[Princees]

السلام عليكم ورحمة الله وبركاته

اعلنت شركة مصر للطيران عن الوظائف التالية بجريدة الأخبار فى يوم
5/4/2009 بصفحة رقم 23 وكان نص الإعلان كالآتى:

إعلان خارجى رقم 21/2009
الشركة القابضة لمصر للطيران

تعلن حاجة شركة مصر للطيران للخدمات الأرضية لشغل الوظائف بنظام التعاقد بالشروط الأتية:

الوظيفة ضابط حركة تحميل

أسلوب الشغل تعاقد
الشروط:
- مؤهل عال مناسب عدا الكليات العملية (طب/ هندسة / صيدلة/ علوم).
- إجادة اللغة الإنجليزية إجادة تامة.
- إجادة الحاسب الآلى إجادة تامة.
- السن لا يزيد عن 30 سنة.

الوظيفة فنى تشغيل معدات/ حداد/ كهرباء/ سمكرة/ برادة/ خراطة/ بطاريات/ نجارة

اسلوب الشغل تعاقد
الشروط:
- مؤهل متوسط/ فوق متوسط صناعى فى التخصص.
المطلوب:
- السن لا يزيد عن 30 سنة

الوظيفة حرفى كهرباء/ سمكرة/برادة/خراطة/بطاريات/نجارة

اسلوب الشغل تعاقد
الشروط:
- الإعدادية
- خبرة فى مجال التخصص
- المطلوب:
- السن لا يزيد عن 30 سنة.

الوظيفة سائق

اسلوب الشغل تعاقد
الشروط:
- الإعدادية
- الحصول على رخصة قيادة درجة أولى/ ثانية.
- شهادة خبرة بتطويرات الرخصة لا تقل عن خمس سنوات
المطلوب:
- السن لا يزيد عن 35 سنة.

الوظيفة سائق موتوسيكل

اسلوب الشغل تعاقد
الشروط:
- الإعدادية
- الحصول على رخصة دراجة بخارية
- السن لا يزيد عن 30 سنة.

شروط عامة:

1- يقتصر التقديم على الذكور فقط لطبيعة العمل.
2- قبول العمل بنظام النوبات.
3- ان يكون المتقدم من ابناء القاهرة الكبرى او المقيمين فيها على ان يكون العنوان مدوناً ببطاقة تحقيق الشخصية.
4- الإنتهاء من تأدية الخدمة العسكريو والوطنية درجة اخلاق لا تقل عن جيدة جدا او الإ عفاء منها أو تحت الطلب لمدة ثلاث سنوات
5- بالنسبة للمتقديمن العاملين حالياً بالشركة القابضة لمصر للطيران او الشركات التابعة لها يشترط موافقة رئيس القطاع المختص او رئيس مجلس إدارة الشركة التابعة حسب الإختصاص.
6- تقدم الطلبات على النموذج المعدلذلك بإدارة شئون الخدمة بالإدارة العامة للموارد البشرية بشركة مصر للطيران للخدمات الأرضية - بجوار صالة الوصول رقم (1) المطار القديم وذلك خلال الفترة من 12/4/2009 وحتى 26/4/2009 من الساعة الثانية ظهراً حتى الخامسة مساء مسوفاة رسم الدمغة وقدره 105 قروش وصورتان فوتوغرافيتان حديثة مقاس 6x4 بالإضافة الى صور المستندات التالية:
- المؤهل الدراسى
- شهادة الميلاد
- شهادة الخبرة
- بطاقة الرقم القومى سارية
- المعاملة العسكرية كما هو موضح بعاليه
7- توريد المصروفات الإدارية المقررة بواقع عشرين جنيها المؤهل العالى ، وخمسة عشر جنيها للمؤهل المتوسط وفوق المتوسط ، خمسة جنيهات للإعدادية.
8- تطبيق القوانين واللوائح المعمول بها.

