[LARA]

انا متقدمة لوظيفة ظابط حركة-حجز بيع ومبيعات في مصر للطيران وحددوا ميعاد للامتحان يوم 30/5 بس كنت عاوزة اعرف الامتحان دة عبارة عن اية؟؟؟؟؟ ارجو الاجابة علي سؤالي والاهتمام به وشكرا لتعاونكم معي:iconloli:

[LARA]

فييييييييييييييييين النااااااااااااااااااااااس فيييييييييييييييين الرد علي سؤالي :poster_spam:

[RoMioX]

السلام عليكم أختى LARA
سا ست الكل احنا هنا منتدى مش ماسنجر فوري للردود
يعني مفيش رع ساعه بين الرد و الرد ده حتى لوكوداك هتستلمي بعد ساعه
ع العموم مبروك تقديمك لمصر للطيران بس فيه سؤال هل يوم 30/5 ده امتحان و لا انترفيو لأنه هيفرق و فى الحالتين ان شاء الله نساعدك لغايه لما يبقالنا رجل جديدة فى مصر للطيران .. بس انتى حددي.
و ليا طلب يا ريت تردي عليه باستفاضة .. يا ريت تتحكيلنا قدمتى إزاى و فين و إيه اللى حصل و كل التفاصيل المملللللللللللللللللللة .. لأني كنت عامل موضوع قبل كده عشان الناس تقدم فى مصر للطيران و الناس هرتني اسئلة و طبعا من غير رد لأنى مرحتش قدمت بنفسي.
و أكتر مشكلة قابلت أخواتنا البنات أنهم مش عارفين إذا كانت مصر للطيران بتقبل بنات و لا لأ و إيه هيا الشروط .. و أولهم Noorhan و lolo Abdullah
يا ريت لو تاخدى فيهم ثواب و "الدال على الخير كفاعلة" صدق الحبيب المصطفى عليه الصلاة و السلام.
و تاخدي فيا أنا كمان ثواب و تعرفيني قصدك عشان أعرف أساعدك عسي ان ربنا يبعتلي اللى يساعدنى.
و آسفين لتأخر الديليفري الكورنيش كان مقفول ;)
و السلام ختام.

[LARA]

:f62ar:اولا شكرا ليك علي الرد والاهتمام برسالتي
ثانيا: اسفة للازعاج
ثالثا: انا روحت قدمت حسب الاعلان الي كانوا منزيلينه في الاهرام الحقيقة اتصلت بيهم الاول واستفسرت اذا كانوا بيقبلوا بنات ولا لاء فاجابوا بنعم وسالتهم اذا بيقبلوا محجبين ايضا اجابوا بنعم فاخدت اوراقي وهي عبارة عن السي في- صورة كلا من شهادة الميلاد والبطاقة وشهادة الجامعة ودمغة ب جنيه و15 قرش تقريبا وقدمت
وادوني ورقة مكتوب فيها اني اجي يوم 30/5 للامتحان ومعرفش الصراحة امتحان اية وعبارة عن اية اة وعلي فكرة هما كانوا بيركزوا علي الؤهلات الي فيها لغات
ارجو اكون افادت حضرتك بالمعلومات والتفاصيل الممله وبمناسبة التفاصيل الممله انا روحت قدمت وكان معايا والدي وكانت الساعة حوالي 4 ونص يوم الاثنين الموالفق 7/4 وشكرا

[RoMioX]

أختنا الجميله LARA
شكراً كتييييير قوي لتوضيحك المهم جداً لكل الآنسات فى منتدى نظم الحجز
أنا متخيل فرحتهم قد إيه بكلامك ده .. بيقبلوا بنات و محجبات أو غير محجبات
ع العموم هما أغلب الظن هيكون امتحانهم فى نظام الأماديوس اللى هما شغالين بيه
أو عشان أكون واضح هما هيناقشوا الناس اللى ليهم خبرة فى الحجز و الطيران بما أنه ميزة فى السي في بتاعهم .. و هو مش هيكون امتحان لأنهم مش طالبين ناس عندهم خبرة فى الطيران (بس طبعا اللى عنده خبرة هيكون أفضل) و كده كده بيكون فيه فترة تدريب حوالي 6 شهور للتدريب على العمل .
أنا إن شاء الله هكلم ناس فى مصر للطيران و أعرف منهم النظام ماشي إزاى بالظبط .. بس نصيحة منى فى الفترة دي دربي نفسك على الأماديوس و أقري كتير من المنتدى هنا صدقيني المعلومات اللى هنا هتفيدك كتير قوى.
الملخص أنهم فى مصر للطيران هيهنموا أن الناس اللى هيخدوهم يتدربوا و يشتغلوا يكون سهل تدريبهم و عندهم فكرة عن مجال النقل الجوى و يا ريت لو عندهم خبرة فى نظم الحجز .. و هيحبوا يشوفوا مستوي اللغات على الأقل الأنجليزي.
و هما هيختاروا بالتفضيل بين المتقدمين للشغل .. عشان يختاروا أحسن طقم عمل متاح .. و تدريب أكبرشريحة من المتقدمين.
أقري المواضيع الخاصة بالحجز و أى مساعدة اسألي و ان شاء الله كلنا موجودين.
و على فكرة التفاصيل المملة دى مهمة فعلا
ينى مواعيد التقديم لغاية الساعة أربعة و نص شغالة و ان فيه مكان يقعد فيه الناس اللى ممكن يكونوا رايحين معانا زى الحاج والدك.
شكراً LARA و السلام ختام.

