لك على الشرح بمأني مبتدي اعتمد في الهبوط بنضام ISL واخطآ كثير
لكن راح استفيد الكثير والكثير في المراحل المتقدمة انشالله..شكرآ لك

[Marwan Hamed]

Up^^^^^^^^^

[Captain M-Jamal]

جاري التجربة يا إخوان