مع اطيب امنياتى بالتوفيق للجميع

[ahmedmedhat83]

هل ظابط التحميل هو موظف حجز الطيران ؟؟؟

[nor_islam]

مشكورررررررررررررررررر

فى حد عندة فكرة عن مرتبات مصر للطيران وعدد ساعات العمل ؟؟؟؟

[reda bond (HR)]

اقتباس:     المشاركة الأصلية كتبت بواسطة ahmedmedhat83  

هل ظابط التحميل هو موظف حجز الطيران ؟؟؟

اختلاف تام بين الوظيفتين
ضابط حجز وبيع ده المسئول عن حجز وبيع التذكرة فقط بجميع مراحلها

ضابط التحميل
ده يتبع الخدمات الأرضيه وبتكون مسئول عن تحميل الطائرة ومتابعه العمل عليها
يعنى بتكون فى المهبط تحت الطياره

[reda bond (HR)]

اقتباس:     المشاركة الأصلية كتبت بواسطة nor_islam  

مشكورررررررررررررررررر

فى حد عندة فكرة عن مرتبات مصر للطيران وعدد ساعات العمل ؟؟؟؟

هو طبعا انت محددتش انهى وظيفه
بس هفترض انك بتتكلم عن ضابط التحميل
حوالى 1400 جنيه فى الشهر كبدايه
بخلاف التذاكر والعلاج للموظف وأسرته
عدد ساعات الشغل 8 ساعات بنظام النوبات

[Princees]

اقتباس:     المشاركة الأصلية كتبت بواسطة reda bond (HR)  

اقتباس: المشاركة الأصلية كتبت بواسطة ahmedmedhat83
هل ظابط التحميل هو موظف حجز الطيران ؟؟؟

اختلاف تام بين الوظيفتين
ضابط حجز وبيع ده المسئول عن حجز وبيع التذكرة فقط بجميع مراحلها

ضابط التحميل
ده يتبع الخدمات الأرضيه وبتكون مسئول عن تحميل الطائرة ومتابعه العمل عليها
يعنى بتكون فى المهبط تحت الطياره




هو طبعا انت محددتش انهى وظيفه
بس هفترض انك بتتكلم عن ضابط التحميل
حوالى 1400 جنيه فى الشهر كبدايه
بخلاف التذاكر والعلاج للموظف وأسرته
عدد ساعات الشغل 8 ساعات بنظام النوبات

جزاك الله خيراً يا أخ رضا على التوضيح
واسعدنى مروركم الكريم

دمتم فى رعاية الله

[tamer_sawaby]

ضابط حركة التحميل يعمل بنظام النوبات

[nor_islam]

اقتباس:     المشاركة الأصلية كتبت بواسطة reda bond (HR)  

هو طبعا انت محددتش انهى وظيفه
بس هفترض انك بتتكلم عن ضابط التحميل
حوالى 1400 جنيه فى الشهر كبدايه
بخلاف التذاكر والعلاج للموظف وأسرته
عدد ساعات الشغل 8 ساعات بنظام النوبات

مشكور اخى الكريم على الرد هو فعلا انا بتكلم عن ضابط التحميل

وسؤال تانى بعد اذنك هو ممكن حد يقدم لو سنة 31سنة ولا التقديم لحد 30 سنة فقط؟؟

مع جزيل الشكر...

[reda bond (HR)]

اقتباس:     المشاركة الأصلية كتبت بواسطة nor_islam  

مشكور اخى الكريم على الرد هو فعلا انا بتكلم عن ضابط التحميل

وسؤال تانى بعد اذنك هو ممكن حد يقدم لو سنة 31سنة ولا التقديم لحد 30 سنة فقط؟؟

مع جزيل الشكر...

