[الطيار الشايب]

يعني افهم من كلامك ما في غش ومشي حالك يعني تتخرج فاهم الطيران صح ولا لازم تعتمد على نفسك

[myj400]

بالتوفيق لك وللجميع كابتن الصخره وانا باذن الله متوجه الى الفلبين تقريبا ً شهر (11) نوفمبر اذا يسر الله
اتمنى اشوف كتاباتك وانت تعطينا اخبارك بعد الالتحاق بالطيران العماني وباذن الله تصير كابتن كبير
تحياتي للجميع

[الصخرة]

اخي الطيار الشايب بخصوص سؤالك انه ما في غش؟؟؟ انا اريدك تجي وتشوف المدرسة بنفسك وتتكلم مع الطلاب طالب طالب..وتشوف المدربين وعاااادي اسألهم يورونك اللوج بوك مالهم وشوف عدد الساعات اللي هم طاروها والخبرة اللي عندهم...وبعدين المدرسة تفرض قوانين صارمة على الطلاب مثل حضور الجراوند سكول اجباري مش على كيف الطالب ... ولازم قبل ما تروح امتحانات الـــ CAAP انك تعدي امتحانات المدرسة يعني هم حاطين بالهم عليك في كل شي..من ناحية الدراسة الارضية ومن ناحية الطيران , واذا انت مش مرتاح مع المدرب تقدر تتطالب بتغيير المدرب كما ان المدرسة تقوم شهريا باستدعاء الطلاب واحد واحد يعني كل واحد لحاله وتسألك اذا عندك مشاكل مع المدربين او عندك ملاحظة بخصوص اي شي...بصراحة اليابانيين ناس جدع ما عندهم لعب كل شي يمشي بنظام...اخواني انا ما اتكلم عن مدرستي علشان تجوووون فيها او اني ارغمكم على الشي هذا بس انا اريدكم تعرفوا ايش هي حقوقكم لما تبدأون الدراسة ولما تروحون اي مدرسة تعرفون اي المفروض تحصلونه مقابل ما دفعتوه..وربنا يوفق الجميع.

[الصخرة]

تحيـــــــــــــــاتي لك اخوي myj400 ان شاء الله راح اكون على تواصل بالمنتدى بعد رجوعي الى ارض الوطن..وان شاء الله الخطوة التالية هي اني اروح الى امارة العين بالامارات العربية المتحدة لعمل امتحان السيكومتريك ومن بعدها امتحان اللغة الانجليزية بالطيران العماني, وبذلك سأكون قد اتممت المتطلبات فما علي سوى الانتظار الى ما يقوم الطيران العماني باستقبال طلبات الالتحاق الجديدة وربنا يوفقك في دراستك ان شاء الله.

[دلوعه حبيبي]

بالتوفييق والله يسهل امورك انشاءالله

[الصخرة]

مشكورة اخــــــــــــــــتي طياره المستقبل وربنا ييسر امورك ان شاء الله..وكل عام وانتي بخير.

[ezzoo18]

الله يتمم لكـ على خير ويكتب لكـ النجاح والتوفيق ان شاء الله في المراحل القادمة يابطل

.....

اتمنى منك اخي ان تحدثني عن دراسة الدسباتشر في الفلبين وماهي الا يجابيات والسلبيات

وكان الله في عون الجميع

[الصخرة]

اخـــي العزيز ezzoo 18 بصراحة انا ما عندي خلفية عن ايجابيات وسلبيات دراسة الــflight dispatcher بالفلبين ...هنا بعض مواقع المدارس اللتي تقوم بتوفير هذا الكورس وانت خذ لك لفة فيها وتواصل معاهم وربنا يوفقك ان شاء الله, واتمنى من الشباب اللي لهم خلفية بالدراسة هذي انهم يزودوا اخونا بمعلومات اكثر...بخليك مع المواقع الآن, ما اعرف اذا كانت بتفيدك ولا لأ بس على الاقل بتكون عندك فكرة عن الكورس:
www.fltdisp.com
www.talatraining.wordpress.com

[fawzi]

من واقع خبرة في مدارس ومن علاقة بزملاء عن وضع مدراس الflight dispatcheلوطن العربي او في اسيا هناك افضل مكان وهو في مدينة دبي في كلية الامارات للطيران وبادارة جبسون للطيران ، ولك ان تسائل اخي الكريم ماذا تعني جبسون في عالم الطيران حتى يتحقق لك معرفتها ،،،،،،



ثانيا اسئل الله لك التوفيق اخي الصخرة في كل احوالك وان تجد فرصة في اسرع وقت ممكن ، ولكن اذا اتيت الى مدينة العين اتمنى ان تعطيني خبر عن طريق الايميل الخاص او عن طريق الرسائل الخاصه ،،، التوفيق للجيمع يارب

[الصخرة]

باذن الله أخي فوزي سوف أكون على تواصل معك قبل وصولي الى امارة العين .. لاني راح اعمل امتحان السيكومتريك هناك حيث انها من متطلبات الطيران العماني...وربنا يوفقك ان شاء الله.

