[سعد بن عادل]

بسم لله الرحمن الرحيم
السلام عليكم ورحمة الله وبركاته
اما بعد :
انا على مشارف التخرج من الثانويه باذن لله وابغى اصير طيار بس اللي سمعته ان مو كل مدرسه معتمده لدى الخطوط السعوديه ولغتي مو قويه مرره اتمنى منكم الافاده وين افضل مدرسة طيران تكون مطابقه لشروط الخطوط السعوديه وكم تكلفتة الدراسه ( ابغى شرح تفصيلي الله لا يهينكم )


شاكر لكم والله يوفق الجميع

[القائــد]

اقتباس:     المشاركة الأصلية كتبت بواسطة سعد بن عادل  

بسم لله الرحمن الرحيم
السلام عليكم ورحمة الله وبركاته

وعليكم السلام ورحمة الله وبركاته


اما بعد :
انا على مشارف التخرج من الثانويه باذن لله

الله يوفقك



وابغى اصير طيار


ان شاء الله


بس اللي سمعته ان مو كل مدرسه معتمده

طيب في مدارس معتمدة ؟ قولنا يمكن الي سمعت منه عنده علم

بعدين الي سمعت منه هل هوا طيار او يفقه في الطيران شئ ؟

ان كان طيار وقالك هذا الكلام فهوا جاهل وان كان غير ذلك الخطأ منك انك تسمع الكلام من غير اهله



لدى الخطوط السعوديه ولغتي مو قويه مرره

اللغة امرها سهل ان شاء الله لا تشيل همها


اتمنى منكم الافاده وين افضل مدرسة طيران تكون مطابقه لشروط الخطوط السعوديه وكم تكلفتة الدراسه ( ابغى شرح تفصيلي الله لا يهينكم )

مافي لا افضل مدرسة ولا بطيخ

الزبدة كلها انك تجيب رخصة من اي مكان في العالم وتسوي لها معادلة الى الرخصة السعودية

الا اذا درست طيران في احد المدارس السعودية مثل اجنحة رابغ ماراح تحتاج تسوي معادلة لانه رخصتك اصلا راح تكون سعودية

لكن اذا درست خارج السعودية في اي بلد اول شئ تسويه لمى تجي السعودية انك تسوي معادلة للرخصة الى السعودية وفقط وبعدها تبدا تقدم في الخطوط السعودية او طيران ناس

لا تسمع كلام اي احد الله يرضى عليك ولا تعطي اذنك لاي احد معقد جاهل راح يقولك انه الطيران صعب وانه ما حد يصير طيار الا بواسطة ومن هذا الكلام




شاكر لكم والله يوفق الجميع

الله يوفقك شد حيلك

[سعد بن عادل]

يعطيك العافيه م قصرت وعطيتني دافع الله يسعدك شاكر لك مرورك ي بطل

[Abu Bakr]

قد يكون كلامك صح بخصوص بعض المدارس الغير معتمدة لدى الخطوط السعودية مثل بعض المدارس الفلبينية التي اشتهرت بتزوير الساعات و إعطاء رخص طيران مقابل الفلوس والي انتشرت سمعتها في الخطوط و أصبحت الخطوط تدقق جدا على سجل ساعات الطيران لدى المتقدمين و على مستواهم التعليمي ، واحد يقلك يعني لو طرت 100 ساعة نفس الشي يلي طاير 250 ساعة ، هذا كلام غير صحيح و حاول لا تسمع من اي احد ،