كل الوظائف اللى نازلة فى الاعلان ده محدده بسن 30 سنه
ماعدا وظيفة سائق 35 سنه وده لسبب أنهم طالبين شهادة خبرة بتطورات الرخصة لا تقل عن 5 سنين

[nor_islam]

اقتباس:     المشاركة الأصلية كتبت بواسطة reda bond (HR)  

كل الوظائف اللى نازلة فى الاعلان ده محدده بسن 30 سنه
ماعدا وظيفة سائق 35 سنه وده لسبب أنهم طالبين شهادة خبرة بتطورات الرخصة لا تقل عن 5 سنين

مشكور على ردك واهتمامك

وياترى بينزل اعلانات لفوق سن 30 ولا كل اعلانات مصر للطيران

بتحدد سن 30 كحد اقصى

وفين عامل الخبرة !!!!!!

[reda bond (HR)]

اقتباس:     المشاركة الأصلية كتبت بواسطة nor_islam  

مشكور على ردك واهتمامك

وياترى بينزل اعلانات لفوق سن 30 ولا كل اعلانات مصر للطيران

بتحدد سن 30 كحد اقصى

وفين عامل الخبرة !!!!!!

أولا
كل الاعلانات بتنزل محددة بسن الـ 30 سنه
الا نادراً فى بعض التخصصات ودى احتمالاتها ضعيفه

ثانيا
حضرتك بتستغرب وبتسأل عن عامل الخبرة ؟؟
لو فكرت شويه هتعرف اننا الحمد لله كل اللى عندنا معاهم خبرة عاليه اكتسبوها عندنا ونعتبر كمان بنصدر الخبرة دى لشركات تانيه

واكبر دليل خطف اغلب شركات الطيران العربيه لموظفى مصر للطيران
وده راجع لاننا دايما بنربى جيل تانى وبيتم نقل الخبرة ليهم

[م.عمرو]

السلام عليكم ورحمة الله وبركاته

الأستاذ الفاضل رضا

حبيت اسأل حضرتك بخصوص وظيفة ضابط حركة تحميل بالنسبة للنتيجة وإعلان جدول الفائزين في الوظيفة بيظهر بعد قد ايه؟ لأني سمعت ناس بتقول ان الواحد عشان يعرف اذا اسمه هينزل في جداول المقبولين ولا للاء الموضوع ممكن يستغرق حوالي 6 شهور بحالها، فياريت الافادة في النقطة دي ولو عندك اي معلومات تانية بخصوص الوظيفة دي او نصائح تفيدنا بيها يبقى جزاك الله كل الخير

[Princees]

اقتباس:     المشاركة الأصلية كتبت بواسطة reda bond (HR)  

كل الوظائف اللى نازلة فى الاعلان ده محدده بسن 30 سنه
ماعدا وظيفة سائق 35 سنه وده لسبب أنهم طالبين شهادة خبرة بتطورات الرخصة لا تقل عن 5 سنين




أولا
كل الاعلانات بتنزل محددة بسن الـ 30 سنه
الا نادراً فى بعض التخصصات ودى احتمالاتها ضعيفه

ثانيا
حضرتك بتستغرب وبتسأل عن عامل الخبرة ؟؟
لو فكرت شويه هتعرف اننا الحمد لله كل اللى عندنا معاهم خبرة عاليه اكتسبوها عندنا ونعتبر كمان بنصدر الخبرة دى لشركات تانيه

واكبر دليل خطف اغلب شركات الطيران العربيه لموظفى مصر للطيران
وده راجع لاننا دايما بنربى جيل تانى وبيتم نقل الخبرة ليهم

جزاك الله خير الجزاء على تعاونك مع الأعضاء الكرام والتوضيح المفصل لهم
اطيب امنياتى لك بكل توفيق
دمتم فى رعاية الله

[Princees]

اقتباس:     المشاركة الأصلية كتبت بواسطة م.عمرو  

السلام عليكم ورحمة الله وبركاته

الأستاذ الفاضل رضا

حبيت اسأل حضرتك بخصوص وظيفة ضابط حركة تحميل بالنسبة للنتيجة وإعلان جدول الفائزين في الوظيفة بيظهر بعد قد ايه؟ لأني سمعت ناس بتقول ان الواحد عشان يعرف اذا اسمه هينزل في جداول المقبولين ولا للاء الموضوع ممكن يستغرق حوالي 6 شهور بحالها، فياريت الافادة في النقطة دي ولو عندك اي معلومات تانية بخصوص الوظيفة دي او نصائح تفيدنا بيها يبقى جزاك الله كل الخير