[wldss]

اخوي الصخره

لو سمحت انت انسان خبره ولفيت وتعبت بالمدارس
وحابين نستفيد من خبرتك

رشح لنا ثلاث او اربع مدارس واهم شي ما في عندهم نظام تزوير الساعات وما تطول بالدراسه يعني اهم شي انك تطير كل يوم ساعتين يعني بالكثير ثمان اشهر ومخلص 270 ساعه

هذا ولك خالص الشكر والتقدير ( رجاء لا تهرب من السؤال ورشحنا مدارس غير مدرستك )

[الصخرة]

أخـــــــــــــي العزيز بصراحة انا ما اعرف مدارس ما عندها نظام تزوير الساعات..هو اكيد في بس انا ما لي دراية عنها.... انا مش رايح اتهرب عن سؤالك وكقرار فردي انا شفت هالمدارس من احسن المدارس في الفلبين والله أعلـــــــــــــم اذا كان قراري صحيح ولا خــــــاطئ, بس بجد انا لو فكرت في مدرسة ثانية غير مدرستي راح تكون المدارس التالية:
1.مدرسة اومني كلارك.
2.مدرسة سايكلون.

ما قدرت افكر في مدارس ثانية ولك من كل التحية.

[الطيار الشايب]

ممكن الموقع تبع اومني انا دورت علية بس ما لقيته

[الصخرة]

مراحب أخــــــــــــــــــي هذا موقع مدرسة اومني كلارك:
www.omniaviation.com
عندهم أسطول طائرات حلـــــو ومستوى التعليم عندهم أحسن من روعة...انا اعتبرها المدرسة رقم واحد في الفلبين.

[So3S]

السلام عليكم ورحمة الله و بركاته
انا انصحك في aviation of aviatour في بلد اسمها سيبو بالفليبين انا ادرس فيها حالياً و هي افضل مدرسة طيران فالفلبين بحيث انها ما تخرجك غير وانت طاير الساعات الي تبغاها الخطوط الي مسجل فيها انت او الي انت تبغاها. زائد انها تخرجك و انت فاهم الطيران صح . و لمن ترجع البلد الي تبغى تقدم فيها مثلا السعودية بتكون جاهز لكل اختبارتهم الكتب الي يستخدمُها هنا هي jeppessen و هي اصعب من glime و الي هي مطلوبة فالخطوط بس الاختبارات هنا يجبولك الاسئلة من الكتابين.

أي استفسار ثاني انا عندك.
والله يوفق الجميع!

[الصخرة]

أخــــــــي So3S هذا التعقيب لاحد الاخوان الدارسين بمدرستك :

اقتباس: المشاركة الأصلية كتبت بواسطة abd7731

نطير كروس كنتري الى bocolod او iloilo او dumagete او cagyan وفيه مطارات كثير نروح لها
وعن المدرسه في وجهه نظري موكويسه

ولاتخلي خويك يروح يدرس فيها

[الصخرة]

هذي كانت نصيحته للشباب بخصوص مدرسة aviatour بسيبو ...اقصد مدرستك!!!!!

[الصخرة]

أخي لو تنزل موضوع كامل عن مدرسة AVIATOUR يكون افضل لانه كلام شخص واحد, ما يثبت انه المدرسة مش كويسة..وانت تعرف صعبة انه الكل يكون راضي..وانا بالفعل سمعت عن افياتور كثير وعجبني الكلام اللي سمعته...ولك مني كل التحيات

[wldss]

اخوي الصخره والله اني متابع لجميع مواضيعك ورددك وجزاك الله الف خير والله يكتبها لك اجر ان شاء الله لانك بصراحه صريح جدا جدا جدا

كم مدة الدراسة بمدرسة اومني وكذالك السعر ؟؟ ولماذا السعوديين ما يدرسون فيها ؟

[ك.أبو الندر]

أخويه الصخره بارك الله فيك ومشكووووووووووووووووووووووووووووووووور صراحه على موضوعك المميز وتواصلك المتكرر.... وبالتوفيق فمستقبلك القادم..... ولكن عندي سؤال ,,,هل هذي الجامع تقبل الفلسطينين زي حالاتي ولو حبي اتوفظف فالخطوط السعوديه او الإمراتيه يقبلوني ولا لا؟؟
ارجو يكون سؤالي مفهوم وانا بانتظار ردك على احر من الجمر... تقبل ارق تحياتي ابو الندر......:jumping:

[الصخرة]

مراحب أخي أبو الندر..بخصوص القبول فمدارس الفلبين بشكل عام تقبل الطلاب من الجنسية الفلسطينية ما فيها مشكلة..بخصوص الحطوط السعودية فاللي اعرفه انه ما يقبلون غير السعوديين واذا انا غلطان فالرجاء من الاخوة تصحيحي..الخطوط الاماراتية تقبل رخصة الـــ JAA ويطلبون منك خبرة وعدد ساعات هائلة وهم حاليا صاروا يبعثون الطلاب على حسابهم واكثر شي صاروا يسهلوا الامور للشباب من الجنسية الاماراتية ما يحددون لهم رخصة معينة لانهم يريدون يوفروا الوظائف لمواطنيهم كأكثر الدول الان..بس انت كشاب مش اماراتي فهم بيحددون لك ويقولوا نريد رخصة الــ JAA وبالتوفيق ان شاء الله.