[LARA]

شكرا كتيييييييير لكلامك الي نصة مش فاهماه اصلا بس انا احب اوضح لسيادتك حاجة هو انا اصلا خريجة لغات وترجمة بتقدير جيد الحمد لله بس للاسف معنديش معلومات عن الاماديوس وحاولت افهمة عن طريق الموقع بس للاسف مفهمتش حااااااااااااااجة خااااااااااااالص بس الحقيقة مش عارفة دي مشكلة مين يمكن لاول مرة اشوفة او اعرفه ولان كمان مجال شغلي بعيد جدا عن مجال الحجز دة خصوصا لان عملي هو مديرة مشروع باحدي شركات السيراميك الكبيرة في مصربس فعلا انا محتاجة مساعدة جاااااااااااااامدة وتتطوع من الافراد الذو خبرة في هذا المجال(حجز )لاني بجد حابه جدا المجال دة ومستعدة لاي حاجة علشان اتعلمه وشكرا ليك استاذ RIMIOX علي اهتمامك برسالتي وارجو الرد عليها بسرعة وخصوصا ان الكورنيش فاضي دلوقتي ورايق

[husany99]

كويس والله

[Noorhan]

السلام عليكم
اولا يا جماعة انا فعلا فرحانة جدا بالموضوع ده انى استفدت منه لانى فعلا كنت عايزة اعرف من زمان كيفية التقديم لمصر للطيران شكرا LARA , وشكرا RIMIOX على معلوماتكو لكن ليا سؤال هل باب التقديم لسا مفتوح لانى مكنتش اعرف انه فى تقديم و يا ريت لو ممكن عنوان و تليفون مكتب التقديم و على فكرة انا عندى خبرة فى حجز الطيران لانى بشتغل على برنامج Sabre حاليا و تدربت على جليلو و دلوقتى بذاكر اماديوس و شكرا مرة تانية

[RoMioX]

السلام عليكم و رحمة الله
أظن LARA ممكن تساعدك أفضل منى فى العنوان و أرقام التليفونات لأنها سبق و قدمت
و بالنسبة للتقديم هو باب التقديم لسه مفتوح لغاية الآن و واضح أنهم لسه محتاجين ناس .. هو أول إعلان كان آخر معاد ليه 8 مارس .. بس LARA بتقول أنها قدمت على إعلان 7 أبريل .. و واضح أنهم لسه محتاجين ناس و ده شئ يطمن ان شاء الله .. بس مش كتير المعاد اللى 30 مايو ده.

اقتباس: شكرا كتيييييييير لكلامك الي نصة مش فاهماه اصلا

[Noorhan]

مرسى اوى RoMioXعلى ردك و يارب يشفى ماما و يقومها بالسلامة ان شاء الله و يعفى عنها

[RoMioX]

تسلمي و يسلم دعائك Noorhan
و يا ريت تتبادلي مع LARA المنفعة و تساعدوا بعض ان شاء الله
(كان الله فى عون العبد ما دام العبد فى عون أخيه)

[Noorhan]

ربنا يخليك وانا و LARA ان شاء الله نكون اصدقااء وانا مستعدة لمساعدتها فى حاجة اقدر عليها و لو ان انا لسا مبتدئة فى اماديوس
على العموم انا برضه فى انتظار ردها عن المعلومات الخاصة بالتقديم
؟؟؟؟؟؟؟بارك الله فيك

[RoMioX]

معلش هيا أكيد الكورنيش مأخرها ههههه
بس ان شاء الله ترد عليكي فى أقرب وقت
و طمنونا عليكوا خطوة بخطوة و لو تكلموا lolo abdullah كمان لأنها سألت على الموضوع ده و محتاجه مساعدتكوا برضه.
بارك الله فيكن أخواتنا.

[LARA]

هلا بيكي نورهان دة شيء يشرفني نكون اصدقاء بس حبيبتي الي اعرفة ان باب التقديم اتقفل خلاص وان ميعاد الامتحان يوم 30/5 ان شاء الرحمن بس تابعي جريدة الاهرام الصفحات الاخيرة منها وان شاء الله هتلاقي اعلان قريب لان الي اعرفة انهم طالبين ناس كتير للمجال دة بس الحقيقة انا مش معايا الارقام الان ممكن ادوركلك عليها وابعتهالك علي طول ولو حبيتي اني اسالك معنديش مانع واشكرك علي الاهتمام برسالتي
Mr.ROMIOX شكرا ليك علي الرد والاهتمام وربنا يشفي والدتك وتقوم بالسلامة ان شاء الله ويشفي كل مريض اللهم ااااااااامين

[lolo Abdullah]

معلش يا جماعة ممكن تقولوا نقدم فين والتفاصيل وكده اصل الواحد بيمتحن اليومين دول ومشغول ع الاخر