اخى الفاضل
فعلا التقديم للوظائف بمصر الطيران حتى إعلان النتيجة بتاخد فترة وفعلا هى حوالى6 شهور او اكثرفمثلاً
انا كنت مقدمة فى وظيفة ضابط حركة فى شهر 11 تم تحديد ميعاد اختبار اللغة فى شهر 12واعلنت نتيجة اختبار اللغة فى آخر شهر1 وتم تحديد المقابلة فى شهر 2 وكان من المفروض ان تظهر النتيجة فى شهر 4 ولكنها تاجلت لشهر 5 وبعدها يتم تحديد ميعاد للكشف الطبى واعلان نتيجته ومن ثم يخصغ المقبولين لتدريب مدته 45 يوم بقطاع التدريب تم يبدء فى العمل بالمحطة
ولكن عن تجربة هى فرصة رااااااااااااائعة وتستحق الصبر والتضحية قليلاً فيكفى انك بالمقابل ستعمل بشركة لها سمعتها ووضعها كشركة مصر للطيران وهو حلم يتهافت عليه الجميع
فصبراً جميلاً والله المستعان
مع اطيب امنياتى للجميع بالتوفيق

[tito301]

جزاكم الله كل خير يا شباب

بس كان ليا 3 اسئله لو امكن حد يرد عليها


ايه طبيعه الشغلانه دى عموما وياريت تبعتلى كل اللى تعرفه عنها

الاستفسار الاول

اولا نظام الامتحانات بتاعه الانجلش في معهد القوات المسلحه بتكون سهله ولا تيفول وبعككه وتطلع الروح

الاستفسار التانى

لو قدمت وحصل والحمد لله اقبل في ضمن الناس اللى هاتعمل الانتر فيوهات والامتحانات هاعرف منين وياتري هايبعتولى ولا هايتصلو بيا ولا ايه النظام

الاستفسار التالت

مواعيد الانتر فيوهات والامتحانات نعرفها منين وهل فيه درجه معينه في الامتحان بتحدد نجاحك من سقوطك وياتري بتكون من كام كمان فيه امتحان كمبيوتر الحمد لله انا اساسا كنت شغال فنى صيانه حاسبات في احدى شركات الكمبيوتر وممتهنه بقالى 7 سنين بس المقلب انى حمار اكسل واكسس وفرونت بيج

واكون شاكر لو حد ادانا كل اللى يعرفه عن مصر للطيران والتقديم فيها

[reda bond (HR)]

اقتباس:     المشاركة الأصلية كتبت بواسطة م.عمرو  

السلام عليكم ورحمة الله وبركاته

الأستاذ الفاضل رضا

حبيت اسأل حضرتك بخصوص وظيفة ضابط حركة تحميل بالنسبة للنتيجة وإعلان جدول الفائزين في الوظيفة بيظهر بعد قد ايه؟ لأني سمعت ناس بتقول ان الواحد عشان يعرف اذا اسمه هينزل في جداول المقبولين ولا للاء الموضوع ممكن يستغرق حوالي 6 شهور بحالها، فياريت الافادة في النقطة دي ولو عندك اي معلومات تانية بخصوص الوظيفة دي او نصائح تفيدنا بيها يبقى جزاك الله كل الخير

الأختبارات بتاخد تقريباً من 3 إلى 5 شهور
تقريبا

[Princees]

اقتباس:     المشاركة الأصلية كتبت بواسطة tito301  

الاستفسار الاول

اولا نظام الامتحانات بتاعه الانجلش في معهد القوات المسلحه بتكون سهله ولا تيفول وبعككه وتطلع الروح