[s_m_k_1]

مشكور يالصخرة علي الموضوع الجميل

صدقني رجعت أفكر بالدراسة في الفلبين بعد ما شلت الفكره من بالي

مداخلة بسيطة

تكلفة دراسة اللغة الإنجليزية لمدة أربع أسابيع بعدد ساعات 80ساعة بالشهر في المعهد تقريباً 1900ريال سعودي

تطلع بالعملة الفلبينية 300بيسو للساعة الواحده

الجميل أنه يمكنك البدأ في أي وقت

يمكن مراجعة الرابط التالي
https://www.aaa-central.com/en/csf/index10.html

بالتوفيق للجميع إن شاء الله

مع التحيه

[ك.أبو الندر]

أولا افهم من كلامك اخوي الصخره انو الخطوط ما تقبل شاب فلسطيني...واذا كلامي غلط قلي اي خطوط تقبل...ثانيا هل الجامعه الي انت فيها تعطيني رخصهAPTL ...أعذرني لو ثقلت عليك بس محتاج الأجوبه...

مع ارق تحياتي أبو الندر....

[الصخرة]

مراحب عزيزي ابو الندر بالنسبة لكلامي فكان فقط عن الخطوط السعودية ..ولكن طيران الامارات تقدر تنضم الى اسطولهم بس مثل ما خبرتك تحتاج رخصة الــ JAA وثانيا يحتاج لك ساعات هائلة للانضمام لهم وهذا يشملني انا وانت والاخوان الثانيين اللي مش من الجنسية الاماراتية..انت كشاب فلسطيني تقدر تسجل في طيران الخليج وفي طيران العربية والاتحاد كذلك .. تقدر تدخل على موقع طيران الخليج وطيران العربية وتشوف متطلباتهم لانه ما محددين الجنسية هناك وبالنسبة لطيران الاتحاد فانت تقدر تحصل على ابتعاث منهم اذا عديت اختباراتهم باذن الله وربنا يوفقك امين يا رب...الـــ ATPL في الفلبين اكثر الدول ما تعترف فيه..اعطيك مثال انا كشاب عماني اذا تحصلت على الــ ATPL من الفلبين فالطيران العماني ما يقبله .. فالطيران العماني قام بتحديد كليات معينة في العالم هي تعترف بالــ ATPL منها واقصد بالــ ATPL الـــ FROZEN ATPL طبعا..لانه علشان يكون عندك ATPL عليك بالطيران 1500 ساعة ولكن خطوط الطيران حاليا تسهل الامور على الشباب وتطلب منهم FROZEN ATPL وهي عبارة عن دراسة نظرية ومدتها تقريبا 3 أشهر ونفس الحاجة لو تدخل على موقع طيران الخليج بتحصل في المتطلبات انهم يرغبون بـــ ATPL او FROZEN ATPL واي معلومات زيادة ان شاء الله انت تامر بس والشباب في المنتدى ما بيقصروا معاك بعد وبالتوفيق ان شاء الله.

[ك.أبو الندر]

ما يأمر عليك ظالم اخوي والله ما قصرت بس أخر شي لوتديني الموقع حق هذي الخطوط اكون مشكور لك ومقدر جهودك....وتسلم جعله الله في موازين حسناتك..... تحياتي لك أبو الندر...

[كابتن حمزه]

شباب كل واحد يقول كلام ماني عارف اش اسوي افيدوني اذا ماعليكم امر بالدول اللي فيها مدارس طيران معتمده وانا بصراحه حاط في بالي الفلبين بس متردد وابغى اعرف اشلون المعيشه وكم تكلفة الدراسه في الفلبين معليش طولت عليكم اعذروني ويعطيكم الف عافيه

[sultansm1]

وبعدين اش صار , ما كملت القصة

[Abdulaziz-8]

اقتباس:     المشاركة الأصلية كتبت بواسطة sultansm1  

وبعدين اش صار , ما كملت القصة

شايف تاريخ الموضوع ياشيخ ؟ ههههه

[Jzairi]

الله يوفقك وين ما كنت يا رب

[أدهم أسامة]

بالتوفيق ان شاء الله ونشوفك كابتن