[lolo Abdullah]

ولو تتاكدوا ان باب التقديم ما قفلش ولا ايه؟ياريت حد يرد وشكرا علي ردك يا romiox بارك الله فيك يارب

[RoMioX]

الشكر لله lolo abdullah
و ان شاء الله تطمنونا عليكوا و تسمعونا أخبار كويسة بتوظيفكم ان شاء الله
ان شاء الله تعاونكوا مع بعض هيكون خير
و السلام عليكم و رحمة الله

[LARA]

هااااااااااااااااااااااي عليكوا جميعا علي فكرة للاسف باب التقديم اتقفل للطلبات ظابط حجز وبيع وحركة-مبيعات بس مش عارفة بقي هيطلبوا تاني ولا لاء بس الي اعرفة اني لما روحت قدمت في ابريل وكان تاني يوم من الاعلان كنت رقم 300 ياعني الواضح ان في كتييييييييير كووووووووت قدموا للوظيفة دي والله المستعان ولو في اخبار جديدة هبلغكوا بيها باذن اللهوالسلام خير ختام

[Noorhan]

هاى Lara مرسى على ردك الظريف و على العموم انا برضه فى الخدمة لو عايزة اى حاجة انتى تامرى وياريت لو عرفتى بعد كدة انه فى تقديم ابقى افتكرينى

[LARA]

اكييييييييييييييد يا ناني هفتكرك متخفيش يا قمر احنا دايما في الخدمة

[RoMioX]

ما شاء الله لا قوة إلا بالله
ربنا يبارك فيكوا يا رب .. الحمد لله معرفة خير ان شاء الله
بس على فكرة كلام فى سركم باب التقديم متقفلش قوى
انا امبارح كنت قاعد مع حد من إدارة التوظيف (الغير رسمي) و قالى ان المتاح دلوقتى الواسطة يعنى 10.000 ج.م يعنى تخفيض 50% عن أى وقت تانى
ربنا يهدي يا رب و مسير الوضع يتغير بإذن الله .. و من ناحيتي لو عرفت أى أخبار جديدة هبلغكم .. و هو فيه أخبار أنهم هيفتحوا باب التقديم تانى بس أظن هتكون آخر مرة ده لو حصلت.

طلب صغير:
لو حد فيكوا لقي أنهم وظفوا ناس مالهمش خبره (مع ان الخبرة أحق) .. و اللغة ضعيفة أو مش موجودة أصلاً (مع ان اللغة شرط) .. أو أى حاجه تانى من الحاجات اللى كلنا عارفينها .. فأنا ليا طلب أولا نقول الحمد لله على ما رزق و أكيد ربنا كاتبلنا حاجه أحسن عشان نكون من " الذين يشكرون الله فى السراء و الضراء" و نهتم بشغلنا و منيأسش و نؤمن إن " ما عند الله لا ينال إلا بطاعته" و بما اننا الحمد لله راعينا ربنا فأكيد ربنا مش هينسانا .. و للعلم مش كل مصر للطيران بواسطة و ناس كتير فى الشركة بتراعي ربنا فى شغلها .. و ان شاءالله ربنا يقسملنا نكون تبعهم و نبعد عن الجانب الآخر.
أنا هدعيلكم كلكم ان شاءالله ربنا يكرمكوا بالشغل و يا ريت متنسونيش أنا كمان من دعائكم .. و كلامى موجه لأخواتى الشباب و الآنسات.
و السلام فعلاً خير ختام.

[Noorhan]

اقتباس:     المشاركة الأصلية كتبت بواسطة LARA  

اكييييييييييييييد يا ناني هفتكرك متخفيش يا قمر احنا دايما في الخدمة

ربنا يخليكى يا جميل و يارب يكرم كل الاخوة فى المنتدى و انا فعلا اتشرفت بيكوا
اللهم ارزقنا حميعا من الخير ودلنا على الصواب

[Noorhan]

[quote=RoMioX;267114]ما شاء الله لا قوة إلا بالله
ربنا يبارك فيكوا يا رب .. الحمد لله معرفة خير ان شاء الله
بس على فكرة كلام فى سركم باب التقديم متقفلش قوى
انا امبارح كنت قاعد مع حد من إدارة التوظيف (الغير رسمي) و قالى ان المتاح دلوقتى الواسطة يعنى 10.000 ج.م يعنى تخفيض 50% عن أى وقت تانى
ربنا يهدي يا رب و مسير الوضع يتغير بإذن الله .. و من ناحيتي لو عرفت أى أخبار جديدة هبلغكم .. و هو فيه أخبار أنهم هيفتحوا باب التقديم تانى بس أظن هتكون آخر مرة ده لو حصلت.

على العموم يا RoMioX احنا واسطتنا ربنا و يا رب فعلا الوضع يتغير علشان نكون احسن وانا مؤمنة ان ربنا ما بيعملش حاجة وحشة فى عبده المؤمن و لو لينا نصيب فيها هناخدها
اللهم اغفر لنا جميعا

[RoMioX]

آمين آمين آمين

[sameh_78]

شكرا الله يعطيك العافيه