أولا: الإمتحانات بتكون فى الجامعة الأمريكية مش فى معهد القوات المسلحة وفعلاً بتكون تويفل
وأمثلة من الإمتحانات دى ممكن تحمل الإمتحانات دى وهى رااااااائعة لانها بوقت وبتديك سكور على إجاباتك
https://www.4shared.com/file/87910571...b8c/Toefl.html

اقتباس:     المشاركة الأصلية كتبت بواسطة tito301  

الاستفسار التانى

لو قدمت وحصل والحمد لله اقبل في ضمن الناس اللى هاتعمل الانتر فيوهات والامتحانات هاعرف منين وياتري هايبعتولى ولا هايتصلو بيا ولا ايه النظام

بعد إمتحان اللغة بيتحدد ميعاد تروح تشوف إسمك من ضمن الناجحين أم لا وبيتحدد بعده مقابلة شخصية وميعادها ومكانها

اقتباس:     المشاركة الأصلية كتبت بواسطة tito301  

الاستفسار التالت

مواعيد الانتر فيوهات والامتحانات نعرفها منين وهل فيه درجه معينه في الامتحان بتحدد نجاحك من سقوطك وياتري بتكون من كام كمان فيه امتحان كمبيوتر الحمد لله انا اساسا كنت شغال فنى صيانه حاسبات في احدى شركات الكمبيوتر وممتهنه بقالى 7 سنين بس المقلب انى حمار اكسل واكسس وفرونت بيج

واكون شاكر لو حد ادانا كل اللى يعرفه عن مصر للطيران والتقديم فيها

ايوه فى درجة من 75% الأقل بيعتبر ساقط والمواعيد بتكون متعلقة جانب مكتب التعينات الى بتقدم فيه فى المطار القديم بجوار صالة (1) وصول
وحكاية امتحان كمبيوتر دى مش عارفها ويمكن حد تانى يقدر يفيدك فى النقطة دى

وربنا يوفقك الجميع

[برنسيسة]

بالتوفيق للجميع ان شاء الله

[Princees]

اقتباس:     المشاركة الأصلية كتبت بواسطة برنسيسة  

بالتوفيق للجميع ان شاء الله

حبيبى نورتى الموضوع
دمتى فى رعاية الله

[reda bond (HR)]

تعليق بسيط
الامتحانات بالنسبه للمهندسين هتكون فعلا فى معهد القوات المسلحه

شركة الخطوط بس هى اللى بتتعامل مع الجامعه الامريكية فى اختبار ضباط الحركه والبيع والطيارين والضيافة
غير كده اغلب الامتحانات بتكون فى القوات المسلحه
ونسبة النجاح بتختلف حسب اعداد الناجحين
يعنى ممكن تكون من 65% حتى 80%

[عاشق الطيارات]

شكراً لك على الخبر الحلوو....بالتوفيق للجمييع.....

[tito301]

شكرا Princees على الاجابه الواضحه بس ياريت ليا استفسار تانى لو مايضيقكش


بالنسبه لامتحانات يعنى مثلا التقديم خلص يوم 26/4 زي ماهو مكتوب في الامتحان هل بيصفوهم ويبداو يمتحنو الناس اللى بقيو بعد التصفيه ولا بيمتحنو كل اللى قدمو والامتحانات هي اللى بتصفي

تانى سوال

بالنسبه لو الواحد نجح في الامتحان منين بيعرف معاد ظهور النتيجه اصلى بالنسبه لموقفي انا ساكن بعيد عن المطار بمسافه ساعتين فاعيز اعرف وسيله اكون متابع بيها كل حاجه ياريت تساعدنى

بالنسبه لو واحد بطاقته بنها قليوبيه وهما زى الاعلان ما بيقول عايزين القاهره الكبرى هل معنى كده انى ممكن اقدم ولا لازم اغير محل الاقامه

[Princees]

اقتباس:     المشاركة الأصلية كتبت بواسطة reda bond (HR)  

تعليق بسيط
الامتحانات بالنسبه للمهندسين هتكون فعلا فى معهد القوات المسلحه

شركة الخطوط بس هى اللى بتتعامل مع الجامعه الامريكية فى اختبار ضباط الحركه والبيع والطيارين والضيافة
غير كده اغلب الامتحانات بتكون فى القوات المسلحه
ونسبة النجاح بتختلف حسب اعداد الناجحين
يعنى ممكن تكون من 65% حتى 80%

جزاك الله خيراً على التفصيل والتوضيح

دمتم فى رعاية الله

[Princees]

اقتباس:     المشاركة الأصلية كتبت بواسطة tito301  

شكرا Princees على الاجابه الواضحه بس ياريت ليا استفسار تانى لو مايضيقكش

بالنسبه لامتحانات يعنى مثلا التقديم خلص يوم 26/4 زي ماهو مكتوب في الامتحان هل بيصفوهم ويبداو يمتحنو الناس اللى بقيو بعد التصفيه ولا بيمتحنو كل اللى قدمو والامتحانات هي اللى بتصفي

تانى سوال

بالنسبه لو الواحد نجح في الامتحان منين بيعرف معاد ظهور النتيجه اصلى بالنسبه لموقفي انا ساكن بعيد عن المطار بمسافه ساعتين فاعيز اعرف وسيله اكون متابع بيها كل حاجه ياريت تساعدنى

بالنسبه لو واحد بطاقته بنها قليوبيه وهما زى الاعلان ما بيقول عايزين القاهره الكبرى هل معنى كده انى ممكن اقدم ولا لازم اغير محل الاقامه

لا مضايقة ولا حاجة يا اخى الفاضل اى استفسار ستجدنا جميعا مستعدين لإجابته باذن الله ولا تنسى حديث الحبيب صلى الله عليه وسلم:"خيركم للناس انفعكم للناس" صدق رسول الله صلى الله كعليه وسلم
أولاً:اعتقد انهم بيمتحنوا كل الى بيقدموا بعد التأكد من مطابقة شروط الوظيفة عليه واستيفاء جميع الأوراق المقدمة للوظيفة ثم تبدء الإمتحانات وهى الى بتصفى وبعد كده المقابلة وطبعا بيتصفى فيها برضه

وثانياً:بالنسبة لمعرفة النتيجة هما بيبلغوك بعد الإمتحان عن ميعادها وانت بتروح تشوفها فى لوحات بجانب مكتب التعينات بجوار صالة (1) وصول فى المطار القديم او ممكن وانت بتقدم تطلب من مكتب التعينات رقم تليفونهم وتبقى تكلمهم وتابع معاهم

وثالثاً: بالنسبة لموضوع البطاقة والسكن
فعذراً لا املك رداً على إستفسارك
و نرجوا من الأخ رضا الإفادة فى هذة النقطة وتصحيح معلوماتى السابقة اذا كان بها اى خطأ
مع امنياتى للجميع بالتوفيق

[tito301]

شكرا جدا للعضو Princees

اولا بالنسبه لموضوع البطاقه انا غيرت محل الاقامه وامري لله بس ياريت الاستاذر رضا يرد علي الاستفسار برضه
ثانيا
انا مؤهلى خدمه اجتماعيه وهما طالبين في الاعلان مؤهل عالى مناسب ومقدم شهادات لغه من معهد القوات المسلحه وشهاده كمبيوتر
السوال
هل مؤهل عالى مناسب يعنى اى مؤهل ولا موهلات محدده يعنى الشرط ده ينطبق عليا ولا لا

السوال التانى

بالنسبه لمكتب التعيينات هل بيتعاونو معاك ويقولو على مواعيد الامتحانات والانترفيوهات بصراحه ولا بيقولولك لسه واستنى ويكون الامتحانات فعلا شغاله ويضيعو الفرصه علينا معلش اصلى من النوع الموسوس شويه

بارك الله فيكم جميعا

[reda bond (HR)]

اقتباس:     المشاركة الأصلية كتبت بواسطة tito301  

شكرا جدا للعضو Princees

اولا بالنسبه لموضوع البطاقه انا غيرت محل الاقامه وامري لله بس ياريت الاستاذر رضا يرد علي الاستفسار برضه
ثانيا
انا مؤهلى خدمه اجتماعيه وهما طالبين في الاعلان مؤهل عالى مناسب ومقدم شهادات لغه من معهد القوات المسلحه وشهاده كمبيوتر
السوال
هل مؤهل عالى مناسب يعنى اى مؤهل ولا موهلات محدده يعنى الشرط ده ينطبق عليا ولا لا

السوال التانى

بالنسبه لمكتب التعيينات هل بيتعاونو معاك ويقولو على مواعيد الامتحانات والانترفيوهات بصراحه ولا بيقولولك لسه واستنى ويكون الامتحانات فعلا شغاله ويضيعو الفرصه علينا معلش اصلى من النوع الموسوس شويه

بارك الله فيكم جميعا

أولا
بالنسبه للبطاقه لازم طبعا القاهرة الكبرى وكويس انك غيرتها

ثانيا

مؤهل عالى يشمل الخدمه الاجتماعيه والتجارة والحقوق ... وأى مؤهل دراسى عالى زادت عدد سنين الدراسه فيه عن اربع سنين

ثالثا
طبعا التعيينات هيتعاونوا ومن غير ما انت ما تطلب
انا قلت قبل كده
ان وانت بتقدم الورق بتلاقى مكتوب فى الايصال ميعاد الإختبار
ويوم الاختبار هتعرف ميعاد النتيجة وهكذا

[tito301]

معلش لو كنت رغاى او فيها غلاسه يا استاذ رضا

بس فيه حجات كتير مش اعرفها وعايز افهمها
معلومه انهم بيمتحنو كل الناس اللى بيتقدمو دى صحيحه ولا لا

تانى حاجه انا من ساعه ماتخرجت وانا بحلم اشتغل في المطار لوجود قريب ليا هناك

علشان كده جبت الامتحانات وقاعدلها من دلوقتى

بس ياريت تقلى اكيد موضوع الاكسس والاكسل ده بالنسبه للكمبيوتر ولا لا وكمان اللغه موضوع التويفول ده حقيقي

[daved_smidts]

الاخ الفاضل tito301

https://www.flyingway.com/vb/member.php?u=56748

ارجو من حضرتك رفع الملفات بتاعت الامتحانات لو امكن

وارجو معرفه اذا كان في حد يعرف عن الاختبارات دي فعلا هم اللي بيتقبلوا ععدهم 6 من كل شعبه كليه وال6 دول بيكونوا معروفين بالاسامي ( كوسه يعني ) ولا العمليه بيس وماشيه صح

[tito301]

اساذى الفاضل الفايلات مرفوعه وموجوده في مشاركه برنسس بالنسبه للتويفل
اما الكمبيوتر فا باذن الله هارفعهم للكل

[dark_eagle]

اقتباس:     المشاركة الأصلية كتبت بواسطة Princees  

أولا: الإمتحانات بتكون فى الجامعة الأمريكية مش فى معهد القوات المسلحة وفعلاً بتكون تويفل

وأمثلة من الإمتحانات دى ممكن تحمل الإمتحانات دى وهى رااااااائعة لانها بوقت وبتديك سكور على إجاباتك
https://www.4shared.com/file/87910571...b8c/Toefl.html

معلش سؤال صغير هو امتحان تويفل دا بيكون ibt اللي هو الانترناشونال ودا اصعبهم ولا التويفل المحلي بتاع مصر ؟

وانا نزلت من اللينك اللي موجود نزل بس برنامج التويفل مش شغال بايظ

ياريت لو في لينك تاني اكون شاكر ليك

وشكررا